ARYNews.tv | Urdu – Har Lamha Bakhabar

Tag: ڈونلڈ ٹرمپ

  • ڈونلڈ ٹرمپ کیوں زہران پر حملہ کررہے ہیں؟ نیویارک کے ممکنہ میئر کا بڑا انکشاف

    ڈونلڈ ٹرمپ کیوں زہران پر حملہ کررہے ہیں؟ نیویارک کے ممکنہ میئر کا بڑا انکشاف

    نیویارک کے آئندہ میئر بننے کے مضبطو امیدوار زہران ممدانی نے انکشاف کیا ہے کہ امریکی صدر ڈونلڈ ٹرمپ مشتعل ہوکر کیوں ان پر حملے کررہے ہیں۔

    بھارتی نژاد نیویارک کی میئرشپ کے امیدوار زہران ممدانی نے جمعرات کو امریکی صدر ڈونلڈ ٹرمپ کو "بے چین اور مایوس” قرار دیتے ہوئے ان پر الزام لگایا کہ وہ اہم باتوں سے توجہ ہٹانے کے لیے ان پر ذاتی حملے کر رہے ہیں۔

    ایکس پر اپنی پوسٹ میں زہران ممدانی نے لکھا کہ "ڈونلڈ ٹرمپ مجھ پر حملہ کر رہے ہیں کیونکہ وہ محنت کش لوگوں کے خلاف اپنی جنگ سے توجہ ہٹانے کے لیے بے چین ہیں۔ ہمیں جوابی جنگ کرنی چاہیے اور ہم یہ کریں گے۔”

    ان کا کہنا تھا کہ "ڈونلڈ ٹرمپ نے کہا کہ مجھے گرفتار کر لیا جائے، انھو نے کہا کہ مجھے ملک بدر کر دیا جائے، میرے بارے میں اس طرح کی باتیں کہی گئی ہیں کیونکہ وہ اس سے توجہ ہٹانا چاہتے ہیں جس کے لیے میں لڑ رہا ہوں۔

    زہران ممدانی نے کہا کہ "میں ان لوگوں کے لیے لڑتا ہوں جن کے لیے انھوں نے کہا تھا کہ وہ لڑ رہے ہیں، یہ وہی صدر ہیں جو سستی اشیا کی مہم چلارہے تھے،

    نیوریارک کی میئرشپ کے امیدوار نے کہا ک ٹرمپ ے لیے تقسیم کے شعلوں کو بھڑکانا آسان ہے بجائے اس کے کہ وہ امریکیوں کے کام کرنے کے طریقوں کو تسلیم کریں۔

    https://urdu.arynews.tv/zohran-mamdani-trump-threatened-new-york/

  • غیرملکی طلباء کیلئے محدود مدت کے ویزے، ٹرمپ کی نئی تجویز سامنے آگئی

    غیرملکی طلباء کیلئے محدود مدت کے ویزے، ٹرمپ کی نئی تجویز سامنے آگئی

    امریکی صدر ڈونلڈ ٹرمپ کی جانب سے غیر ملکی طلباء کے لیے محدود مدت کے ویزے جاری کرنے کی تجویز سامنے آئی ہے۔

    غیر ملکی ذرائع ابلاغ کے مطابق امریکا کے ڈیپارٹمنٹ آف ہوم لینڈ سیکیورٹی نے اس تجویز کو آفس آف مینجمنٹ اینڈ بجٹ (OMB) کے جائزے کے لیے پیش کر دیا ہے۔

    رپورٹس کے مطابق ڈونلڈ ٹرمپ نے یہ تجویز 2020ء میں اپنی پہلی صدارتی مدت کے دوران پیش کی تھی جو کہ اب ان کی دوسری صدارتی مدت کے دوران امیگریشن کے خلاف سخت ترین کارروائی کے آغاز پر دوبارہ سامنے آئی ہے۔

    اس تجویز کے مطابق امریکا کی جانب سے غیر ملکی طلباء کو جاری کیے گئے ویزوں کی ایک محدود مدت ہوگی اور وہ مدت ختم ہونے کے بعد طلباء امریکا میں مزید نہیں رُک سکیں گے۔

