Tag: ڈونلڈ ٹرمپ

امریکی صدر ڈونلڈ ٹرمپ سمیت 300 سے زائد شخصیات اور اداروں کو اس سال امن کے نوبل انعام کے لیے نامزد کیا گیا ہے۔

غیر ملکی میڈیا کے مطابق اس سال امن کے نوبل انعام کے لیے نامزد افراد اور شخصیات کی تعداد 300 سے بھی تجاوز کر گئی ہے اور خاص بات یہ ہے کہ ان نامزدگیوں میں ایک نام رواں سال دوسری مدت کے امریکا کے صدر بننے والے ڈونلڈ ٹرمپ کا بھی ہے۔

اس سال کے نوبل امن انعام کے لیے 300 سے زائد افراد اور اداروں کو نامزد کیا گیا ہے۔ منتظمین نے بدھ کو اعلان کیا سیاسی رہنماؤں نے کہا کہ انھوں نے امریکی صدر ڈونلڈ ٹرمپ کو اس باوقار ایوارڈ کے لیے تجویز کیا ہے۔

نوبل انعام کے ضوابط میں یہ شرط رکھی گئی ہے کہ نامزد افراد کی شناخت 50 سال تک خفیہ رکھی جائے۔

ناروے کے نوبل انسٹی ٹیوٹ کے مطابق امن کے نوبل انعام کے امیدواروں کی تعداد 338 تک پہنچ گئی ہے۔ ان میں 244 افراد اور 94 ادارے شامل ہیں۔ یہ فہرست گزشتہ سال کی 286 نامزدگیوں سے زائد ہے۔

اب تک امن کے نوبل انعام کے لیے نامزدگیوں کا ریکارڈ 2016 میں بنا جب 376 افراد اور اداروں کو اس ایوارڈ کے لیے نامزد کیا گیا تھا۔

اگرچہ انعامی کمیٹی نامزد افراد کے ناموں کا اعلان نہیں کرتی، لیکن نامزد کرنے کے اہل افراد، بشمول ماضی کے فاتح، قانون ساز، وزرا اور یونیورسٹی کے کچھ پروفیسرز اپنے تجویز کردہ شخص یا ادارے کا نام ظاہر کرنے کے لیے آزاد ہیں۔

اسی تناظر میں امریکی رکن کانگریس داریل عیسیٰ نے گزشتہ دنوں ایکس پلیٹ فارم پر ایک پوسٹ میں اعلان کیا کہ وہ ٹرمپ کو ایوارڈ کے لیے نامزد کریں گے۔ ان کے نزدیک اس انعام کے لیے ٹرمپ سے زیادہ کوئی اور حق دار نہیں ہے۔

امریکی میڈیا نے اس پوسٹ کے بعد رپورٹ کیا ہے کہ ٹرمپ کی نامزدگی ان کے مشرق وسطیٰ کے نقطہ نظر کی وجہ سے ہوئی ہے۔ ان کا نام گزشتہ برسوں میں بھی بطور امیدوار سامنے آیا ہے لیکن اس سال کی نامزدگی خاص طور پر دیکھنے والی ہوگی۔

تاہم امن کے نوبل انعام سے ہٹ کر اگر ٹرمپ کے اقتدار سنبھالنے کے بعد کیے جانے والے اقدامات کو دیکھیں تو انہوں نے غزہ کی پٹی کا کنٹرول سنبھالنے اور اس کے 2.4 ملین مکینوں کو بے گھر کرنے کی تجویز بھی پیش کی۔ اس خیال نے دنیا بھر میں بڑے پیمانے پر مذمت کی لہر پیدا کی ہے۔

ٹرمپ نے یوکرین کی جنگ پر ماسکو کے ساتھ بات چیت شروع کر کے اور امریکی خارجہ پالیسی میں تبدیلیاں کر کے یورپی اتحادیوں کو خطرے میں ڈال کر تنازع کھڑا کر دیا ہے۔

واضح رہے کہ گزشتہ سال امن کا نوبل انعام جوہری ہتھیاروں پر پابندی کی کوششوں پر ایٹم بم سے بچ جانے والے جاپانی گروپ نیہون ہڈانکیو کو دیا گیا تھا۔

واشنگٹن : امریکی صدر ڈونلڈ ٹرمپ نے کینیڈا اور میکسیکو پر عائد ٹیرف کو دو اپریل تک موخر کر دیا اور اوول آفس میں ٹیرف مؤخر کرنے کے ایگزیکٹو آرڈر پر دستخط کر دیئے۔

