لاہور : امیر جماعت اسلامی سراج الحق نے کہا کہ ٹرمپ کی دھمکیوں سے پاکستان کو فرق نہیں پڑے گا بلکہ امریکی انتظامیہ کو اپنے رویے پر نظر ثانی کرنا ہوگی.
وہ لاہور میں پارٹی کارکنان سے خطاب کر رہے تھے، امیر جاعت اسلامی کا کہنا تھا کہ دوسرے ممالک پرقبضہ کرنے کی پالیسی ترک کردینی چاہیے، امریکا کو ہمارے فیصلوں میں دخل اندازی کا حق نہیں ہے.
سراج الحق نے کہا کہ امریکا کا رویہ دنیا میں جنگ وجدل اور بدامنی کو فروغ دے رہا ہے، امن کے لیے ضروری ہے امریکا اور نیٹو افغانستان سے نکل جائیں.
سراج الحق کا کہنا تھا کہ امریکا طاقت کے گھمنڈ میں آکر دنیا پر قابض ہونا چاہتا ہے اور اس کے لیے وہ ہر اخلاقی حد کو پار کر رہے ہیں جس کے خطرناک نتائج ثابت ہوں گے.
انہوں نے کہا کہ امریکا نفرت کا پرچار کررہا ہے اور خطے کو جنگ کی جانب دھکیل کے لیے پر تول رہا ہے جس کے خلاف امت مسلمہ کو متحد ہونے کی ضرورت ہے.
امیر جماعت اسلامی نے کہا کہ امریکا نے پاکستان کی جانب تیڑھی آنکھ سے دیکھا تونتائج کا ذمہ دار خود ہوگا، قوم امریکا کے خلاف متحد ہوچکی ہے.
کراچی : امریکی صدرڈونلڈ ٹرمپ جو اپنی بےہنگم اور لااُبالی طبیعت کی وجہ سے پہلے ہی بہت بدنام ہیں اور اب بدلتے بیانوں نے ان کی شخصیت کے عدم توازن کو مزید آشکار کردیا ہے، پاکستان کو دھمکیاں دینے والے ٹرمپ سے کوئی ہاتھ ملانا بھی پسند نہیں کرتا۔
پاکستان کو وہ شخص دھمکیاں دے رہا ہے، جسے خود امریکا میں سخت ناپسند کیا جاتا ہے، بیرون ملک دوروں پر چلا جائے تو لوگ ہاتھ ملانا تک پسند نہیں کرتے۔
اس کے علاوہ ٹرمپ کے مسخرے پن سے تو سب ہی واقف ہیں، عجیب و غریب شکلیں بنانا، چیل کوؤں سے چھیڑ خانی کرنا موصوف کے مشغلے ہیں۔
انہیں امریکہ کی صدارت تو مل گئی لیکن ان کے اتحادیوں نے انہیں دل سے قبول نہیں کیا، غیر تو پھر غیر ہیں، ٹرمپ کی تو گھر میں بھی نہیں چلتی ان کی اپنی بیوی کئی دفعہ ان کا ہاتھ جھٹک چکی ہیں۔
صدارت کا منصب سنبھالنے کے بعد ڈونلڈ ٹرمپ کے خلاف امریکا میں کئی مرتبہ احتجاجی مظاہرے بھی ہو چکے ہیں، ٹرمپ کے مسخرے پن کا مذاق اڑاتے ہوئے کئی لوگ ان کا روپ دھارے سڑکوں پر اوٹ پٹانگ حرکتیں کرتے پھرتے ہیں، شاید امریکی عوام انہیں صدر بنا کر پچھتا رہے ہوں گے۔
امریکی ٹی وی اینکر نے ٹرمپ کو خبطی بوڑھا قرار دے دیا
ڈونلڈ ٹرمپ کو امریکا کے لیے شرمندگی کا باعث سمجھا جاتا ہے، ایک امریکی ٹیلی ویژن چینل پر خاتون اینکر نے ڈونلڈ ٹرمپ کو خبطی بوڑھا قرار دیتے ہوئے کہا تھا کہ آپ امریکا کے صدر ہیں بچوں کی طرح حرکتیں بند کریں۔
ٹی وی اینکر کا مزید کہنا تھا کہ خبطی بوڑھے کو کوئی سمجھائے کہ وہ اب امریکا کا صدر ہے، اپنے ٹوئٹس کو کنٹرول نہیں کرسکتے تو ٹویٹ کرنا بند کردو۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
