واشنگٹن : امریکی صدر ڈونلڈ ٹرمپ کا کہنا ہے کہ بگ بیوٹی فل بل کے ذریعے امریکی معیشت کو بہتر کریں گے تاہم بل منظور نہ ہوا تو 68 فیصد ٹیکس میں اضافہ ہوگا۔
تفصیلات کے مطابق امریکی صدر ڈونلڈ ٹرمپ نے میڈیا سے گفتگو میں کہا کہ امریکی طیاروں نے ایرانی میں اہداف کومکمل تباہ کیا، تباہی کو نہ ماننے والا میڈیا فیک نیوز ہے۔
ڈونلڈ ٹرمپ کا کہنا تھا کہ بگ بیوٹی فل بل کے ذریعے امریکی معیشت کو بہتر کریں گے ، ٹیرف لاگو کرکے امریکی معیشت کو اربوں ڈالر کے نقصان سے بچایا۔
انھوں نے خبردار کیا کہ بگ بیوٹی فل بل منظور نہ ہوا تو 68 فیصد ٹیکس میں اضافہ ہوگا، بل کی منظوری کےبعد ٹپس اور سوشل سیکیورٹی پر ٹیکس نہیں لیا جائے گا، شہری اپنے رکن کانگریس اور سینیٹر سے بل کی حمایت کیلئےرابطہ کریں۔
غیرقانونی تارکین وطن کے حوالے سے بات کرتے ہوئے امریکی صدر کا کہنا تھا کہ امریکا میں غیرقانونی تارکین وطن کو باہر نکال رہےہیں ، ہرسال 10 لاکھ غیرقانونی تارکین وطن کو امریکا سے بےدخل کیا جائے گا ، جس میں بڑی تعداد میں جرائم پیشہ افراد شامل ہیں۔
انھوں نے بتایا کہ بائیڈن انتظامیہ کے دورمیں 11 ہزار سے زائد قاتل امریکا آئے لیکن اب سرحد سے غیرقانونی تارکین وطن اور منشیات کوداخل نہیں ہونے دیں گے۔
