ARYNews.tv | Urdu – Har Lamha Bakhabar

Tag: ڈونلڈ ٹرمپ

  • ڈونلڈٹرمپ کےفون کالزکی نگرانی نہیں کی گئی‘ ایف بی آئی چیف

    ڈونلڈٹرمپ کےفون کالزکی نگرانی نہیں کی گئی‘ ایف بی آئی چیف

    واشنگٹن: امریکی تحقیقاتی ادارے ایف بی آئی کے ڈائریکٹر کا کہناہےکہ صدارتی انتخابی مہم کے دوران ڈونلڈ ٹرمپ کا فون ٹیپ نہیں کیاگیا۔انہوں نےٹرمپ کےالزامات کو مستردکردیا۔

    تفصیلات کےمطابق ایف بی آئی ڈائریکٹر جیمزکومی نے ڈونلڈ ٹرمپ کی جانب سے سابق امریکی صدر براک اوباما پرفون ٹیپ کےحوالے سےلگانے جانے والے الزامات کو مستردکرتے ہوئےکہاکہ اوبامانے ایسے کوئی احکامات نہیں دیے تھے۔

    امریکی تحقیقاتی ادارے کے ڈائریکٹر نےامریکی وزارتِ قانون سے کہا ہے کہ وہ ان الزامات کو مسترد کر دیں۔

    خیال رہےکہ اس سے قبل سابق ڈائریکٹر انٹیلی جنس جیمز کلیپر نے امریکی ٹی وی چینل سے بات کرتے ہوئے کہاتھا کہ انہیں کسی عدالتی حکم کا بھی معلوم نہیں جس میں ڈونلڈ ٹرمپ کی وائر ٹیپنگ کی اجازت دی گئی ہو۔

    مزید پڑھیں:ڈونلڈٹرمپ کا اوباماپرفون ٹیپ کرنے کاالزام

    یاد رہےکہ گزشتہ روز امریکی صدر ڈونلڈ ٹرمپ نے سابق صدر براک اوباما پر الزام لگایاتھا کہ انہوں نے ان جیت سے ایک ماہ قبل ان کی فون کالز ٹیپ کی تھیں۔

    واضح رہےکہ اس سےقبل امریکی صدر ڈونلڈ ٹرمپ کا کہنا تھا کہ ریپبلکن سیاست دانوں کے خلاف احتجاج اور قومی راز افشا ہونے کے پیچھے سابق صدر براک اوباما کا ہاتھ ہوسکتا ہے۔

  • ڈونلڈٹرمپ کا اوباماپرفون ٹیپ کرنے کاالزام

    ڈونلڈٹرمپ کا اوباماپرفون ٹیپ کرنے کاالزام

    واشنگٹن : امریکی صدر ڈونلڈ ٹرمپ نےسابق امریکی صدر براک اوباما پرصدارتی مہم کےدوران فون کالزٹیب کرنے کا الزام لگایا ہے۔

    تفصیلات کےمطابق امریکی صدر ڈونلد ٹرمپ نےگزشتہ روز سماجی رابطے کی ویب سائٹ ٹویٹر پر اپنے پیغام میں کہاکہ ’افسوس ناک! ابھی معلوم ہوا ہےکہ اوباما نے ٹرمپ ٹاور میں میری جیت سے ایک ماہ قبل میرا ’فون ٹیپ کیا‘۔ کچھ نہیں ملا،یہ مشتبہ کارروائی ہے۔‘

    ڈونلڈ ٹرمپ نے اپنی ٹویٹ میں مزید کہا کہ ’ایک اچھا وکیل اس معلومات سے مقدمہ بنا سکتے ہیں کہ سابق صدر اوباما اکتوبر میں انتخاب سے قبل فون ٹیپ کر رہے تھے۔‘

    امریکی صدر ڈونلڈ ٹرمپ کا مزید کہنا تھا کہ اس سے قبل عدالت نے فون ٹیپ کرنے کی درخواست مسترد کر دی تھی۔

    دوسری جانب سابق صدر براک اوباما کےترجمان کیون لوئس کا کہنا تھا کہ کہ صدر ٹرمپ کی جانب سے فون کالز کی نگرانی کے الزامات بالکل جھوٹے ہیں۔ان کا مزید کہناتھاکہ اوباما انتظامیہ کایہ اصول تھا کہ ان کی انتظامیہ کا کوئی بھی شخص کسی بھی عدالتی تفتیش میں کوئی مداخلت نہیں کرتا۔