اسلام آباد: پاکستان نے امریکی سفیر کو دفتر خارجہ طلب کرکے ڈونلڈ ٹرمپ کے بیان پر شدید احتجاج ریکارڈ کروایا ہے۔
تفصیلات کے مطابق امریکی صدر ڈونلڈ ٹرمپ نے اپنے ٹویٹ میں کہا تھا کہ پاکستان امریکا کو ہمیشہ دھوکا دیتا آیا ہے، پاکستان نے امداد کے بدلے امریکا کو بے وقوف بنانے کے سوا کچھ نہیں کیا۔
دفتر خارجہ نے اس بات کا نوٹس لیتے ہوئے امریکی سفیر ڈیوڈ ہیل کو طلب کرکے احتجاج ریکارڈ کرایا اور وضاحت طلب کی۔
یاد رہے کہ ترجمان پاک فوج کی جانب سے پہلے ہی ’’ڈومور‘‘ کا دوٹوک جواب ’’نومور‘‘ کی صورت دیا جاچکا ہے۔
قومی سلامتی کمیٹی کااجلاس
واضح رہے کہ وزیراعظم نے قومی سلامتی کمیٹی کا اجلاس بدھ کی صبح طلب کر لیا ہے۔ امریکی دھمکی کے بعد یہ اجلاس خصوصی اہمیت اختیار کر گیا ہے۔
اجلاس میں وزیر خارجہ، وزیر داخلہ، وزیر دفاع شریک ہوں گے، اجلاس میں ملکی وعلاقائی سیکیورٹی صورت حال پربھی غورہوگا اور قومی سلامتی کمیٹی اجلاس میں امریکی صدرکےبیان پرغور کیا جائے گا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
اسلام آباد: پاکستانی وزیر خارجہ خواجہ آصف کا کہنا ہے کہ پہلے ٹرمپ اپنے لوگوں سے 15 سالہ ناکامی کا حساب لیں، افغانستان میں امریکا بند گلی میں پھنس گیا ہے، وہاں کا غصہ پاکستان پر نکال رہا ہے۔
ان کا کہنا تھا کہ امریکا نے دہشت گردی کے خلاف تعاون پر فنڈز دیے، یہ دہشت گردی کے خلاف جنگ کا خرچہ تھا، امریکا نے ہماری زمین، سڑکیں اور ریلوے استعمال کیے۔
خواجہ آصف کا کہنا تھا کہ صدر ٹرمپ شوق سے اپنے پیسوں کا حساب لیں، حساب لینا ہے تولے لیں، سرعام حساب دینے کو تیار ہیں، ہماری خارجہ پالیسی قومی مفاد میں ہوگی، پہلے ہی نومورکہہ چکے ہیں۔
خواجہ آصف کا ٹویٹ
اس سے قبل وزیر خارجہ نے اپنے ٹویٹ میں کہا تھا کہ دنیا کو جلد بتائیں گے کہ حقیقت اور افسانے میں کیا فرق ہے، امریکی صدر کی دھمکیوں کا جلد جواب دیا جائے گا۔
ان خیالات کا اظہار مسلم لیگ کے مرکزی رہنما نے امریکی صدر کے ٹویٹ کے جواب میں نے ٹویٹر پر کیا تھا۔ ان کا کہنا تھا کہ دنیا کوسچائی سے جلد آگاہ کریں گے۔
واضح رہے کہ امریکی صدر ڈونلڈ ٹرمپ نے کہا ہے کہ پاکستان امریکا کو ہمیشہ دھوکا دیتا آیا ہے، پاکستان نے امداد کے بدلے امریکا کو بے وقوف بنانے کے سوا کچھ نہیں کیا۔
واضح رہے کہ خواجہ آصف نے آج وزیر اعظم شاہد خاقان عباسی سے ملاقات کی تھی، جس میں دیگر امور کی ساتھ ٹرمپ کے تازہ دھمکیوں پر بھی تبادلہ خیال ہوگا۔
ڈومورکا دوٹوک جواب نومور
یاد رہے کہ ترجمان پاک فوج کی جانب سے پہلے ہی ’’ڈومور‘‘کا دوٹوک جواب ’’نومور‘‘ کی صورت دیا جاچکا ہے۔