    رپورٹس کے مطابق حالیہ قوانین کے تحت F-1 ویزا رکھنے والے بین الاقوامی طلباء اورJ-1 کلچرل ایکسچینج ویزا رکھنے والے غیر ملکی طلباء و میڈیا نمائندوں کو ان کی تعلیم اور ٹریننگ سیشن مکمل ہونے تک امریکا میں رہنے دیا جائے گا۔

    ٹرمپ کی یہ نئی تجویز اگر منظور ہو جاتی ہے تو غیر ملکی طلباء کو محدود مدت کے ویزے جاری ہوسکتے ہیں اور ویزے کی محدود مدت ختم ہونے کے بعد امریکا میں مزید قیام کے لیے طلباء کو متعلقہ حکام کو درخواست دے کر ویزے کی مدت میں توسیع کروانی پڑے گی۔

    دوسری جانب امریکا آنے والوں کے لیے نئی وارننگ جاری کرتے ہوئے ویزا اور گرین کارڈ منسوخی کا نیا قانون نافذ کر دیا گیا۔

    میڈیا رپورٹس کے مطابق امریکا میں امیگریشن پالیسیوں کے حوالے سے جولائی 2025 میں سخت فیصلہ لیا گیا ہے، امریکا میں داخلے کے خواہشمند افراد، گرین کارڈ ہولڈرز اور ویزا رکھنے والوں کے لیے امیگریشن محکمے نے ایک انتباہی پیغام جاری کرتے ہوئے کہا ہے کہ امریکا آنا اور یہاں رہنا ایک اعزاز ہے نہ کہ حق۔

    امریکی محکمہ نے جاری پیغام میں کہا کہ اگر آپ دہشت گردی کی حمایت کرتے ہیں، تشدد کی ترغیب دیتے ہیں یا کسی ایسی سرگرمی میں شریک ہوتے ہیں تو آپ کو امریکا میں رہنے نہیں دیا جائے گا، قانون توڑنے والوں کے گرین کارد اور ویزہ منسوخ کیے جائیں گے۔

    وائٹ ہاؤس کے مطابق امریکا میں غیر قانونی طریقے سے رہنے والا ہر شخص مجرم ہے لیکن یہ کارروائی صرف غیر قانونی تارکین وطن تک محدود نہیں، بلکہ ایسے افراد بھی زد میں آ گئے ہیں جن کے پاس درست ویزے یا گرین کارڈز ہیں۔

  • امریکی صدر کا عوام کو ریلیف دینے کا بڑا اعلان

    امریکی صدر کا عوام کو ریلیف دینے کا بڑا اعلان

    واشنگٹن: امریکی صدر ڈونلڈ ٹرمپ نے عوام کو ریلیف دینے کا بڑا اعلان کیا ہے، اور کہا ہے کہ ’ون بگ بیوٹی فل بل‘ کی منظوری ہر امریکی کی فتح ہے۔

    امریکی صدر ٹرمپ نے بتایا کہ سینیٹ نے ہمارا تاریخی بِل منظور کر لیا ہے، یہ اب ’’ہاؤس بل‘‘ یا ’’سینیٹ بل‘‘ نہیں رہا بلکہ یہ ’’سب کا بل‘‘ بن گیا ہے، یہ ہم سب کے لیے قابل فخر ہے کیوں کہ یہ سب پالیسی جیت ہے، سب سے بڑھ کر امریکی عوام کی جیت ہے۔

    ڈونلڈ ٹرمپ نے سوشل میڈیا ٹروتھ سوشل پر لکھا ’’امریکی عوام کے پاس اب مستقل طور پر کم ٹیکس، زیادہ تنخوا، محفوظ سرحدیں، اور ایک مضبوط اور زیادہ طاقتور فوج ہوگی۔‘‘

    ان کا کہنا تھا کہ میڈیکیئر، میڈی کیڈ اور سوشل سیکیورٹی میں کٹوتی نہیں کی جا رہی، بلکہ ان پروگراموں سے کچرا اور دھوکا دہی صاف کر کے اور اس کا غلط استعمال ختم کر کے خطرناک ڈیموکریٹس سے محفوظ بنایا جا رہا ہے۔

