کراچی: ڈکیتی مزاحمت پر ایک شہری کو قتل کر دیا گیا، مقتول کی شناخت محمد ناصر کے نام سے ہوئی۔

تفصیلات کے مطابق کراچی میں ڈاکوؤں کی لوٹ مار جاری ہے اور پولیس انھیں روکنے میں بری طرح ناکام ہے۔

شہر میں ایک شخص اپنی زندگی سے ہاتھ دھو بیٹھا، نیوکراچی میں ڈکیتی مزاحمت پر ایک شخص فائرنگ سے شدید زخمی ہوا اور سول اسپتال میں دوران علاج انتقال کر گیا۔

پولیس کا کہنا تھا کہ مقتول کی شناخت محمدناصرکےنام سےہوئی،زخمی محمد ناصر کوسول اسپتال ٹراما سینٹر لایا گیا تھا، جو زخموں کی تاب نہ لاتے ہوئے چل بسا، تاہم واقعہ کی تفتیش جاری ہے۔

مزید پڑھیں : کراچی میں ڈکیتی مزاحمت پر 20 سالہ نوجوان قتل

یاد رہے گذشتہ ماہ کراچی کے علاقے اورنگی ٹاؤن میں ڈاکوؤں نے ڈکیتی میں مزاحمت پر فائرنگ کرکے نوجوان کو قتل کیا گیا تھا۔

پولیس نے جائے وقوعہ سے پستول اور موٹر سائیکل برآمد کرلی تھی جبکہ جاں بحق شہری کی شناخت 20 سالہ عابد کے نام سے ہوئی ہے اور مارے گئے ملزم کی شناخت محمد عدنان علی کے نام سے ہوئی تھی۔

کراچی : کورنگی میں ڈکیتی مزاحمت پر موذن کے بیٹے کو گولی مار کر قتل کر دیا گیا، پولیس کا کہنا ہے کہ ملزمان کی تلاش کے لیے چھاپے مارے جارہے ہیں۔

تفصیلات کے مطابق کراچی میں ڈکیتی مزاحمت پر ایک اورنوجوان کی جان چلی گئی، کورنگی نمبر ساڑھے تین میں مبینہ طور پر موٹرسائیکل چھیننے آئے ملزمان نے موذن کے بیٹے کو گولی مار دی۔

پولیس حکام نے بتایا کہ نوجوان کی شناخت فیصل محمود کے نام سے ہوئی، جس کو ملزمان نے ڈکیتی مزاحمت پرگولی ماری جو آنکھ میں جالگی اورجان لیوا ثابت ہوئی۔

عینی شاہدین کا کہنا تھا کہ نوجوان تڑپتا رہا اور ڈکیت موٹر سائیکل لیکر فرار ہوگئے۔

پولیس کا کہنا تھا کہ ملزمان کی تلاش کے لیے چھاپے مارے جارہے ہیں، شہرمیں موٹر سائیکل چھیننے والا گروہ پھرسے سرگرم عمل ہے، ایک ہفتےمیں موٹرسائیکل اسنیچنگ کےدوران دو افراد جاں بحق متعدد زخمی ہوئے۔

پولیس کے جاری کردہ اعداد و شمار کے مطابق رواں سال ڈکیتی مزاحمت پراب تک پینتالیس افراد جاں بحق ہوچکے ہیں۔

کراچی: شہر قائد میں ڈکیتی مزاحمت پر ایک اور شخص جان سے گیا، بائیک رائیڈر ندیم احمد کو سفاک لٹیروں نے قیمتی جان سے محروم کر دیا۔

تفصیلات کے مطابق شاہ فیصل پل پر ڈکیتی مزاحمت پر آن لائن بائیک رائیڈر ندیم احمد کو قتل کر دیا گیا، پولیس کے مطابق مقتول ندیم احمد کو ڈکیتی مزاحمت پر فائرنگ کر کے قتل کیا گیا، مقتول کورنگی کا رہائشی اور آن لائن بائیک سروس کا رائیڈر تھا۔

پولیس نے بتایا کہ واقعے کے وقت ندیم احمد موٹر سائیکل پر تنہا تھا، جائے وقوع سے گولی کا خول نہیں مل سکا، پولیس نے ضابطے کی کارروائی کے لیے لاش اسپتال منتقل کر کے تفتیش شروع کر دی ہے۔

دوران ڈیوٹی سرکاری ہتھیار، گولیاں چوری کرنے والے 2 پولیس اہلکار گرفتار، اسلحہ ڈیلرز سے تعلق کا انکشاف

اہل خانہ کا کہنا ہے کہ 3 بچوں کے باپ ندیم احمد کورنگی کے رہائشی اور مسجد کے مؤذن تھے، جو گھریلو حالات کی وجہ سے آن لائن موٹر سائیکل بھی چلاتے تھے۔

اہل خانہ کے مطابق ندیم احمد رشتے داروں سے ملنے نارتھ کراچی گئے تھے، شاہ فیصل پل سے گھر واپس آ رہے تھے کہ ڈاکوؤں کا نشانہ بن گئے، اہل خانہ کا کہنا تھا کہ شاہ فیصل پل پر آئے دن لوٹ مار کی وارداتیں ہو رہی ہیں لیکن کوئی پرسان حال نہیں ہے۔

کراچی : لانڈھی میں ڈاکوؤں نے نوجوان کو قتل کر دیا، پولیس حکام نے واقعے کو  ذاتی دشمنی کا شاخسانہ قرار دے دیا۔ 

تفصیلات کے مطابق کراچی کے علاقے لانڈھی معین آباد میں ڈکیتی مزاحمت پر فائرنگ کا واقعہ پیش آیا، جس میں ایک نوجوان جاں بحق ہوگیا۔

ریسکیو ذرائع نے بتایا کہ مقتول کی شناخت 22سال کے منظور کےنام سے ہوئی تاہم لاش ضابطے کی کارروائی کے لئے اسپتال منتقل کردی گئی ہے۔

پولیس رپورٹ میں کہا گیا کہ تین ڈاکوؤں نے مقتول سے قیمتی سامان چھیننے کی کوشش کی اور مزاحمت کرنے پر اسے گولی مار دی۔

لانڈھی میں فائرنگ سےنوجوان کے جاں بحق ہونے کے واقعے پر پولیس حکام نے کہا کہ واقعہ ذاتی دشمنی کا شاخسانہ ہے، مقتول کے گھر والے اصل حقائق چھانے کی کوشش کررہےہیں، کسی لڑکی کے معاملے پر فائرنگ کا واقعہ پیش آیا ہے تاہم واقعےکے حوالے سےمزید تحقیقات کی جارہی ہیں۔

اس سے قبل اسی طرح کے ایک واقعے میں کراچی میں ایک اور شخص کو کورنگی میں ڈاکوؤں نے مزاحمت کرنے پر گولی مار کر قتل کردیا تھا۔