ARYNews.tv | Urdu – Har Lamha Bakhabar

Tag: ڈکیت

  • نوجوان کامران عباس کو سر میں گولی مارنے والا ڈکیت پکڑا گیا، فوٹیج

    نوجوان کامران عباس کو سر میں گولی مارنے والا ڈکیت پکڑا گیا، فوٹیج

    کراچی: سینٹرل نیو کراچی انڈسٹریل ایریا پولیس مقابلے میں زخمی حالت میں گرفتار ملزمان گلشن اقبال میں نوجوان کے قتل میں ملوث نکلے۔

    ایس ایس پی ڈسٹرکٹ سینٹرل کے مطابق 14 مئی کو گلشن اقبال بلاک 6، بینک اسلامی کے سامنے دوران ڈکیتی قتل ہونے والے 24 سالہ نوجوان کامران عباس کے قاتل پکڑے گئے ہیں۔

    نیو کراچی انڈسٹریل ایریا پولیس نے گزشتہ شب پولیس مقابلے کے بعد دو ملزمان سجاد عرف سجاول اور نادر کو زخمی حالت میں گرفتار کیا تھا، جن کی شناخت سی سی ٹی وی فوٹیج اور دیگر شواہد سے کر لی گئی، ملزمان نے دوران ڈکیتی نوجوان کامران عباس کے سر پر گولی مار کر قتل کر دیا تھا۔ اس قتل کا مقدمہ 302/2025 بجرم دفعہ 302/397/34 گلشن اقبال تھانے میں درج ہے۔

    چوروں نے کھمبے پر چڑھ کر لاکھوں مالیت کی پی ایم ٹی اتار لی، انجام کیا ہوا؟ ویڈیو رپورٹ

    ملزمان کے قبضے سے برامد شدہ موٹر سائیکل گلستان جوہر کی چھینی ہوئی معلوم ہوئی، جس کا مقدمہ گلستان جوہر تھانے میں مقدمہ الزام نمبر 28/2025 بجرم دفعہ 397/34 ت پ درج ہے۔ زخمی حالت میں پکڑے گئے ملزمان کو دوران ڈکیتی قتل کے مقدمے میں باضابطہ طور پر گرفتار کر لیا گیا ہے۔

    ترجمان پولیس کے مطابق ملزمان عادی جرائم پیشہ ہیں، وہ اور ان کے دیگر ساتھی موٹر سائیکل چھیننے اور اسٹریٹ کرائم کی وارداتوں میں ملوث ہیں، ملزمان سے مزید تفتیش کا عمل جاری ہے۔

  • کراچی میں شہری کی فائرنگ سے ڈکیت ہلاک، 2شہری زخمی

    کراچی میں شہری کی فائرنگ سے ڈکیت ہلاک، 2شہری زخمی

    کراچی: شہر قائد کے علاقے ناظم آباد دو نمبر میں پیش آنے والے فائرنگ کے واقعے میں ایک ڈکیت ہلاک جبکہ 2شہری زخمی ہوگئے۔

    اے آر وائی نیوز کے مطابق پولیس کا کہنا ہے کہ فائرنگ کاواقعہ ڈکیتی مزاحمت کے دوران پیش آیا، موٹر سائیکل سوار2 ملزمان کار سوار شہری سے واردات کی کوشش کررہے تھے۔

    پولیس کے مطابق کار سوار شہری نے ڈاکوؤں پر فائرنگ کردی، جس کے نتیجے میں ایک ڈکیت ہلاک اور 2 راہگیر زخمی ہوگئے، زخمی شہریوں کی شناخت 40 سالہ قدیر، 28سالہ آیان کے نام سے ہوئی ہے۔ لاشوں اور زخمیوں کو اسپتال منتقل کردیا گیا ہے۔

    دوسری جانب گزشتہ روز پیش آئے واقعے میں موبائل فون کی قسط مانگنے پر کسٹمر برہم ہوگیا، بحث و مباحثے کے بعد ملزم نے مشتعل ہوکر دکاندار پر فائرنگ کردی۔

    تفصیلات کے مطابق کراچی کے علاقے سعید آباد نیول کالونی میں موبائل فون کی قسط مانگنے پر کسٹمر نے دکاندار پر فائرنگ کردی۔ دکاندر نے جب گاہک سے قسط کا تقاضہ کیا تو ملزم نے اپنے بیٹے کو بلوالیا۔ دکاندار کے پاؤں پر گولیاں ماری گئیں۔