    واضح رہےکہ اس سےقبل امریکی صدر ڈونلڈ ٹرمپ کا کہنا تھا کہ ریپبلکن سیاست دانوں کے خلاف احتجاج اور قومی راز افشا ہونے کے پیچھے سابق صدر براک اوباما کا ہاتھ ہوسکتا ہے۔

  • اٹارنی جنرل جیف، ٹرمپ کے لیے مشکلات کا سبب بن گئے

    اٹارنی جنرل جیف، ٹرمپ کے لیے مشکلات کا سبب بن گئے

    واشنگٹن : امریکی اٹارنی جنرل جیف سیشنز روسی سفارت کاروں سے ملاقاتوں پر غلط بیانی کرنے پر مشکل میں پھنس گئے ہیں یوں نیشنل سیکورٹی ایڈوائزر کے استعفی کے بعد ٹرمپ انتظامیہ کے اٹارنی جنرل پر بھی استعفی کیلئے شدید دباؤ بڑھ گیا ہے۔

    امریکی میڈیا کے مطابق ابھی ٹرمپ انتظامیہ کے نیشنل سیکورٹی ایڈوائزر مائیکل فلن کے روسی سفارت کاروں سے رابطوں پر استعفی کے زخم بھر بھی نہ پائے تھے کہ اٹارنی جنرل جیف سیشنز کی روسی سفارت کاروں سے ملاقاتوں کی خبر نے ٹرمپ انتظامیہ کو نئی مشکل میں ڈال دیا ہے۔

    واضح رہے کہ جیف سیشنزسے اسینٹ جوڈیشری کمیٹی کے اجلاس میں ٹرمپ مہم کے اراکین کی روسی سفارت کاروں سے ملاقاتوں کا پوچھا گیا تھا، جس پر انہوں نے کسی ایسی ملاقات کی تردید کرتے ہوئے کہا تھا کہ ان کی بھی کسی روسی سفارت کار سے کوئی ملاقات نہیں ہوئی۔

    یاد رہے اس اجلاس کے بعد جیف سیشنز نے اٹارنی جنرل کا عہدہ تو سنبھال لیا مگر واشنگٹن پوسٹ کی ایک رپورٹ نے 2016 کی صدارتی مہم کے دوران جیف سیشنز کی روسی سفیر کے ساتھ دو ملاقاتوں کا بھانڈا پھوڑ دیا اور یہ خبر جہاں جیف سیشنز کیلئے ایک بڑا دھچکا ہے وہیں ٹرمپ انتظامیہ کیلئے بھی بڑا صدمہ ہے۔

    یہ وجہ ہے کہ ڈیموکریٹ ہاؤس ممبرز اور سینیٹرقانون دانوں کے اجلاس میں اور پوری قوم سے جھوٹ بولنے پر جیف سیشنز سے استعفی کا مطالبہ کیا جا ر ہا ہے جب کہ ٹرمپ انتظامیہ کے مطابق جیف سیشنز نے روسی سفارت کاروں سے ملاقاتیں سینٹ آرمڈ سروسز کمیٹی کے رکن کی حیثیت سے کی تھیں اس لیے استعفی کا مطالبہ بلا جواز ہے۔

  • ٹرمپ کی خانہ کعبہ کو دیکھنے والی ویڈیو جعلی نکل آئی

    ٹرمپ کی خانہ کعبہ کو دیکھنے والی ویڈیو جعلی نکل آئی

    جدہ: امریکی صدر ڈونلڈ ٹرمپ کی خانہ کعبہ کی تصویر دیکھتے ہوئے وائرل ہونے والی ویڈیو کے جعلی ہونے کا انکشاف ہوا ہے،اصل ویڈیو میں کیپٹل ہل کی جگہ کعبہ کا منظر ایڈیٹ کرکے چسپاں کردیا گیا تھا۔

    عرب نیوز کے مطابق سوشل میڈیا پر جعلی ویڈیو وائرل ہونے کے بعد اصل ویڈیو جاری ہوئی، وائرل ہونے والی ویڈیو میں دیکھا جاسکتا ہے کہ ٹرمپ ایک تصویر کے سامنے کھڑے ہیں اور فریم میں خانہ کعبہ کی تصویر موجود ہے۔

