ARYNews.tv | Urdu – Har Lamha Bakhabar

Tag: ڈریپ

  • شہری بخار، جسم درد اور گلے کے انفیکشن کی یہ دوائیں ہرگز نہ خریدیں! الرٹ جاری

    شہری بخار، جسم درد اور گلے کے انفیکشن کی یہ دوائیں ہرگز نہ خریدیں! الرٹ جاری

    اسلام آباد : ڈریپ نے فروخت کی جانے والی جعلی ادویات کی تصاویر جاری کر دیں، بخار، جسم درد، سوزش،معدہ، سینہ، گلے،فنگل انفیکشن کی جعلی دوائیں فروخت کی جارہی تھیں۔

    تفصیلات کے مطابق پنجاب اور گلگت بلتستان میں جعلی ادویات کی فروخت کا انکشاف سامنے آیا ، جس کے بعد ڈرگ ریگولیٹری اتھارٹی آف پاکستان (ڈریپ) نے متعدد معروف برانڈز کی جعلی ادویات کی تصاویر جاری کر دی ہیں۔

    ڈریپ نے بتایا کہ بخار، جسمانی درد، سوزش، معدے، سینے، گلے اور فنگل انفیکشن سمیت مختلف امراض کی جعلی گولیاں اور کیپسول مارکیٹ میں فروخت ہو رہے ہیں۔ اسی طرح امراضِ نسواں اور نیوروپیتھی کے لیے بھی جعلی ادویات دستیاب ہیں، جو عالمی و مقامی فارما کمپنیوں کے برانڈز کے نام پر تیار کی گئی ہیں۔

    ڈریپ کا کہنا تھا کہ پنجاب اور گلگت بلتستان کی ڈرگ ٹیسٹنگ لیبارٹریز نے ان ادویات کے سیمپلز کو جعلی قرار دے دیا ہے، جس پر متعلقہ حکومتوں کی درخواست پر فوری ریپڈ الرٹ جاری کیا گیا۔

    جعلی قرار دی گئی ادویات کی تفصیلات

    دردکش بریکسن ٹیبلٹ (Batch No. 1192087)

    گلے کے انفیکشن کی زیٹرو 500mg ٹیبلٹ (Batch No. F18031)

    چیسٹ انفیکشن کی آگمنٹین 625mg ٹیبلٹ (Batch No. 7F4W)

    درد کش ٹونوفلیکس P ٹیبلٹ (Batch No. KFM145)

    امراضِ نسواں کی فیسٹون 10mg ٹیبلٹ (Batch No. 41160)

    نیوروپیتھی کے لیے گیبیکا 300mg کیپسول (Batch No. 403C27)

    گلے کے انفیکشن کے لیے امکوموکس کیپسول (Batch No. 08)

    بخار و جسمانی درد کی اومنی ڈول این یوک ٹیبلٹ (Batch No. 1220)

    ڈریپ نے شہریوں کو خبردار کیا ہے کہ مارکیٹ میں دستیاب مشکوک ادویات کی فوری اطلاع متعلقہ اداروں کو دیں تاکہ عوام کو نقصان سے بچایا جا سکے۔

    ARY News Urdu- صحت سے متعلق خبریں اور معلومات

  • ادویات کتنی قیمت میں فروخت ہو رہی ہیں؟ جاننے کے لیے حکومت نے اہم قدم اٹھا لیا

    ادویات کتنی قیمت میں فروخت ہو رہی ہیں؟ جاننے کے لیے حکومت نے اہم قدم اٹھا لیا

    اسلام آباد: حکومت نے اوپن مارکیٹ سے ادویات کی قیمتیں چیک کرنے کا فیصلہ کیا ہے، جس کے لیے مارکیٹ سروے کیا جائے گا۔

