Tag: ڈکیتی مزاحمت

کراچی کے علاقے نارتھ ناظم آباد فائیو اسٹار چورنگی پر فائرنگ سے زخمی دو بچوں کا باپ اسپتال میں دوران علاج دم توڑ گیا۔

تفصیلات کے مطابق فائیو اسٹار چورنگی فلائی اوور کے قریب ڈکیتی مزاحمت پر ڈاکوؤں کی فائرنگ سے 4 بچوں کا باپ جاں بحق ہوگیا، پولیس کے مطابق فائرنگ کا واقعہ ابتدائی طور پر ڈکیتی مزاحمت لگتا ہے۔

پولیس کا کہنا ہے کہ موٹر سائیکل سوار چار ملزمان نے لوٹ مار کے دوران فائرنگ کی، 30 سالہ سلمان نے مزاحمت کی تو ملزمان نے گولیاں ماریں اور فرار ہوگئے۔

پولیس کا کہنا ہے کہ مقتول لیاقت آباد کا رہائشی اور چار بچوں کا باپ تھا، مقتول سلمان لیاقت آباد نمبر ایک کا رہائشی اور کیٹرنگ کا کام کرتا تھا، سلمان اپنے دوست بلال کے ہمراہ نارتھ ناظم آباد بلاک ایل میں  دوست کےگھر سے واپس آرہا تھا۔

پولیس کا کہنا ہے کہ فائیو اسٹار فلائی اوور پر 2 موٹر سائیکل سوار 4 ڈکیتوں نے لوٹ مار کی کوشش کی، ڈاکوؤں نے مزاحمت پر فائرنگ کی، سلمان کا پریس کارڈ، لائسنس یافتہ پستول لیکر فرار ہوگئے جبکہ مقتول کا موبائل فون واردات کے دوران گر گیا۔

کراچی : ڈاکوؤں نے ڈکیتی مزاحمت پرفیکٹری ملازم کو قتل کردیا ، مقتول 3 بچوں کا باپ تھا۔

تفصیلات کے مطابق کراچی میں ایک اور شہری لٹیروں کے ہاتھوں مارا گیا، اورنگی ہزارہ چوک پر ڈاکوؤں کی فائرنگ سے فیکٹری ملازم جاں بحق ہوگیا۔

پولیس نے بتایا کہ فائرنگ کا واقعہ دوران ڈکیتی مزاحمت پر پیش آیا، مقتول کی شناخت 44 سالہ فیاض کے نام سے کی گئی۔

حکام کا کہنا تھا کہ مقتول فیاض فجرکی نمازپڑھ کر آرہا تھا کہ ملزمان نے لوٹ مار کی کوشش کی اور دوران ڈکیتی مزاحمت پر ملزمان فائرنگ کرکے فرار ہوگئے۔

پولیس نے مزید بتایا کہ فیاض کو اورنگی ہزارہ چوک پر ڈاکوؤں نے نشانہ بنایا، اہل خانہ کے مطابق موٹر سائیکل سوار دو ملزمان نے فائرنگ سے پہلے فیاض سے لوٹ مار کی، مزاحمت کی تو سامان تو نہ چھینا، قیمتی جان لے لی۔

پولیس نے کہا کہ مقتول کے سینے پر لگنے والی گولی وجہ موت بنی ، مقتول فیاض فیکٹری میں کام کرتا تھا اور3 بچوں کا باپ تھا۔

پولیس کا کہنا تھا کہ ابتدائی معلومات کے مطابق 44 سالہ فیاض کا قتل ڈکیتی مزاحمت کا شاخسانہ ہے تاہم دیگر پہلوؤں پر بھی تحقیقات کریں گے۔

خیال رہے رواں سال کراچی کے مختلف علاقوں میں ڈکیتی مزاحمت پر جاں بحق افراد کی تعداد 105 ہوچکی ہے۔

کراچی : شہر قائد میں ڈکیتی مزاحمت پر ایک اور شخص کو قتل کر دیا گیا، مقتول فرحان ایک بچی کا باپ اور سرجانی کا رہائشی تھا۔

تفصیلات کے مطابق کراچی کے علاقے سائٹ سپر ہائے وے پر فائرنگ سے شہری جاں بحق ہوگیا،ایس ایس پی ایسٹ ڈاکٹر فرخ رضا نے کہا کہ شہری کو مبینہ طور پولیس مقابلے کے دوران گولی لگی۔

ڈاکٹر فرخ رضا کا کہنا تھا کہ پولیس نے ڈاکوؤں کا تعاقب کیا جو سرجانی  کے علاقے میں داخل ہو گئے، اس دوران گولی لگنے سے زخمی شہری کو تشویشناک حالت میں اسپتال منتقل کیا جہاں وہ دم توڑگیا۔

مزید پڑھیں : کراچی : ڈکیتی مزاحمت پر باپ کو قتل اور بیٹے کو زخمی کرنے والے ملزمان گرفتار

پولیس کا کہنا تھا کہ مقتول کی شناخت فرحان ولدالطاف خان کےنام سے ہوئی تاہم ملزمان کی گرفتاری کے لیے پولیس کارروائی کر رہی ہے۔

لواحقین نے بتایا کہ مقتول میڈیسن کمپنی میں ملازمت کرتاتھا، مقتول فرحان ایک بچی کاباپ اورسرجانی کارہائشی تھا۔