    جعلی ویڈیو میں ٹرمپ کو دکھایا گیا ہے کہ وہ خانہ کعبہ میں جمع ہونے والے لوگوں کی ان الفاظ میں تعریف کررہے ہیں کہ ’’یہاں جمع ہونے والے لوگ محبت کے پیکر ہیں، جب میں نے ان لوگوں کو دیکھا تو ان کی وجہ سے مجھے جینے کا احساس ہوا‘‘۔

    ویڈیو دیکھنے کے لیے اسکرول نیچے کریں

    ٹرمپ کے الفاظ ہیں کہ ’’یہ انسانی سمندر دراصل محبت کی نشانی ہے اور یہ میرے لیے بہت کچھ ہے کیونکہ یہ لوگ مختلف علاقوں سے آکر یہاں جمع ہوتے ہیں بلکہ بہت سارے لوگ تو دوسرے ممالک سے بھی آئے ہیں‘‘۔

    ویڈیو

    واضح رہے کہ اصل ویڈیو جنوری 20 تاریخ کی ہے جس میں ڈونلڈ ٹرمپ کیپٹل ہل میں اپنی آمد کی خوشی میں منعقدہ تقریب کے بعد اس کی تصویر دیکھ کر اس  کی تعریف کررہے ہیں اور کہہ رہے ہیں کہ دنیا بھر سے لوگوں کا سمندر یہاں آیا ہوا درحقیقت یہ محبت کا سمندر ہے، اس ویڈیو کو ایڈیٹ کرکے کیپٹل ہل کی جگہ خانہ کعبہ کی تصویر لگادی گئی۔

    تاحال ابھی واضح نہیں ہوا کہ یہ ویڈیو ایڈیٹنگ ٹرمپ انتظامیہ کی جانب سے کی گئی یا کسی اور نے شرارت میں کرکے اسے انٹرنیٹ پر اپ لوڈ کردیا جس سے ویڈیو وائرل ہوگئی تاہم یہ امر قابل غور ہے کہ جعلی ویڈیو ٹرمپ کے حق میں گئی تھی اور تاثر ملا تھا کہ ٹرمپ مسلمانوں کے خلاف نہیں بلکہ خانہ کعبہ میں موجود مسلمانوں کو ہجوم دیکھ کر کہہ رہے ہیں کہ یہ محبت کا سمندر ہے۔

  • داعش کونیست ونابود کردیں گے‘ڈونلڈ ٹرمپ

    داعش کونیست ونابود کردیں گے‘ڈونلڈ ٹرمپ

    واشنگٹن : امریکی صدر ڈونلڈ ٹرمپ کا کہناہےکہ امریکہ کو ایک بار پھر عظیم ملک بنائیں گےاور دہشت گرد تنظیم دولت اسلامیہ کونیست ونابود کردیں گے۔

    تفصیلات کےمطابق امریکی صدر ڈونلڈ ٹرمپ نے کانگریس سے خطاب کرتے ہوئے کہا کہ ہم ایک ایسا ملک ہیں جو نفرت اور برائیوں کی مذمت کرتاہے۔انہوں نےیہودیوں کے قبرستان میں توڑپھوڑسمیت امریکی ریاست کینسس میں بھارتی شہری کی ہلاکت کی بھی مذمت کی۔

    ڈونلڈٹرمپ نے کانگریس سے اپنے خطاب میں امریکہ سے ملحق میکیسکو کے بارڈر پردیوار بنانے کے ساتھ ساتھ ٹرانس پیسیفک تجارتی معاہدے سےبھی امریکہ کے الگ ہونے کا ذکرکیا۔

    t1

    امریکی صدر کا کہناتھاکہ کہ امیگریشن پالیسیوں سےمتعلق قوانین میں تبدیلی سے بےروزگاروں کو روزگار مہیا سوسکےگا، اربوں ڈالر کی بچت ہوگی اور اس طرح ہم اپنے لوگوں کو مزید محفوظ بناسکےگیں۔

    مزید پڑھیں:سرحد پروقت سے پہلےدیوار کی تعمیرشروع کی جائےگی‘ڈونلڈ ٹرمپ

    ڈونلڈٹرمپ نےتقریب کے دوران امریکی کمانڈو کی بیوہ کو خراج تحسین پیش کیاجویمن میں القاعدہ کےخلاف ایک حالیہ کارروائی میں ہلاک ہوگئے تھے۔

    t3

    دوسری جانب امریکی سیکریٹری دفاع جیمز میٹس نے داعش سے نمٹنے کے لیے وائٹ ہاؤس کے نئے پلان کا اعلان کرتے ہوئے کہا ہے کہ عسکریت پسند تنظیم کو شکست دینے کے اس منصوبے میں فوجی اور غیر فوجی دونوں طریقے استعمال کیے جائیں گے۔

    واضح رہے کہ 2016 میں اپنی انتخابی مہم کے دوران ڈونلڈ ٹرمپ نے اعلان کیا تھا کہ اگر وہ امریکہ کے صدر منتخب ہوجاتے ہیں تو داعش کے خطرے کو شکست دینے کے لیے30 روزہ نظرثانی پلان کا حکم دیں گے۔

    t2

  • ڈونلڈ ٹرمپ کی دفاعی بجٹ میں 10فیصداضافے کی تجویز

    ڈونلڈ ٹرمپ کی دفاعی بجٹ میں 10فیصداضافے کی تجویز

    واشنگٹن : امریکی صدر ڈونلڈٹرمپ کی کوشش ہےکہ سال 2018 کےامریکی دفاعی بجٹ میں 10 فیصد یعنیٰ 54ارب ڈالر کااضافہ کیاجائے جس کےلیےانہوں نے کوششیں تیز کردیں ہیں۔

    تفصیلات کےمطابق گزشتہ روز مختلف سرکاری ایجنسیوں کو بجٹ کا مسودہ بھیجا گیا تھا۔تجویز کردہ مسودے میں ماحولیاتی بجٹ اور غیر ملکی امداد میں کمی کی گئی ہے۔

    وائٹ ہاؤس کے بجٹ عہدیدار کاکہناہےکہ امریکی صدر کی جانب سے سال 2018کےدفاعی بجٹ میں 54ارب اضافےاورغیردفاعی اخراجات سےاتنی ہی رقم کم کرنے کی تجویز پیش کریں گے۔

    دوسری جانب امیکی صدرٹرمپ کے پلان میں بڑے فلاحی پروگراموں جیسے سوشل سیکورٹی اور میڈی کیئرمیں کوئی تبدیلی نہیں کی گئی،جبکہ ریپبلکن پارٹی نے ان میں اصلاحات کا مطالبہ کیا ہے۔

    خیال رہےکہ صدر ٹرمپ آج ملک کےتعمیری ڈھانچے کے بارے میں کانگریس کے سامنے اپنی تقریر میں بتائیں گےکہ ہمیں انفراسٹرکچر پر بہت توجہ دینی ہے۔

    یاد رہےکہ گزشتہ سال صدر ٹرمپ نے اپنی انتخابی مہم میں کہا تھا کہ وہ دفاعی اخراجات میں اضافہ کریں گے اور فلاحی پروگراموں کو محفوظ رکھیں گے۔

    واضح رہےکہ گزشتہ روزوائٹ ہاؤس میں ریاستی گورنرزسے خطاب کے دوران صدر ٹرمپ نے کہا تھاکہ ’ہم نے کم وسائل کے ساتھ زیادہ کام کرنا ہے،اور حکومت کو کم خرچ پر چلانا ہے اور احتساب کرنا ہے۔‘

  • ڈونلڈ ٹرمپ کےبیان پرپیرس کی میئرکاطنزیہ جواب

    ڈونلڈ ٹرمپ کےبیان پرپیرس کی میئرکاطنزیہ جواب

    پیرس : فرانسیسی دارالحکومت پیرس کی میئرنے امریکی صدر ڈونلڈ ٹرمپ کےبیان کا جواب ڈزنی کے کرداروں کی مدد سے دیا۔

    تفصیلات کےمطابق این ہدالگو نےسماجی رابطے کی ویب سائٹ ٹویٹرپراپنے پیغام میں کہاکہ ’شہر کا متحرک طرز اور مختلف لوگوں کے لیے کھلے دل کے جذبے کو مناتے ہوئے۔‘