    ڈریپ ذرائع کے مطابق میڈیسن پرائس چیک سروے 10 اگست سے شروع ہونے اور رپورٹ 20 ستمبر تک آنے کا امکان ہے، اس سروے میں نان ای ایم ایل لسٹ کی ٹاپ 100 ادویات کی قیمتیں معلوم کی جائیں گی۔

    ذرائع کا کہنا ہے کہ سروے میں میڈیسن پرائسز کی ڈی ریگولیشن کا آزادانہ جائزہ لیا جائے گا، ڈی ریگولیشن کے بعد ادویات کی قیمتوں میں اضافہ چیک ہوگا، اور موجودہ قیمتوں کا سابقہ سے تقابل کیا جائے گا، سروے کے دوران ادویات کی فروخت و دستیابی کی شرح جانچی جائے گی۔

    ذرائع کے مطابق مارکیٹ سروے کے لیے فنڈنگ ڈرگ ریگولیٹری اتھارٹی فراہم کرے گی، جب کہ پوسٹ ڈی ریگولیشن میڈیسن پرائس چیک سروے نجی فرم کرے گی، سروے کے لیے 2 نجی فرمز نے ٹینڈر جمع کرائے ہیں، میڈیسن پرائس سروے کی ٹیکنیکل بڈ اوپن کر دی گئی ہے جب کہ فنانشل بڈ کی اوپننگ باقی ہے۔

    ویڈیو رپورٹ: پاکستان میں کچھ امراض سے اموات میں اضافہ ہو جائے گا، بین الاقوامی جریدے کا انکشاف

    میڈیسن پرائس سروے صوبائی دارالخلافوں، دو چھوٹے شہروں میں ہوگا، اور چھوٹے شہروں کا انتخاب نجی فرم کرے گی، اس دوران شہری اور دیہی علاقوں کی فارمیسز، اسپتالوں، ڈسٹری بیوٹرز سے ڈیٹا لیا جائے گا۔

    ذرائع کا کہنا ہے کہ ڈبلیو ایچ او میڈیسن پرائس سروے کے لیے تکنیکی معاونت فراہم کرے گا، اور سروے ورلڈ ہیلتھ آرگنائزیشن کے وضح کردہ طریقہ کار کے تحت ہوگا، عالمی ادارہ صحت اور ڈریپ میڈیسن پرائس سروے رپورٹ کا جائزہ لیں گے۔ ذرائع کے مطابق وزیر اعظم نے پوسٹ ڈی ریگولیشن میڈیسن پرائس سروے کی ہدایت کی ہے، نگران حکومت نے فروری 2024 میں ادویات کی قیمتیں ڈی ریگولیٹ کی تھیں تاہم بتایا جا رہا ہے کہ نگران حکومت نے غیر ضروری ادویات کی قیمتیں ڈی ریگولیٹ کی تھیں۔

  • خبردار! یہ دوائیں جعلی ہیں، ہرگز نہ خریدیں

    خبردار! یہ دوائیں جعلی ہیں، ہرگز نہ خریدیں

    اسلام آباد: ڈریپ نے 7 غیر معیاری ادویات کا میڈیکل پروڈکٹ الرٹ جاری کر دیا ہے۔

    تفصیلات کے مطابق پنجاب ڈرگ کنٹرول ڈائریکٹوریٹ نے غیر معیاری ادویات کے خلاف کریک ڈاؤن کی اہے، اور 7 ادویات غیر معیاری قرار دے دی ہیں، جن میں سٹیرائل واٹر، سوزش، درد کش کریم، گولی، اور سرجیکل گلوز شامل ہیں۔

    ڈریپ الرٹ کے مطابق غیر معیاری ادویات چین، کراچی، لاہور، گوجرانوالہ کی کمپنیوں کی تیار کردہ ہیں، یہ ادویات ڈرگ لیبارٹری میں ٹیسٹنگ کے معیار پر پورا نہیں اتریں۔

