ARYNews.tv | Urdu – Har Lamha Bakhabar

Tag: ڈونلڈ ٹرمپ

  • امریکی ریاسٹ ٹیکسس میں ہاروی کی تباہ کاریاں‘ 9 افراد ہلاک

    امریکی ریاسٹ ٹیکسس میں ہاروی کی تباہ کاریاں‘ 9 افراد ہلاک

    ٹیکسس : امریکی ریاست ٹیکسس میں سمندری طوفان ہاروی کی وجہ سے مختلف حادثات میں 9 افراد ہلاک جبکہ ایک ہزار سے زائد افراد کو بچالیا گیا ہے۔

    تفصیلات کے مطابق امریکی ریاست ٹیکسس کے شہرہیوسٹن میں سمندری طوفان ہاروی کے باعث ہونے والی طوفانی بارشوں کے بعد شہر میں پھنسے اب تک 1000 سے زائد افراد کو بچالیا گیا ہے۔

    نیشنل ویدر سروس کے مطابق اب تک 9 افراد ہلاک ہونے کی خبرآئی ہے لیکن صرف ایک شخص کی موت کی تصدیق ہوسکی ہے جبکہ سمندری طوفان کی وجہ سے ہیوسٹن اور دیگرعلاقوں میں ایمرجنسی نافذ کردی گئی ہے۔

    گورنزٹیکسس گریگ ایبٹ کا کہنا ہے کہ سیلاب کی وجہ سے انہیں سخت پریشانی کا سامنا ہے جبکہ ہیوسٹن اور کارپس سٹی میں اب تک 20 انچ بارش ریکارڈ کی گئی ہے۔

    یاد رہے کہ گزشتہ روز امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے پیغام میں کہا تھا کہ وہ بہت جلد ٹیکسس کا دورہ کریں گے۔

    ڈونلڈ ٹرمپ نے اپنی ایک اور ٹویٹ میں کہا تھا کہ ماہرین کے مطابق یہ طوفان 500 سالوں میں سب سے شدید طوفان ہے اور اس سے نمٹنے کے ہرممکن کوشش کی جارہی ہے۔

    واضح رہے کہ امریکی ریاست ٹیکسس میں سیلاب کے باعث امدادی کارروائیوں میں 1800 امریکی فوجیوں کی خدمات لی گئی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ڈونلڈ ٹرمپ آئندہ سال امریکہ کے صدرنہیں رہیں گے، قریبی دوست کا دعویٰ

    ڈونلڈ ٹرمپ آئندہ سال امریکہ کے صدرنہیں رہیں گے، قریبی دوست کا دعویٰ

    واشنگٹن : امریکی صدر ڈونلڈ ٹرمپ کی صدارت چند ماہ کی رہ گئی ہے، ٹرمپ کے پرانے قریبی ساتھی نے دعویٰ کیا ہے کہ اگلے سال وہ امریکہ کے صدر نہیں ہوں گے۔

    تفصیلات کے مطابق امریکی صدر کی کتاب کے معاون مصنف ٹونی شوارٹز نے انکشاف کیا ہے کہ ڈونلڈ ٹرمپ چند ماہ میں استعفی دینے والے ہیں، ان کے مطابق الٹی گنتی شروع ہوچکی ہے۔

    ٹونی شوارٹز نے صورتحال کا موازنہ صدر نکسن کے آخری دنوں سے کیا ہے، ان کا کہنا ہے ٹرمپ کے نزدیک گھیرا تنگ ہورہا ہے اور اس سال کے اختتام تک وہ اپنے عہدے سے استعفی دے دیں گے۔

    واضح رہے کہ اس سے قبل ڈیموکریٹ پارٹی کے رہنما اور سابق امریکی نائب صدر ایلگور نے بھی ڈونلڈ ٹرمپ سے مستعفی ہونے کا مطالبہ کیا تھا۔

