ARYNews.tv | Urdu – Har Lamha Bakhabar

Tag: ڈونلڈ ٹرمپ

  • روس کےساتھ مل کرسازش کرنےکےالزامات مستردکرتا ہوں‘ جیف سیشنز

    روس کےساتھ مل کرسازش کرنےکےالزامات مستردکرتا ہوں‘ جیف سیشنز

    واشنگٹن : امریکی اٹارنی جنرل جیف سیشنز نے کہا ہے کہ روس کے ساتھ مل کر سازش کرنے کے الزامات ہولناک جھوٹ ہیں ۔

    تفصیلات کےمطابق امریکی اٹارنی جنرل جیف سیشنز نے کانگریس میں سماعت کے دوران واشنگٹن دی سی ہوٹل میں روسی حکام کے ساتھ خفیہ ملاقاتوں کو مسترد کر دیا ہے۔

    انہوں نےکہاکہ روسی سفیر سے دو ملاقاتیں بطو ر سینیٹر کی تھیں جو کہ معمول کا حسہ تھیں۔

    امریکی اٹارنی جنرل جیف سیشنز کا کہنا تھا کہ میں امریکہ میں انتخاب یا مہم کے دوران مداخلت کے حوالے سے نہ تو کسی روسی یا کسی بھی غیر ملکی اہلکار سے ملا نہ ہی کوئی بات چیت کی ہے۔

    خیال رہے کہ جیف سیشنز ٹرمپ انتظامیہ کے سینیٹ کی کمیٹی کے سامنے پیش ہونے والے سب سے اعلیٰ رکن ہے۔

    ڈونلڈ ٹرمپ کاسابق ایف بی آئی ڈائریکٹرجیمزکومی پررازافشاکرنےکاالزام

    یاد رہےکہ گزشتہ ہفتے امریکی صدر ڈونلڈ ٹرمپ کا کہنا تھاکہ ایف بی آئی کے سابق ڈائریکٹرجیمز کومی راز افشا کرنے والا شخص ہے۔

    واضح رہےکہ امریکی خفیہ ایجنسیوں کے خیال میں روس نے ڈونلڈ ٹرمپ کو بطور امریکی صدر منتخب کروانے کے لیے انتخاب میں مداخلت کی تھی۔

  • لندن دہشت گردی: میئرصادق خان کےبیان پرڈونلڈٹرمپ کی تنقید

    لندن دہشت گردی: میئرصادق خان کےبیان پرڈونلڈٹرمپ کی تنقید

    واشنگٹن: امریکی صدر ڈونلڈ ٹرمپ نے لندن کے میئر صادق خان کےبیان پرشدید تنقید کرتے ہوئےکہا کہ وہ لوگوں کو یہ کہہ کر کے ایک فضول عذر پیش کر رہے ہیں کہ انہیں گھبرانے کی ضرورت نہیں ہے۔

    تفصیلات کےمطابق برطانوی دارالحکومت لندن میں دہشت گردی کےدوواقعات کےمیئر صادق خان نے عوام سے کہا تھا کہ انہیں لندن میں اضافی پولیس کو دیکھ کر گھبرانے کی ضرورت نہیں ہے۔

    لندن دہشت گردحملے کےحوالے سےمنعقد ایک دعائیہ تقریب میں میئر صادق خان کاکہناتھاکہ صدر ٹرمپ کو ہماری برادریوں کو تقسیم کرنے کی اجازت نہیں دیں گے۔

    خیال رہےکہ گزشتہ روز صدر ٹرمپ نےٹویٹر پراپنے پیغام میں کہاتھا کہ لندن کے میئر صادق خان کی جانب سے فضول بہانہ جنہیں اپنے پریشان ہونے کی کوئی بات کے بیان پر زیادہ تیزی سے سوچنا چاہیے تھا۔ میڈیا اس کو اس کو بیچنے کے لیے سخت محنت کر رہا ہے۔