    ایاز اللہ نے ظہور نامی شخص کو موبائل فون قسطوں پر دیا تھا، واقعے کی سی سی ٹی وی فوٹیج بھی سامنے آگئی ہے جس میں دیکھا جاسکتا ہے کہ فائرنگ کے بعد بھگدڑ مچ گئی اور خواتین اور بچے بھی خوفزدہ ہوگئے۔

    دکاندار کا یہ کہنا تھا کہ موبائل کی قسط مانگنے پر یہ واقعہ پیش آیا جبکہ پولیس کی جانب سے مفروف ملزم ظہور کی تلاش جاری ہے۔

    کراچی کے 2 نوجوان سوئیڈن کی جھیل میں ڈوب کر جاں بحق

    ایس ایچ او سعید آباد نے بتایا کہ ملزم ابرار کو گرفتار کرلیا گیا ہے، پولیس گرفتار ہونے والے ملزم کو عدالت میں پیش کرے گی۔

  • کراچی: ملزمان دکاندار سے 110 موبائل اور پستول چھین کر فرار

    کراچی: ملزمان دکاندار سے 110 موبائل اور پستول چھین کر فرار

    کراچی: کورنگی انڈسٹریل ایریا گودام چورنگی کے قریب مسلح ڈکیت نے موبائل فون کے دکاندار سے 110موبائل فونز اور پستول چھین کر فرار ہوگئے۔

    تفصیلات کے مطابق کراچی کے علاقے کورنگی انڈسٹریل ایریا گودام چورنگی کے قریب مسلح ڈکیت نے موبائل فون کے دکاندار سے 110موبائل فونز اور پستول چھین کر فرار ہوگئے تاہم متاثرہ دکاندار محمد ندیم کی مدعیت میں مقدمہ درج کرلیا گیا۔

      دکاندار محمد ندیم کے مطابق میری موبائل مارکیٹ ملک عثمان بلال کالونی میں موبائل شاپ ہے، آج صدر موبائل مارکیٹ خریدار ی کیلئے گیا تھا، اپنی دکان کیلئے 110 ٹچ اسکرین فون اور 2 چارجر خریدے۔

    مقدمے کے متن کے مطابق مجموعی طور پر 14 لاکھ 200 روپے کی خریداری کی، دکان کیلئے جس رکشے پر بیٹھا ڈرائیور مسلسل فون پر بات کر رہا تھا، جام صادق پل پر رکشہ ہلکا کیا تو میں نے کہا تیز چلاو۔

    محمد ندیم نے کہا کہ رکشہ ڈرائیور نے میری بات پر غور نہیں کیا، اور چمڑا چورنگی کے قریب رکشہ بند کردیا، میرے پوچھنے پر کہا سی این جی ختم ہوگئی ہے، اسی دوران 3 موٹر سائیکلوں پر 4 ملزمان آ پہنچے۔

    دکاندار نے بتایا کہ ملزمان نے اسلحے کے زور پر مجھ سے تمام موبائل فونز اور چارجر چھین لئے، اسلحے کے زور پر زبردستی میرا اسلحہ بھی چھین لیا، مجھے کہا اگر نہیں دو گے تو جان سے مار دینگے۔

    محمد ندیم نے کہا کہ واردات کے بعد ملزمان چمڑا چورنگی کی طرف فرار ہوگئے، میرا دعوی ہے رکشہ ڈرائیور اور اس کے ساتھیوں نے واردات کی۔

    پولیس حکام کے مطابق مدعی کی شکایت پر رکشے ڈرائیور کو گرفتار کرلیا گیا، ملزم کو ریمانڈ کے لیے عدالت میں پیش کردیا ہے۔

  • آن لائن بائیک سروس کا رائیڈر بن کر شہریوں کو لوٹنے والا 4 رکنی گروہ گرفتار

    آن لائن بائیک سروس کا رائیڈر بن کر شہریوں کو لوٹنے والا 4 رکنی گروہ گرفتار

    کراچی: شہر قائد میں آن لائن بائیک سروس کا رائیڈر بن کر شہریوں کو لوٹنے والا 4 رکنی گروہ گرفتار ہو گیا۔

    تفصیلات کے مطابق ایس آئی یو نے نیو کراچی یو پی موڑ کے قریب کارروائی کرتے ہوئے آن لائن بائیک سروس کا رائیڈر بن کر شہریوں کو لوٹنے والا 4 رکنی گروہ کو گرفتار کر لیا۔