خیال رہے رواں سال ڈاکوؤں کی فائرنگ سے جاں بحق شہریوں کی تعداد 104 ہوگئی۔

کراچی : گورنگی میں ڈکیتی مزاحمت پرباپ کی ہلاکت اور بیٹے کے زخمی ہونے کے واقعے پر دو مقدمات درج کرلیے گئے۔

تفصیلات کے مطابق کراچی کے علاقے کورنگی میں ڈکیتی مزاحمت پر باپ کی ہلاکت اور بیٹے کے زخمی ہونے کے معاملے پر کورنگی صنعتی ایریا تھانہ میں دو مقدمات درج کرلئے گئے۔

پہلا مقدمہ متقول عبدالمالک کے بیٹے کاشف کی مدعیت میں قتل،اقدام قتل،ڈکیتی کی دفعات کے تحت درج کیاگیا۔

زخمی نوجوان کاشف نے بتایا کورنگی کراسنگ بینک سے رقم لیکر والد کیساتھ گاڑی میں نکلا، فیکٹری کے پاس پہنچتے ہی دو موٹر سائیکلوں پر سوار تین ملزمان آئے ملزمان نے والد سے دس لاکھ روپے کیش چھنیے کی کوشش کی اور فائرنگ کرکے والد کو زخمی کردیا۔

مدعی مقدمے کا کہنا تھا کہ میں نے اپنے لائنس والے پستول سے ملزمان پر فائرنگ کردی، فائرنگ سے ایک ملزم بھی زخمی ہوا۔

دوسرا مقدمہ اے ایس آء گھنور بروہی کی مدعیت میں دفعہ 23 اے کی تحت درج کیا گیا، ایف آئی آر متن میں کہا ہے کہ دو موٹر سائیکلوں پر سوار تین افراد جارہے تھے جن میں سے ایک شخص جو پیچھے بیٹھا تھا زخمی معلوم ہورہا تھا ، پولیس موبائل نے ملزمان کا تعاقب کیا ایک موٹر سائیکل سوار ملزم فرار ہوگیا۔

ایف آئی آر میں کہا گیا موٹر سائیکل سوار دو ملزمان چند قدم کے فاصلہ پر گیر گئے ایک ملزم جھاڑیوں میں فرار ہوگیا،پولیس پارٹی نے زخمی ملزم امتیاز کی تلاشی لی ملزم سے ایک تیس بور پستول ملا۔

کراچی : کورنگی چمڑا چورنگی پر ایک سال قبل ڈکیتی مزاحمت پر باپ بیٹی کو قتل کرنے والا اشتہاری  ملزم پکڑا گیا۔

تفصیلات کے مطابق کراچی میں ڈکیتی کے دوران مزاحمت پر باپ بیٹی کو قتل کرنے والے اشتہاری ملزم کو گرفتار کرلیا گیا۔

ایس ایس پی کورنگی توحید رحمان نے بتایا کہ کورنگی انڈسٹریل ایریا پولیس نے حساس ادارے کے ہمراہ مشترکہ کارروائی کرتے ہوئے دہرے قتل کے مفرور اور اشتہاری ملزم علی گوہر کو گرفتار کیا ہے۔

ایس ایس پی کورنگی کا کہنا تھا کہ ملزم نے کورنگی چمڑہ چورنگی پر واردات کے دوران مزاحمت کرنے پر تیس بور پستول سے 8 گولیاں چلائی تھی، جس سے 2 سالہ انعم اور والد طاہر زمان جاں بحق ہوگیا تھا۔

توحید نے بتایا کہ کہ مقتول طاہر زمان پاکستان نیوی میں بطورسیلر ملازمت کرتا تھا جو اس روز اپنی بیٹی کو موٹرسائیکل پر سی ویو گھمانے لے گیا تھا اورگھر واپس آتے ہوئے سیکٹر 16 مین روڈ پر یہ افسوسناک واقعہ پیش آیا تھا۔

ایس ایس پی کورنگی کے مطابق گرفتار ملزم کے خلاف مذید قانونی کارروائی عمل میں لائی جارہی ہے۔

خیال رہے سال 2023 میں کورنگی صنعتی ایریا کے علاقے میں موٹرسائیکل پر سوارطاہر زمان اور دو سالہ بیٹی انعم کو جرائم پیشہ عناصر نے گولیاں مار کر قتل کردیا تھا۔

کراچی : شہر قائد میں ڈکیتی مزاحمت پر ایک اور نوجوان کو قتل کردیا گیا، مقتول کی شناخت بلال کے نام سے ہوئی ہے۔

تفصیلات کے مطابق کراچی کے علاقے کو کی فائرنگ سے ایک شہری جان سے گیا، پولیس نے بتایا کہ کورنگی نمبر چھ جمعہ گوٹھ میں مقتول کو ڈکیتی کی واردات کے دوران موٹر سائیکل چھینتے ہوئے قتل کیا گیا۔

حکام کا کہنا تھا کہ مقتول کی شناخت بلال کے نام سے ہوئی ہے تاہم مقتول کی لاش کو ضابطے کی کارروائی کے بعد ورثا کے حوالے کردی ہے۔

دوسری جانب سچل کے علاقے میں دو مبینہ ڈاکو عوام کے ہتھے چڑھ گئے، شہریوں نے ڈاکوؤں کو تشدد کا نشانہ بنایا گیا، جس سے ایک ڈاکو ہلاک اور ایک زخمی ہوگیا۔

پولیس کا کہنا ہے مرنے اور زخمی ہونے والے ڈاکوؤں سے اسلحہ بھی ملا ہے۔