کیرولائنا: امریکہ میں ریپبلکن جماعت کےنائب صدارتی امیدوارمائیک پنس نےڈونلڈٹرمپ کی حمایت جاری رکھنےکااعلان کردیا.

تفصیلات کےمطابق امریکی ریاست شمالی کیرولائنا میں انتخابی مہم کے دوران خطاب میں مائیک پنس نے ریپبلکن صدارتی امیدوارڈونلڈٹرمپ کی حمایت جاری رکھنےکااعلان کرتے ہوئےکہاکہ ٹرمپ نےدوسرےصدارتی مباحثےمیں عاجزی کامظاہرہ کیا۔

ریپبلکن پارٹی کے نائب صدارتی امیدوارمائیک پنس کاکہناتھاکہ ڈونلڈٹرمپ کےساتھ کھڑے ہونے پرانہیں فخرہے۔

خیال رہےکہ گزشتہ ہفتےڈونلڈٹرمپ کی خواتین سےمتعلق اخلاق سےگری ہوئی گفتگوکی ویڈیومنظرعام پرآنےکےبعدٹرمپ کومشکلات کاسامناہے۔ٹرمپ کی اپنی جماعت کےمتعددرہنماؤں نےٹرمپ کی حمایت سے دستبرداری کااعلان کردیاہے۔

مزید پڑھیں: ڈونلڈ ٹرمپ کا انتخابی مہم میں سب سے پہلے امریکہ کا نعرہ

یاد رہے کہ گزشتہ روزامریکی ریاست فلوریڈا میں انتخابی مہم سے خطاب میں ریپبلکن پارٹی کے صدارتی امیدوار ڈونلڈ ٹرمپ کا کہنا تھا کہ وہ دنیا کے نہیں امریکہ کےصدربننےکےلیےانتخابات میں حصہ لے رہے ہیں۔

مزیدپڑھیں:ریپبلکن پارٹی کے اہم رہنماکا ٹرمپ کا دفاع کرنے سے انکار

خیال رہےکہ ڈونلڈ ٹرمپ کی خواتین سے متعلق آڈیو ٹیپ آنے کے بعد رواں ہفتے ریپلکن پارٹی کے رہنمااورایوانِ نمائندگان کے اسپیکرپال رائن کا کہنا تھا کہ وہ اپنی جماعت کے صدارتی امیدوار ڈونلڈ ٹرمپ کا دفاع نہیں کرسکتے۔

واضح رہے کہ پال رائن نے ڈونلڈ ٹرمپ کی نامزدگی پر بھی اعتراض اٹھائے تھے تاہم ریپبلکن پارٹی نے ان کے اور ٹرمپ کے درمیان اختلافات ختم کرا دیے تھے۔

واشنگٹن : امریکی صدر اوباما کا کہنا ہے کہ ریپبلکن پارٹی کے صدارتی امیدوار ڈونلڈ ٹرمپ امریکہ کا سیاہ باب ہےاور وہ عہدہ صدارت کے لیے اہل نہیں ہیں۔

تفصیلات کےمطابق امریکی صدر اوباما کاامریکہ کی ریاست شمالی کیرولئنامیں ڈیموکریٹک پارٹی کی امیدوار ہیلری کلنٹن کی انتخابی مہم میں خطاب کے دوران کہنا تھا کہ ڈونلڈ ٹرمپ امریکہ کے کمانڈران چیف بننے کے اہل نہیں ہیں اورنہ ہی وہ دنیا کی عظیم جمہوریت کی سربراہی کے لائق ہیں۔

اوباما کا کہناتھاکہ ڈونلڈ ٹرمپ امریکہ کاسیاہ چہرہ دنیا کو دکھا رہے ہیں۔صدر اوباما کے خطاب کے دوران کچھ افراد نے احتجاج بھی کیا۔مظاہرین نے سابق صدر بل کلنٹن کے خلاف نعرے بازی کی۔

امریکی صدر بارک اوباما نے ڈونلڈ ٹرمپ کو امریکہ کاسیاہ باب قرار دے دیااور کہا کہ روشن مستقبل کےلیے عوام ہیلری کلنٹن کو منتخب کریں۔

انہوں نے کہا جو شخص بطور شوہر اور باپ ہوکر اپنی بیوی بچوں کو عزت نہیں دے سکتا وہ قوم کی عزت کیسے کرےگا۔