    ڈونلڈ ٹرمپ جونیئر نے اپنی ٹویٹ میں صادق خان کی 2016 ستمبر میں کی گئی ایک ٹویٹ کا حوالہ دے کر لکھا جس میں صادق خان نے کہا تھا کہ دہشت گردی کے حملےکسی بھی بڑے شہر میں رہنے کا حصہ بن چکے ہیں۔

    لندن : دہشت گرد حملوں میں‘7افراد ہلاک‘متعدد زخمی

    یاد رہےکہ4جون 2017کوبرطانوی دارالحکومت میں لندن برج اوربارو مارکیٹ میں دہشت گردی کے واقعات میں7 افراد ہلاک جبکہ متعدد زخمی ہوگئےتھے۔

    برطانیہ کی ہرقسم کی مددکےلیےتیارہیں‘ ڈونلڈ ٹرمپ

    واضح رہےکہ بعدازاں لندن میں دہشت گردی کےواقعات پرامریکی صدرڈونلڈٹرمپ نے ردعمل کا اظہارکرتے ہوئے کہاتھا کہ وہ برطانیہ کی ہرقسم کی مدد کرنے کے لیےتیار ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • برطانیہ کی ہرقسم کی مددکےلیےتیارہیں‘ ڈونلڈ ٹرمپ

    برطانیہ کی ہرقسم کی مددکےلیےتیارہیں‘ ڈونلڈ ٹرمپ

    واشنگٹن: لندن میں دہشت گردی کےواقعات پرامریکی صدرڈونلڈٹرمپ نے ردعمل کا اظہارکرتے ہوئے کہاکہ وہ برطانیہ کی ہرقسم کی مدد کرنے کے لیےتیار ہیں۔

    تفصیلات کےمطابق سماجی رابطے کی ویب سائٹ ٹویٹرپرامریکی صدر ڈونلڈ ٹرمپ نے برطانوی دارالحکومت لندن میں ہونے والے دہشت گردی کے واقعات پر کہاکہ امریکہ برطانیہ کی مدد کے لیے جوکچھ کرسکا کرے گا۔

    امریکی صدر نے مزید کہاکہ ضرورت ہےکہ تحفظ کے لیےسفری پابندیوں کااطلاق کیاجائے۔انہوں نےکہاکہ امریکی شہریوں کوچوکنااورمضبوط رہناہوگا۔

    دوسری جانب امریکی محکمہ خارجہ نے کہا ہے کہ لندن واقعے پر گہری نظر رکھے ہوئے ہیں،امریکہ نے لندن میں امریکی شہریوں کو محتاط رہنے کی ہدایت کی ہے۔

    لندن : دہشت گرد حملوں میں‘7افراد ہلاک‘متعدد زخمی

    واضح رہےکہ برطانوی دارالحکومت میں لندن برج اوربارو مارکیٹ میں دہشت گردی کےواقعات میں7 افراد ہلاک جبکہ متعدد زخمی ہوگئے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • ڈونلڈ ٹرمپ کا پیرس ماحولیاتی معاہدے سے الگ ہونے کا اعلان

    ڈونلڈ ٹرمپ کا پیرس ماحولیاتی معاہدے سے الگ ہونے کا اعلان

    واشنگٹن: امریکی صدر ڈونلڈ ٹرمپ نے اعلان کیا ہےکہ امریکہ سنہ 2015 میں پیرس میں ماحولیات سے متعلق طے پانے والا عالمی معاہدہ ختم کر رہا ہے۔

    تفصیلات کےمطابق وائٹ ہاؤس میں بات کرتے ہوئے امریکی صدرڈونلڈ ٹرمپ کہنا تھا کہ واشنگٹن ماحولیاتی معاہدے سے نکل رہا ہے کیوں کہ اس میں شامل شرائط کی وجہ سے اس پر اقتصادی بوجھ پڑرہا ہے۔

    کینیڈا کی ماحولیات کی وزیر کیتھرین میکینا کا کہنا ہے کہ کینیڈا کو ٹرمپ کے اس فیصلے سےبہت مایوسی ہوئی ہے۔

