Tag: ڈکیتی مزاحمت

کراچی : شہر قائد میں ڈکیتی مزاحمت پر زخمی ہونے والا 19سالہ نوجوان زندگی کی بازی ہار گیا، حزیفہ اکلوتا بیٹا تھا۔

تفصیلات کے مطابق کراچی میں ڈکیتی مزاحمت پر ایک اور نوجوان کا موت کی گھاٹ اتار دیا گیا۔

لائنز ایریا کے علاقے جٹ لائن میں انیس سالہ حزیفہ کو ڈاکوں نے مزاحمت پر آنکھ پر گولی ماری، نوجوان اسپتال میں زندگی اور موت کی کشمکش کے بعد زندگی کی بازی ہار گیا۔

حزیفہ اکلوتا بیٹا تھا اور دوست سے ملنے گیا تھا، شہریوں نے تشدد کرنے کے بعد ڈاکو کو پولیس کے حوالے کیا۔

پولیس نے دعویٰ کیا ہے کہ فائرنگ کے واقعے میں ملوث ڈاکو کو گرفتارکرلیا۔

بریگیڈ پولیس نے بتایا کہ ملزم سے اسلحہ برآمد بھی کیا اور مزیدتفتیش جاری ہے جبکہ والدین کا کہنا ہے کہ گرفتار ملزم کو سخت سے سخت سزا دی جائے۔

خیال رہے کراچی میں اسٹریٹ کرائمز کی وارداتیں تھمنے کا نام نہیں لے رہی ہیں ، شہر قائد میں جنوری سے اگست تک آٹھ ماہ میں ساڑھے تین سو شہریوں کو قتل کیا گیا جبکہ ڈکیتی مزاحمت پر 60 شہری اپنی قیمتی جانوں سے ہاتھ دھو بیٹھے ہیں۔

کراچی : ڈاکوؤں نے ایک اور گھر اجاڑ دیا، ڈکیتی مزاحمت پر ڈاکوؤں کی فائرنگ سے امان نامی شہری جاں بحق ہوگیا۔

تفصیلات کے مطابق کراچی میں ڈاکو معصوم شہریوں کی زندگیاں چھیننے لگے، رات نیو کراچی اللہ والا اسٹاپ پر ڈکیتی مزاحمت پر ڈاکوؤں کی فائرنگ سے شہری جاں بحق ہوگیا۔

پولیس نے بتایا کہ مقتول امان چپل کا کاروبار کرتا تھا، اس کے 4 بچے تھے۔

پولیس کا کہنا تھا کہ امان کے والد اور چچا شادی میں شرکت کیلیے حیدرآباد گئے تھے، شادی سے واپس نیوکراچی میں 2 منٹ چورنگی میں واقع آبائی گھر پہنچے تو والد اور چچا نے امان کو فون کیا کے ہمیں آکر لے جاؤ۔

امان اپنے والد اور چچا کو موٹر سائیکل پر گھر لے جارہا تھا کہ اللہ والا اسٹاپ پر ڈاکووں نے امان کو روکنے کی کوشش کی۔

مزاحمت کرنے پر ڈاکوؤں نے امان پر فائر کردیا، جس کے نتیجے میں امان سینے میں گولی لگنے سے جاں بحق ہوگیا، مقتول امان 6 بہن بھائیوں میں سب سے بڑا تھا۔

جان بحق امان کی لاش ضابطے کی کارروائی کے بعد ورثاء کے حوالے کردی گئی ہے۔

کراچی : شہر قائد میں ڈکیتی مزاحمت پر ارسلان نامی نوجوان کو قتل کرنے والے مرکزی ملزم کو گرفتار کرلیا گیا۔

تفصیلات کے مطابق کراچی میں اورنگی پولیس شعبہ تفتیش نے خفیہ اطلاع پر ٹارگٹڈ کارروائی کی۔

کارروائی میں ڈکیتی مزاحمت پر نوجوان کو قتل کرنے والے مرکزی ملزم عدنان کو گرفتار کرلیا۔

ایس ایس پی عارف اسلم راؤ نے بتایا کہ قتل کا واقعہ 16اگست کواورنگی علی گڑھ بازارمیں پیش آیا تھا۔

