Tag: ڈنکی

ممبئی: بالی ووڈ سُپر اسٹار شاہ رخ خان کی فلم ’ڈنکی‘ نے ریلیز ہوتے ہی دھوم مچا دی ہے، سینما گھروں کے باہر مداحوں کا رش لگ گیا۔

بالی وڈ سپر اسٹار شاہ رخ خان کی اس سال کی تیسری فلم ’ڈنکی‘ سنیما میں ریلیز کردی گئی، سنیما گھروں میں ہاؤس فل ہوگیا لوگوں کو ٹکٹ کے حصول کے لیے رش لگ گیا، شائقین نے ڈنکی کو بہترین فلم قرار دیدیا۔

بھارتی میڈی کے مطابق فلمی تجزیہ کاروں کا کہنا ہے کہ ’ڈنکی‘ ریلیز کے پہلے دن 30 سے ​​35 کروڑ روپے تک کا بزنس کرسکتی ہے جبکہ اس فلم کا بجٹ صرف 120 کروڑ بتایا جا رہا ہے۔

کیا فلم ”ڈنکی“ کی شوٹنگ سعودی عرب میں کی گئی؟

راج کمار ہیرانی کی ہدایتکاری میں بننے والی فلم ’ڈنکی‘ کو شاہ رخ خان کی اہلیہ گوری خان نے پروڈیوس کیا ہے جبکہ اس فلم میں شاہ رخ خان کے علاوہ تاپسی پنو، وکی کوشل اور بومن ایرانی سمیت دیگر اداکاروں نے اہم کردار ادا کیے ہیں۔

فلم ’ڈنکی‘ کی کہانی چار دوستوں کے گرد گھومتی ہے جو غیرقانونی طور پر بیرون ملک سفر کرتے ہیں، ’ڈنکی‘ محبت اور دوستی کی ایک ایسی کہانی ہے جسے جذباتی کہانی اور کامیڈی مناظر کے ساتھ لوگوں کے سامنے پیش کیا گیا ہے۔

شاہ رخ خان کی ’ڈنکی‘ ریلیز ہونے والی ہے اور سپراسٹار کے مداح انھیں پھر سے بڑی اسکرین پر دیکھنے کے لیے کافی بے تاب نظر آتے ہیں۔

کنگ خان نے ’ڈنکی‘ کو اپنی ’بہترین فلم‘ قرار دے کر شائقین کے جوش و خروش میں مزید اضافہ کردیا ہے جب کہ سپراسٹار کا یہ بھی کہنا ہے کہ ڈنکی انھوں نے اپنے لیے بنائی ہے۔ وہ فلم کی پروموشن کے حوالے سے گزشتہ دنوں دبئی گئے تھے جہاں کنگ خان نے مداحوں سے بات چیت کی۔

شائقین سے ملاقت کے دوران شاہ رخ خان سے ’ڈنکی کے لیے تین الفاظ‘ کہنے کو کہا گیا جس کے جواب میں بالی وڈ اداکار نے کہا کہ ’راج کمار ہیرانی‘، ساتھ ہی انھوں نے یہ بھی کہا کہ ’یہ میری بہترین فلم ہے‘، برائے مہربانی 21 دسمبر کو اسے ضرور دیکھیں۔

https://twitter.com/SRCxmbatant/status/1736446934796337269?ref_src=twsrc%5Etfw%7Ctwcamp%5Etweetembed%7Ctwterm%5E1736446934796337269%7Ctwgr%5E2503a90455fa6326ba3ee426d41e470fe054e8a5%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1301211

جب شاہ رخ خان ڈنکی کو اپنی ’بہترین فلم‘ قرار دیا تو ساتھ کھڑے میزبان نے حیرت سے ’کیا‘ کہا جبکہ وہاں موجود شائقین بے ساختہ تالیاں بجاتے ہوئے شور کرنے لگے۔

شاہ رخ خان کے انسٹاگرام فین پیج پر دبئی کے مذکورہ ایونٹ کی ویڈیو شیئر کی گئی ہے جس کے کیپشن میں ’ڈنکی میری بہترین فلم‘ لکھا گیا ہے۔

