Tag: ڈکیتی مزاحمت

کراچی: شہر قائد کے علاقے فقیرا گوٹھ، تھانہ سائٹ سپر ہائی وے کی حدود میں ڈکیتی مزاحمت پر ایک حاملہ خاتون کو قتل کر دیا گیا۔

تفصیلات کے مطابق کراچی کی سڑکوں پر ڈکیتی مزاحمت کے دوران شہریوں کے قتل کا سفاک سلسلہ نہیں رک سکا ہے، لٹیرے اب بھی مزاحمت پر شہریوں کو گولی مار کر قتل کر کے فرار ہو جاتے ہیں، حالیہ واقعے کے ساتھ رواں سال ڈاکوؤں کی فائرنگ سے جاں بحق شہریوں کی تعداد 26 ہو گئی ہے۔

پولیس رپورٹ کے مطابق گزشتہ رات 2 موٹر سائیکل سوار ملزمان نے فقیرا گوٹھ میں راہگیر میاں بیوی کو لوٹنے کی کوشش کی، لیکن مزاحمت پر فائرنگ سے 25 سال کی صائمہ زخمی ہو گئیں، جو بعد میں دم توڑ گئیں۔

کراچی: مواچھ گوٹھ میں کمسن بچے کی مین ہول میں گرنے کی فوٹیج سامنے آگئی

خاتون کے شوہر عرفان نے اپنے بیان میں کہا ’’مقتولہ صائمہ حاملہ تھی جسے اسپتال لے کر جا رہا تھا، ایک موٹر سائیکل پر 2 ملزمان آئے اور لوٹ مار کرنے لگے، ملزمان نے میرا موبائل چھین لیا تھا اور اہلیہ صائمہ کا پرس چھین رہے تھے۔‘‘

غم زدہ عرفان نے بتایا ’’اہلیہ صائمہ نے پرس چھیننے والے ڈاکو کو دھکا دیا، تو وہ گر گیا، جس پر اس نے صائمہ پر فائرنگ کر دی۔‘‘ عرفان نے مطالبہ کیا کہ ڈاکوؤں نے 3 بچوں کی ماں کو قتل کیا ہے، ان کو پکڑ کر سخت سزا دی جائے۔

کراچی : کورنگی میں ڈاکوؤں نے مزاحمت پر میڈیکل اسٹور کے مالک کو قتل کردیا، جابحق صہیب میڈیکل اسٹور کا مالک اور والدین کا اکلوتا بیٹا تھا۔

تفصیلات کے مطابق کراچی میں ڈکیتی مزاحمت پرایک اور نوجوان کو قتل کردیا گیا، کورنگی 6 نمبر پر ڈاکوؤں کی فائرنگ سے میڈیکل اسٹور کا مالک جاں بحق ہوگیا۔

ایس ایس پی کورنگی طارق نواز نے بتایا کہ فائرنگ کاواقعہ ڈکیتی کےدوران مزاحمت پرپیش آیا، فائرنگ سےجاں بحق صہیب والدین کا اکلوتا بیٹا تھا۔

طارق نواز کا کہنا تھا کہ موٹر سائیکل سوار 2 ملزمان میڈیکل اسٹور پر لوٹ مار کرنے آئے، ملزمان نےرقم لوٹی اور فرار ہورہے تھے تو لوگوں نے شور کیا، شور سن کر ملزمان نے فائرنگ کر دی، جس سے مقتول کو کندھے پر گولی لگی جو جان لیوا ثابت ہوئی۔

واقعہ کی تفتیش جاری ہے شواہد اکٹھے کر لئے ہیں، واقعہ کے حوالے سے اسپیشل ٹیم تشکیل دی ہے جو اس کیس پر کام کرے گی، کچھ اہم معلومات ملی ہے جلد ملزمان کو گرفتار کر لیں گے.

پولیس کا کہنا تھا کہ عینی شاہدکےمطابق ملزمان شناخت چھپانےکیلئےماسک کا استعمال کیا، جائے واقعہ کی سی سی ٹی وی فوٹیجز حاصل کی جارہی ہیں۔

کراچی : شہر قائد میں ڈکیتی مزاحمت پر 2 نوجوانوں کو قتل کردیا گیا ، جن کی شناخت وسیم اور بابر کے نام سے ہوئی۔

تفصیلات کے مطابق کراچی میں ڈاکوؤں نے2 افراد کی جان لے لی، پولیس نے بتایا کہ سہراب گوٹھ پنجاب بس اڈے کے قریب موٹرسائیکل چھیننے کی واردات کے دوران مزاحمت پر ڈاکوؤں نے فائرنگ کر کے نوجوان کو قتل کردیا، مقتول کی شناخت وسیم کے نام سے ہوئی، جس کو سر پر گولی ماری گئی۔

دوسرے واقعے میں قائد آباد میں مرغی خانے کے قریب ڈکیتی کے دوران مزاحمت پر ڈاکو کی فائرنگ سے ایک نوجوان جان سے گیا۔

ڈاکوؤں کی فائرنگ سے جاں بحق ہونے والا بابرسوئمنگ پول کا مالک تھا تاہم موقع پر موجود لوگوں نے ایک مبینہ ڈکیت کو پکڑ کر تشدد کا نشانہ بنانے کے بعد مار ڈالا۔