    احمقانہ اقدامات اور عجیب و غریب بیانات کی وجہ سے امریکہ میں ڈونلڈ ٹرمپ کی مقبولیت کافی تیزی سے کم ہورہی ہے، چالیس فیصد امریکیوں کے مطابق ان کو عہدے سے ہٹادینا چاہیئے۔

  • ٹرمپ کی افغان پالیسی ناکام ہوگی‘ وزیراعظم شاہد خاقان عباسی

    ٹرمپ کی افغان پالیسی ناکام ہوگی‘ وزیراعظم شاہد خاقان عباسی

    اسلام آباد : وزیراعظم پاکستان شاہد خاقان عباسی کا کہنا ہے کہ پاکستان دہشت گردوں کی پشت پنائی نہیں کررہا۔

    تفصیلات کے مطابق وزیراعظم پاکستان نے امریکی اخبار کو انٹرویو دیتے ہوئے کہا کہ سابق امریکی صدورکی افغان پالیسی بھی ناکامی سے دوچار ہوئی۔

    وزیراعظم شاہد خاقان عباسی کا کہنا تھا کہ امریکی صدر ڈونلڈ ٹرمپ کی افغان پالیسی بھی ناکام ہوگی۔

    وزیراعطم پاکستان کا کہنا تھا کہ پہلے دن سےکہہ رہے ہیں افغانستان میں فوجی حکمت عملی کام نہیں کرےگی افغان مسئلے کا سیاسی حل نکالنا چاہیے۔

    شاہد خاقان عباسی کا کہنا تھا کہ پاکستان دہشت گردوں کی پشت پنائی نہیں کررہا جبکہ دہشت گردی کے خلاف جنگ کی حمایت کرتے ہیں۔

    انہوں نے کہا کہ بھارت سمیت تمام ممالک سےمل کرکام کرنےکوتیارہیں اور دہشت گردی کے خلاف ہمارا تعاون غیر مشروط ہے۔

    وزیراعظم پاکستان کا انٹرویو کے دوران کہنا تھا کہ کسی کوافغان جنگ پاکستان کی سرزمین پرنہیں لڑنے دیں گے۔ انہوں نے کہا کہ افغانستان کےمعاملات افغانستان تک محدود رہنے چاہیں۔

    افغان طالبان قیادت کوئٹہ اورپشاورمیں پناہ گزین ہے، امریکی کمانڈر

    خیال رہے کہ گزشتہ روزامریکی فوجی کمانڈرجنرل جان نکلسن نے پاکستان میں دہشت گردوں کی پناہ گاہوں کا الزام عائد کرتے ہوئے کہا تھا کہ کوئٹہ شورٰی اورپشاور شورٰی حقیقت ہیں۔

    پاکستان نے دہشت گردوں کی محفوظ پناہ گاہیں ختم کردیں، آرمی چیف

    یاد رہے کہ گزشتہ روز دوشنبہ میں انسداد دہشت گردی تعاون میکینزم فورم کے اجلاس میں آرمی چیف جنرل قمر جاوید باجوہ کا کہنا تھا کہ پاکستان نے دہشت گردوں کی پناہ گاہیں ختم کردیں ہیں۔

    امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ

    واضح رہے کہ گزشتہ ہفتے امریکی صدر نے الزام لگایا تھا کہ پاکستان دہشت گردوں کو پناہ فراہم کرتارہا ہے اورپاکستان میں دہشت گردوں کے محفوظ ٹھکانے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاکستان کےلیےوہ وقت آگیا کہ امریکہ کوکہےاب کبھی نہیں‘ عمران خان

    پاکستان کےلیےوہ وقت آگیا کہ امریکہ کوکہےاب کبھی نہیں‘ عمران خان

    اسلام آباد : چیئرمین پاکستان تحریک انصاف نے کہا کہ امریکہ کی دہشت گردی کے خلاف جنگ میں پاکستان نے 70 ہزار افراد کی قربانی دی۔

    تفصیلات کے مطابق پاکستان تحریک انصاف کے سربراہ عمران خان نے امریکی صدر ڈونلڈ ٹرمپ کی نئی پالیسی پر ردعمل دیتے ہوئے سماجی رابطے کی ویب سائٹ ٹویٹر پراپنے پیغام میں کہا کہ ایک بار امریکہ نے اپنی ناکام افغان پالیسی کا ملبہ پاکستان ڈالا۔

    چیئرمین تحریک انصاف عمران خان نے کہا کہ امریکہ کی ایما پرافغانستان میں 2جنگیں لڑیں اور امریکہ کی دہشت گردی کےخلاف جنگ میں پاکستان نے70ہزارافرادکی قربانی دی۔

    عمران خان نے سماجی رابطے کی ویب سائٹ پر اپنے پیغام میں کہا کہ یہ پاکستان کےلیےایک سبق ہےچند ڈالرزکے لیےکسی اورکی جنگ نہ لڑے۔

    انہوں نے کہا کہ ہم نےخود کوامریکہ اوربھارت کی ناکام پالیسیوں پرقربانی کا بکرانہیں بننےدینا۔

    چیئرمین تحریک انصاف عمران خان نے کہا کہ دہشت گردی کےخلاف جنگ میں معیشت کو100بلین ڈالرکانقصان ہوا جبکہ جنگوں کا نتیجہ پاکستان کےلیےجانی ومالی نقصان کاباعث بنا۔ انہوں نے کہا کہ پاکستان کےلیےوہ وقت آگیا کہ امریکہ کوکہےاب کبھی نہیں۔

    عمران خان نے کہا کہ بھارت پاکستان پرکشمیرمیں آزادی کی تحریک کوہوا دینےکاالزام لگاتا ہے جبکہ مقبوضہ کشمیرمیں آزادی کی تحریک بھارتی مظالم اورپالیسی کی ناکامی ہے۔

    افغانستان اور جنوبی ایشیا سے متعلق امریکی پالیسی بیان کرتے ہوئے ڈونلڈ ٹرمپ کا کہنا تھا کہ پاکستان کو دہشت گردوں کےٹھکانوں کا صفایا کرنا ہوگا، امریکہ پاکستان کو اربوں ڈالر دیتا رہا ہے، پاکستان کو فوری اقدامات کرنا ہوں گے۔

    امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ

    امریکی صدر نے الزام لگایا کہ پاکستان دہشت گردوں کو پناہ فراہم کرتارہاہے اور پاکستان میں دہشتگردوں کے محفوظ ٹھکانے ہیں۔

    واضح رہے کہ ڈونلڈٹرمپ نے دھمکی دی کہ افغانستان میں ہماراساتھ دینے پر پاکستان کوفائدہ ہوگا، دوسری صورت میں اسے نقصان کا سامنا کرنا پڑے گا

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکیوں کے لیے افغانستان کو ’قبرستان‘ بنا دیں گے

    امریکیوں کے لیے افغانستان کو ’قبرستان‘ بنا دیں گے

    کابل: افغان طالبان نے امریکہ کو خبردار کیا ہے کہ اگروہ افغانستان سے امریکی فوجیوں کا انخلا نہیں کرتا تو افغانستان کو امریکیوں کا’قبرستان‘ بنا دیں گے۔

    تفصیلات کے مطابق امریکہ کی افغانستان سے متعلق نئی پالیسی پر افغان طالبان نے ردعمل دیتے ہوئے کہا ہے کہ اگر امریکہ نے اپنے فوجیوں کو افغانستان سے واپس نہ بلایا تو افغانستان کو امریکیوں کا قبرستان بنا دیں گے۔

    افغان طالبان کے ترجمان ذبیح اللہ مجاہد نے کہا کہ امریکہ کو افغانستان سے اپنے فوجیوں کے انخلا کے بارے میں حکمت عملی تیار کرنی چاہیے ناکہ جنگ کو جاری رکھنے کی۔