    دوسری جانب اقوام متحدہ کے سیکریٹری جنرل انتونیو گوتیرس نے ایک مرتبہ پھر صدر ٹرمپ سے اپیل کی تھی کہ وہ اس معاہدے کو نہ توڑیں لیکن ساتھ ہی ان کا یہ بھی کہنا تھا کہ امریکی موقف کے باوجود ماحولیاتی تبدیلی کے خلاف جنگ جاری رہے گی۔

    ٹرمپ ماحول کے لیے دشمن صدر؟

    خیال رہےکہ صدر ٹرمپ نے گذشتہ سال صدارتی مہم کے دوران کہا تھا کہ وہ اس معاہدے سے امریکہ کو نکال لیں گے تاکہ کوئلے اور تیل کی صنعت کو فائدہ پہنچے۔

    واضح رہے کہ پیرس معاہدے کے تحت امریکہ اور دیگر 187 ممالک کی ذمہ داری ہے کہ وہ عالمی درجہ حرات میں اضافے کو دو ڈگری سے نیچے رکھیں اور مزید کوششیں کر کہ اس کو 1.5 ڈگری تک محدود کیا جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ 

  • یورپ امریکہ‘ برطانیہ پرانحصارنہیں کر سکتا ‘ انجیلا مرکل

    یورپ امریکہ‘ برطانیہ پرانحصارنہیں کر سکتا ‘ انجیلا مرکل

    برلن : جرمن چانسلر انجیلا مکل کاکہناہے کہ ڈونلڈ ٹرمپ کے صدر بننے کے بعد اور بریگزٹ کے بعد یورپ مکمل طور پرامریکہ اور برطانیہ پر انحصار نہیں کر سکتا۔

    تفصیلات کےمطابق جنوبی جرمنی میں الیکشن کی ایک ریلی سے خطاب کے دوران کہا کہ’ڈونلڈ ٹرمپ کی صدارت اور مغربی قوتوں کے بریگزیٹ سے ٹوٹنے کے بعد یورپ کو اپنی قسمت خود اپنےہاتھوں میں لینا پڑے گی‘۔

    جرمن چانسلر نے کہا کہ وہ برطانیہ اور امریکہ کے ساتھ ساتھ روس کے ساتھ بھی دوستانہ تعلقات رکھنا چاہتی ہیں لیکن یورپ کو اب اپنی منزل کے لیے خود لڑنا ہو گا۔

    انجیلا مرکل کا یہ بیان ایسے وقت آیا ہے جب جی سیون اجلاس میں 2015 پیرس کلائمٹ معاہدے پر اتفاق نہیں ہو سکا۔ اس اجلاس کے بعد جرمن چانسلر نے کہا تھا کہ مذاکرات کافی دشوار تھے۔

    انہوں نےکہا کہ فرانس کے نئے منتخب صدرامینیول ماکروں اور برلن کے درمیان خوشگوار تعلقات کے لیے خاص توجہ کی ضرورت ہے۔

    جرمن چانسلر انجیلا مرکل کا کہناتھاکہ وہ وقت اب ختم ہونے والا ہے جب ہم دوسروں پر انحصار کیا کرتے تھےاور اس بات کا تجربہ میں نے گذشتہ چند دنوں میں کیا ہے۔

    نیٹو اتحادی ممالک دفاعی اخراجات اداکریں : ڈونلڈ ٹرمپ

    واضح رہے کہ امریکی صدر ڈونلڈ ٹرمپ نے نیٹو میں شامل اتحادی ممالک سے کہا تھا کہ وہ لازمی طور پر دفاعی بجٹ میں اپنے حصے کے مناسب اخراجات ادا کریں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • کانگریس نے ایف بی آئی کے سابق ڈائریکٹر کو طلب کرلیا‘ ٹرمپ کے لیے خطرے کی گھنٹی

    کانگریس نے ایف بی آئی کے سابق ڈائریکٹر کو طلب کرلیا‘ ٹرمپ کے لیے خطرے کی گھنٹی

    واشنگٹن : کانگریس نے ایف بی آئی کے برطرف شدہ ڈائریکٹر جیمز کومےکوطلب کرلیا‘ سابق ڈائریکٹر کو امریکی صدر ڈونلڈ ٹرمپ کے حکم پر نوکری سے برخاست کیا گیا تھا۔