    الرٹ میں بتایا گیا ہے کہ انجکشن سٹیرائل واٹر پانچ ملی لیٹر کا بیچ 25F01 غیر معیاری ہے، سٹیرائل واٹر انجکشن کے سیمپل میں غیر متعلقہ ذرات پائے گئے، اینٹی الرجک ٹیبلٹ کیٹفن 10 ایم جی بیچ CT67 غیر معیاری ہے، سوزش و دردکش کینابیکس کریم کا بیچ KNX270 غیر معیاری ہے۔

    آنکھوں کی صحت و خوبصورتی کیلیے کون سی کریم استعمال کرنی چاہیے؟

    ڈریپ الرٹ کے مطابق کینابیکس کریم لیبارٹری ٹیسٹ کے دوران غیر معیاری پائی گئی، سرجیٹیکس لیٹکس سرجیکل گلوز کا بیچ 20241001 غیر معیاری ہے، میڈیسٹل انجکشن سٹیرائل واٹر کا بیچ 25L608 غیر معیاری ہے، سوزش، دردکش کیناڈیکس این کریم کا بیچ F727 غیر معیاری ہے۔

    الرٹ میں کہا گیا ہے کہ اینٹی الرجک ٹیبلٹ بائیٹیک 10 ایم جی کا بیچ E090 غیر معیاری ہے، ڈریپ نے ہدایت کی ہے کہ غیر معیاری ادویات بچوں، بزرگ مریضوں کے لیے انتہائی خطرناک ہیں، اس لیے پنجاب کی مارکیٹوں سے غیر معیاری ادویات کے بیچ ضبط کیے جائیں۔

  • عوام ہوشیار ! یہ انجکشن ہرگز نہ خریدیں!

    عوام ہوشیار ! یہ انجکشن ہرگز نہ خریدیں!

    اسلام آباد : ڈرگ ریگولیٹری اتھارٹی نے امراض خون کے علاج کے لیے استعمال ہونے والے انجکشن کیلئے الرٹ جاری کردیا۔

    تفصیلات کے مطابق ڈرگ ریگولیٹری اتھارٹی نے جعلی امپورٹڈ دوا کی فروخت پر ایکشن لیتے ہوئے امراض خون کے جعلی انجکشن کی سیل و استعمال پر پابندی لگا دی۔

    ڈرگ ریگولیٹری اتھارٹی نے روہپیلک انجکشن کا ریپڈ الرٹ جاری کر دیا، جس میں کہا ہے کہ روہپیلک ہیومن اینٹی ڈی ایمیونوگلوبولن کی دوا ہے، انجکشن سوئس کمپنی سی ایس ایل بیہرنگ کا تیارکردہ ہے۔

    ڈرگ کنٹرول ڈیپارٹمنٹ پنجاب نے جعلی روہپیلک انجکشن کی اطلاع دی ہے، ملک بھر کی میڈیسن مارکیٹ میں جعلی انجکشن دستیاب ہے،انجکشن کا بیچ 100669751 P جعلی ہے۔

    ڈریپ کا کہنا تھا کہ انجکشن سیمپل کے لیبل پر جعلی تفصیلات درج ہیں، جعلی انجکشن لیبل پر سی ایس ایل سوئٹزرلینڈ کا پتہ درج ہے،سٹیریلیٹی ٹیسٹ میں روہپیلک انجکشن غیر معیاری قرار پایا ہے۔

    اینٹی ڈی ایمیونوگلوبولن کمرشل بائیولوجیکل اینٹی باڈی ہے،اینٹی ڈی ایمیونوگلوبولن انسانی خون کے پلازمہ سے لیا جاتا ہے، اینٹی ڈی ایمیونوگلوبولن مریض کے سرخ خلیات ٹارگٹ کرتا ہے۔

    روہپیلک ایمیون تھرمو سائیٹوفینک پرپرا نامی مرض کی دوا ہے، جعلی انجکشن کا استعمال انتہائی مضر صحت ہو سکتا ہے،جعلی ادویات کا معیار اور افادیت غیر واضح ہوتی ہے