    ظہران ممدانی نے ٹرمپ کی دھمکی کا جواب دے دیا

    ڈونلڈ ٹرمپ نے کہا امریکی عوام کے لیے خوش حالی کا نیا سنہری دور شروع ہونے والا ہے، بگ بیوٹی فل بِل امریکا کا مالی خسارہ کم اور ترقی کی نئی راہ کھولے گا، جولائی 4 سے پہلے بِل منظور کر کے عوام کو ریلیف دیں گے۔

    امریکی صدر کا کہنا تھا کہ امریکی عوام کو اس بل کی ضرورت تھی، وہ اس کے مستحق ہیں کیوں کہ انھوں نے ہی ہمیں یہاں بھیجا ہے، دوبارہ منتخب ہونے کے بعد معیشت پہلے ہی ترقی کر رہی ہے، ون بگ بیوٹی فل بل معاشی ترقی کو مزید آگے لے جائے گا۔

  • امریکی سینیٹ سے صدر ٹرمپ کے لیے اچھی خبر

    امریکی سینیٹ سے صدر ٹرمپ کے لیے اچھی خبر

    واشنگٹن: امریکی صدر ڈونلڈ ٹرمپ کے ٹیکس اور اخراجات کے بل کو ریپبلکن جماعت کی اکثریت والی امریکی سینیٹ نے ایک ووٹ کی اکثریت سے منظور کر لیا۔

    بین الاقوامی خبر رساں ادارے کی رپورٹ کے مطابق اس بل کی منظوری کے ساتھ ہی صدر ٹرمپ کی کئی اہم داخلی پالیسیوں کو قانون کا درجہ حاصل ہوجائے گا جبکہ اس سے ملکی قرض میں مزید 3.3 ٹریلین ڈالر کا اضافہ ہوگا۔

    رپورٹس کے مطابق بل 50 کے مقابلے 51 ووٹوں سے منظور ہوا اور فیصلہ کن ووٹ نائب صدر جے ڈی وانس نے کاسٹ کیا۔ تاہم 3 ریپبلکن سینیٹرز تھام ٹلس، سوزن کولنز اور رینڈ پال نے بل کی مخالفت کی اور تمام 47 ڈیموکریٹ سینیٹرز کے ساتھ شامل ہوگئے۔

    رپورٹس کے مطابق اس قانون کے تحت ٹرمپ کی جانب سے 2017 میں دی گئی ٹیکس کٹوتیوں میں توسیع کی جائے گی، فوجی اخراجات اور امیگریشن اداروں کے بجٹ میں اضافہ ہوگا، ٹِپس اور اوورٹائم آمدن پر نئے ٹیکس ریلیف دیے جائیں گے، جبکہ غریب افراد کے لیے صحت اور خوراک کی اسکیموں میں کٹوتی کی جائے گی۔

    ظہران ممدانی نے ٹرمپ کی دھمکی کا جواب دیدیا

    رپورٹس کے مطابق اس بل کو اب ایوان نمائندگان میں حتمی منظوری کے لیے بھیجا جائے گا جہاں سینیٹ کی ترامیم پر ریپبلکن پارٹی کے اندر پائے جانے والے اختلافات اس کی منظوری میں رکاوٹ بن سکتے ہیں۔

    امریکی صدر کی خواہش ہے کہ یہ بل 4 جولائی کو امریکا کے یومِ آزادی سے پہلے قانون میں تبدیل ہوجائے،ایوانِ نمائندگان کے اسپیکر مائیک جانسن کا اس حوالے سے کہنا ہے کہ وہ اس ڈیڈلائن کو پورا کرنے کی ہر ممکن کوشش کریں گے۔

  • مجھے لگتا ہے نیویارک کے لوگ پاگل ہو گئے ہیں، صدر ٹرمپ

    مجھے لگتا ہے نیویارک کے لوگ پاگل ہو گئے ہیں، صدر ٹرمپ

    واشنگٹن: امریکی صدر ڈونلڈ ٹرمپ کہ ایک مرتبہ پھر نیویارک کے میئر کے امیدوار ظہران ممدانی پر شدید تنقید کی ہے، انھوں نے کہا ’’میرے خیال میں ظہران ممدانی ایک خوفناک کمیونسٹ ہے۔‘‘