    تفصیلات کے مطابق کانگریس نے جیمزکومےکو طلب کرتے ہوئے ڈونلڈ ٹرمپ سےملاقات کی تفصیل بیان کرنےکی ہدایت کی ہے۔

    دوسری جانب امریکی سینیٹ کی انٹیلی جنس کمیٹی کے رکن سینیٹر مارک وارنرنے بھی ایف بی آئی سےرابطہ کیا ہے اورمطالبہ کیا ہے کہ ایف بی آئی جیمز کومے کامیمو سینیٹ کمیٹی میں پیش کرے۔

    سینیٹر مارک وارنر کا کہنا تھا کہ امریکی عوام برطرف ایف بی آئی ڈائریکٹرکوسنناچاہتےہیں اور جاننا چاہتے ہیں کہ سچ کیا ہے؟۔

    دریں اثناء سینیٹ جوڈیشری کمیٹی نے بھی ایف بی آئی سےجیمز کومے کامیموطلب کر لیا‘ کمیٹی نےوائٹ ہاؤس سےبھی کومےٹرمپ ملاقات کی تفصیل مانگ لی اور مطالبہ کیا کہ ملاقات کی آڈیوریکارڈنگ ،ٹرانسکرپٹ فراہم کی جائے۔

     ڈونلڈ‌ٹرمپ کاسابق سربراہ سے حیرت انگیزمطالبہ

      یاد رہے کہ ٹرمپ نے فروری میں سابق سی آئی اے سربراہ سے ملاقات میں کہا کہ امید ہے آپ مائیکل فلن کوجانے دیں گے۔ جیمز کومی نے صدرٹرمپ سے گفتگو کامیموایف بی آئی کے سینئراہلکاروں کوبھی دیاتھا۔

    یاد رہے کہ ٹرمپ کابینہ میں قومی سلامتی کے مشیرمائیکل فلن کوروسی سفارتکاروں سے تعلقات پرعہدے سے استعفیٰ دیناپڑاتھا۔

    دوسری جانب صدرٹرمپ نے ہلیری کلنٹن کی ای میلزکے معاملے پربدانتظامی کاالزام لگا کرجیمزکومی کوایف بی آئی کے سربراہ کے عہدے سے برطرف کیا تھا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • ڈونلڈ ٹرمپ نے ایف بی آئی ڈائریکٹر کو عہدے سے ہٹا دیا

    ڈونلڈ ٹرمپ نے ایف بی آئی ڈائریکٹر کو عہدے سے ہٹا دیا

    واشنگٹن : امریکی صدر ڈونلڈ ٹرمپ نے وفاقی تفتیشی ادارے ایف بی آئی کے ڈائریکٹر جیمز کومی کوعہدے سےبرطرف کر دیا۔

    تفصیلات کےمطابق وائٹ ہاؤس کی جانب سے جاری بیان میں بتایاگیاہےکہ امریکی صدر ڈونلڈ ٹرمپ نےایف بی آئی کے ڈائریکٹر جیمز کومی کو عہدے سےفارغ کردیا ہے۔

    وائٹ ہاؤس کےمطابق ایف بی آئی ڈائریکٹرکومی کو امریکی اٹارنی جنرل جیف سیشنز کی سفارش پرہٹایاگیا ہے۔

    دوسری جانب ڈیموکریٹ پارٹی کے رہنماؤں کا کہنا ہے کہ جیمز کومی کو اس لیے نکالا گیا ہے کہ ایف بی آئی ٹرمپ کی انتخابی مہم کے روس کے ساتھ تعلقات کے بارے میں تفتیش کر رہی تھی۔

    خیال رہےکہ جیمزکومی اس وقت ٹرمپ کے بطورِ صدر انتخاب میں روس کے مبینہ کردار کے بارے میں تفتیش کر رہے تھے۔

    ڈونلڈ ٹرمپ نےقائم مقام اٹارنی جنرل سیلی یٹس کوبرطرف کردیا

    یاد رہےکہ 56 سالہ جیمزکومی کی تعیناتی چار برس قبل ہوئی تھی اور بطور ڈائریکٹر ان کے عہدے کی میعاد مزید 6 سال تک تھی۔