    جعلی دوائیں اور پاکستان

    ڈریپ نے نیشنل ریگولیٹری فیلڈ فورس کو مارکیٹ سرویلنس بڑھانے کی ہدایت کرتے ہوئے کہا کہ ریگولیٹری فورس مارکیٹ سے روہپیلک انجکشن کا جعلی بیچ ضبط کرے اور فارمیسیز روہپیلک انجکشن کے جعلی بیچ کی سیل فوری ترک کریں ساتھ ہی ڈاکٹرز اور مریض روہپیلک انجکشن کا متاثرہ بیچ استعمال نہ کریں۔

  • ڈریپ کا جعلی، غیرمعیاری اور غیررجسٹرڈ ادویات کےخلاف کریک ڈاؤن

    ڈریپ کا جعلی، غیرمعیاری اور غیررجسٹرڈ ادویات کےخلاف کریک ڈاؤن

    اسلام آباد: ڈریپ کی جانب سے جعلی، غیرمعیاری اور غیررجسٹرڈ ادویات کےخلاف کریک ڈاؤن کیا گیا، کمپنی سیل کرتے ہوئے ایک ملزم کو گرفتار کرلیا گیا۔

    اے آر وائی نیوز کے مطابق لاہور میں نجی اسپتال سے غیررجسٹرڈ لیپیوڈول الٹرالیکوئڈ کی فروخت میں ملوث ملزم کو گرفتار کرلیا گیا ہے، سی او ڈریپ نے بتایا کہ ڈسٹری بیوٹرز کے خلاف چھاپہ مارا گیا، غیرقانونی اشیا برآمد کرتے ہوئے کمپنی کو سیل دیا گیا۔

    سی او ڈریپ نے بتایا کہ لاہور میں غیرقانونی انجکشن فروخت کرنے والوں کو گرفتار کیا گیا، بغیر لائسنس کہوٹہ روڈ پر پلاسٹک یورین کلیکشن کنٹینرز تیارکرنے والی فیکٹری پکڑی گئی۔

    ڈریپ حکام نے بتایا کہ فیکٹری سے غیرقانونی اشیا ضبط کرکے سیل کردیا گیا، مارکیٹ میں جعلی پروپیلین گلائکول کی موجودگی پر فوری الرٹ جاری کردیا گیا ہے۔

    سی او ڈریپ نے کہا کہ متعلقہ اداروں کو خام مال کی سخت جانچ پڑتال کی ہدایت کردی ہے، غیرقانونی طبی آلات کی تیاری، ذخیرہ میں ملوث فارماسیوٹیکل کمپنی سیل کردی گئی، صوبائی محکمہ صحت حکام کےساتھ مل کر کامیاب کارروائیاں کی گئیں۔

  • یوروگرافن انجکشن غیر قانونی طور پر فروخت کرنے والے افراد گرفتار

    یوروگرافن انجکشن غیر قانونی طور پر فروخت کرنے والے افراد گرفتار

    اسلام آباد: ڈرگ ریگولیٹری اتھارٹی آف پاکستان (ڈریپ) کے ترجمان نے کہا ہے کہ جعلی، غیر معیاری اور غیر رجسٹرڈ ادویات کے خلاف کریک ڈاؤن کا آغاز کر دیا گیا ہے، جعلی ادویات کے خاتمے سے محفوظ اور مؤثر ادویات کی فراہمی کو یقینی بنا رہے ہیں ۔

    ڈریپ کے مطابق صوبائی صحت حکام کے ساتھ مل کر ڈریپ نے کامیاب کارروائیاں کیں، اس حوالے سے سی ای او ڈریپ نے کہا کہ بھاری مقدار میں غیر قانونی ادویات کو قبضے میں لے کر قانونی کارروائی کا آغاز کر دیا گیا ہے، لاہور میں غیر قانونی طور پر یوروگرافن انجکشن فروخت کرنے والے افراد کو گرفتار کیا گیا ہے۔

