ARYNews.tv | Urdu – Har Lamha Bakhabar

Tag: ڈونلڈ بلوم

  • امریکی سفیر ڈونلڈ بلوم کی عمر ایوب سے اہم ملاقات

    امریکی سفیر ڈونلڈ بلوم کی عمر ایوب سے اہم ملاقات

    اسلام آباد : امریکی سفیر ڈونلڈ بلوم نے اپوزیشن لیڈر عمر ایوب خان سے ملاقات کی، جس میں دو طرفہ تعلقات کے لیے اہم مسائل کی ایک وسیع رینج پر تبادلہ خیال کیا گیا۔

    تفصیلات کے مطابق ترجمان امریکی سفارتخانہ کی جانب سے بیان میں کہا گیا ہے کہ امریکی سفیر ڈونلڈ بلوم کی آج قومی اسمبلی میں قائد حزب اختلاف اور اپوزیشن کے دیگر سینئر ارکان سے ملاقات ہوئی۔

    ترجمان امریکی سفارتخانہ کا کہنا تھا کہ ملاقات میں دو طرفہ تعلقات کے لیے اہم مسائل کی ایک وسیع رینج پر تبادلہ خیال کیا گیا۔

    ترجمان نے بتایا کہ ڈونلڈ بلوم نے پاکستان کے لیے آئی ایم ایف کے ساتھ اس کے اصلاحاتی پروگرام پر تعمیری انداز میں شمولیت کے لیے امریکہ کی حمایت پر زور دیا۔

    اس موقع پر سفیر نے دونوں ممالک کے مشترکہ مفادات کی اہمیت اور ہمارے مشترکہ اہداف کو آگے بڑھانے کے بہت سے مواقع پر روشنی ڈالی۔

    ترجمان کے مطابق ڈونلڈ بلوم نے پاکستان کیلئےآئی ایم ایف پروگرام پر امریکا کی حمایت کا اعادہ بھی کیا۔

  • آصف زرداری سے امریکی سفیر کی ملاقات، دوسری مرتبہ عہدہ سنبھالنے پر مبارک باد دی

    آصف زرداری سے امریکی سفیر کی ملاقات، دوسری مرتبہ عہدہ سنبھالنے پر مبارک باد دی

    اسلام آباد: صدر آصف علی زرداری سے پاکستان میں امریکی سفیر ڈونلڈ بلوم نے ملاقات کی، امریکی سفیر نے صدر مملکت کو دوسری مرتبہ عہدہ سنبھالنے پر مبارک باد دی۔

    اس موقع پر صدر مملکت نے کہا کہ پاکستان اور امریکا کے درمیان تجارتی و سرمایہ کاری تعلقات بڑھانے کی ضرورت ہے، دونوں ممالک میں مختلف شعبوں میں باہمی تعاون کے مواقع تلاش کرنا ہوں گے۔

    انھوں نے کہا امریکی کاروباری اداروں کو پاکستان میں سرمایہ کاری کی حوصلہ افزائی کرنی چاہیے، اور جدید کاروباری آئیڈیاز لانے کی حوصلہ افزائی ہونی چاہیے، پاکستان امریکا تعلقات 7 دہائیوں پر محیط، دیرینہ اور وسیع البنیاد ہیں، یہ تعلقات مزید مضبوط کرنے کی ضرورت ہے۔

    آصف علی زرداری نے کہا پاکستان کی اوّلین ترجیح معیشت کو درست سمت پر گامزن کرنا، اقتصادی اور سیکیورٹی چیلنجز پر قابو پانا ہے، پاکستان موسمیاتی تبدیلی کے منفی اثرات سے سب سے زیادہ متاثرہ ممالک میں شامل ہے۔

    امریکی سفیر نے کہا کہ دونوں ممالک تجارت، سرمایہ کاری، موسمیاتی تبدیلی، قابل تجدید توانائی، سیکیورٹی اور زراعت کے شعبوں میں دو طرفہ تعاون بڑھا سکتے ہیں۔

  • امریکا پاکستان کو 32 منصوبوں کے لیے فنڈز فراہم کر رہا ہے، ڈونلڈ بلوم

    امریکا پاکستان کو 32 منصوبوں کے لیے فنڈز فراہم کر رہا ہے، ڈونلڈ بلوم

    لاہور: امریکی سفیر ڈونلڈ بلوم نے کہا ہے کہ امریکا پاکستان کو 32 منصوبوں کے لیے فنڈز فراہم کر رہا ہے۔

    تفصیلات کے مطابق امریکی سفیر ڈونلڈ بلوم کا کہنا ہے کہ امریکا پاکستان کو 32 منصوبوں کے لیے فنڈز فراہم کر رہا ہے، پاکستان میں منصوبوں کی بحالی کے لیے بہترین اقدامات ہو رہے ہیں۔

    انھوں نے بتایا کہ لاہور کے شاہی قلعے میں بھی 7 مقامات پر کام ہو رہا ہے، انٹرن شپ پروگرام کے ذریعے طلبہ کو ثقافت اور اس کی بحالی سکھائیں گے۔