ایک اور وائرل ہونے والی ویڈیو میں شاہ رخ کو یہ کہتے ہوئے بھی سنا جا سکتا ہے کہ انھوں نے نوجوان لڑکوں اور لڑکیوں کے لیے ’جوان‘ اور ’پٹھان‘ بنائی جبکہ اپنے لیے انھوں نے فلم ’ڈنکی‘ بنائی ہے۔

انھوں نے مزید کہا کہ آپ لوگ21 دسمبر کو ’ڈنکی‘ دیکھنے جائیں مجھے یقین ہے کہ آپ کو فلم میں کچھ ایسا ضرور ملے گا جو آپ کے دل کو چھو لے گا۔ یہ فلم یقیناً آپ کو بھی ہنسائے گی۔

https://twitter.com/SRCxmbatant/status/1736418622615244824?ref_src=twsrc%5Etfw%7Ctwcamp%5Etweetembed%7Ctwterm%5E1736418622615244824%7Ctwgr%5E2503a90455fa6326ba3ee426d41e470fe054e8a5%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1301211

بالی وڈ کے بادشاہ شاہ رخ اور کامیاب ترین ہدایت کار راج کمار ہیرانی کی فلم ’ڈنکی‘ کے حوالے سے بھارتی سنسر بورڈ کا اہم فیصلہ سامنے آگیا۔

غیرملکی میدیا رپورٹس کے مطابق بہت ہی معمولی کٹس کے ساتھ انڈین سینسر بورڈ کی جانب سے ’جوان‘ کے اداکار کی نئی فلم ’ڈنکی‘ کو نمائش کی اجازت دے دی گئی ہے۔ فلم مجموعوعی طور پر 161 منٹس دورانیے پر مشتمل ہے۔

’ڈنکی‘ نے سینسر بورڈ کے تمام تقاضوں کو پورا کرلیا ہے اور اسے سی بی ایف سی کی جانب سے یو/اے سرٹیفکیٹ سے نوازا گیا ہے۔ سینسر بورڈ کے سرٹیفکیٹ سے اندازہ ہوتا ہے فلم دو گھنٹے 41 منٹ کی ہے۔

بھارتی ذرائع ابلاغ کا کہنا ہے کہ سینسر بورڈ نے فلم میں بہت معمولی کٹ لگائے ہیں جس سے فلم کی کہانی پر کوئی اثر نہیں پڑتا۔

سینسر بورڈ کی جانب سے جاری کیے گئے سرٹیفکیٹ کے مطابق فلم کا مجموعی دورانیہ دو گھنٹے 41 منٹ اور 24 سیکنڈ ہے۔

فلم میں بالی وڈ کنگ کے ہمراہ ساؤتھ کی معروف اداکارہ تاپسی پنوں مرکزی کردار میں نظر آئیں گی۔ اس کے علاوہ وکی کوشل اور بومن ایرانی جیسے بہترین اداکار بھی فلم کا حصہ ہیں۔

واضح رہے کہ یہ شاہ رخ خان کی اس سال ریلیز ہونے والی تیسری فلم ہے جس میں غیرقانونی طور پربیرن ملک جانے والوں کی مشکلات کو اجاگر کیا گیا ہے۔ ڈنکی 21 دسمبر کو دنیا بھر میں ریلیز کی جائے گی۔

غیر قانونی طور پر بیرون ملک جانے کے موضوع پر بننے والی بالی وڈ سپراسٹار شاہ رخ خان کی فلم ڈنکی کا نیا گانا ’او ماہی او‘ریلیز ہوتے ہی چھا گیا۔

بالی وڈ اسٹار شاہ رخ خان ان دنوں اپنی آنے والی فلم ڈنکی کی وجہ سے سرخیوں میں ہیں تاہم اب فلم ڈنکی کا ڈراپ 5 ‘او ماہی’ بھی ریلیز کر دیا گیا ہے۔