    واضح رہےکہ رواں سال جنوری میں ڈونلڈٹرمپ نےامریکی قائم مقام اٹارنی جنرل سیلی یٹس کومسلم ممالک پرپابندی کےحکم نامے کےدفاع سےانکارکرنے پر عہدے سے برطرف کردیاگیاتھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • ٹرمپ کا فلسطین و اسرائیل تنازعہ مذاکرت سے حل کروانے کا عندیہ

    ٹرمپ کا فلسطین و اسرائیل تنازعہ مذاکرت سے حل کروانے کا عندیہ

    واشنگٹن: امریکی صدر ڈونلڈ ٹرمپ نے فلسطینی ہم منصب محمود عباس سے ملاقات کے دوران عندیہ دیا کہ وہ فلسطین اور اسرائیل کا تنازعہ مذاکرت کے ذریعے حل کروائیں گے۔ انہوں نے کہا کہ دونوں ممالک امن معاہدے کے لیے تیار ہیں۔

    تفصیلات کے مطابق فلسطینی صدر محمود عباس نے امریکا کا دورہ کیا جہاں انہوں نے امریکی ہم منصب ڈونلڈ ٹرمپ سے ملاقات کی۔

    ملاقات کے بعد میڈیا سے گفتگو کرتے ہوئے ٹرمپ کا کہنا تھا کہ وہ سمجھتے ہیں کہ فلسطین اور اسرائیل باہمی امن معاہدے کے لیے تیار ہیں۔

    صدر ٹرمپ نے کہا کہ انہوں نے اسرائیلی رہنماؤں کو وائٹ ہاؤس مدعو کیا ہے۔ بہت جلد فلسطین اور اسرائیل کے درمیان باضابطہ مذاکرات شروع کروا کر اس تنازعہ کو پر امن طریقے سے حل کروائیں گے۔

    امریکی صدر نے کہا کہ وہ نہ صرف مشرق وسطیٰ کا دیرینہ تنازع حل کروائیں گے بلکہ فلسطینیوں کی معاشی اور دیگر مشکلات بھی حل کریں گے۔

    میڈیا سے گفتگو میں فلسطینی صدر محمود عباس نے کہا کہ فلسطین نے اسرائیل کو تسلیم کیا۔ اب عرب امن معاہدے کے مطابق اسرائیل کو بھی فلسطین کو آزاد ریاست تسلیم کرنا ہو گا۔

    انہوں نے کہا کہ آزاد فلسطینی ریاست کے قیام سےعرب ممالک صیہونی ریاست سے سفارتی تعلقات بحال کرلیں گے۔

    محمود عباس نے زور دیا کہ عالمی قوانین کے تحت فلسطینی پناہ گزینوں اور قیدیوں کے تنازعہ کو بھی حل کیا جائے۔

    یاد رہے کہ ایک روز قبل اقوام متحدہ کے ذیلی ادارے یونیسکو نے اسرائیل کے مقبوضہ یروشلم اور غزہ کی پٹی پر اقدامات کے خلاف قرارداد منظور کی تھی۔

    مزید پڑھیں: اسرائیل غاصب ہے، تاریخ مسخ نہ کرے

    یونیسکو کے ترجمان کے مطابق یونیسکو کے اجلاس میں 22 ممالک کی حمایت سے ایک قرارداد پیش کی گئی جس میں یروشلم کو مقبوضہ لکھا گیا اور اسرائیل کے شہر پر دعوے کو لغو قرار دیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سعودی عرب کے دفاع میں بھاری نقصان برداشت کرنا پڑ رہا ہے، ٹرمپ

    سعودی عرب کے دفاع میں بھاری نقصان برداشت کرنا پڑ رہا ہے، ٹرمپ

    واشنگٹن : امریکی صدر ڈونلڈ ٹرمپ نے کہا ہے کہ سعودی عرب امریکہ سے اچھے طریقے سے پیش نہیں آرہا اور امریکہ سلطنت کے دفاع کے لیے بھاری رقم کا نقصان برداشت کر رہا ہے۔