    امریکی سفیر ڈونلڈ بلوم کا کہنا تھا کہ وہ پاکستان کی ثقافت کو ادب کی نگاہ سے دیکھتے ہیں۔

  • پاکستان کے لیے نامزد امریکی سفیر ڈونلڈ بلوم نے حلف اٹھا لیا

    پاکستان کے لیے نامزد امریکی سفیر ڈونلڈ بلوم نے حلف اٹھا لیا

    واشنگٹن: پاکستان کے لیے امریکا کے نامزد سفیر ڈونلڈ بلوم نے عہدے کا حلف اٹھا لیا۔

    تفصیلات کے مطابق پاکستان میں امریکا کے نامزد سفیر ڈونلڈ بلوم نے حلف اٹھا لیا ہے، وہ جلد دارالحکومت اسلام آباد پہنچیں گے۔

    امریکی محکمہ خارجہ نے ایک بیان میں کہا ہے کہ پاکستان اور امریکا مختلف شعبوں میں مضبوط شراکت داری چاہتے ہیں، اور صحت، تجارت، سرمایہ کاری، صاف ماحول پر باہمی تعاون کے خواہاں ہیں۔

    ڈپٹی سیکریٹری اسٹیٹ نے ٹویٹر اکاؤنٹ پر حلف کی تصویر شیئر کرتے ہوئے کہا کہ سفیر ڈونلڈ اے بلوم کو پاکستان میں امریکی سفیر کی حیثیت سے حلف دلانے کا اعزاز حاصل ہوا، سفیر بلوم امریکا اور پاکستان کے 75 سالہ تعلقات کو استوار کرنے کے لیے ایک شان دار انتخاب ہیں، اور ہم اس اہم عہدے کی تصدیق پر سینیٹ کا شکریہ ادا کرتے ہیں۔

    نئے سفیر ڈونلڈ بلوم نے عہدے کا حلف اٹھانے کے بعد کہا کہ کرونا وبا سے لے کر موسمیاتی تبدیلی تک پاکستان کا تعاون قابل تعریف ہے، دونوں ممالک کے درمیان شراکت داری اور تعاون کو مزید فروغ دیں گے۔

    ڈونلڈ بلوم کا کہنا تھا کہ ان کے لیے پاک امریکا تعلقات کے 75 ویں سال کے موقع پر عہدہ سنبھالنا اعزاز کا باعث ہے۔

    یاد رہے کہ گزشتہ برس اکتوبر میں امریکی صدر جو بائیڈن نے تین برس بعد پاکستان کے لیے سینیئر سفارت کار ڈونلڈ بلوم کو نیا امریکی سفیر نامزد کیا تھا، ان کی تعیناتی سے پہلے سینیٹ کی توثیق درکار تھی۔

    ڈونلڈ بلوم سفارت کاری کا طویل تجربہ رکھتےہیں، وہ اس سے قبل تیونس میں سفارتی خدمات انجام دے رہے تھے جب کہ کابل میں امریکی سفارت خانے میں بھی وہ ذمہ داریاں انجام دے چکے ہیں۔

  • پاکستان میں نئے سفیر کی تعیناتی ، امریکی سینیٹ نے توثیق کردی

    پاکستان میں نئے سفیر کی تعیناتی ، امریکی سینیٹ نے توثیق کردی

    واشنگٹن : امریکی سینیٹ نے ڈونلڈ بلوم کی پاکستان میں سفیر کی حیثیت سے تعیناتی کی توثیق کردی، امریکی محکمہ خارجہ کا کہنا ہے کہ پاکستان کے ساتھ شراکت داری علاقائی سلامتی کیلئےاہم ہے۔

    تفصیلات کے مطابق امریکی سینیٹ نے ڈونلڈ بلوم کی پاکستان میں سفیر کی حیثیت سے تعیناتی کی توثیق کردی ، امریکی محکمہ خارجہ نے سماجی رابطے کی ویب سائٹ ٹوئٹر پر ڈونلڈبلوم کو سفیر تعیناتی کی توثیق پر مبارکباد دی۔

    امریکی محکمہ خارجہ نے بیان میں کہا کہ پاکستان کےساتھ شراکت داری علاقائی سلامتی کیلئے اہم ہے، تجارت ، سرمایہ کاری، انسانی حقوق کے معاملے پر پارٹنرشپ ضروری ہے۔

    یاد رہے گذشتہ سال اکتوبر میں امریکی صدربائیڈن نے ڈونلڈ بلوم کو پاکستان کیلئے نیا سفیر نامزد کیا تھا، ڈونلڈ بلوم سفارت کاری کا طویل تجربہ رکھتےہیں۔

    ڈونلڈ بلوم اس سے پہلے تیونس میں بطور امریکی سفیر کے طور پر خدمات سرانجام دے رہے تھے جبکہ انہیں افغانستان میں بحیثیت قونصلر کام کرنے کا بھی وسیع تجربہ ہے اوروہ لیبیا کے لیے بھی ناظم الامور رہ چکے ہیں۔