ڈی جی آئی ایس پی آرنےکہا تھا ہمیں دھمکیاں مل رہی ہیں، وقت آگیا ہے کہ قوم متحد ہوجائے، اپنے اختلافات بھلا کر ایک مقصد پاکستان کے لیے متحد ہوجائیں۔
ڈی جی آئی ایس پی آر نے کہا تھا کہ اب کسی سے کسی لیے بھی دباؤ قبول نہیں کریں گے، ہم دو مسلط کردہ جنگیں لڑچکےہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
واشنگٹن : امریکی صدر ڈونلڈ ٹرمپ نے کہا ہے کہ پاکستان امریکہ کو ہمیشہ دھوکہ دیتا آیا ہے، پاکستان نے امداد کے بدلے امریکہ کو بے وقوف بنانے کے بجائے کچھ نہیں کیا۔
یہ بات انہوں نے سماجی رابطے کی ویب سائٹ ٹوئٹر پر اپنے تازہ پیغام میں کہی، امریکی صدر ڈونلڈ ٹرمپ نے ایک بار پھر پاکستان کو دھمکی دی ہے، کچھ روز قبل امریکی صدر نے پاکستان کا شکریہ ادا کیا اور اب قلابازی کھاتے ہوئے دھمکیوں پر اتر آئے۔
ان کا کہنا ہے کہ امریکا نے گزشتہ15سال میں33ارب ڈالرز پاکستان کو دے کر بے وقوفی کی، پاکستان نے اس کے بدلے میں ہمیں صرف دھوکا دیا، پاکستان نے امداد کےبدلے کچھ نہیں کیا بلکہ امریکا کو بےوقوف بنایا، امریکی صدر نے مزید کہا کہ اب ایسانہیں ہوگا۔
امریکی صدر نے کہا کہ پاکستان ان دہشت گردوں کو محفوظ پناہ گاہیں فراہم کرتا ہے جنہیں ہم افغانستان میں تلاش کررہے ہیں، امداد وصول کرنے کے باوجود پاکستان نے امریکا سے جھوٹ بولا۔
ایران میں تبدیلی کا وقت آگیا ہے، ٹرمپ
امریکی صدر ڈونلڈ ٹرمپ کا ایک اور ٹوئٹر پیغام میں کہنا ہے کہ ایران میں تبدیلی کا وقت آگیا ہے، ایران کی دولت لوٹی جارہی ہے، تہران ہر سطح پرناکام ہورہا ہے۔
انہوں نے مزید کہا کہ ایران کے عظیم عوام کو سالوں سے محکوم بنایا گیا ہے، ایرانی عوام کو آزادی اور انسانی حقوق کی بھوک ہے۔
واضح رہے کہ ترجمان پاک فوج پہلے ہی امریکی مطالبے’’ڈومور‘‘کا دوٹوک جواب’’نومور‘‘دے چکے ہیں۔
علاوہ ازیں اس سے قبل بھی رواں سال اگست میں افغانستان اور جنوبی ایشیا سے متعلق امریکی پالیسی بیان کرتے ہوئے ڈونلڈ ٹرمپ کا کہنا تھا کہ پاکستان کو دہشت گردوں کے ٹھکانوں کا صفایا کرنا ہوگا، امریکہ پاکستان کو اربوں ڈالر دیتا رہا ہے، پاکستان کو فوری اقدامات کرنا ہوں گے۔
امریکی صدر نے الزام لگایا تھا کہ پاکستان دہشت گردوں کو پناہ فراہم کرتا رہا ہے اور پاکستان میں دہشت گردوں کے محفوظ ٹھکانے ہیں، پاکستان کے عوام نے دہشت گردی کے خلاف بہت قربانیاں دیں ہیں جن کے نتائج سامنے آنا چاہئیں، پاکستان میں دہشت گردوں کی پناہ گاہوں پرخاموش نہیں رہیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
یاد رہے کہ رواں برس 21 نومبرکو امریکی صدرڈونلڈ ٹرمپ نے شمالی کوریا کو دہشت گرد ریاست قرار دیا تھا ۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
غزہ : امریکہ کی جانب سے یروشلم کو اسرائیل کا دارالحکومت تسلیم کرنے کے خلاف احتجاجی مظاہرین پراسرائیلی فورسز کی فائرنگ سے 4 فلسطینی جاں بحق جبکہ 160 افراد زخمی ہوگئے۔
تفصیلات کے مطابق یروشلم کو اسرائیل کا دارالحکومت تسلیم کرنے کے خلاف غزہ، مغربی کنارے، بیت الحم اور دیگر علاقوں میں ہزاروں فلسطینی سڑکوں پر نکل آئے اور امریکی صدر کے خلاف احتجاج کیا۔
اسرائیلی فورسز کی فائرنگ سے 4 فلسطینی شہید جبکہ 160 افراد زخمی ہوگئے، شہید ہونے والوں میں ویل چیئر پراحتجاج میں شریک 29 سالہ ابراہیم ابو تریاب بھی شامل ہے۔
دوسری جانب اسرائیلی فوج کے ترجمان نے فلسطینیوں کی جانب سے احتجاجی مظاہرے کی تصدیق کی تاہم فائرنگ سے شہید ہونے والے ابراہیم ابو تریاب کے حوالے سے تبصرہ کرنے سے انکارکردیا۔
خیال رہے کہ ابراہیم ابو تریاب 2008 میں اسرائیل کی جانب سے داغے گئے میزائلوں کے حملے میں اپنی دونوں ٹانگیں کھو چکے تھے۔
یاد رہے کہ 31 اکتوبرکو اسرائیلی فوج نے آپریشن کے دوران فائرنگ کرکے 7 فلسطینیوں کو شہید جبکہ 14 کو زخمی کردیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
انقرہ: ترک صدر طیب اردگان اور روس کے صدر پیوٹن نے کہا ہے کہ یروشلم کو اسرائیل کا دارالحکومت تسلیم کرنے کے فیصلے کو خطے کے پائیدار امن کے لیے خطرناک قرار دیا اور اس فیصلے سے مشرق وسطیٰ میں نفرت کی آگ بڑھ جانے کے خدشے کا اظہار کیا ہے.
دونوں صدور انقرہ میں ملاقات کے بعد مشترکہ کانفرنس سے خطاب کر رہے تھے، دونوں صدور نے ملاقات کو مفید قرار دیتے ہوئے کہا کہ مشرق وسطیٰ میں پیدا ہونے والی صورت حال پر اتفاق رائے پایا گیا ہے.
مشترکہ اعلامیہ میں کہا گیا ہے کہ مشرق وسطیٰ پہلے ہی تنازعات کا شکار ہے تاہم امریکی صدر ڈونلڈ ٹرمپ کے اعلان نے خطے میں کشیدگی کو مزید ہوا دیا ہے جس سے قیام امن کے لیے کی جانے والی کاوشوں کو شدید نقصان پہنچے گا جس سے پورے خطے میں آگ بھڑک اُٹھے گی.
پریس کانفرنس سے خطاب کرتے ہوئے طیب اردگان نے ملاقات کی تفصیلات بتاتے ہوئے کہا کہ روسی صدر نے دورانِ ملاقات نہتے فلسطینیوں پربہیمانہ اسرائیلی تشدد اور مظالم کی پر زور مذمت کی ہے اور تنازعے کے پُرامن حل کے ہمارے مطالبے کی حمایت کی ہے.
اس موقع پر روسی صدر پیوٹن کا کہنا تھا کہ ڈونلڈ ٹرمپ کے متنازعہ اعلان سے صرف مسلمانوں کے جذبات کو ٹھیس نہیں پہنچی ہے بلکہ دنیا بھر میں موجود دیگر مذاہب کے پیروکاروں میں بھی شدید غم و غصہ پایا جاتا ہے اس لیے امریکا کو ہٹ دھرمی چھوڑ کر عوامی مطالبے کی قدر کرنی چاہیئے.
یاد رہے کہ روسی صدر ولادی میر پیوٹن ایک روزہ دورے پر انقرہ پہنچے ہیں ترک صدر طیب اردگان نے اُن کا استقبال کیا اور خصوصی ملاقات میں دو طرفہ دلچسپی کے معاملات بالخصوص مشرق وسطیٰ میں پیدا ہونے والی صورت حال پر تبادلہ خیال کیا گیا.
