ڈسکہ : سگی خالہ کے ہاتھوں بہو کے لرزہ خیزقتل کی تحقیقات میں لرزہ خیز انکشاف ہوا کہ قاتل ساس صغریٰ نے زارا کو قتل کرنے کا طریقہ انڈین فلموں سے سیکھا۔

تفصیلات کے مطابق ڈسکہ میں سگی خالہ کے ہاتھوں بہو کے لرزہ خیزقتل کی تحقیقات جاری ہے، پولیس نے مختلف مقامات کی سی سی ٹی وی حاصل کرلی ہے۔

قتل کیس کی تحقیقات میں انکشاف ہوا کہ قاتل ساس بہو کو قتل کرنے طریقہ ، آلہ قتل کیا ہوگا، قتل کس وقت کیا جائے گا، اور لاش کیسے ٹھکانے لگائی جائے، یہ سب پلاننگ انڈین فلمیں دیکھ کر کی تھی۔

واردات کے وقت زارا کا دو سال کا بیٹا کمرےمیں ہی تھا، جب اس کی دادی اور پھوپی نے ماں کو قتل کرکے ٹکڑے کرے ، بچہ خونی واردات دیکھ کر روتا رہا، چپ نہ ہوا تو پھوپی اس کو باہر لے گئی۔

عبداللہ اور نوید نے لاش کے ٹکڑے دو بوریوں میں ڈال کرنہر میں پھینک دیئے اور قتل کے بعد گھر کا فرش دھویا گیا اور ثبوت مٹانے کی کوشش کی گئی۔

مزید پڑھیں : ’ساس نے زارا کو نماز پڑھتے ہوئے قتل کیا 

یاد رہے خالہ ساس نے حاملہ بہو کا بیٹی، نواسے اور رشتے دار کے ساتھ مل کر لرزہ خیز انداز میں قتل کرڈالا تھا ، بے دردی سےقتل کی وجہ ساس بہو کی رنجش بتائی جاتی ہے، جس کی آگ نند نے اتنی بھڑکائی کہ قتل کے وقت وہ یہ بھی بھول گئے کہ زارا سات ماہ کی حاملہ ہے۔

اس سے قبل ڈسکہ میں ساس اور نند کے ہاتھوں خاتون زارا کے بہیمانہ قتل کی واردات کی مزید تفصیلات سامنے آئیں تھیں ، تحقیقات میں ملزمہ ساس صغریٰ بی بی نے انکشاف کیا تھا کہ پہلے زارا کو گولی مار کر قتل کرنے کا پلان تھا لیکن آواز گونجنے کے ڈر سے پلان تبدیل کردیا۔

قاتل ساس کا کہنا تھا کہ زارا کو نماز پڑھتے ہوئے قتل کیا گیا جب وہ سجدے میں تھی، ساس نے نند کے ساتھ مل کر اسے دبوچا اور بیٹے عبداللہ نے ہاتھ پاؤں پکڑے پھر منہ پر تکیہ رکھ کر دم گھوٹ کر مار ڈالا۔

ڈسکہ : ڈی پی او سیالکوٹ عمر فاروق نے ڈسکہ میں بہو کے سفاکانہ قتل کے حوالے سے اہم انکشافات کئے ، جس میں بتایا کہ زارا کو کیسے قتل کیا گیا۔

تفصیلات میں ڈسکہ میں بہو کے سفاکانہ قتل کی تحقیقات جاری ہے، ڈی پی او سیالکوٹ عمر فاروق نے اے آر وائی نیوز کے پروگرام باخبر سویرا میں گفتگو میں بتایا کہ شکایت آئی کہ بہوآشنا کےساتھ بھاگ گئی، تحقیقات کا آغاز کیا تو معاملہ قتل کا نکلا۔

عمر فاروق کا کہنا تھا کہ تحقیقات دو دن میں مکمل کرکے قتل کاسراغ لگایا، قتل میں ملوث مرکزی ملزماں صغرٰی بی بی اس کی بیٹی سمیت بیٹی کا بیٹا عبداللہ اور ایک رشتے دار نوید کو گرفتار کیا ہے۔

ڈی پی او سیالکوٹ نے یہ بھی انکشاف کیا کہ مرکزی ملزمان صغریٰ بی بی نے نوید کو قتل کیلئے لاہور سے بلوایا تھا اور 10 ہزار روپے دیا، نوید صغراں کا لے پالک بیٹا ہے۔

ڈی پی او کا کہنا تھا کہ نوید کے لاہور پہنچنے پر صغران بی بی اور نوید چھری خریدنے گئے اور جب زارا سو رہی ہوتی ہے تو صغراں بی بی نے منہ پر تکیہ رکھا ، اس کی بیٹی نے پاوں پکڑے اور نوید قتل کیا۔

پولیس کا کہنا تھا کہ دوران تفتیش گرفتار دونوں خواتین نے قتل اور عبداللہ نے لاش نہرمیں پھینکنے کا اعتراف کرلیا ہے۔

مزید پڑھیں : ڈسکہ: ساس کی جانب سے بہو کے قتل نے پورے ملک کو ہلا دیا

یاد رہے ڈسکہ میں ساس نے بیٹی، نواسے اور ایک رشتے دار کے ساتھ مل کربہو کو بیدردی سے قتل کرڈالا تھا۔

قتل کے بعد دو سال کے بچے کی ماں اور7ماہ کی حاملہ زارا کی لاش کے ٹکڑے کیے اور دھڑ سے سرا لگ کرکے چولہے پر جلا کر ناقابل شناخت بنایا جبکہ لاش کے ٹکڑے دو بوریوں میں بند کرکے نہر میں پھینک دئیے۔

صغریٰ بی بی زارا کی خالہ بھی تھی اور چا رسال قبل اپنے بیٹے قدیر سے شادی کروائی تھی، زارا کا شوہر روزگار کیلئے بیرون ملک میں مقیم ہے۔

ڈسکہ میں ساس اور نند نے 7 ماہ کی حاملہ بہو کو قتل کرنے کے بعد لاش کے ٹکڑے کرکے نہر میں پھینک دیا۔

اے آر وائی نیوز کے مطابق ڈسکہ کے گاؤں کوٹلی مرلاں میں بہو کو قتل کرنے کے بعد لاش کے ٹکڑکے کرکے بوریوں میں پھینکنے والے تینوں ملزموں کو موترہ پولیس نے گرفتار کرلیا جبکہ ساس مقتولہ کی خالہ بھی تھی۔

مقتولہ زہرا ایک بچے کی ماں اور سات ماہ کی حاملہ تھی۔

ساس صغراں بی بی اور نند یاسمین نے قتل کیا، لاش کے بازو ٹانگیں کاٹ کر الگ کیں اور شناخت چھپانے کے لیے سر کو تن سے جدا کرکے چولہے پر جلایا گیا۔

لاش کے ٹکڑوں کو دو بوریوں میں بند کرکے رات ہونے پر ساس صغراں بی بی نواسے عبداللہ کی موٹرسائیکل پر لاد کر نالے میں پھینک آئی اور زہرا کے بارے میں آشنا کے ساتھ بھاگ جانے کی افواہیں پھیلائیں۔

گوجرانوالہ کے گاؤں کوٹ منڈ کی رہائشی 26 سالہ زہرہ کی شادی کوٹلی مرلاں کے قدیر سے چار سال قبل ہوئی تھی جبکہ شوہر قدیر ملازمت کے سلسلے میں بیرون ملک مقیم ہے۔

پولیس نے واقعے کا نوٹس لیا اور سب انسپکٹر کی مدعیت میں اغوا کا مقدمہ نامعلوم افراد کیخلاف درج کرلیا تاہم لاش ملنے پر پہلے سے درج مقدمے میں 302 اور 201 کی دفعات شامل کرلی گئیں۔

پولیس نے ماں، بیٹی اور نواسے عبداللہ کو گرفتار کرلیا ہے جو جوڈیشل مجسٹریٹ کی عدالت سے ریمانڈ حاصل کرنے کے بعد پولیس کی تحویل میں ہیں۔

نمائندہ اے آر وائی نیوز رانا غلام مصطفیٰ کے مطابق مقتولہ کا شوہر بیرون ملک مقیم ہے جس سے پولیس کا رابطہ نہیں ہوسکا ہے۔

افسوسناک واقعے پر اینکر پرسن ماریہ میمن کا کہنا ہے کہ اس کیس میں پولیس کے کردار کی تعریف کرنی چاہیے کہ انہوں نے کیس کو منطقی انجام تک پہنچایا ہے۔

سفاک چچا نے کلہاڑی کے وار سے 2 معصوم بھتیجوں کو بے دردی سے قتل کر دیا