    ملزمان میں وقاص، کامران، عمران اور محمد رحمان شامل ہیں، ملزمان سے 4 پستول، 2 موٹر سائیکلیں اور بائیک سروس کا ہیلمٹ برآمد ہوا ہے۔

    ایس ایس پی ایس آئی یو جنید شیخ کے مطابق ملزمان اے ٹی ایم سے کیش لے کر نکلنے والے شہریوں کو لوٹتے تھے، وہ آن لائن بائیک سروس رائیڈر کا روپ دھار کر آتے تھے، ملزمان اسٹریٹ کرائم کی متعدد وارداتوں میں بھی ملوث ہیں۔

    ملزمان کے دیگر 2 ساتھی موقع سے فرار ہو گئے، ملزمان نے شاہ فیصل، ناظم آباد، کورنگی، اور دیگر علاقوں میں وارداتوں کا انکشاف کیا، ملزمان پہلے بھی متعدد بار گرفتار ہو کر جیل جا چکے ہیں۔

    ایس ایس پی ایس آئی یو کے مطابق ملزم رحمان ڈکیتیاں کرنے سے پہلے رضویہ میں منشیات فروشی کرتا تھا، گرفتار ملزمان سے مزید تفتیش جاری ہے۔

  • کراچی سے موٹر سائیکلیں چھین کر بلوچستان میں فروخت کرنے کا انکشاف

    کراچی سے موٹر سائیکلیں چھین کر بلوچستان میں فروخت کرنے کا انکشاف

    کراچی: صوبہ سندھ کے دارالحکومت کراچی سے گرفتار ڈکیت نے اپنے اعترافات میں کہا کہ کراچی سے موٹر سائیکلیں چھین کر بلوچستان میں فروخت کی جاتی تھیں۔

    تفصیلات کے مطابق کراچی کے علاقے عزیز آباد سے گزشتہ روز گرفتار ڈکیت گروہ کے سرغنہ نے سنسنی خیز انکشافات کیا ہے، سرغنہ نے ساتھیوں کے ساتھ مختلف علاقوں سے سینکڑوں موٹر سائیکلیں چھیننے کا اعتراف کیا ہے۔

    پولیس حکام کا کہنا ہے کہ ملزم کی وارداتوں کی سی سی ٹی وی فوٹیجز بھی منظر عام پر آچکی ہیں۔

    پولیس کے مطابق ملزم نے اپنے اعترافات میں بتایا کہ موٹر سائیکلیں چھیننے کے بعد بلوچستان میں فروخت کی جاتی تھی، ملزم 10 سال میں 100 سے زائد موٹر سائیکلیں چھین چکا ہے، گرفتار زخمی ملزم متعدد بار مختلف تھانوں میں بند ہو کر جیل جا چکا ہے۔

    پولیس حکام کا کہنا ہے کہ چند روز قبل طارق روڈ پر بزرگ شہری کو دوران ڈکیتی مزاحمت پر قتل کیا گیا تھا، واقعے کی سی سی ٹی وی فوٹیج میں ملزم موجود ہے۔ ملزم نے 2021 میں بھی شاہ فیصل کالونی میں مزاحمت پر ایک شخص کو گولی ماری تھی۔

    دوران حراست ملزم نے دوران ڈکیتی مزاحمت پر مختلف علاقوں میں شہریوں کو زخمی کرنے کا بھی اعتراف کیا۔

    پولیس کا کہنا ہے کہ ملزم سے ایک پستول اور موٹر سائیکل بھی برآمد ہوئی ہے، مذکورہ موٹر سائیکل کی چوری کا مقدمہ تیموریہ میں درج ہے، ملزم کے خلاف عزیز آباد تھانے میں مقدمہ درج کر لیا گیا ہے جبکہ دیگر ساتھیوں کی تلاش بھی جاری ہے۔

  • کراچی میں ایک اور ڈکیت شہریوں کے ہتھے چڑھ کر جان سے ہاتھ دھو بیٹھا

    کراچی میں ایک اور ڈکیت شہریوں کے ہتھے چڑھ کر جان سے ہاتھ دھو بیٹھا

    کراچی: صوبہ سندھ کے دارالحکومت کراچی میں ایک اور ڈکیت شہریوں کے ہتھے چڑھ کر اپنی جان سے ہاتھ دھو بیٹھا، کار سوار نے خود کو لوٹنے والے 3 ڈکیتوں کو ٹکر ماری جس پر ایک ڈکیت ہلاک اور 2 زخمی ہوگئے۔