    طالبان ترجمان نے کہا کہ جب تک ہماری سرزمین پر ایک امریکی فوجی بھی موجود ہے اور انہوں نے جنگ جاری رکھی تو ان کے خلاف ہمار جہاد جاری رہے گا۔

    طالبان ترجمان نےکہا کہ وہ کئی نسلوں سے یہ جنگ لڑرہے ہیں اور وہ خوفزدہ نہیں بلکہ وہ اپنے خون کے آخری قطرے تک جنگ جاری رکھیں گے۔

    افغانستان سےا پنی فوجیں واپس نہیں بلائیں گے‘ ڈونلڈ ٹرمپ

    امریکی صدر ڈونلڈ ٹرمپ نے آج نئی افغان پالیسی کا اعلان کرتے ہوئے نیٹو سے فوج بڑھانے اور اتحادیوں سے فنڈز بڑھانے کا مطالبہ کرتے ہوئے کہا کہ افغانستان کو اپنے پیروں پر کھڑا ہونا ہوگا، مدد ضرور کریں گے لیکن افغانستان کا بوجھ مستقل نہیں اٹھا سکتے۔

    واضح رہے کہ ڈونلڈ ٹرمپ نے بتایا پہلے ان کا ارادہ تھا کہ وہ افغانستان سے فوجیں جلد واپس بلا لیں گے ہم یہ غلطی افغانستان میں نہیں دہرائیں گے اور فتح تک ملک میں موجود رہیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ڈونلڈ ٹرمپ نےشمالی کوریاکودنیا کےلیےخطرہ قرار دے دیا

    ڈونلڈ ٹرمپ نےشمالی کوریاکودنیا کےلیےخطرہ قرار دے دیا

    وارسا: امریکی صدر ڈونلڈ ٹرمپ نے کہا کہ شمالی کوریا کے میزائل تجربات کے بعد امریکا شمالی کوریا کو سخت جواب دےگا۔

    تفصیلات کےمطابق امریکی صدر ڈونلڈٹرمپ نے پولینڈ کےہم منصب کےساتھ پریس کانفرنس کرتے ہوئےکہاکہ شمالی کوریا ایک خطرہ ہے جس سے سختی سے نمٹناہوگا۔ انہوں نےکہا کہ تمام ممالک مل کر شمالی کوریا پر دبائو ڈالیں تاکہ اس کے ایٹمی پروگرام کو روکا جاسکے۔

    ڈونلڈ ٹرمپ نے کہاکہ روسی خطرات سے نمٹنے کےلیے پولینڈ کےساتھ مل کرکام کر رہے ہیں جبکہ نیٹو کے رکن ممالک اپنی مالیاتی ذمے دیاریاں نبھائیں۔

    امریکہ شمالی کوریا کےخلاف فوجی طاقت استعمال کرسکتا ہے‘نکی ہیلی

    یاد رہےکہ گزشتہ روز اقوام متحدہ میں امریکی سفیر نِکی ہیلے نے کہاتھا کہ شمالی کوریا کے جوہری اورمیزائل تجربات کو روکنے کےلیے امریکہ فوجی طاقت استعمال کرسکتاہے۔

    واضح رہےکہ حال ہی میں شمالی کوریا نے بین البراعظمی بیلسٹک میزائل کے تجربہ کا دعویٰ کیا تھا جبکہ اقوام متحدہ نے شمالی کوریا کے تجربے کی مذمت کی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شمالی کوریا کا ایک اورمیزائل تجربہ

    شمالی کوریا کا ایک اورمیزائل تجربہ

    سیول : جنوبی کوریا کی فوج کا کہناہےکہ شمالی کوریا نے ایک اور بیلسٹک میزائل کا تجربہ کیا ہے۔