عارف اسلم راؤ کا کہنا تھا کہ ملزمان ارسلان نامی شہری سےموبائل فون چھین رہےتھے اور مزاحمت کرنے پر ملزمان نے ارسلان کو گولی مار کر شدید زخمی کیا تاہم دوران علاج ارسلان زخموں کی تاب نہ لاتے ہوئے دم توڑ گیا تھا۔

ایس ایس پی انویسٹی گیشن نے کہا کہ ملزم عدنان کو ٹیکنیکل بنیاد پر گرفتار کیا گیا ہے اور ملزم سےموبائل فون اورواردات میں استعمال اسلحہ اور موٹر سائیکل بھی برآمد کرلی ہے۔

انھوں نے بتایا کہ گرفتار ملزم سے فرار ساتھی سےمتعلق تفتیش ی جارہی ہے۔

کراچی : گلستان جوہر میں فائرنگ سے شہری کے قتل کے واقعے کا مقدمہ درج کرلیا گیا، شہری کو ڈکیتی مزاحمت کے دوران قتل کیا گیا تھا۔

تفصیلات کے مطابق کراچی کے علاقے گلستان جوہر میں فائرنگ سے شہری کے قتل کے واقعے کا مقدمہ مقتول کے اہلخانہ کی مدعیت میں درج کرلیا گیا۔

پولیس نے بتایا کہ مقتول کڈنی سینٹر کا جنرل منیجر تھا اور ڈکیتی مزاحمت کے دوران قتل کیا گیا۔

حکام کا کہنا تھا کہ مقتول اپنی فیملی کے ساتھ کار میں سوارتھا کہ 2 ملزمان نے کار میں بیٹھی فیملی کو اسلحہ دیکھا کر لوٹنے کی کوشش کی۔

مدعی نے پولیس کو بیان میں بتایا مزاحمت پرملزم نےگولی چلادی، دو ملزمان نے مقتول کو گولی ماری اور فرار ہوگئے۔

یاد رہے گذشتہ روز کراچی کےعلاقے گلستان جوہرمیں ڈکیتی کے دوران مزاحمت کرنے پرشہری کوفائرنگ کرکےقتل کردیاگیا تھا۔

پولیس کا کہنا تھا کہ موٹرسائیکل سوار دو کم عمرملزمان نے لوٹ مارکی کوشش کی ،اس دوران شہری کی مزاحمت پرملزمان نےفائرنگ کردی جس کےنتیجےمیں کارسوار شخص جاں بحق ہوگیا۔

کراچی : کورنگی میں ڈکیتی مزاحمت پر سیکیورٹی گارڈ کو قتل کردیا گیا، چار مسلح ملزمان مال سے بھرا منی ٹرک لوٹنا چاہتے تھے۔

تفصیلات کے مطابق کراچی کے علاقے کورنگی میں ڈکیتی مزاحمت پر سیکیورٹی گارڈ کے لرزہ خیز قتل کی واردات ہوئی۔

ڈکیتی کی خصوصی فوٹیج اے آر وائی نیوز نے حاصل کرلی، کورنگی ڈیڑھ میں 4 مسلح ملزمان نے لوٹ مار کی کوشش کی۔

فوٹیج میں دیکھا جاسکتا ہے ملزمان مال سے بھرا منی ٹرک لوٹنا چاہتے تھے تاہم مزاحمت پر ڈاکوؤں نے سیکیورٹی گارڈاقبال کوگولیاں ماریں۔

فوٹیج کے مطابق منی ٹرک کا ڈرائیور صورتحال دیکھ کر خود اتر گیا جبکہ سیکیورٹی گارڈ زخمی ہونے کے بعد بھی مزاحمت کرتا رہا۔

جس کے بعد ملزمان سیکیورٹی گارڈ کو ٹرک کے ساتھ گھسیٹتے لے گئے اور تھوڑا دور جاکر زخمی اقبال زمین پر گرا اور بے ہوش ہوگیا۔

فوٹیج میں دیکھا گیا کہ چاروں ملزمان موٹرسائیکل اور ٹرک لے کر فرار ہوگئے۔