لاہور: ادویات کی قیمتوں میں اضافہ کا نوٹیفکیشن جاری کردیا گیا ، 50ادویات کی قیمتوں میں 15 سے 150فیصد تک اضافے کیا گیا ہے ، حکومت 3سال میں 12 مرتبہ ادویات کی قیمتوں میں اضافہ کرچکی ہے۔
تفصیلات کے مطابق ڈرگ ریگولیٹری اتھارٹی نے ادویات کی قیمتوں میں اضافے کانوٹیفکیشن جاری کردیا ، جس کے تحت حکومت نے 50ادویات کی قیمتوں میں 15 سے 150فیصد تک کا اضافہ کیا جبکہ کچھ ادویات بھی رجسٹرڈکی گئی جوبھارت،بنگلادیش،ترکی کی نسبت3گنا مہنگی ہیں۔
وفاقی کابینہ نے ادویات کی قیمتوں میں اضافے کی منظوری دی تھی۔
خیال رہے حکومت نے3سال میں 12 مرتبہ ادویات کی قیمتوں میں اضافہ کیا ، ادویات کی قیمتوں اضافہ جولائی میں ہواتھا،5اگست کونوٹیفکیشن جاری ہوا تاہم ادویات قیمتوں میں اضافے کا نوٹیفکیشن ڈریب کی ویب سائٹ پرموجود نہیں تھا۔
یاد رہے گذشتہ سال اکتوبر میں ڈرگ ریگولیٹری اتھارٹی آف پاکستان نے 94 جان بچانے والی ادویات کی قیمتوں میں اضافہ کیا تھا، جن ادویات کی قیمتوں میں اضافہ کیا ہے، ان میں ہائی بلڈ پریشر، کینسر، امراض قلب کی ادویات و اینٹی ریبیز ویکسین شامل تھیں۔
وزیراعظم کے معاون خصوصی صحت ڈاکٹرفیصل سلطان نے 94 ادویات کی قیمتوں میں اضافے کو ناگزیر قرار دیتے ہوئے کہا تھا حکومت قیمتیں بڑھانے کے معاملے پر دباؤ میں نہیں آئی، اہم ادویات کی قیمتیں اتنی بڑھائی ہیں کہ لوگوں تک پہنچ سکیں۔
