Tag: ڈرگ ریگولیٹری اتھارٹی

اسلام آباد : ڈرگ ریگولیٹری اتھارٹی نے میزپان سسپنشن کا استعمال ممنوعہ قرار دیتے ہوئے سپلائی اور فروخت پر پابندی عائد کردی ہے۔

تفصیلات کے مطابق بلوچستان میں جعلی اینٹی بائیوٹک انجکشن کی سپلائی کا انکشاف سامنے آنے کے بعد ڈریپ نے جعلی مرزپان سسپنشن کا پراڈکٹ ریکال الرٹ جاری کر دیا۔

ڈریپ نے الرٹ میں قرار دیا ہے کہ ڈرگ ٹیسٹنگ لیب کوئٹہ نے میرزپان کا بیچ 007 جعلی قرار دیا ہے۔

ڈرگ ریگولیٹری اتھارٹی نے میزپان سسپنشن کا استعمال ممنوعہ قرار دے دیا اور میرزپان سسپنشن 100 ایم جی کی سپلائی اور فروخت پر پابندی عائد کردی ہے۔

ڈریپ کا کہنا تھا کہ دوا کا سیمپل کوالٹی ٹیسٹ معیار پر پورا نہیں اترا، سیمپل میں سیفگزائم سالٹ کی تصدیق نہیں ہوئی۔

دوا کے 100 ایم جی کے پیک پر فرضی تفصیلات درج ہیں اور 5 ایم ایل کے پیک پر میراز فارما قصور کا پتہ درج ہے جبکہ سیمپل کے پیک پر جعلی رجسٹریشن نمبر درج تھا۔

الرٹ میں کہا گیا کہ جعلی اینٹی بائیوٹک کا استعمال مریض کیلئے خطرناک ہو سکتا ہے، فیلڈ فورس مارکیٹ سے جعلی میرزپان سسپنشن کا بیچ ضبط کرے۔

ڈریپ نے ہدایت کی کہ فیلڈ فورس، صوبائی ڈرگ کنٹرول اتھارٹی مارکیٹ سرویلنس بڑھائیں اور بلوچستان حکومت جعلی دوا کے سپلائرز کی نشاندہی کرے۔

الرٹ میں کہا کہ ڈسٹری بیوٹرز اسٹاک میں جعلی دوا کی جانچ کریں، کے متاثرہ بیچ کی ڈریپ کو اطلاع دی جائے، ڈاکٹرز، مریض جعلی سسپنشن کا استعمال نہ کریں۔

اسلام آباد : ڈریپ نے فیمیلا انجکشن کی فروخت اور استعمال پر پابندی عائد کردی، یہ غیر معیاری انجکشن کراچی میں فروخت ہو رہا تھا۔

تفصیلات کے مطابق معروف برانڈ کے امراض نسواں کا انجکشن غیر معیاری نکلا ، سنٹرل ڈرگ ٹیسٹنگ لیب نے فیمیلا انجکشن کا بیچ غیر معیاری قرار دے دیا۔

ڈرگ ریگولیٹری اتھارٹی سے فیمیلا انجکشن کا پراڈکٹ ریکال الرٹ جاری کردیا گیا، جس میں انجکشن کی فروخت اور استعمال پر پابندی عائد کردی گئی ہے۔

ڈریپ کا کہنا ہے کہ مانع حمل کا انجکشن ضافا فارماسوٹیکل کراچی کا تیار کردہ ہے، مانع حمل کا غیر معیاری انجکشن کراچی میں فروخت ہو رہا تھا۔

الرٹ میں کہا گیا کہ غیر معیاری انجکشن کا استعمال مضر صحت ہو سکتا ہے، غیر معیاری انجکشن خون میں انفیکشن کا باعث بن سکتا ہے۔

جعلی دوائیں اور پاکستان

ڈریپ نے نیشنل ریگولیٹری فیلڈ فورس کو مارکیٹ سرویلنس بڑھانے کی ہدایت کرتے ہوئے کہا ہے کہ ریگولیٹری فورس مارکیٹ سے انجکشن کا متاثرہ بیچ ضبط کرے۔

الرٹ میں ہدایت کی گئی ہے کہ فارما کمپنی انجکشن کا متاثرہ بیچ مارکیٹ سپلائی نہ کرے اور متاثرہ بیچ مارکیٹ سے واپس منگوائے۔

ڈریپ کا کہنا تھا کہ فارمیسیز فیمیلا انجکشن کے متاثرہ بیچ کی سیل فوری ترک کریں،ڈاکٹرز اور مریض اس انجکشن کا متاثرہ بیچ استعمال نہ کریں۔