    تفصیلات کے مطابق کراچی کے علاقے سہراب گوٹھ پل پر ڈکیتی کی واردات ناکام بنا دی گئی۔

    موٹر سائیکل پر سوار 3 ڈکیتوں نے کار سوار کو لوٹنے کی کوشش کی جس پر کار سوار شہری نے موٹر سائیکل کو ٹکر ماری، ٹکر سے تینوں ڈکیت زخمی ہوگئے۔

    پولیس حکام کا کہنا ہے کہ اس موقع پر عوام جمع ہوگئے اور زخمی ملزمان کو تشدد کا نشانہ بنانے کے بعد پولیس کے حوالے کردیا تاہم اسپتال منتقلی کے دوران ایک ملزم ہلاک ہوگیا۔

    پولیس کے مطابق دیگر 2 زخمی ملزمان شیر اللہ اور عبد النصیر کو طبی امداد دی جارہی ہے، ملزمان سے اسلحہ، موبائل فونز اور موٹر سائیکل برآمد کرلی گئی۔

  • ڈکیت دن دہاڑے بزرگ خاتون کے گلے سے سونے کی چین چھین کر فرار

    بھارت میں ایک ڈکیت دن دہاڑے ایک بزرگ خاتون کے گلے سے سونے کی چین چھین کر فرار ہوگیا، بزرگ خاتون شدید زخمی ہوگئیں۔

    بھارتی میڈیا کے مطابق پولیس نے واقعے کی سی سی ٹی وی فوٹیج جاری کی ہے، ویڈیو میں دیکھا جا سکتا ہے کہ دو بزرگ خواتین ایک گلی سے گزر رہی ہیں اور ایک شخص بائیک پر ان کے سامنے سے آرہا ہے۔

    قریب سے گزرتے ہوئے اچانک وہ شخص بزرگ خاتون کے گلے میں ہاتھ ڈال کر ان کی چین زور سے کھینچتا ہے اور بائیک پر فرار ہوجاتا ہے۔

    جھٹکا لگنے سے خاتون بری طرح زمین پر گرتی ہیں جبکہ چین کھینچے جانے سے ان کی گردن بھی شدید زخمی ہوجاتی ہے۔

    دوسری خاتون بھاگ کر ان کی مدد کرتی ہیں اور انہیں اٹھاتی ہیں۔ خاتون کا کہنا ہے کہ سونے کی چین کی مالیت 6 لاکھ بھارتی روپے تھے۔

    پولیس نے ملزم کی ویڈیو جاری کر کے اس کی شناخت میں مدد کی اپیل کی ہے۔

  • ڈکیت کی اوزار لے کر دکاندار کو دھمکیاں، تصاویر وائرل

    ڈکیت کی اوزار لے کر دکاندار کو دھمکیاں، تصاویر وائرل

    لندن: انگلینڈ میں ایک ڈکیت نے اوزار سے دکاندار کو دھمکا کر خطیر رقم چھین لی، پولیس نے مقامی افراد سے اپیل کی ہے کہ وہ ملزم کی شناخت میں مدد کریں۔

    بین الاقوامی میڈیا کے مطابق انگلینڈ کے شہر گلوسٹر میں صبح 7 بجے پولیس کو ایک دکان میں ڈکیتی کی رپورٹ درج کروائی گئی۔

    پولیس کا کہنا ہے کہ ڈکیت ایک اوزار لے کر دکان میں داخل ہوا اور اسی سے دکان دار کو دھمکایا۔

    ڈکیت کے مطالبے پر دکاندار نے کیش اس کے حوالے کیا جس کے بعد ڈکیت سائیکل پر فرار ہوگیا، ایک راہگیر نے اس کا پیچھا کرنے کی کوشش کی لیکن ڈکیت چکمہ دینے میں کامیاب رہا۔

    واقعے میں خوش قسمتی سے کوئی شخص زخمی نہیں ہوا۔

    پولیس نے سی سی ٹی وی کیمرے کی تصاویر جاری کر کے مقامی افراد سے ملزم کی شناخت میں مدد کرنے کی اپیل کی ہے۔

