اسلام آباد : ڈرگ ریگولیٹری اتھارٹی آف پاکستان (ڈریپ) نے 25 نئی ادویات کی قیمتیں مقرر کرنے کا نوٹی فکیشن جاری کر دیا، ادویات میں انجکشن،گولیاں، ان ہیلر، سیرپ شامل ہیں۔
تفصیلات کے مطابق حکومت نے پچیس نئی ادویات کی ذیادہ سے ذیادہ قیمت مقرر کردی ، جس کے بعد رگ ریگولیٹری اتھارٹی آف پاکستان (ڈریپ) نے 25 نئی ادویات کی قیمتیں مقرر کرنے کا نوٹفکیشن جاری کر دیا۔
ڈریپ ذرائع نے بتایا کہ 25 ادویات میں انجکشن،گولیاں، ان ہیلر، سیرپ شامل ہیں، نئے سالٹ،فارمولیشن،سٹرنتھ والی ادویات کی قیمتیں مقرر کی گئی ہیں۔
ذرائع کا کہنا تھا کہ پھیپڑے، چھاتی کے سرطان، اینٹی الرجک گولی، محلول کی قیمت اور اینٹی بائیوٹک محلول، ان ہیلر، درد کش گولی، انجکشن کی قیمت مقرر کی ہے۔
اس کے علاوہ زیابطیس گولی، سرطان خون، امراض جوڑ انجکشن ، ملیریا گولی، ہیپاٹائٹس بی انجکشن، پیٹ کیڑوں کے انجکشن ، بلڈپریشر گولی، خون کی شریانیں کھولنے والی گولی کی قیمت مقرر کی گئی ہے۔