    صدر ڈونلڈ ٹرمپ نے میڈیا سے گفتگو میں کہا کہ ظہران ممدانی امریکیوں کے لیے ایک بری خبر ہے، وہ ایک خوفناک کمیونسٹ ہے، لیکن ان کو دیکھ کر بہت مزا آئے گا، کیوں کہ ممدانی کو فنڈز لینے کے لیے وائٹ ہاؤس آنا پڑے گا۔

    ڈونلڈ ٹرمپ نے کہا ’’میں نے سنا ہے کہ وہ (ظہران ممدانی) ایک پاگل شخص ہے، مجھے لگتا ہے کہ نیویارک کے لوگ پاگل ہو گئے ہیں، اگر نیو یارک کے لوگ ممدانی کو منتخب کرتے ہیں تو وہ پاگل ہیں۔

    امریکی صدر کا کہنا تھا کہ ممدانی کمیونسٹ گروسری اسٹور اور، ڈیپارٹمنٹل اسٹورز چلانا چاہتا ہے، اگر ایسا ہے تو نیویارک میں موجود باقی لوگوں کا کیا ہوگا۔

    اسرائیل غزہ میں 60 روزہ جنگ بندی پر رضامند ہوگیا، صدر ٹرمپ کا دعویٰ

    میڈیا سے گفتگو کے دوران صدر ٹرمپ سے ایلون مسک کے رویے پر سوال کیا گیا تو انھوں نے جواب میں کہا ایلون مسک الیکٹرک گاڑیوں پر مینڈیٹ کھونے پر پریشان ہے، وہ اپنے رویے کی وجہ سے الیکٹرک گاڑیوں کے علاوہ اور بھی بہت کچھ کھو سکتا ہے۔

    غزہ معاملے پر انھوں نے کہا نیتن یاہو جلد واشنگٹن پہنچ رہا ہے، ان سے غزہ میں ایک عظیم کامیابی پر بات کرنے جا رہے ہیں۔

  • جاپان سے شاید ہی کوئی ڈیل ہو سکے، بھارت کے ساتھ امکان ہے، ڈونلڈ ٹرمپ

    جاپان سے شاید ہی کوئی ڈیل ہو سکے، بھارت کے ساتھ امکان ہے، ڈونلڈ ٹرمپ

    واشنگٹن : امریکی صدر ڈونلڈ ٹرمپ کا کہنا ہے کہ وہ 9 جولائی کی تجارتی ڈیڈ لائن میں توسیع نہیں کریں گے، انہوں نے جاپان سے تجارتی معاہدے پر شکوک و شبہات کا اظہار کیا۔

    یہ بات انہوں نے فلوریڈا کے دورے سے واپسی پر ایئر فورس ون (صدر کے خصوصی طیارے) میں صحافیوں سے گفتگو کرتے ہوئے کہی۔

    غیرملکی خبر رساں ادارے رائٹرز کی رپورٹ کے مطابق امریکی صدر ڈونلڈ ٹرمپ نے کہا کہ مختلف ممالک کے ساتھ تجارتی معاہدے طے کرنے کے لیے دی گئی 9 جولائی کی ڈیڈ لائن میں توسیع نہیں کی جائے گی۔

    اس موقع پر ڈونلڈ ٹرمپ نے جاپان کے ساتھ تجارتی معاہدے پر بھی شکوک و شبہات کا اظہار کیا۔ ان کا کہنا تھا کہ ہم نے جاپان سے معاملات کیے ہیں لیکن میرا نہیں خیال کہ ہم کوئی معاہدہ کر سکیں گے یا جاپان سے شاید ہی کوئی ڈیل ہوسکے۔

    انہوں نے کہا کہ جاپان سے درآمدات پر ٹیرف 30 یا 35 فیصد یا کچھ بھی ہوسکتا ہے، یا جو بھی مناسب شرح ہم طے کریں، اس کے مطابق ٹیرف عائد کر سکتے ہیں۔ ڈونلڈ ٹرمپ نے کہا کہ بھارت کے ساتھ ڈیل کا امکان ہے۔

    رپورٹ کے مطابق امریکا نے کئی ممالک سے کہا ہے کہ اگر وہ 9 جولائی تک تجارت کے حوالے سے امریکا کے ساتھ معاہدے نہیں کرتے، تو ان کی مصنوعات پر اضافی ٹیکس (ٹیرف) لگا دیا جائے گا۔