گانا شاہ رخ خان اور تاپسی پنوں پر فلمایا گیا ہے جبکہ اس کے گائیک مشہور گلوکار اریجیت سنگھ ہے،  اس گانے میں صحرا کی اڑتی ریت کے درمیان شاہ رخ اور تاپسی کے درمیان خوبصورت لمحات کو فلمایا گیا ہے۔

 اس سے قبل فلم کے گانے ’ لٹ پٹ گیا‘ نے بھی خوب دھوم مچائی تھی، کنگ خان کی فلم ڈنکی کی ریلیز میں ابھی چند دن باقی ہیں اور شاہ رخ خان کے فینز بے صبری سے فلم کا انتظار کر رہے ہیں۔

واضح رہے کہ فلم ”ڈنکی“ راجکمار ہیرانی کی ہدایت کاری میں بننے والی فلم ہے، اس میں شاہ رخ، تاپسی پنو، وکی کوشل اور بومن ایرانی مرکزی کردار ادا کر رہے ہیں۔

ممبئی: رواں سال انڈسٹری کو دو سُپرہٹ فلمیں دینے کے بعد بالی وڈ کے ’کنگ‘ شاہ رخ خان کی تیسری فلم ’ڈنکی‘ کا ٹیزر جاری کردیا گیا۔

بالی وڈ کے کنگ شاہ رخ خان کی 58 ویں سالگرہ کے موقع پر، بلاک بسٹر فلم پٹھان اور جوان کی کامیابی کے بعد اس سال کی تیسری فلم کا ڈنکی کا ٹیزر جاری کردیا گیا۔

کنگ خان کے مداحوں کو فلم ڈنکی کی ایک جھلک کا بے صبری سے انتظار تھا جسے فلمساز راجکمار ہیرانی نے شاہ رخ خان کی سالگرہ کے موقع پر ایک تحفے کی صورت میں دیا ہے۔

ٹیزر کا آغاز سیاہ لباس میں ملبوس مردوں اور عورتوں کے ایک گروپ سے ہوتا ہے جو ایک صحرا کو پار کر رہے ہیں جبکہ انہیں پیچھے سے ایک شارپ شوٹر نے اپنا نشانہ بنایا ہوا ہے۔

ٹیزر میں دیکھا جاسکتا ہے کہ دوستوں کا ایک گروپ ہے جو لندن میں کام کرنے اور رہنے کی امید رکھتے ہیں،  ان گروپ  میں شاہ رخ خان اپنے دوستوں کے ساتھ تاپسی پنو، وکی کوشل اور دو دیگر شامل ہیں۔

دنیا بھر میں مقبول شاہ رخ خان 58 برس کے ہوگئے

واضح رہے کہ ڈنکی‘ ریڈ چلیز انٹرٹینمنٹ، راج کمار ہرانی اور جیو اسٹوڈیوز کی مشترکہ پیشکش ہے۔

فلم میں شاہ رخ خان پہلی بار اداکارہ تاپسی پنو کے ساتھ کام کریں گے۔ فلم میں دیا مرزا، بومن ایرانی، دھرمیندر سمیت دیگر اہم اداکار بھی نظر آئیں گے جبکہ وکی کوشل بھی ہیں۔

فلم کی عکس بندی بوڈاپیسٹ، متحدہ عرب امارات اور مقبوضہ کشمیر جیسے متعدد مقامات پر کی گئی۔ اسے 21 دسمبر کو ریلیز کیا جائے گا۔

اس سے قبل شاہ رخ خان کی دونوں فلمیں ’ پٹھان‘ اور ’جوان‘ باکس آفس پر مقبولیت اور کمائی کے نئے ریکارڈ بنا چکی ہیں۔

ممبئی: بالی وڈ سپر اسٹار شاہ رخ خان کی نئی میگا فلم ’ڈنکی‘ کی ریلیز تاریخ تبدیل کردی گئی۔

بھارتی میڈیا رپورٹ کے مطابق لیجنڈری فلمساز راج کمار ہیرانی کی نئی فلم کیلئے پہلے 22 دسمبر کی تاریخ رکھی گئی تھی لیکن اب ساؤتھ انڈین کے اداکار پربھاس کی فلم ’سالار‘ سے تصادم کی وجہ سے ’ڈنکی‘ ایک دن پہلے 21 دسمبر کو سینما گھروں کی زینت بنے گی۔