  • کراچی میں شہریوں کی ڈکیت کو انوکھی سزا، ٹھنڈے پانی سے نہلا کر تشدد

    کراچی میں شہریوں کی ڈکیت کو انوکھی سزا، ٹھنڈے پانی سے نہلا کر تشدد

    کراچی : شہر قائد میں شہریوں نے مبینہ ڈکیت کو پکڑ کر رسیوں سے باندھ کر ٹھنڈے پانی سے نہلا دیا۔

    تفصیلات کے مطابق کراچی کے شہری نے ڈکیت سے خود نمٹتے ہوئے انوکھی سزا دے ڈالی۔

    شہریوں نے مبینہ ڈکیت پکڑ کر رسیوں سے باندھ کر ٹھنڈے پانی سے نہلا دیا، گلستان جوہرروفی لیک ڈرائیو میں شہریوں نے چور کو ٹھنڈے پانی سے نہلا کر تشدد کیا۔

    چور کے جسم پر برف کی سل لگا کر شہریوں نے تشدد کیا۔

    دوسری جانب تین ہٹی پربھی شہریوں نے مبینہ ڈکیت پکڑ کر تشدد کے بعد پولیس کے حوالے کیا۔

    ڈاکو نے کھلونا پستول سے لوٹ مار کی کوشش کی تو تین ہٹی پر پھول بیچنے والوں نے ملزم کو نقلی پستول سمیت پکڑ کر دھو ڈالا۔

    پولیس نے بتایا کہ جمشید کوارٹر تھانے کی حدود میں پھولوں کی دکان پرملزم نے لوٹ مارکی کوشش کی، وہاں موجود لوگوں نے ہمت دکھائی اور لوٹ مار کی کوشش کرنے والے ڈاکو کو پکڑ کر خوب ہاتھ صاف کئے، لزم سے کھلونا ہتھیار برآمد ہوا ہے۔

  • کراچی : بدنام زمانہ ڈکیت گروہ کا کارندہ گرفتار، تفتیش میں اہم انکشافات

    کراچی : بدنام زمانہ ڈکیت گروہ کا کارندہ گرفتار، تفتیش میں اہم انکشافات

    کراچی : شارع نورجہاں پولیس نے کامیاب کارروائی کرتے ہوئے خطرناک ڈکیت گروہ کا ایک کارندہ گرفتار کرلیا، ملزم سوشل میڈیا کی ویڈیوز میں بھی نمایاں نظر آرہا ہے۔

    تفصیلات کے مطابق پولیس نے ابتدائی تحقیقات کے بعد بتایا ہے کہ گرفتار ہونے والے ملزم سے دستی بم ،پستول ،موبائل فون اور پرس بھی برآمد ہوا ہے۔

    پولیس کا کہنا ہے کہ گرفتار ملزم سہیل ملزم عدنان شہزاد عرف عدنان البرٹ کا قریبی ساتھی ہے، ملزمان کے جرائم کی متعدد ویڈیوز سوشل میڈیا پر بھی وائرل ہیں۔

    May be an image of 6 people and text

    ایس ایس پی سینٹرل کے مطابق ویڈیوز میں گرفتار ملزم کو ساتھی کے ہمراہ وارداتوں میں دیکھا جاسکتا ہے۔ میٹرک بورڈ آفس پر مذکورہ ملزمان نے سرعام ایک شہری کو لوٹا۔

    گرفتار ملزم کی شناخت سہیل مسیح ولد مورس مسیح کے نام سے ہوئی ہے۔ ملزم کا دوسرا ساتھی عدنان شہزاد عرف عدنان البرٹ ابھی تک فرار ہے جس کی گرفتاری کے لئے چھاپے مارے جا رہے ہیں۔

    پولیس حکام کا کہنا ہے کہ گرفتار ملزم سہیل مسیح  کے خلاف دہشت گردی اور ڈکیتی کی وارداتوں کا مقدمہ درج کرلیا گیا ہے، ملزم سے دوران تفتیش مزید بڑے انکشافات متوقع ہیں۔

    مزید پڑھیں : کراچی میں ڈکیتی مزاحمت پر 24 گھنٹے میں 4 شہری قتل

    واضح رہے کہ کراچی میں ڈاکو بےلگام ہوگئے، چوبیس گھنٹوں کے دوران چار شہری ڈاکووں کی ہاتھوں قتل کردیے، ریسکیو ذرائع کے مطابق ماہ ستمبرکے چار روز میں جاں بحق افراد کی تعداد9ہوگئی۔