    تفصیلات کےمطابق جنوبی کوریا کا کہناہےکہ شمالی کوریا کی جانب سے ایک اور بیلسٹک میزائل کا تجربہ کیاگیاہے۔جنوبی کوریا کا کہناہےکہ میزائل تجربہ مقامی وقت کےمطابق آج صبح نو بجکر چالیس منٹ پر کیاگیا۔

    خیال رہےکہ شمالی کوریا کی جانب سے آئے دن میزائل تجربات کی اطلاعات آتی رہتی ہیں جن سے خطے میں تناؤ کی کیفیت طاری رہتی ہے۔

    دوسری جانب امریکی صدر ڈونلڈٹرمپ نے سماجی رابطے کی ویب سائٹ ٹویٹر پر شمالی کوریا کے میزائل تجربےپر ردعمل ظاہرکرتے ہوئے کہاکہ شمالی کوریا کےسربراہ کےپاس کیا میزائل تجربات کے علاوہ کوئی کام نہیں۔

    یاد رہےکہ اس سے قبل گزشتہ دنوں امریکی حکام کا کہناتھا کہ شمالی کوریا نے اپنے ایک اور راکٹ انجن کا تجربہ کیا ہے،جس کا تعلق بین البراعظمی بیلسٹک میزائل کی تیاری سے ہو سکتا ہے۔

    شمالی کوریا اپنا قبلہ جلد ازجلد درست کرلے‘ ڈونلڈ ٹرمپ

    واضح رہےکہ تین روز قبل امریکی صدر ڈونلڈ ٹرمپ کا کہناتھاکہ شمالی کوریا کے معاملے پر ان کے صبر کا پیمانہ اب لبریز ہو گیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • ٹرمپ خاندان کی وائٹ ہاؤس میں پارٹی

    ٹرمپ خاندان کی وائٹ ہاؤس میں پارٹی

    واشنگٹن: امریکی صدر ڈونلڈ ٹرمپ اور ان کے خاندان نے کانگریس کے ارکان کو وائٹ ہاؤس مدعو کیا اور ان کے ساتھ رقص و موسیقی پر مشتمل دعوت میں خوب ہلہ گلہ کیا۔

    امریکی صدارتی انتخابات اور صدر منتخب ہونے کے ابتدائی سخت ایام کے بعد بالآخر ٹرمپ خاندان نے پکنک منانے کا وقت نکال لیا۔

    ٹرمپ کے صدر منتخب ہونے کے بعد پہلی بار وائٹ ہاؤس میں پارٹی منعقد کی گئی جس میں روایت کے مطابق کانگریس ارکان نے شرکت کی۔

    پارٹی میں خاتون اول میلانیا ٹرمپ اور ٹرمپ کی صاحبزادی ایوانکا ٹرمپ نے بچوں کے ساتھ گفتگو کی، تصاویر بنوائیں اور ان کے ساتھ خوبصورت لمحات گزارے۔

    Family photo take #45 Lots of fun tonight at the Congressional Picnic

    A post shared by Ivanka Trump (@ivankatrump) on

    صدر ٹرمپ بھی خوشگوار موڈ میں نظر آئے۔

    اپنی تقریر میں ٹرمپ نے ری پبلکن اور ڈیموکریٹس ارکان کو ایک دوسرے کے قریب آنے اور اختلافات ختم کرنے کی ضورت پر زور دیا۔

    پارٹی میں کانگریس ارکان نے اپنے اہل خانہ کے ساتھ بھرپور شرکت کی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ٹرمپ نےافغانستان میں امریکی فوج کی تعداد بڑھانے کی اجازت دے دی

    ٹرمپ نےافغانستان میں امریکی فوج کی تعداد بڑھانے کی اجازت دے دی

    واشنگٹن:امریکی صدر ڈونلڈ ٹرمپ نے پینٹاگون انتظامیہ کو افغانستان میں امریکی فوج کی تعداد میں اضافے کی اجازت دے دی۔