اوباما نےڈونلڈ ٹرمپ کو طنزیہ کہا کے آپ کی جماعت کے لوگ آپ کی حمایت سے دستبردار ہوگئے ،لہذا امریکی صدر بنے کا خواب دیکھنا چھوڑ دیں۔

نیویارک: ریپبلکن پارٹی کے صدارتی امیدوار ڈونلڈ ٹرمپ کا کہناہےکہ اگر وہ صدر منتخب ہوگئے تو یروشلم کو اسرائیل کا ’غیر منقسم‘ دارالحکومت تسلیم کرلیں گے۔

تفصیلات کےمطابق نیویارک میں واقع اپنی رہاہش گاہ ٹرمپ ٹاور میں اسرائیلی وزیراعظم کے ساتھ ملاقات میں ڈونلڈ ٹرمپ نے تسلیم کیا کہ یروشلم 3000 سال سے یہودی افراد کا ابدی دارالحکومت رہا ہے۔

ریپبلکن امیدوار کا کہنا تھا کہ اگروہ امریکہ کے صدر منتخب ہوتے ہیں تو یروشلم کو اسرائیلی ریاست کا دارالحکومت مانے گیں۔

انہوں نے نتن یاہو سے وعدہ کیا کہ اگر وہ صدر منتخب یوگئے تو اسرائیل کو ’غیرمعمولی اسٹریٹیجک، ٹیکنالوجیکل اور عسکری تعاون‘ فراہم کریں گے۔

یاد رہے کہ اسرائیل نے 1967 کی عرب اسرائیل جنگ کے دوران یروشلم کے مغربی حصے پر قبضہ کر لیا تھا اور1980 میں اس کے الحاق کا اعلان کرتے ہوئے اسے اسرائیل کا متحدہ دارالحکومت قرار دیا تھا۔

واضح رہے کہ امریکہ اور اقوام متحدہ کے بیشتر رکن ممالک اس الحاق کو تسلیم نہیں کرتے اور ان کے خیال میں یروشلم کا حتمی درجہ فلسطینیوں کے ساتھ امن مذاکرات میں اہم نکتہ ہے۔

واشنگٹن : ریپبلکن پارٹی کی جانب سے امریکی صدارتی امیدوار ڈونلڈ ٹرمپ نے بالآخر تسلیم کر لیا ہے کہ صدر براک اوباما امریکہ میں پیدا ہوئے تھے۔

تفصیلات کےمطابق اس سے قبل ٹرمپ اس بات کے حق میں مہم چلا چکے ہیں کہ چونکہ اوباما امریکہ میں پیدا نہیں ہوئے تھے اس لیے وہ ملکی قانون کے تحت صدر بننے کے اہل نہیں ہیں۔

خیال رہے کہ ٹرمپ نے ہیلری کلنٹن کی مہم پر الزام لگایا ہے کہ اوباما کی جائے پیدائش کا معاملہ پہلے انھوں نے 2008 میں اٹھایا تھا۔ہیلری کلنٹن نے جواب میں کہا ہے کہ ٹرمپ کی مہم کا دارومدار ہی اس ’بدترین جھوٹ‘ پر تھا۔

ٹرمپ نے واشنگٹن میں ایک انتخابی تقریب سے خطاب کرتے ہوئے کہاکہ صدر براک اوباما امریکہ میں پیدا ہوئے تھے،بات ختم۔ہیلری کلنٹن اور ان کی 2008 کی مہم نے پیدائش کا یہ تنازع کھڑا کیا تھا۔

دوسری جانب اس بات کا کوئی ثبوت نہیں ہے کہ ہیلری کلنٹن نے 2008 میں ڈیموکریٹ پارٹی کی جانب سے صدارتی نامزدگی کے مقابلے میں اوباما کے خلاف ان کی پیدائش کا مسئلہ اٹھایا ہو۔

ٹرمپ کی انتخابی مہم کے مشیر جیسن ملر نے کہا تھا کہ اوباما کو اپنی پیدائش کا سرٹیفیکیٹ جاری کرنے پر مجبور کر کے ٹرمپ نے یہ بدنما معاملہ اس کے انجام تک پہنچا دیا تھا۔

واضح رہے کہ ٹرمپ نے سرٹیفیکیٹ جاری ہونے کے بعد 2012 میں ایک ٹویٹ میں دعویٰ کیا تھا کہ انہیں انتہائی باوثوق ذرائع سے پتہ چلا ہے کہ یہ سرٹیفیکیٹ جعلی تھا۔