قاہرہ : عرب لیگ نے امریکی صدرڈونلڈ ٹرمپ کے متازعہ فیصلے کونا قابل قبول قرار دیتے ہوئے امن کے لیے خطرہ قرار دے دیا۔
تفصیلات کے مطابق مقبوضہ بیت المقدس کواسرائیل کا دارالحکومت تسلیم کرنے کے ٹرمپ کے متنازعہ فیصلے کے خلاف عرب لیگ کا ہنگامی اجلاس قاہرہ میں ہوا۔
اجلاس میں 22 ممالک وزرائے خارجہ نے امریکی صدر ڈونلڈ ٹرمپ کے فیصلے کی شدید مذمت کرتے ہوئے اسے ناقابل قبول اوردوملکی تنازعے کے پرامن حل کے لیے خطرہ قرار دیا ہے۔
عرب لیگ کے جنرل سیکریٹری احمد ابوالغیط نے ڈونلد ٹرمپ کے فیصلے کو عالمی قوانین کی کھلی خلاف ورزی قرار دیا۔
فلسطینی وزیرخارجہ ریاض المالکی نے کہا کہ ٹرمپ کے فیصلے نے واضح کردیا دوملکی تنازعے کے حل کے لیے صرف ایک فریق کی پارٹی بنا ہوا ہے، لہذا وہ ثالثی کا کردارادا نہیں کرسکتا۔
اس موقع پرلبنان کے وزیرخارجہ جبران باسل نے کہا کہ امریکہ کو یروشلم میں اپنا سفارت خانہ منتقل کرنے سے روکنے کے لیے عرب ممالک کو امریکہ پرمعاشی پابندیاں عائد کرنی چاہیے۔
یاد رہے کہ گزشتہ اقوام متحدہ کے سلامتی کونسل کے اجلاس میں امریکہ کی یروشلم پالیسی پر15 میں سے 14 ارکان نے امریکہ کی مخالفت کرتے ہوئے اسے یکطرفہ فیصلہ قرار دیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
نیویارک: امریکہ میں ڈونلڈ ٹرمپ کی یروشلم پالیسی کے خلاف سینکڑوں افراد سڑکوں پر نکل آئےاور امریکی صدر کے خلاف شدید احتجاج کیا۔
تفصیلات کے مطابق امریکہ میں نیویارک ٹائم اسکوائر پر سینکڑوں افراد نے مقبوضہ بیت المقدس کو اسرائیلی دارلحکومت تسلیم کرنے کےٹرمپ کے متنازعہ فیصلے کے خلاف شدید احتجاج کیا۔
مظاہرین نے ٹرمپ سے مقبوضہ بیت المقدس کوفلسطین کا دارالحکومت قرار دینا کا مطالبہ کیا،مظاہرین نے فلسطینی پرچم اور بینرز اٹھارکھے تھے۔
نیویارک ٹائم اسکوائر پر احتجاج کرنے والے مظاہرین نےڈونلڈ ٹرمپ کے خلاف اور فلسطین کے حق زبردست نعرے بازی کی۔
اس موقع پر کسی بھی ناخوشگوار واقعے سے نمٹنے کے لیے سیکیورٹی کے سخت انتطامات کیے گئے تھے۔
خیال رہے کہ گزشتہ روز امریکہ نے فلسطین کودھمکی دی تھی کہ امریکی نائب صدرمائیک پینس سے فلسطینی صدرکی ملاقات منسوخ کرنے کے نتائج اچھے نہیں ہوں گے۔
یاد رہے کہ گزشتہ روز امریکہ کی جانب سے یروشلم کو اسرائیلی دارالحکومت تسلیم کرنے کے بعد احتجاج کرنے والے فلسطینیوں پراسرائیلی سیکورٹی فورسزنےشیلنگ اور فائرنگ کی تھی، جس کے نتیجے میں 31 فلسطینی زخمی ہوگئے تھے۔
واضح رہے کہ تین روز قبل امریکی صدر ڈونلڈ ٹرمپ نے یروشلم کو اسرائیل کا دارالحکومت تسلیم کرنے کا اعلان کرتے ہوئے کہا تھا کہ اب امریکی سفارت خانے کو باقاعدہ طور پر یروشلم منتقل کردیا جائے گا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