    ڈریپ کے مطابق بغیر لائسنس زائد قیمتوں پر فروخت جیسے الزامات کے تحت تحقیقات جاری ہیں، لاہور میں ڈریپ کی ٹیم نے نجی اسپتال کے قریب ایک شخص کو گرفتار کیا جو غیر رجسٹرڈ لیپیوڈول الٹرا لیکوئڈ کی فروخت میں ملوث تھا، بعد ازاں میسرز الوالی تقسیم کاروں پر چھاپا مارا گیا جہاں سے غیر قانونی اشیا برآمد کی گئیں، اس ڈسٹری بیوٹرز کمپنی کو سیل کر دیا گیا ہے اور اس کے خلاف تحقیقات شروع کر دی گئی ہیں۔

    خبردار، پنجاب کی مارکیٹ میں جانوروں اور امراض چشم کی جعلی ادویات پکڑی گئی ہیں

    کہوٹہ روڈ، انڈسٹریل ٹرائینگل میں ایک فیکٹری پر اچانک چھاپا مارا گیا، جہاں پلاسٹک یورین کلیکشن کنٹینرز بغیر لازمی اسٹیبلشمنٹ لائسنس کے تیار کیے جا رہے تھے، جو میڈیکل ڈیوائسز رولز 2017 اور ڈریپ ایکٹ 2012 کی سنگین خلاف ورزی ہے، تمام غیر قانونی اشیا ضبط کر لی گئیں اور فیکٹری کو سیل کر دیا گیا۔

    اسلام آباد ایمبرو فارماسیوٹیکلز، جہاں غیر قانونی طور پر طبی آلات تیار اور ذخیرہ کیے جا رہے تھے، جس کا ڈرگ مینوفیکچرنگ لائسنس ڈریپ پہلے ہی منسوخ کر چکا ہے، کے خلاف بھی سخت قانونی کارروائی شروع کی گئی ہے اور فیکٹری کو سیل کر دیا گیا ہے۔

    ڈریپ نے مارکیٹ میں جعلی پروپیلین گلائکول کی موجودگی پر فوری الرٹ جاری کیا، ڈرگ ٹیسٹنگ لیب کی رپورٹ کے مطابق بیچ YF01210911 میں خطرناک حد تک زہریلا ایتھیلین گلائکول (EG) پایا گیا۔

    ڈریپ نے تمام متعلقہ اداروں کو خام مال کی سخت جانچ پڑتال کی ہدایت کر دی ہے، اور عوام سے اپیل کی گئی ہے کہ وہ کسی بھی مشکوک دوا یا طبی آلات کی فروخت کی اطلاع ڈریپ حکام کو دیں۔

  • خبردار، پنجاب کی مارکیٹ میں جانوروں اور امراض چشم کی جعلی ادویات پکڑی گئی ہیں

    خبردار، پنجاب کی مارکیٹ میں جانوروں اور امراض چشم کی جعلی ادویات پکڑی گئی ہیں

    اسلام آباد: ڈرگ کنٹرول ڈائریکٹوریٹ پنجاب نے جعلی ادویات کے خلاف ایکشن لیتے ہوئے ویٹرنری اور امراض چشم کی جعلی ادویات پکڑ لی ہیں۔

    تفصیلات کے مطابق ڈرگ کنٹرول ڈائریکٹوریٹ پنجاب کی درخواست پر ڈریپ نے ریپڈ الرٹس جاری کیے ہیں، جن میں خبردار کیا گیا ہے کہ ادویات کے 2 بیچ جعلی نکل آئے ہیں، جن میں سے ایک آنکھوں کے قطرے ہیں اور دوسری جانوروں کو لگائے جانے والا انجیکشن ہے۔