    تفصیلات کےمطابق پینٹاگون کے چیف جیمس میٹس اب براہ راست فوجیوں کی تعداد میں اضافہ کرسکیں گے۔اس اجازت کے بعد ٹرمپ نے دونوں ممالک میں داعش کے خلاف لڑائی کے لیے جنگ کی اجازت دی تھی۔

    خیال رہےکہ یہ پیش رفت ڈیفنس سیکریٹری جیمس میٹس کی جانب سے قانون سازوں کے سامنے اس اعتراف کے بعد سامنے آئی ہے جس میں انھوں نے بتایا تھا کہ امریکہ اب بھی افغانستان میں جنگ نہیں جیت رہا ہے۔

    امریکی ڈیفنس سیکریٹری جیمس میٹس نے کانگریس پینل کو بتایا تھا کہ ٹرمپ انتظامیہ کو افغانستان کی صورت حال میں پاکستان اور بھارت کے درمیان جاری کشیدگی کے اثرات کو بھی افغان پالیسی میں شامل کرنا چاہیے۔

    یاد رہے ورلڈ ٹریڈ سینٹر پر حملے کے بعد امریکا کی جانب سے افغانستان پر فوجی چڑھائی کی گئی تھی، 17 سال سے امریکی اور نیٹو فوجی افغانستان میں تعینات ہیں اور وہ مقامی فوجیوں کے ساتھ مل کر افغانستان میں کام کررہے ہیں۔

    برطانیہ کا افغانستان میں‌ مزید فوجی تعینات کرنے کا فیصلہ

    واضح رہےکہ گزشتہ سال جولائی میں برطانیہ نے افغانستان میں مزید پچاس فوجی اہلکار بھیجنے کا فیصلہ کیا تھا جو وہاں موجود افغان سیکیورٹی اہلکاروں کو تربیت دیں اور موجودہ صورتحال سے نمٹنے کےلیے اقدامات تجویز کریں‌گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ورجینیا میں فائرنگ‘ ریپبلکن رہنما زخمی‘ حملہ آور ہلاک

    ورجینیا میں فائرنگ‘ ریپبلکن رہنما زخمی‘ حملہ آور ہلاک

    ورجینیا: امریکی ریاست ورجنینا میں رپبلکن پارٹی کے سیاست دان اسٹیو سکالس کو گولی مارنے والا حملہ آور ہلاک ہو گیا ہے۔

    تفصیلات کےمطابق ریاست ورجنیا میں ریپبلکن پارٹی کے سیاست دان اسٹیو سکالِس اور ان کے معاونین گولیاں لگنے سے زخمی ہوگئے تھے۔حملہ آور کی شناخت جیمز ٹی ہاڈجکنسن کے نام سے ہوئی ہے جو پولیس کے ساتھ مقابلے میں ماراگیا۔

    خیال رہےکہ اس سے قبل پولیس نے ایک ٹویٹ میں کہا تھا کہ پولیس کئی گولیاں چلائے جانے کے واقعے کی تحقیق کر رہی ہے اور ایک شخص کو حراست میں لے لیا گیا ہے۔

    امریکہ: سفری پابندی کے صدارتی حکم کی معطلی کا فیصلہ برقرار

    دوسری جانب امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پراپنے پیغام میں کہاکہ اسٹیو سکالس ایک اچھے دوست اور محب وطن بری طرح زخمی ہوگئے ہیں ہماری دعائیں ان کے ساتھ ہیں۔

    سینیٹر مائک لی کےمطابق مسٹر اسٹیو سکیلائس کو کولہے پر گولی لگی ہے۔ انہوں نے کہا کہ گولی مارنے والے نے لمبی بندوق سے حملہ کیا۔

    واضح رہےکہ اسس سے قبل وائٹ ہاؤس میں پریس سیکریٹری شون سپائسر نے ٹویٹ میں کہا تھا کہ صدر ڈونلڈ ٹرمپ کو صورتِ حال سے باخبر رکھا جا رہا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