رپورٹ میں بتایا گیا ہے کہ فلم ’سالار‘ سے ایک دن قبل فلم کو ریلیز کرنے کا مقصد ’ڈنکی‘ کو ایک دن مکمل طور پر انڈسٹری میں راج کرنے کا موقع دینا ہے۔

فلم ’ڈنکی‘ کیسی ہوگی؟ شاہ رخ خان نے تفصیلات مداحوں کو بتا دیں

فلمی تجزیہ کاروں کے مطابق شاہ رخ خان کی بے پناہ مقبولیت ایک عام دن کو بھی فلم کیلئے خاص بناسکتی ہے اور ایک دن قبل ریلیز سے کنگ خان کی فلم کو پرابھاس کی ’سالار‘ پر فوقیت مل جائے گی۔

سُپر اسٹار اپنی حالیہ دو فلموں ’پٹھان‘ اور ’جوان‘ کی تاریخی کامیابی کے بعد پوری دنیا سے محبت سمیٹ رہے ہیں۔ توقع ہے کہ ’ڈنکی‘ بھی ریکارڈ توڑ بزنس کرنے میں کامیاب ہوگی۔

آئندہ ریلیز ہونے والی فلم میں شاہ رخ خان پہلی بار اداکارہ تاپسی پنو کے ساتھ کام کریں گے۔ فلم میں دیا مرزا، بومن ایرانی، دھرمیندر سمیت دیگر اہم اداکار بھی نظر آئیں گے۔

شاہ رخ خان اس وقت باکس آفس پر حکمرانی کررہے ہیں، ایسے میں ان کی فلم ’جوان‘ کے ہدایت کار کا کہنا ہے کہ کنگ خان کی ’ڈنکی‘ ان کی پچھلی فلموں سے آگے نکل جائے گی۔

جوان کی ہدایت کاری کے فرائض انجام دینے والے ساؤتھ کے مشہور ڈائریکٹر ایٹلی کمار نے اپنے خصوصی انٹرویو میں کنگ خان کی پٹھان، جوان اور آنے والی فلم ڈنکی کے بارے میں اپنے خیالات کا اظہار کیا ہے۔ انھوں نے کہا کہ راج کمار ہیرانی کی ’ڈنکی‘ ان کی حالیہ فلم ’جوان‘ سے کہیں زیادہ کامیابی حاصل کرے گی۔

بھارتی فلمی ویب سائٹ سے گفتگو کرتے ہوئے انھوں نے انکشاف کیا کہ ’ڈنکی‘ تمام فلموں سے آگے نکل جائے گی اور ایکو سسٹم کے تحت ایسا ہی ہونا چاہیے، کیوں کہ ہمیں آگے بڑھتے رہنا چاہیے اور پہلے سے بہتر کام پیش کرنا چاہیے۔

ساؤتھ سے تعلق رکھنے والے ہدایت کار نے کہا کہ ہر فلم پر پہلے سے زیادہ محنت کرنی چاہیے۔ ظاہر سی بات ہے مجھے اپنی پچھلی فلم کی کامیابی کو عبور کرنا ہوگا۔

انھوں نے کہا کہ یقیناً مجھے اپنی اگلی فلم جوان سے بہتر بنانا ہوگی، فلم کا ہر ٹیکنیشن اور ہر اداکار یہ بات جانتا ہے کیوں کہ دنیا کا ایکو سسٹم ہمیشہ ایسا ہی ہوتا ہے۔

ایٹلی نے کہا کہ جب ہم آگے بڑھتے ہیں تو سسٹم بھی پھیلتا ہے اور یہ ایک اچھی نشانی ہوتی ہے میرے خیال میں ’‘ڈنکی‘ حیرت انگیز کارکردگی دکھائی گے۔ میں شاہ رخ خان کے لیے بہت خوش ہوں۔ میرا نہیں خیال دنیا میں کسی اور کے پاس یہ ریکارڈ ہوگا۔