    الرٹ کے مطابق پنجاب کی مارکیٹ میں ’کلوزن‘ آئی ڈراپس کا بیچ جعلی ثابت ہوا ہے، یہ امراض چشم کی جعلی اینٹی بائیوٹک دوا ہے، اس کا 5 ایم ایل کا بیچ 138 جعلی ہے، جعلی آئی ڈراپس کے پیکٹ پر زنتا فارما حیات آباد پشاور کا پتہ درج ہے، لیبارٹری نے اس کے سیمپل میں سالٹ کی تصدیق نہیں کی۔

    الرٹ کے مطابق پنجاب کی مارکیٹوں سے جانوروں کے معروف برانڈ کی جعلی دوا بھی پکڑی گئی ہے، پینیویٹ 5 انجکشن اینٹی بائیوٹک اور اینٹی مائیکروبیل دوا ہے، ڈریپ کا کہنا ہے کہ پینیویٹ انجکشن سٹیریلیٹی ٹیسٹ میں جعلی اور غیر معیاری قرار پایا ہے، یہ پینسیلین سٹریپٹومائیسین سے تیار کردہ ہے، اور اس کا بیچ وی کے 1496 جعلی ہے، اسے 5 اسٹار لیبارٹریز کے برانڈ پر جعلی تیار کیا گیا ہے۔

    حکومت کا فارمیسی کے نئے ادارے کھولنے پر پابندی لگانے کا فیصلہ

    ڈریپ کے مطابق پینیویٹ انجکشن گائے، بھینس، اونٹ، گھوڑوں کو لگایا جاتا ہے، تاہم جعلی ادویات انسانوں اور جانوروں کی صحت کے لیے نقصان دہ ہے، جعلی پینیویٹ انجکشن جانور میں اینٹی مائیکروبیل ریزسٹنس پیدا کرتا ہے، جعلی ادویات کا معیار اور افادیت غیر واضح ہوتی ہے، ان کا استعمال جان لیوا اور علاج متاثر کر سکتا ہے۔

  • چہرہ چمکدار بنانے اور جھریاں مٹانے کے لئے یہ دوا بالکل استعمال نہ کریں!

    چہرہ چمکدار بنانے اور جھریاں مٹانے کے لئے یہ دوا بالکل استعمال نہ کریں!

    چہرہ چمکدار بنانے اور جھریاں مٹانے کے خواہشمند افراد خبردار اور ہوشیار ہوجائیں کیوں کہ چہرہ چمکدار بنانے، جھریاں مٹانے والے جعلی انجکشن کی مارکیٹ میں بھرمار ہے۔

    ڈرگ ریگولیٹری اتھارٹی آف پاکستان (ڈریپ) کے مطابق جعلی انجکشن کی اطلاع ملٹی نیشنل فارما کمپنی روشے پاکستان نے دی ہے، روشے پاکستان نے کوربائن پلاٹینیم انجکشن کو جعلی قرار دیا ہے۔

    خیال رہے کہ لاروس کوربائن پلاٹینیم انجکشن چہرہ چمکدار بنانے کیلئے استعمال ہوتا ہے، ڈریپ نے جعلی لاروس کوربائن پلاٹینیم انجکشن کی تصاویر جاری کر دیں۔

    ڈریپ نے خبردار کیا ہے کہ جعلی لاروس کوربائن پلاٹینیم انجکشن ملک بھر میں سپلائی ہوا ہے، کوربائن پلاٹینیم انجکشن روشے جرمنی کا پراڈکٹ ہے، روشے نے 2005 میں کوربائن پلاٹینیم انجکشن کی تیاری روک دی تھی ساتھ ہی انجکشن پراڈکٹ بائیر اے جی کو سیل کر دیا تھا۔

    ڈریپ کا کہنا ہے کہ جعلی لاروس کوربائن انجکشن کا استعمال جان لیوا ہو سکتا ہے اس کے استعمال سے آپ کی جلد کو نقصان بھی ہوسکتا ہے، اس لیے ڈاکٹرز بھی مریض کو جعلی لاروس کوربائن پلاٹینیم انجکشن استعمال نہ کرائیں۔