  • ایران کا امریکی صدر ٹرمپ پر نفسیاتی کھیل کھیلنے کا الزام

    ایران کا امریکی صدر ٹرمپ پر نفسیاتی کھیل کھیلنے کا الزام

    تہران: اسلامی جمہوریہ ایران نے امریکی صدر ڈونلڈ ٹرمپ پر نفسیاتی کھیل کھیلنے کا الزام لگا دیا ہے۔

    روئٹرز کے مطابق وزارت خارجہ کے ترجمان اسماعیل بغیائی نے پریس کانفرنس میں کہا کہ امریکا کے صدر ڈونلڈ ٹرمپ کی باتیں سنجیدہ نہیں ہیں، وہ محض میڈیا اور ذہنی دباؤ کی چالیں چل رہے ہیں۔

    دفتر خارجہ ایران کا کہنا تھا کہ امریکی صدر کا رویہ مسائل کے حل کی بجائے سیاسی چال بازی ہے، بیانات مذاکرات یا تنازع کے حل کی سنجیدہ کوشش نہیں، امریکی صدر کے بیانات اعتماد کے ماحول کو نقصان پہنچاتے ہیں۔

    ایرانی دفتر خارجہ نے کہا کہ تہران پر پابندیوں کے خاتمے پر مسلسل بدلتے مؤقف سے امریکا کی غیر سنجیدگی واضح ہے۔

    ایران نے امریکا کے ساتھ فوری مذاکرات شروع ہونے کا امکان مسترد کر دیا

    ادھر ایرانی سپریم لیڈر آیت اللہ خامنہ ای نے بھی دہرایا ہے کہ ایران کبھی کسی دوسرے ملک کے سامنے نہیں جھکے گا، انھوں نے کہا ہماری ثقافتی دولت امریکا اور ان جیسے ممالک کے مقابلے میں زیادہ ہے۔

    دوسری طرف جی سیون وزرائے خارجہ نے مطالبہ کیا ہے کہ تہران سے جوہری پروگرام پر مذاکرات بحال کیے جائیں، اور اس کے ساتھ ایٹمی اثاثوں پر مشروط معاہدہ کیا جائے، ایران کو یورنیم افزودگی کی اجازت نہ دی جائے، جی سیون نے ایران سے مطالبہ کیا کہ وہ آئی اے ای اے سے مکمل تعاون کرے۔

  • ٹرمپ نے کیوبا پر سخت پالیسی بحال کردی

    ٹرمپ نے کیوبا پر سخت پالیسی بحال کردی

    امریکا کی جانب سے کیوبا پر سخت پالیسی بحال کردی گئی، جبکہ امریکی صدر ڈونلڈ ٹرمپ نے کیوبا سے متعلق نئی پالیسی پر دستخط کر دیے۔

    بین الاقوامی خبر رساں ادارے کی رپورٹ کے مطابق امریکی صدر ڈونلڈ ٹرمپ نے سابق صدر جو بائیڈن کی کیوبا پالیسی واپس لے لی۔

    رپورٹس کے مطابق امریکا کی کیوبا پر سخت پالیسی بحال کردی گئی۔ وائٹ ہاؤس کا کہنا ہے کہ کیوبا پر معاشی پابندیاں برقرار رہیں گی۔

    وائٹ ہاؤس کے مطابق امریکی سیاحوں پر کیوبا کا سفر دوبارہ ممنوع قرار دے دیا گیا۔

    دوسری جانب امریکی محکمہ خارجہ کی ترجمان ٹیمی بروس نے کہا ہے کہ شام سے تمام امریکی پابندیاں ہٹائی جارہی ہیں۔

    واشنگٹن میں پریس کانفرنس سے خطاب کرتے ہوئے انہوں نے کہا کہ شام سے تمام امریکی پابندیاں ہٹائی جارہی ہیں اور مڈل ایسٹ ٹاسک فورس کو ختم کر دیا گیا ہے۔

    ان کا کہنا تھا کہ غزہ کی موجودہ صورتحال کی ذمہ دار حماس ہے، حماس نے ہتھیار ڈالنے سے انکار کیا اور مغویوں کو بھی رکھا ہوا ہے۔

