Tag: ڈپٹی اسپیکر پنجاب اسمبلی

اسلام آباد : ڈپٹی اسپیکر پنجاب اسمبلی دوست مزاری کیخلاف توہین عدالت کی درخواست دائر کردی گئی ، جس میں کہا دوست مزاری نے سپریم کورٹ کے فیصلے کی غلط تشریح کرکے توہین عدالت کی۔

تفصیلات کے مطابق ڈپٹی اسپیکر پنجاب اسمبلی دوست مزاری کیخلاف توہین عدالت کی درخواست سپریم کورٹ میں دائر کردی گئی۔

درخواست شہری طارق حمید کی جانب سے دائرکی گئی ہے، جس میں مؤقف اختیار کیا گیا کہ پرویز الٰہی 186 ووٹ حاصل کرکے کامیاب ہوئے اور ڈپٹی اسپیکر پنجاب اسمبلی دوست مزاری نےسپریم کورٹ کے فیصلے کی غلط تشریح کی۔

، درخواست میں کہا گیا کہ سپریم کورٹ کے 17 مئی کے فیصلے کو بنیاد بنا کر دوست مزاری نے رولنگ دی، دوست مزاری نے غلط رولنگ دے کر پرویز الٰہی کے 10ووٹ مسترد کیے۔

درخواست گزار کا کہنا تھا کہ دوست مزاری نے سپریم کورٹ کے فیصلے کی غلط تشریح کرکے توہین عدالت کی، عدالت ڈپٹی اسپیکر دوست مزاری کیخلاف توہین عدالت کی کارروائی کرے۔

لاہور : ایم پی ایز کی جانب سے ڈپٹی اسپیکر پنجاب اسمبلی دوست مزاری کی نااہلی کا ریفرنس اسپیکر پنجاب اسمبلی اور الیکشن کمیشن کوارسال کردیا گیا۔

تفصیلات کے مطابق ڈپٹی اسپیکر پنجاب اسمبلی کی نااہلی کا ریفرنس اسپیکر پنجاب اسمبلی اور الیکشن کمیشن کوارسال کردیا۔

ریفرنس ایم پی ایزشجاعت نوازاورمحمدرضوان کی جانب سےبھجوایاگیا ، دونوں ایم پی ایز نے ریفرنس اظہر صدیق ایڈووکیٹ کے توسط سے بھجوایا۔

جس میں مؤقف اختیار کیا گیا کہ دوست مزاری نے ایوان اقبال میں اجلاس کی صدرات کر کےحلف کی خلاف ورزی کی، دوست مزاری پہلے بھی پنجاب اسمبلی گیلری میں غیر قانونی صدارت کرچکے ہیں۔

ریفرنس میں کہا گیا کہ گیلری میں اجلاس کیا،پولیس بلائی اور تشدد کیا، دوست مزاری نے ایوان اقبال میں اجلاس بلاکر آئین کی خلاف ورزی کی اور انھوں نے پارٹی ہدایات کے برعکس اجلاس کی صدارت کی۔

ریفرنس میں استدعا کی گئی کہ الیکشن کمیشن حلف کی پاسداری نہ کرنے پر دوست مزاری کو نااہل قرار دے۔

لاہور :مسلم لیگ ن نے ڈپٹی اسپیکر پنجاب اسمبلی سردار دوست مزاری کے خلاف تحریک عدم اعتماد سپریم کورٹ میں چیلنج کرنے کا فیصلہ کرلیا۔

تفصیلات کے مطابق مسلم لیگ ن نے ڈپٹی اسپیکر پنجاب اسمبلی سردار دوست مزاری کے خلاف تحریک عدم اعتماد چیلنج کرنے کا فیصلہ کرلیا ، ذرائع کا کہنا ہے کہ تحریک عدم اعتمادسپریم کورٹ میں چیلنج کی جائےگی ، ارکان اسمبلی اور عطا تارڑ عدم اعتماد کی تحریک کو چیلنج کریں گے۔

اس حوالے سے مسلم لیگ ن کے رہنما سعد رفیق نے کہا کہ اسپیکرپنجاب اسمبلی کیخلاف عدم اعتمادجمع کرانےکافیصلہ کیا ہے، فیصلہ ن لیگ اوراتحادیوں نے کیا ہے۔

رہنمان لیگ کا کہنا تھا کہ تھوڑی ہی دیرمیں ہمارےلوگ عدم اعتمادجمع کرانےپہنچ جائیں گے، پنجاب میں گورنرراج نہیں لگ سکتاکیونکہ گورنر موجود ہے۔

سعد رفیق نے مزید کہا کہ پنجاب اسمبلی تحلیل نہیں ہوسکتی لیکن اگریہ کرنا چاہیں توکچھ بھی کرسکتے ہیں۔