    پیرس کی میئراین ہدالگو نے اس تاثر کو بھی غلط قرار دیا کہ امریکہ سے آنے والے سیاحوں کی تعداد کم ہو رہی ہے۔ان کے مطابق شہر میں امریکہ سے آنے والوں کی بکنگ 2017 میں 30 فیصد بڑھ گئی ہے۔

    خیال رہےکہ حال ہی میں کنزرویٹو پولیٹکل ایکشن کانگریس کی تقریب کی سالانہ تقریب سے خطاب میں صدر ٹرمپ کا کہنا تھا کہ ان کا ایک دوست پیرس جانا پسند کرتا تھا لیکن اب اس نے وہاں جانا چھوڑ دیا ہے۔’پیرس اب پیرس نہیں رہا۔‘

    امریکی صدر نےاپنی تقریر کے دوران دہشت گردی کے خلاف یورپی ممالک کی کوششوں کو بھی تنقید کا نشانہ بنایاتھا۔

    دوسری جانب فرانسیسی صدر اولاند نے ڈونلڈ ٹرمپ کے بیان کے بارے میں کہا کہ ایک اتحادی کے ساتھ ایسا سلوک نہیں کیا جانا چاہیے۔

    واضح رہےکہ 2015 کے آغاز سے اب تک فرانس میں مختلف دہشگردی کے واقعات میں 230 افراد ہلاک ہو چکے ہیں اور فرانس ایک سال سے زیادہ سے ہنگامی صورتحال میں ہے۔

  • ایف بی آئی قومی سلامتی کےراز افشا کرنے والوں کو روکنے میں ناکام‘ڈونلڈ ٹرمپ

    ایف بی آئی قومی سلامتی کےراز افشا کرنے والوں کو روکنے میں ناکام‘ڈونلڈ ٹرمپ

    واشنگٹن : امریکی صدر ڈونلڈ ٹرمپ کا کہناہےکہ وفاقی خفیہ ادارہ ایف بی آئی قومی سلامتی کےمعاملات سے متعلق رازافشاں کرنے والوں کوروکنےمیں بُری طرح ناکام ہواہے۔

    تفصیلات کےمطابق سماجی رابطے کی ویب سائٹ ٹویٹر پر اپنے پیغام میں امریکی صدر نےکہاکہ ’ایف بی آئی قومی سلامتی کے راز افشا کرنے والوں کو روکنے میں پوری طرح ناکام رہی ہے،جو میری حکومت کے خلاف شروع ہی سے چیزیں لیک کرتی رہی ہے۔‘

    ڈونلڈ ٹرمپ نے اپنی ایک اور ٹویٹ ایف بی پر یہ کہہ کر کھڑی تنقید کی ہے کہ وہ اپنے ہی محکمے کے راز افشان کرنے والوں کو روکنے میں ناکام ہے۔

    مزید پڑھیں: ڈونلڈ ٹرمپ کےقومی سلامتی کےمشیرعہدے سےدستبردار

    یاد رہےکہ گزشتہ دنوں ڈونلڈ ٹرمپ کے مشیر برائے قومی سلامتی جنرل مائیکل فلن نے امریکی پابندیوں کے بارے میں روسی حکام سے بات چیت کے الزامات پر استعفیٰ دے دیا تھا۔

    مزید پڑھیں:جنرل مک ماسٹرامریکی قومی سلامتی کےمشیرنامزد

    واضح رہےکہ چار روز قبل امریکی صدر ڈونلڈ ٹرمپ نے لیفٹیننٹ جنرل ایچ آرمک ماسٹرکوقومی سلامتی کےمشیر کےعہدے کےلیےنامزد کیاتھا۔

  • سرحد پروقت سے پہلےدیوار کی تعمیرشروع کی جائےگی‘ڈونلڈ ٹرمپ

    سرحد پروقت سے پہلےدیوار کی تعمیرشروع کی جائےگی‘ڈونلڈ ٹرمپ

    واشنگٹن : امریکی صدر ڈونلڈ ٹرمپ کا کہناہےکہ میکسیکو کے ساتھ ملحق بارڈر پردیوار کی تعمیر وقت سے بہت شروع کردی جائےگی۔