تفصیلات کے مطابق واشنگٹن میں امریکی صدر ڈو نلڈٹرمپ نے میڈیا سے گفتگو کرتے ہوئے کہا کہ میکسیکو اور کینیڈا پر ٹیرف کو 2 اپریل تک مؤخر کیا اور ٹیرف مؤخر کرنے کے ایگزیکٹو آرڈر پر دستخط کردیئے ہیں۔

امریکی صدر کا کہنا تھا کہ کینیڈا اور بھارت ہماری مصنوعات پر سب سے زیادہ ٹیرف عائد کرتے ہیں، 2 اپریل کو امریکی تاریخ کا اہم دن ہوگا، تمام ممالک پر بلاتفریق برابر ٹیرف لگائیں گے۔

انھوں نے بتایا کہ گزشتہ دنوں روس اور یوکرین میں اہم بات چیت ہوئی، امن کیلئے یوکرین معاہدہ چاہتے ہیں، یوکرین کی مدد کے لیے امریکا نے اربوں ڈالر دیئے۔

جوہری ہتھیاروں کے حوالے سے ڈونلڈ ٹرمپ نے کہا کہ روس کے پاس سب سے زیادہ جوہری ہتھیار ہیں، شاید چین 4 پانچ سال میں روس کے برابر ہوجائے گا تاہم روس اورچین سے جوہری ہتھیاروں کی کمی کےحوالےسےبات چیت کریں گے ، جوہری ہتھیاروں کا خاتمہ اچھا ہوگا کیونکہ یہ طاقت بہت جنونی ہے۔

ان کا کہنا تھا کہ فرانس سمیت تمام ممالک سےبات ہوئی لیکن کسی نےمثبت جواب نہیں دیا، نیٹو میں سب دوست ہیں لیکن اس وقت امریکا مصیبت میں ہے، فرانس یورپی ممالک کوجوہری ہتھیاروں کی چھتری فراہم کررہا ہے۔

سوشل میڈیا ایپس پر پابندی سے متعلق امریکی صدر نے کہا کہ ٹک ٹاک سمیت غیرملکی ایپس پر پابندی کے حوالے سے رپورٹ طلب کی
ہے۔

واشنگٹن : امریکی صدر ڈونلڈ ٹرمپ کا کہنا ہے کہ جو ملک امریکا پر ٹیرف لگائے گا اس پر جوابی ٹیرف لگائیں گے۔

تفصیلات کے مطابق واشنگٹن میں امریکی صدر ڈونلڈ ٹرمپ نے کانگریس کے مشترکہ اجلاس سے پہلے خطاب میں کہا کہ ہم نے اپنے ابتدائی 43دنوں میں زیادہ تر انتظامی امور انجام دیئے، آج اس چیمبر میں یہ اطلاع دینے آیا ہوں کہ امریکی کی ترقی کی رفتارواپس آگئی ہے۔

امریکی صدر کا کہنا تھا کہ ہماری روح، ہمارا فخر اور ہمارا اعتماد واپس آگیا ہے امریکی خواب پہلے سے کہیں بڑے اور بہتر انداز میں آگے بڑھ رہا ہے، اب امریکی خواب کوروکنا ممکن نہیں۔

انھوں نے کہا کہ ہمارا ملک ایسی واپسی کے دہانے پر ہے جس کا دنیا نے کبھی مشاہدہ نہیں کیا تاریخ میں پہلی بار امریکیوں کی اکثریت کو یقین ہے کہ ہماراملک درست سمت میں جارہا ہے۔

امریکی صدر نے بائیڈن حکومت پر تنقید کرتے پچھلی انتظامیہ سے ہمیں معاشی تباہی اور افراط ذر کا ڈراونا خواب ملا تھا،بائیڈن کی پالیسیوں نے توانائی،اشیائے خوردونوش کی قیمتوں کو بڑھا دیا اور زندگی کی ضروریات کو لاکھوں امریکیوں سے دور کردیا۔

انھوں نے بتایا کہ ہم نے 48 سالوں میں بدترین مہنگائی کا سامنا کیا، بطور صدر مہنگائی کو کم کرنے کی کوشش کررہا ہوں، افراط زرکو شکست دینےکےلیےکوشش ہماری بڑی ترجیح ہے، ہم کوتوانائی کی قیمتوں فوری کمی کرنا ہوگی۔