    ٹیمی بروس نے کہا کہ صدر ٹرمپ نے مشرق وسطیٰ کو ہمیشہ کیلئے تبدیل کردیا ہے، غزہ ابھی بھی وار زون ہے، غزہ میں سیز فائر کے لئے کوششیں کرتے رہیں گے۔

    ایران سے متعلق بات کرتے ہوئے ترجمان امریکی محکمہ خارجہ نے کہا کہ ایران کے ساتھ ہماریعمل نے ثابت کیا کہ ہم امن چاہتے ہیں۔

    ٹیمی بروس نے کا کہنا تھا کہ وزیرخارجہ مارکو روبیو دنیا میں قوت کے ذریعے امن کی پالیسی پرعمل پیرا ہیں، صدر ڈونلڈ ٹرمپ کی سربراہی میں مارکو روبیو پوری قوت سے امن کی پالیسی پر کاربند ہیں۔

    ایک سوال کے جواب میں ٹیمی بروس نے بتایا کہ قومی سلامتی کے پیش نظر امریکی ویزے منسوخ کرنے کی ہماری عوامی پالیسی ہے، اپنے ملک کی پالیسی سے متعلق ہرملک خودمختار ہے۔ اگر کوئی امریکا آرہا ہے تو اسے یہاں رہنے والوں کا احترام کرنا ہوگا۔

    انہوں نے کہا کہ صدر ٹرمپ سب سے طاقتور رہنما کے طور پر امریکا اور دنیا بھر میں امن کیلئے کام کررہے ہیں، ان کے پاس تمام لوگوں کو میز پر لانے کی صلاحیت ہے۔

    ٹرمپ کے بل کی حمایت کرنے والے آئندہ سال پرائمری الیکشن ہار جائیں گے، ایلون مسک کی دھمکی

    ترجمان امریکی محکمہ خارجہ ٹیمی بروس نے مزید کہا کہ روس یوکرین کی جنگ جلد بند ہونی چاہیے، ہرملک کا مستقبل اس کے اپنے ہاتھ میں ہے، ٹرمپ چاہتے ہیں ایران باقی ملکوں کے ساتھ معمول کے تعلق بحال کرے۔

  • ٹرمپ کے بل کی حمایت کرنے والے آئندہ سال پرائمری الیکشن ہار جائیں گے، ایلون مسک کی دھمکی

    ٹرمپ کے بل کی حمایت کرنے والے آئندہ سال پرائمری الیکشن ہار جائیں گے، ایلون مسک کی دھمکی

    واشنگٹن: ایلون مسک نے دھمکی دی ہے کہ صدر ٹرمپ کے بگ بیوٹی فل بل کی حمایت کرنے والے آئندہ سال پرائمری الیکشن ہار جائیں گے۔

    روئٹرز کے مطابق ایلون مسک نے امریکی صدر ڈونلڈ ٹرمپ کے ’بگ بیوٹی فل بل‘ روکنے کے لیے ارکان کانگریس کو دھمکی دے دی ہے، کہ اگر اس بل کی کسی رکن نے حمایت کی تو وہ آئندہ سال پرائمری الیکشن ہار جائے گا۔

    ایلون مسک نے ارکان کانگریس کو شرمندہ کرنے کے لیے کہا کہ ان کا سر اس بل کی حمایت پر شرم سے جھک جانا چاہیے، حکومتی اخراجات میں کمی کی مہم چلانے والے آج اس بل کی حمایت کر رہے ہیں۔

    ٹرمپ کے ’بگ بیوٹی فل بل‘ کو سینیٹ میں روکنے کی کوشش ناکام، ایلون مسک کی رائے؟

    ٹیسلا اور اسپیس ایکس کے بانی نے کہا امریکی تاریخ کا سب سے بڑے قرضے پر ارکان کانگریس کو شرمندہ ہونا چاہیے، امریکا میں اب ریپبلکن اور ڈیموکریٹ کے علاوہ تیسری پارٹی کی ضرورت ہے، بگ بیوٹی فل بل جس دن منظور ہوا اگلے روز امریکا میں تیسری پارٹی بن جائے گی۔