    تفصیلات کےمطابق کنزویٹوپولیٹکل ایکشن کانگریس کی سالانہ تقریب سے خطاب کرتے ہوئے ڈونلڈٹرمپ نےکہاکہ میکسیکو کےساتھ ملنے والی سرحد پرعظیم دیوار بنائی جائے گی۔

    امریکی ریاست میری لینڈ میں اپنی جماعت کے سالانہ اجلاس سے خطاب کے دوران شرکا نے ’یو ایس اے، یو ایس اے‘ کے نعرے لگائے۔

    مزید پڑھیں:ٹرمپ کی تنبیہ، میکسیکن صدر نے دورہ امریکا منسوخ کردیا

    ڈونلڈٹرمپ نےکہاکہ غیرملکی دہشت گرد امریکہ کو نقصان پہنچانے کےقابل نہیں ہوں گےاگر وہ امریکہ کےاندر آ ہی نہیں سکیں گے۔

    امریکی صدرنے کہا عالمی تعاون، یعنی دوسرے ممالک کے ساتھ معاملات اچھی چیز ہے۔یہ بہت اہم ہے۔لیکن عالمی ترانے جیسی کوئی چیز نہیں، نہ کوئی عالمی کرنسی یا عالمی پرچم ہے۔‘

    مزید پڑھیں:امریکہ: ایک کروڑ دس لاکھ تارکین وطن کو بے دخل کرنے کا فیصلہ

    یاد رہےکہ دو روز قبل امریکہ نےایک کروڑ دس لاکھ غیر ملکی تارکین وطن کو بےدخل کرنے کےمنصوبےکااعلان کیاتھا۔

    واضح رہےکہ امریکی صدر ڈونلڈ ٹرمپ نےکہاکہ میں اپنے ملک کی ترجمانی کررہاہوں،میں پوری دنیا کی نمائندگی نہیں کررہا۔

  • جرائم پیشہ افراد کی بے دخلی کے لیے ملٹری آپریشن کیا گیا: ٹرمپ کا دعویٰ

    جرائم پیشہ افراد کی بے دخلی کے لیے ملٹری آپریشن کیا گیا: ٹرمپ کا دعویٰ

    واشنگٹن: امریکی صدر ڈونلڈ ٹرمپ کا کہنا ہے کہ امریکا سے جرائم پیشہ افراد اور منشیات فروشوں کو بے دخل کرنے کے لیے ملٹری آپریشن کیا گیا۔ ٹرمپ کے اس بیان کی وضاحت ہوم لینڈ سیکیورٹی سیکریٹری جون کیلی نے کی۔

    امریکی صدر ڈونلڈ ٹرمپ کے ایک اور ہنگامہ خیز بیان کے بعد ہوم لینڈ سیکریٹری کو وضاحتیں دینی پڑیں۔

    ڈونلڈ ٹرمپ کا کہنا ہے کہ جرائم پیشہ افراد اور منشیات فروشوں کو بے دخل کرنے کے لیے ملٹری آپریشن کیا گیا۔

    امریکی صدر کے بیان نے ایک بار پھر تنقید کا طوفان کھڑا کر دیا۔ ٹرمپ انتظامیہ کے اعلیٰ حکام وضاحتیں دینے پر مجبور ہوگئے۔ سیکریٹری ہوم لینڈ سیکیورٹی جون کیلی کا کہنا ہے کہ بے دخلی کے لیے کوئی ملٹری آپریشن نہیں کیا گیا۔

    میکسیکو کا دورہ کرنے والے امریکی وزیر خارجہ ریکس ٹلرسن اور ہوم لینڈ سیکیورٹی کے سیکریٹری جون کیلی کو مشکل صورتحال کا سامنا رہا۔ میکسیکن وزیر خارجہ نے امریکی حکام سے ملاقاتوں میں ٹرمپ کی پالیسیوں پر تشویش کا اظہار کرتے ہوئے انہیں اشتعال انگیز قرار دیا۔

    میکسیکو سٹی میں رہنے والے امریکی شہریوں نے بھی ٹرمپ کی میکسیکو کے لیے پالیسیوں کے خلاف امریکی سفارتخانے کے سامنے احتجاج کیا۔ مظاہرین نے میکسیکو کی سرحد پر دیوار کی تعمیر روکنے کا مطالبہ کیا۔