    ڈریپ نے ملک بھر سے لاروس کوربائن پلاٹینیم انجکشن ضبط کرنے کی ہدایت بھی جاری کی ہے، ڈریپ کا کہنا ہے کہ فیلڈ فورس مارکیٹ سے جعلی لاروس کوربائن پلاٹینیم انجکشن ضبط کرے اور صوبائی حکومتیں جعلی انجکشن کی سپلائی چین کی تحقیقات کریں۔

  • بیرون ملک سے اسمگل امراض چشم کا یہ انجیکشن محفوظ نہیں، استعمال سے گریز کریں

    بیرون ملک سے اسمگل امراض چشم کا یہ انجیکشن محفوظ نہیں، استعمال سے گریز کریں

    اسلام آباد: امراض چشم کی معروف برانڈ کی امپورٹڈ دوا کی اسمگلنگ کا انکشاف ہوا ہے، لوسنٹس (Lucentis) انجکشن کی کھیپ بیرون ملک سے پاکستان اسمگل کی گئی ہے۔

    ڈریپ الرٹ کے مطابق امراض چشم کا لوسنٹس انجکشن ڈریپ کے پاس رجسٹرڈ نہیں ہے لیکن یہ مختلف شہروں میں کھلے عام فروخت ہو رہا ہے، یہ نووارٹس سوئٹزرلینڈ کا تیار کردہ ہے، تاہم ملٹی نیشنل دوا ساز کمپنی نووارٹس پاکستان نے ڈرگ ریگولیٹری اتھارٹی سے رابطہ کر کے غیر قانونی دوا کی نشان دہی کی۔

    نووارٹس پاکستان نے مارکیٹ میں دستیاب لوسنٹس انجکشن سے اظہار لاتعلقی کیا ہے، اور کہا کہ اس نے یہ انجکشن مارکیٹ میں سپلائی نہیں کیا، نووارٹس پاکستان کی درخواست پر ڈریپ نے پراڈکٹ الرٹ جاری کر کے لوسنٹس انجکشن کو غیر قانونی قرار دے دیا ہے، اور انجکشن کی فروخت اور استعمال ممنوعہ قرار دے دی ہے۔

    لوسنٹس انجیکشن کس بیماری کے لیے ہے؟

    یہ انجکشن ڈھلتی عمر میں لاحق ہونے والے امراض چشم کی دوا ہے، اور نیو ویسکیولر، میکیولر ڈی جنریشن کا علاج ہے، میکیولر ڈی جنریشن انسانی بصارت دھندلانے، زائل ہونے کا مرض ہے، جب کہ نیو ویسکیولر انسانی آنکھ میں خون کی اضافی شریانیں بننے کی بیماری ہے۔

    لوسنٹس سولوشن ریٹینل وین اوکلوژن کے لیے استعمال کیا جاتا ہے، ریٹینل وین اوکلوژن آنکھ کی شریانوں میں بلاکج کی بیماری ہے، اس لیے اس انجکشن کو آنکھ کی شریانوں کی بندش کھولنے کے لیے استعمال کیا جاتا ہے، اور یہ سرنج سے انسانی آنکھ میں لگایا جاتا ہے۔

    ڈریپ نے کہا ہے کہ ملک بھر میں دستیاب لوسنٹس سولوشن رجسٹرڈ دوا نہیں ہے، اس کے پیکٹ پر نووارٹس سوئٹزرلینڈ کا پتہ درج ہے، اس کا بیچ نمبر ایس کے وی جے 1 غیر قانونی ہے، غیر قانونی دوا آلودہ، غلط فارمولے کے تحت تیار شدہ ہو سکتی ہے، اور اس کا معیار اور افادیت غیر واضح ہے۔

    ڈریپ نے خبردار کیا ہے کہ لوسنٹس انجکشن سے بصارت زائل ہو سکتی ہے، یا آنکھ کی پتلی کی علیحدگی، اور انفیکشن بھی ہو سکتا ہے، صوبائی حکومتیں لوسنٹس سولوشن کی سپلائی چین کی تحقیقات کریں، اور مارکیٹ میں غیر قانونی ادویات سپلائی کرنے والوں کی نشان دہی کی جائے۔

    ڈریپ نے ملک بھر سے لوسنٹس سولوشن ضبط کرنے کی ہدایت جاری کر دی ہے۔

  • آئرن کی کمی دور کرنے والی یہ ٹیبلٹ ہرگز نہ خریدیں!

