Tag: ڈکیتی مزاحمت

کراچی کے علاقے نیو کراچی میں اسٹریٹ کرمنلز نے خاتون کو ڈکیتی مزاحمت پر فائرنگ کرکے زخمی کردیا۔

اے آر وائی نیوز کے مطابق نیو کراچی کے علاقے سیکٹر 11 اے میں ڈکیتی کے دوران مزاحمت کرنے پر معمر خاتون کو گولی مار دی گئی، خاتون کے ساتھ موجود نوجوان کی جانب سے مزاحمت کی گئی تھی۔

عمر رسیدہ خاتون نوجوان کے ساتھ موٹر سائیکل پر بینک سے تین لاکھ روپے لے کر گھر پہنچی تھیں مسلح ملزمان تعاقب کرتے ہوئے پہنچ گئے۔

خاتون ہاتھ میں گولی لگنے سے زخمی ہوگئیں انہیں طبی امداد کے لیے اسپتال منتقل کردیا گیا ہے جبکہ مسلح ملزمان رقم لوٹ کر فرار ہونے میں کامیاب ہوگئے۔

واضح رہے کہ گزشتہ دنوں کراچی کے علاقے گلستان جوہر بلاک 17 میں ڈکیتی مزاحمت پر ڈاکوؤں کی فائرنگ سے خاتون جاں بحق ہوگئی تھی۔

یہ پڑھیں: کراچی میں ڈکیتی مزاحمت پر فائرنگ سے خاتون جاں بحق

مقتولہ کی شناخت ثنا زوجہ طارق کے نام سے ہوئی تھی، ایس ایس پی ایسٹ کا بتانا تھا کہ کار میں خاتون، ان کا بھائی اور ایک بچہ میڈیکل اسٹور پر آئے تھے، مقتولہ کو ایک گولی کندھے پر لگی تھی۔

حیدرآباد میں ڈکیتی مزاحمت کے دوران فائرنگ کے نتیجے میں تاجر ذیشان نامی شخص جاں بحق ہوگیا۔

اے آر وائی نیوز کے مطابق یہ واقعہ حیدرآباد تھانہ پنیاری کی حدود کمیلہ روڈ پریٹ آباد میں پیش آیا، جہاں ذیشان نامی تاجر دروان ڈکیتی مزاحمت کرنے پر قتل کردیا گیا۔

  پولیس نے بتایا کہ پنیاری تھانے کی حدود میں دوران ڈکیتی مزاحمت پر دکاندار کے دوراں ڈاکوؤں نے گولی ماردی، دکاندار کو تشویشناک حالت میں اسپتال منتقل کیا گیا، جہاں وہ جان کی بازی ہار گیا۔

 پولیس کا کہنا ہے کہ زیشان نامی دکاندار نامعلوم افراد کی فائرنگ سے ہلاک ہوا، اور علاقہ مکینوں کا کہنا تھا کہ دو موٹر سائیل سوار ڈوکوں نے تاجر سے رقم چھیننے کی کوشش کی اس مزاحمت پر فائرنگ کردی اور فرار ہو گئے ۔

واقعے کی تاحال ایف آئی آر داخل نہیں ہو سکی،  پولیس مزید تفتیش کر رہی ہے ۔

کراچی: کراچی کے علاقے کورنگی نمبر 6 میں ڈکیتی مزاحمت کے دوران فائرنگ اور قتل کے واردات میں ملوث ملزموں کی سی سی ٹی وی فوٹیج سامنے آگئی۔

 ڈاکوؤں کے ہاتھوں قتل ہونے والے نوجوان کی شناخت عبد القیوم کے نام سے ہوئی ہے، سی سی ٹی وی فوٹیج میں دیکھا جاسکتا ہے کہ ملزموں نے نوجوان عبدالقیوم کے قتل سے قبل پچھلی گلی میں بھی واردات کی۔

قتل سے پہلے کی سی سی ٹی وی فوٹیج میں ملزموں کو شہری اسرار سے واردات کرتے دیکھا جاسکتا ہے، سی سی ٹی وی فوٹیج میں دیکھا جاسکتا ہے کہ ڈاکو شہری اسرار سے نقدی اور موبائل فون چھین کر دوسری گلی میں گئے۔

کراچی میں اسٹریٹ کرائم کا جن کے قابو، سفاک ڈکیت نے مزاحمت پر ایک اور شہری کو قتل کردیا

ویڈیو میں ملزموں کو واردات کرکے گلی سے گزرتے دیکھا جاسکتا ہے، دونوں ملزم قمیض شلوار میں ملبوس  تھے،جیکٹ بھی پہن رکھی تھی، ایک ملزم نے شناخت چھپانے کے لئے چہرے پر ماسک بھی لگارکھا تھا۔

پولیس ذرائع نے بتایا کہ دوسری گلی میں ملزموں نے  شہری کمال سے لوٹ مار کی اور مزاحمت پر اسکے کزن عبدالقیوم کو گولی مار کر قتل کیا، عینی شاہدین نے سی سی ٹی وی فوٹیج میں نظر آنے والے ملزموں کو شناخت کرلیا۔

اس کے علاوہ پولیس نے بتایا کہ جس مقام پر عبدالقیوم کا قتل  ہوا وہاں اطراف میں کیمرے نصب نہیں ہے۔