کراچی(10 اگست 2025): راشد منہاس روڈ پر موٹر سائیکل سوار فیملی کو ٹکر مارنے والے ڈمپر ڈرائیور کا بیان سامنے آگیا۔
تفصیلات کے مطابق گزشتہ روز کراچی کے علاقے فیڈرل بی ایریا میں راشد منہاس روڈ پر تیز رفتار ڈمپر نے موٹر سائیکل کو روند ڈالا تھا جس کے نیتجے میں بہن بھائی جاں بحق اور باپ شدید زخمی ہو گیا، جاں بحق ہونے والوں میں 22 سال کی ماہ نور اور 14 سال کا احمد رضا شامل ہیں۔
ڈمپر نے موٹر سائیکل سوار بہن بھائی کو کچل ڈالا
اس حادثے کے بعد مشتعل افراد نے علاقے میں 7 ڈمپرز جلا دیے تھے، پولیس اور رینجرز کی بھاری نفری نے جائے حادثہ پر پہنچ کر صورت حال پر قابو پایا اور ڈمپر ڈرائیور کو حراست میں لے لیا گیا تھا۔
تاہم اب ڈمپر ڈرائیور نے بتایا کہ میرا نام فردوس اور مالک کا نام سرخان رسول ہے، میں ڈمپر آہستہ چلا رہا تھا، موٹر سائیکل سوار خود نیچے آگئے، موٹر سائیکل ڈمپر کے نیچے کیسے آئی دیکھ نہ سکا تھا۔
ڈرائیور خان رسول نے گاڑی کے کاغذات سے متعلق بتایا کہ کاغذات گاڑی پر رکھا ہے گھر پر بھی ہے، موبائل اور گاڑی کی چابی وہ سب عوام لے گئے، موبائل تھا، پیسے تھے، شناختی کارڈ، لائسنس تھا اب میرے پاس کچھ نہیں ہے۔