    آئرن کی کمی دور کرنے والی یہ ٹیبلٹ ہرگز نہ خریدیں!

    اسلام آباد : آئرن کی کمی دور کرنے والی ٹیبلٹ کی فروخت اور استعمال ممنوعہ قرار دیتے ہوئے مارکیٹ سپلائی پر پابندی عائد کردی گئی۔

    تفصیلات کے مطابق بلوچستان سے معروف برانڈ کی غیر معیاری فولک ایسڈ گولیاں پکڑی گئیں ، جس کے بعد ڈریپ نے آئرن کمی کے علاج کی دوا کے دو بیچ غیر معیاری قرار دے دیئے۔

    ڈریپ نے غیر معیاری فولک ایسڈ ٹیبلٹ کا پراڈکٹ ریکال الرٹ جاری کر دیا ، جس میں بتایا ہے کہ ڈرگ ٹیسٹنگ لیب کوئٹہ نے دوا کے بیچز کو غیر معیاری قرار دیا ہے اور فولک ایسڈ ٹیبلٹ کے متاثرہ بیچز کی مارکیٹ سپلائی پر پابندی عائد کردی ہے۔

    الرٹ میں کہا گیا ہے کہ فولک ایسڈ ٹیبلٹ بیچ 490، 612 کی فروخت،استعمال ممنوعہ قرار دیا گیا، متاثرہ فولک ایسڈ ٹیبلٹ ضافا فارما کراچی کی تیارکردہ ہے، ڈریپ الرٹ

    ڈریپ کا کہنا تھا کہ ٹیبلٹ کا سیمپل کوالٹی ٹیسٹ کے معیار پر پورا نہیں اترا، لیبارٹری ٹیسٹ میں ٹیبلٹ سیمپل مقررہ سے کم وزن نکلا۔

    الرٹ میں کہا ہے کہ مقررہ سے کم سالٹ سے تیارکردہ دوا غیر موثر ہو سکتی ہے اور غیر معیاری دوا کی سیفٹی غیر واضح ،استعمال مضر صحت ہو سکتا ہے۔

    ڈریپ نے ضافا فارما کو ٹیبلٹ کے متاثرہ بیچز کی سپلائی روکنے کی ہدایات کرتے ہوئے کہا کہ کمپنی ٹیبلٹ کے متاثرہ بیچ مارکیٹ سے واپس منگوائے اور فیلڈ فورس، صوبائی ڈرگ کنٹرول اتھارٹی مارکیٹ سرویلنس بڑھائیں۔

    الرٹ میں کہنا تھا کہ غیر معیاری ٹیبلٹ کے متاثرہ بیچز ضبط کئے جائیں اور ڈسٹری بیوٹرز سٹاک میں ٹیبلٹ کے متاثرہ بیچز کی جانچ کریں ساتھ ہی ٹیبلٹ کے متاثرہ بیچ کی تصدیق پر ڈریپ کو اطلاع دی جائے۔

    کیمسٹ متاثرہ ٹیبلٹ بیچ کی سیل ترک، سٹاک واپس کرنے کی ہدایت کرتے ہوئے کہا ہے کہ متاثرہ ٹیبلٹ کے مضر اثرات ڈریپ کو رپورٹ کئے جائیں اور ڈاکٹرز، مریض ٹیبلٹ کا متاثرہ بیچ استعمال نہ کریں۔