ڈاکو کا ساتھی موقع سے فرار ہوگیا، پولیس حکام نے بتایا کہ مقتول بابرقائد اباد کا رہائشی تھا اور وہیں پرکاروبار کیا کرتا تھا۔

قائدآباد مرغی خانہ پرعلاقہ مکینوں نے احتجاج کیا ، جس سے نیشنل ہائی وے پر ٹریفک جام ہوگیا ، مظاہرین نے ملزمان کی گرفتاری کا مطالبہ کرتے ہوئے کہا کہ چوبیس گھنٹے میں قتل کے ملزمان گرفتارنہ ہوئے تو دوبارہ احتجاج کریں گے۔

دوسری جانب تیموریہ کےعلاقے میں مبینہ پولیس مقابلہ زخمی سمیت دو ملزمان کو گرفتار کر لیا گیا، ملزمان کے قبضے سے اسلحہ اور لوٹا ہوا سامان برآمد کیا گیا ہے۔

کراچی : شاہ لطیف میں قائد آباد پل کے قریب ڈاکوؤں نے ڈکیتی مزاحمت پر نجی ٹیکسٹائل مل کا کیشئر کو قتل کردیا۔

تفصیلات کے مطابق کراچی میں سرگرم ڈاکووں نے ایک اور شہری کی جان لے لی، قائد آباد پل کے نیچے مسلح ڈاکووں نے لوٹ مار کے دوران مزاحمت پر 45 سالہ محمد عمران کو قتل کردیا۔

عینی شاہد ڈرائیور نے بتایا کہ مقتول عمران ٹیکسٹائل ملز میں کیشئرتھا، مختلف بینک سے ہوتے ہوئے سلنڈر لینے رکے تھے کہ موٹر سائیکل پر3 ملزمان نےواردات کی۔

عینی شاہد کا کہنا تھا کہ پیسوں کا بیگ آگے رکھا تھا اور پیچھے سیکیورٹی گارڈ موجود تھا،مزاحمت کرنے پر ڈاکوؤں نے گولی ماری جو عمران کو لگی۔

مزید پڑھیں : کراچی میں اسٹریٹ کرائم بے قابو،2 ماہ میں 10 ہزار سے زائد واقعات ریکارڈ

ڈرائیور نے مزید بتایا کہ ملزمان نے گارڈز سےاسلحہ بھی چھینا، مسلح ملزمان کی تعداد 3 تھی جو ایک ہی موٹر سائیکل پر سوار تھے۔

پولیس کا کہنا ہے کہ واردات کے وقت مقتول کی ہائی روف میں موجود اس کے سیکیورٹی گارڈ اور ڈرائیور کا بیان لیا ہے، واردات کے دوران کتنی رقم چھینی گئی اس حوالے سے تحقیقات جاری ہے۔

کراچی : ڈکیتی مزاحمت پر ایک اور شہری کو قتل کردیا گیا، مقتول ریحان دوستوں کے ساتھ گھر کی دہلیز پر بیٹھا تھا۔

تفصیلات کے مطابق کراچی کے شہری بے رحم ڈاکووں کے نشانے پر ہیں اور پولیس ڈکیتی کی بڑھتی ہوئی وارداتوں پر قابو پانے میں ناکام ہیں۔

منظور کالونی میں ڈکیتی مزاحمت پر موٹر سائیکل سوار چار مسلح ملزمان نے فائرنگ کرکے تیس سالہ ریحان کو شدید زخمی کردیا، جو اسپتال پہنچ کردم توڑ گیا۔

پولیس نے بتایا کہ منظور کالونی میں شہری کے قتل کی فوٹیج سامنےآگئی ہے، مقتول ریحان دوستوں کے ساتھ گھرکی دہلیز پربیٹھا تھا کہ دو موٹر سائیکل پر پانچ ڈاکو نے لوٹ مار کی۔

حکام کا کہنا تھا کہ لوٹ مار کے دوران ریحان نے مزاحمت کرتے ہوئے ایک ڈاکو کو دبوچا تو دیگر نے فائرنگ کردی اور ڈاکو لوٹ مار و فائرنگ کے بعد فرار ہوگئے۔

مزید پڑھیں : کراچی : گھر کی دہلیز پر نوجوان کو موبائل نہ دینے پر قتل کردیا گیا

یاد رہے گذشتہ ہفتے بلدیہ اتحاد ٹاون میں گھر کی دہلیز پر عمر نامی نوجوان کو مزاحمت پر قتل کردیا تھا۔

ورثا نے بتایا تھا مقتول چند روز قبل دبئی سے پاکستان آیا تھا اور دوستوں کےہمراہ گھر کے باہر بیٹھا ہوا تھا کہ موٹرسائیکل سوار ملزمان نے اسلحہ کے زور لوٹ مار شروع کی اور موبائل نہ دینے پر ملزمان نے فائرنگ کردی۔

جس کےنتیجے میں عمر زخمی ہوا اور اسپتال میں زخموں کی تاب نہ لاتے ہوئے دم توڑ گیا تھا۔