لاہور: پاکستان کرکٹ بورڈ (پی سی بی) نے ڈومیسٹک سیزن کے لیے 6 کرکٹ ایسوسی ایشنز کی ٹیموں کا اعلان کردیا۔
تفصیلات کے مطابق پی سی بی نے ڈومیسٹک سیزن کے لیے 6 کرکٹ ایسوسی ایشنز کی ٹیموں کا اعلان کردیا گیا ہے، سرفراز احمد سندھ، بابر اعظم وسطی پنجاب، شان مسعود جنوبی پنجاب کی کپتانی کریں گے۔
وکٹ کیپر بلے باز محمد رضوان کے پی، حارث سہیل بلوچستان، عماد وسیم ناردرن کی قیادت کریں گے، سیکنڈ الیون میں شامل تین سینئر کھلاڑیوں کو مینٹور مقرر کیا گیا ہے۔
سرفراز احمد سندھ، بابر اعظم سنٹرل پنجاب اور شان مسعود سدرن پنجاب کی فرسٹ الیون کی کپتانی کریں گے۔
مزید: https://t.co/b237PjzNjl pic.twitter.com/jagpVUQWKP
— PCB Media (@TheRealPCBMedia) September 3, 2019
رپورٹ کے مطابق ذوالفقار بابر، فاسٹ بولر محمد سمیع، اعزاز چیمہ بطور مینٹور ٹورنامنٹ میں ان ایکشن ہوں گے۔
بلوچستان کرکٹ ٹیم میں 44 فیصد مقامی کھلاڑیوں کو شامل کیا گیا ہے، تمام کھلاڑی 11 ستمبر کو اپنی اپنی ٹیموں کو جوائن کرلیں گے۔
محمد رضوان خیبر پختون خوا، حارث سہیل بلوچستان اور عماد وسیم ناردرن کرکٹ ٹیم کی قیادت کریں گے
مزید: https://t.co/b237PjzNjl pic.twitter.com/3wjJ2VUXMy— PCB Media (@TheRealPCBMedia) September 3, 2019
راشد لطیف نے کہا ہے کہ کھلاڑیوں کی تین سالہ کارکردگی کا جائزہ لے کر ٹیموں کا انتخاب کیا گیا ہے، مینٹور دوران میچ نوجوان کھلاڑیوں کی تربیت کریں گے۔
سابق کپتان راشد لطیف نے کہا کہ لیگ اسپنر یاسر شاہ، شاداب خان کے متبادل کے لیے نوجوان لیگ اسپنرز کو شامل کیا گیا ہے۔
“We took the performances of the past three years, across all formats, into consideration when we sat down to have a look at these teams,” says Rashid Latif
Read PCB announces squads for 2019-20 domestic season here: https://t.co/b237PjzNjl pic.twitter.com/eO564aITpd
— PCB Media (@TheRealPCBMedia) September 3, 2019
واضح رہے کہ پی سی بی کی جانب سے قومی کرکٹ ٹیم کے ہیڈ کوچ اور بولنگ کوچ کا اعلان کل کیا جائے گا.
تجزیہ کاروں کا کہنا ہے کہ پاکستان کرکٹ ٹیم کا ہیڈ کوچ مصباح الحق کو ہی بنایا جائے گا جبکہ بولنگ کوچ کے لیے وقار یونس کو مضبوط امیدوار قرار دیا جارہا ہے.
خیال رہے کہ پاکستان کرکٹ ٹیم کی کوچنگ کے لیے جنوبی افریقا کے یوان بوتھا، ویسٹ انڈیز کے کوٹنی واش، آسٹریلیا کے ڈین جونز نے انٹرویوز دئیے تھے.