ڈونلڈ ٹرمپ کا کہنا تھا کہ پچھلی انتظامیہ نےتیل اورگیس کی نئی لیزکی تعدادمیں 95 فیصد کمی کی، پائپ لائن کی تعمیر کو روک دیا اور 100 سے زیادہ پاور پلانٹس بند کر دیئے، اسی لیے میں نے اپنے پہلے دن ہی قومی توانائی کی ایمرجنسی کا اعلان کیا۔

امریکی صدر نے مزید کہا کہ امریکی عوام کا پیسہ امداد کے نام پر ضائع کیا گیا، جو ملک امریکا پر ٹیرف لگائے گااس پر جوابی ٹیرف لگائیں گے۔

ان کا بتانا تھا کہ ہم الاسکا میں بہت بڑی قدرتی گیس پائپ لائن پر بھی کام کر رہے ہیں، اس منصوبے میں جاپان، جنوبی کوریا اور دیگر ممالک ہمارے ساتھی بننا چاہتے ہیں،یہ ممالک اس منصوبے میں کھربوں ڈالر خرچ کرنے جارہے ہیں، کانگریس کوفنڈنگ کی ایک تفصیلی درخواست بھیجی ہے، توقع ہے کانگریس مجھے یہ فنڈنگ بلا تاخیر بھیجے گی۔

ٹرمپ نے کہا کہ گولڈ کارڈ کا اجرا کررہے ہیں جو جلد پیش کردیا جائیگا، جو اس کی قیمت ادا کرے گا اس کو امریکی سٹیزن شپ دی جائیگی، گولڈ کارڈ رکھنے والوں کی وجہ سے ہمارے قرضوں میں کمی آئے گی۔

ان کا کہنا تھا کہ کینیڈا اور میکسیکو کو اربوں ڈالر کی سبسڈی دی ،اب نہیں دیں گے، ڈیموکریٹ کو دعوت دیتا ہوں کہ آئیں مل کر امریکا کو عظیم بنائیں۔

یوکرین تنازعہ کے حوالے سے امریکی صدر نے کہا کہ یوکرین تنازعہ کے خاتمے کے لیے بھی انتھک محنت کر رہا ہوں، لاکھوں یوکرینی اور روسی تنازعہ میں بلاوجہ ہلاک یا زخمی ہو چکےہیں، امریکا نے یوکرین کے دفاع کے لیے سیکڑوں بلین ڈالر بھیجے ہیں جبکہ یورپ نے یوکرین کی امداد سے زیادہ روسی تیل اور گیس پر رقم خرچ کی ہے، بائیڈن نے اس لڑائی میں یورپ سے زیادہ رقم خرچ کی ہے۔

واشنگٹن : امریکی صدر ڈونلڈ ٹرمپ نے اقوام متحدہ کی انسانی حقوق کونسل سے نکلنے کا اعلان کردیا۔

تفصیلات کے مطابق امریکی کانگریس سے صدر ڈونلڈ ٹرمپ نے ایک گھنٹہ انتالیس منٹ اکتیس سیکنڈ طویل ترین خطاب کیا، اس سے پہلے طویل ترین خطاب بل کلنٹن نے کیا تھا۔

صدر ٹرمپ نے خطاب میں اپنے حالیہ فیصلوں اور اقدامات کا دفاع کرتے ہوئے اقوام متحدہ کی انسانی حقوق کونسل سے نکلنے کا اعلان کیا۔

امریکی صدر کا کہنا تھا کہ یوایس ایڈ میں بڑے پیمانے پر کرپشن تھی جسے ختم کردیا۔

ٹرمپ نے مزید کہا کہ پاناما کینال کو واپس لیاجائے گا، پاناما کینال بنانے میں اس لئے قربانیاں نہیں دیں کہ اسے چین کے حوالے کیا جائے۔

انھوں نے گرین لینڈ کو امریکا میں شامل ہونے کا مشورہ دیا اور کہا گرین لینڈ کے باشندوں کو کہتا ہوں آپ کی سیکیورٹی ہماری ذمہ داری ہے، گرین لینڈ کے شہری امریکا میں شامل ہو جائیں، ہم آپ کو ترقی یافتہ اور امیر بنائیں گے۔

امریکی صدر کا مزید کہنا تھا کہ امریکا اور بین الاقوامی سیکیورٹی کیلئے ضروری گرین لینڈ امریکا کا حصہ بنے، گرین لینڈ کو امریکا کا حصہ بناکر ہی رہیں گے۔

ڈونلڈ ٹرمپ نے کانگریس سے اسٹیٹ آف دی آرٹ گولڈن آئرن ڈوم بنانے کیلئے فنڈز اکھاٹا کرنے کو بھی کہا۔