    ایلون مسک نے بل کی حمایت کرنے والوں کے لیے جھوٹا کے نام سے پوسٹر بھی بنا دیا ہے، اور کہا کہ یہ پوسٹر آئندہ الیکشن میں بل کے حامیوں کی تصویر کے ساتھ لگایا جائے گا۔

    واضح رہے کہ امریکی صدر ڈونلڈ ٹرمپ نے ریپبلکنز کو بل 4 جولائی تک منظوری کرنے کی ڈیڈ لائن دی ہے، بگ بیوٹی فل بل میں حکومتی اخراجات کے لیے 4 ٹریلین ڈالر سے زائد رقم مانگی گئی ہے۔

  • ’’مجھ سے پہلے جو صدر تھا وہ سیڑھیوں پر گرتا رہتا تھا‘‘

    ’’مجھ سے پہلے جو صدر تھا وہ سیڑھیوں پر گرتا رہتا تھا‘‘

    واشنگٹن: امریکی صدر ڈونلڈ ٹرمپ نے سابق صدر جو بائیڈن کی تضحیک کرتے ہوئے کہا ہے کہ وہ سیڑھیوں پر گرتا رہتا تھا۔

    اتوار کو امریکی صدر ڈونلڈ ٹرمپ نے فوکس نیوز کو انٹرویو دیتے ہوئے کہا ’’مجھ سے پہلے جو صدر تھا وہ سیڑھیوں پر گرتا رہتا تھا۔‘‘ ان کا اشارہ امریکا کے 46 ویں صدر 82 سالہ جو بائیڈن کی طرف تھا۔

    ٹرمپ نے کہا ’’امریکا کی دنیا میں عزت بحال ہوئی ہے، سب قدر کر رہے ہیں، میں دوروں پر گیا تو وہاں پر حکمران بہت عزت کر رہے تھے، مجھ سے پہلے جو صدر تھا وہ سیڑھیوں پر گرتا رہتا تھا۔‘‘

    جو بائیڈن سائیکل سے اترتے ہوئے گر گئے

    انھوں نے مزید کہا ’’مجھ سے پہلے جو صدر تھا اس کو پتا نہیں چلتا تھا کس طرف جانا ہے، بائیڈن اسٹیج پر گر جایا کرتا تھا، دنیا بھر میں مذاق اڑتا تھا۔‘‘

    خفیہ معلومات افشا کرنے والے صحافی اپنے ذرائع بتائیں ورنہ ۔۔۔ ٹرمپ کی دھمکی

    یاد رہے کہ رواں ماہ 9 جون کو امریکی صدر ڈونلڈ ٹرمپ کی بھی ایک ویڈیو وائرل ہوئی تھی جس میں وہ ایئر فورس ون کی سیڑھیوں پر چڑھتے ہوئے اچانک ٹھوکر کھاتے دکھائی دیتے ہیں، انھوں نے بہ مشکل خود کو گرنے سے بچایا تھا۔

    ٹرمپ نے انٹرویو میں کہا ’’گزشتہ ایک ہفتہ میرے لیے اہم رہا ہے، سعودی بادشاہ، قطر، یو اے ای قیادت سے ملاقات ہوئی، سعودی عرب، قطر، یو اے ای سے 5.1 کھرب ڈالر کی سرمایہ کاری لایا، ایک سال پہلے امریکا کی کارکردگی بری تھی، لیکن امریکا میں اب مہنگائی نہیں، اعداد و شمار اچھے ہیں۔‘‘

    انھوں نے کہا ٹیرف کے مقابلے ٹیرف سے ہی مقابلہ کر رہے ہیں، ٹیرف کے مقابلے میں کچھ نہ کریں تو ہماری صورت حال خطرناک ہوگی، ہم کچھ نہ کریں تو امریکا معصوم بھیڑ کی طرح ہو جائے گا۔

    ٹرمپ نے واضح کیا کہ امریکی حکومت معیشت کے لیے بڑے اقدامات اٹھا رہی ہے، معیشت میں جو ہماری پرواہ نہیں کرے گا ہم اس کی پرواہ نہیں کریں گے، جو ملک ہم پر ٹیکس لگائے گا جواب میں ہم بھی ٹیکس لگائیں گے۔