واشنگٹنٌ نومنتخب امریکی صدر ڈونلڈ ٹرمپ نےسابق جنرل جیمز میٹس کو وزیردفاع بنانے کا اعلان کردیا۔

تفصیلات کے مطابق امریکی نومنتخب صدر ڈونلڈ ٹرمپ نے یہ اعلان صدارتی انتخاب جیتنے کے بعد سنسناٹی میں پہلی ریلی سے خطاب کرتے ہوئے ریٹائرڈ جنرل جیمز میٹس کووزیردفاع بنانے کا اعلان کیا۔

خیال رہے کہ جیمزمیٹس امریکی سینٹرل کمان کے سربراہ کے عہدے سے 2013 میں سبکدوش ہوئےتھے۔

مزید پڑھیں:بھارتی نژاد نکی ہیلے اقوام متحدہ میں امریکا کی سفیر نامزد

نو منتخب امریکی صدر ٹرمپ نےگزشتہ ماہ ریاست جنوبی کیرولینا کی بھارتی نژاد گورنر نکی ہیلے کو اقوام متحدہ میں امریکہ کی سفیر بننے کی پیش کش کی تھی،جسے نکی ہیلے نے قبول کرلیاتھا۔

یاد رہے کہ اس سے قبل اٹارنی جنرل کے لیے جیف سیشنز کو پیشکش کی گئی تھی،سینیٹر جیف سابق پراسیکیوٹر ہیں اور وہ 1996 میں سینیٹر منتخب ہوئے تھے۔

مزید پڑھیں:ٹرمپ نے کابینہ میں اہم عہدوں کیلئے دوستوں، رشتے داروں کا انتخاب کرلیا

ڈونلڈ ٹرمپ کی جانب سے نیشنل سیکورٹی ایڈوائز کے لیے جنرل مائیکل فلن کا انتخاب کیا گیاتھا،جبکہ سی آئی اے ڈائریکٹر کے لیے مائیک پومپیو کو منتخب کیاگیاتھا۔

واضح رہے کہ نومنتخب امریکی صدر ڈونلڈ ٹرمپ کابینہ ارکان کے چناؤ میں مصروف ہیں، ٹرمپ کی جانب سے اہم عہدوں کے لیے دوستوں اور رشتےداروں کو ترجیح دی جارہی ہے۔

واشنگٹن : امریکہ کے نومنتخب صدر ڈونلڈ ٹرمپ کاووٹوں کی گنتی پرگرین پارٹی کی صدارتی امیدوار جِل اسٹین کوتنقیدکانشانہ بناتے ہوئے کہا کہ اسٹین کامقصدنوٹوں سےتجوری بھرناہے۔

تفصیلات کےمطابق نومنتخب امریکی صدرڈونلڈٹرمپ نے ریاست وسکانسن کےووٹوں کی گنتی دوبارہ کرانے کی جل اسٹین کی کوشش کو سخت تنقیدکانشانہ بناتےہوئے ووٹرزسےکہاہےکہ وہ نتائج کااحترام کریں۔

گرین پارٹی کی صدارتی امیدوار جل اسٹین سوئنگ اسٹیٹ وسکانسن،مشی گن اور پنسلوینیا میں ووٹوں کی دوبارہ گنتی کےلیےچندہ جمع کرنےمیں سرگرم ہیں۔

مزید پڑھیں: ڈونلڈ ٹرمپ امریکہ کے نئے صدر منتخب ہوگئے

امریکی میڈیارپورٹس کے مطابق ایک ہفتے سے جاری اس مہم کےدوران جل اسٹین اب تک پچاس لاکھ ڈالرزاکھٹاکرچکی ہیں۔

مزید پڑھیں:امریکہ کاروس پر سائبر حملے کا الزام

ڈیموکریٹک پارٹی کی صدارتی امیدوار ہلیری کلنٹن نےبھی ووٹوں کی گنتی کے معاملےپرجل اسٹین کی حمایت کااعلان کیاہے۔

مزید پڑھیں:امریکا ریاستی وسکانسن میں ووٹوں کی دوبارہ گنتی کی درخواست

یاد رہے کہ گزشتہ روز امریکی ریاست وسکانسن میں الیکشن کمیشن کوصدارتی انتخاب کی ووٹنگ کی دوبارہ گنتی کرانے کی درخواست گرین پارٹی کی جانب سے دی گئی تھی۔

واضح رہے کہ نومنتخب صدر ٹرمپ کاکہناہےکہ جل اسٹین کامقصدصرف نوٹوں سےتجوری بھرناہےوہ جمع شدہ پیسے کااستعمال ووٹوں کی گنتی پرنہیں کریں گی۔

واشنگٹن : نومنتخب امریکی صدر ڈونلڈ ٹرمپ نے کہا کہ امریکہ سے30 لاکھ مہاجرین کو ملک بدر یاانہیں قید کرلیا جائے گا۔

تفصیلات کےمطابق ڈونلڈ ٹرمپ نے انٹرویو کے دوران کہا کہ ایسے افراد کے خلاف کارروائی عمل میں لائی جائے گی جو مجرم ہیں اور ان کے کریمنل ریکارڈ موجود ہے۔انہوں نے کہا کہ یہ تقریبا 20 لاکھ سے 30 لاکھ ہوسکتے ہیں۔

خیال رہے کہ ڈونلڈ ٹرمپ اس سے قبل مسلمانوں کے خلاف تعصب اور ان کو ملک سے نکالنے کے بیانات پر کئی مرتبہ تنقید کی زد میں آچکے ہیں اور یہ پہلی مرتبہ نہیں ہے کہ انہوں نے اس قسم کا بیان دیا ہو وہ اس سے قبل بھی مہاجرین کو ملک بدر کرنے کی باتیں کرتے رہیں ہیں۔

یاد رہے کہ 9 نومبر2016 کو امریکا میں ہونے والےصدارتی انتخابات میں ڈونلڈ ٹرمپ نے ہیلری کلنٹن کوشکست دی اور وہ ملک کے 45ویں صدر منتخب ہوگئے۔

مزید پڑھیں:امریکہ میں ڈونلڈ ٹرمپ کے خلاف احتجاج چوتھے روز بھی جاری

ریپبلکن پارٹی کے صدراتی امیدوار ڈونلڈ ٹرمپ نے 290 الیکٹورل ووٹ حاصل کیے جبکہ صدر منتخب ہونے کے لیے 538 میں سے 270 الیکٹورل ووٹ کی ضرورت تھی۔

واضح رہےکہ ڈونلڈ ٹرمپ 20 جنوری 2017 کو براک اوباما کی جگہ عہدہ صدارت کا حلف اٹھائیں گے اور وہ امریکہ کی 240 سالہ تاریخ میں معمر ترین صدر ہوں گے۔