    یہ بات انہوں نے ایک خبر رساں ایجنسی کو خصوصی انٹرویو دیتے ہوئے کہی، ٹرمپ کا کہنا تھا کہ مئی میں سعودی عرب اور اسرائیل کے ممکنہ دوروں کے حوالے سے بات چیت ہو رہی ہے۔

    ڈونلڈ ٹرمپ 25 مئی کو بطور صدر اپنے پہلے غیر ملکی دورے پر نیٹو سمٹ میں شرکت کے لیے برسلز جائیں گے، جہاں سے ان کے دیگر ممالک میں بھی دورے متوقع ہیں۔

    ڈونلڈ ٹرمپ نے مزید کہا کہ ان کا کہنا تھا کہ ’کوئی بھی سعودی عرب سے نہیں الجھ سکتا کیونکہ ہم ان کا دفاع کر رہے ہیں، لیکن وہ ہمیں اس کی مناسب قیمت نہیں چُکا رہے اور ہمیں نقصان اٹھانا پڑ رہا ہے۔

    برطانوی نشریاتی ادارے بی بی سی کے مطابق ڈونلڈ ٹرمپ کے اس بیان کے حوالے سے تبصرے کے لیے سعودی حکام سے رابطہ نہیں کیا جاسکا۔ تاہم سعودی وزیر خارجہ عادل الجبیر نے انتخابی مہم کے دوران ڈونلڈ ٹرمپ کے اسی طرح کے بیان کو مسترد کرتے ہوئے کہا تھا کہ سعودی عرب بطور اتحادی اپنی ضروریات خود پوری کر رہا ہے۔

    واضح رہے کہ سعودی عرب کی دفاعی ضروریات کو پورا کرنے والا سب سے اہم ملک امریکہ ہے جس نے گذشتہ چند سالوں کے دوران سعودی عرب کو ایف 15 لڑاکا طیاروں اور کنٹرول اینڈ کمانڈ سسٹم سمیت اربوں ڈالر کا دفاعی ساز و سامان فراہم کیا ہے۔

  • امریکی صدر ڈونلڈ ٹرمپ سے پاکستانی سفیر کی ملاقات

    امریکی صدر ڈونلڈ ٹرمپ سے پاکستانی سفیر کی ملاقات

    واشنگٹن : پاکستانی سفیر اعزازچودھری نے امریکی صدرڈونلڈ ٹرمہ سے ملاقات میں سفارتی اسناد پیش کیں۔

    تفصیلات کےمطابق امریکہ میں پاکستانی سفیر اعزاز چوہدری نے ڈونلڈ ٹرمپ سے وائٹ ہاؤس میں ملاقات کی اور امریکی صدر کو سفارتی اسناد پیش کیں۔

    اس موقع پر پاکستانی سفیر اعزاز چوہدری نے پاک امریکہ تعلقات کی بہتری کے لیے نیک خواہشات کا اظہار کیا۔

    اعزازچوہدری نےکہاکہ پاکستانی قیادت اورعوام امریکہ سے 7دہائیوں پرمشتمل دوستانہ تعلقات مضبوط بنانا چاہتےہیں۔

    پاکستانی سفیراعزاز چودھری کاکہناتھاکہ ڈونلڈ ٹرمپ نے وزیراعظم نواز شریف کے بارے میں بھی نیک تمناؤں کا اظہار کیا ہے۔

    پاکستان افغانستان میں امن چاہتاہے ‘ اعزازچوہدری

    یاد رہےکہ گزشتہ ماہ واشنگٹن میں پاکستانی سفارت خانے میں اپنی پہلی کانفرنس کرتے ہوئےپاکستانی سفیر اعزازاحمد چوہدری کاکہناتھاکہ پاکستان اور امریکہ کےدرمیان7دہائیوں سے قریبی تعلقات ہیں۔

    اعزاز احمد چوہدری کا کہناتھاکہ افغانستان کا عسکری نہیں سیاسی حل درکار ہے جس کے لیے پاکستان اور امریکا مل کر کردار ادا کر سکتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں