Tag: ڈکیتی مزاحمت

کراچی : جوہرچورنگی پل پر ڈکیتی مزاحمت پر علی رہبر کے قتل کا مقدمہ درج کرلیا گیا ، جس میں علی رہبر کےلواحقین نے کہا ہم پوسٹ مارٹم نہیں کرائیں گے۔

تفصیلات کے مطابق کراچی کے علاقے جوہرچورنگی پل پر ڈکیتی مزاحمت پر علی رہبر کے قتل کا مقدمہ درج کرلیا گیا ، شارع فیصل تھانے میں سرکارکی مدعیت میں قتل اور اقدام قتل کے تحت درج کیا گیا۔

مقدمے میں کہا گیا کہ ڈاکو شہری سےلوٹ مار کر رہے تھے مزاحمت پرفائرنگ کردی، فائرنگ میں ایک اورراہگیراور گزرنےوالے 2پولیس اہلکارزخمی ہوئے جبکہ ایک ڈاکو عوام کےتشددسے ہلاک ہوگیا،باقی ساتھی فرار ہوگئے۔

مقدمے کے متن کے مطابق ڈاکوؤں کی فائرنگ سے زخمی شہری جناح اسپتال میں دم توڑ گیا جبکہ علی رہبر کےلواحقین نے کہا ہم پوسٹ مارٹم نہیں کرائیں گے۔

گذشتہ روز کراچی میں رہزنوں نے رہبر کو قتل کردیا تھا ، مقتول علی رہبر 2بچوں کا باپ اور آن لائن فوڈ ڈلیوری کا کام کرتاتھا اور گلستان جوہرمیں پھلوں کااسٹال بھی لگا رکھا تھا۔

علی رہبرکو قتل کرنےکےبعد بھاگتے ہوئے لٹیروں میں سے ایک شہریوں کے ہتھے چڑھ گیا، غصے میں بھرے لوگوں نےمار مار کر جان لے لی جبکہ علی رہبر کا جنازہ اٹھا تو کہرام مچ گیا۔

کراچی: ڈکیتی کے دوران مزاحمت پر ایک اور شخص کو قتل کردیا گیا، مشتعل شہریوں نے ڈاکو کو پکڑ کر مار ڈالا۔

تفصیلات کے مطابق راشد منہاس روڈ پر سید رہبر نامی شخص کو ڈاکوؤں نے فائرنگ کرکے قتل کیا، پولیس نے بتایا کہ فائرنگ کرکے فرار ہونے والے ڈاکو کو مشتعل شہریوں نے تشدد سے ہلاک کردیا۔

وزیرداخلہ سندھ نے ڈاکو کی فائرنگ سے شہری کی ہلاکت کا نوٹس لیتے ہوئے ایس ایچ او شارع فیصل کو معطل کرنے کا حکم جاری کردیا۔

ایس ایس پی ایسٹ سے ایس ایچ او کا سابقہ اور حالیہ ریکارڈ طلب کرلیا گیا ہے۔ کراچی میں رمضان کے دوران ڈکیتی کے دوران مزاحمت پرقتل ہونے والے افراد کی تعداد 9 ہوگئی ہے۔

کراچی : سرجانی ٹاؤن میں ماموں کے گھر افطارکی دعوت پر آنے والے نوجوان کو ڈاکوؤں نے مزاحمت پر قتل کردیا۔

تفصیلات کے مطابق کراچی میں ڈکیتوں نے ایک اور شہری کی جان لے لی، سرجانی ٹائون سیکٹر فور ڈی میں ڈکیتی مزاحمت پر ڈاکوؤں نے گولیاں مار کرنوجوان کو قتل کردیا۔

سرجانی ٹاؤن سیکٹر فور ڈی میں ماموں کے گھر افطار کے لئےآنیوالے ذوہیب کو گھر جاتے ہوئے ڈاکوؤں نے گولی ماری۔

مقتول کے اہلخانہ کاکہنا ہے کہ وہ اپنی موٹر سائیکیل اسٹارٹ کر رہا تھا کہ دو موٹر سائیکلوں پرسوارچار ملزمان آئے اور موبائل چھیننے کی کوشش کی، ڈاکوؤں نے ایک فائر کیا جو ذوہیب کے سینے پر لگا جبکہ گولی لگنے سے مقتول کے موبائل کو بھی نقصان پہنچا ہے۔

مقتول کے ماموں جاوید نے میڈیا سے گفتگو کرتے ہوئے کہا کہ بھانجا زوہیب افطارکےلئے میرےگھرآیا تھا اور لیاقت آبادایف سی ایریاکا رہائشی اور اورفیکٹری میں ملازمت کرتا تھا۔

مقتول کے ماموں نے بتایا کہ افطارکے بعد گھر سے نکلا تو 4 ڈاکوگلی میں آئے، 2 موٹرسائیکلوں پر 4 ڈاکو تھے، جنہوں نےموبائل چھیننےکی کوشش کی، ہم نے ڈاکوؤں کو دیکھتے ہی دروازہ بند کرلیا تھا۔

ان کا کہنا تھا کہ کچھ دیربعدفائرنگ کی آوازآئی ، باہردیکھاتوزوہیب خون میں لت پت تھا، ایمبولینس بھی وقت پرنہیں پہنچی ، علاقے میں روزانہ کی بنیادپر وارداتیں ہو رہی ہیں۔

پولیس نےجائے وقوعہ سے شواہد اکھٹے کرکے ملزمان کی تلاش شروع کردی جبکہ وزیر داخلہ سندھ نے واقع کا نوٹس لیتے ہوئے ایس ایچ او سرجانی ٹائون کو معطل کر دیا گیا اوراعلی آفسران سےرپورٹ طلب کرلی

یاد رہے گزشتہ روز ڈاکوؤں نے فوم کی دکان میں ڈکیتی کے دوران مزاحمت پر عبدالرحمان کو گولی ماردی تھی، کراچی میں صرف تین ماہ میں ڈکیتی مزاحمت پرپینتالیس افراد کو قتل کیا جا چکا ہے۔

کراچی : شہر قائد میں اسٹریٹ کرمنلز آزاد کے سامنے پولیس بے بس ہوگئی ہے، کراچی میں صرف تین ماہ سے بھی کم عرصے کے دوران ڈکیتی میں مزاحمت پر چوالیس افراد قتل کردیے گئے۔

تفصیلات کے مطابق کراچی کے شہری لٹیروں کے نشانے پر ہیں اور پولیس بے بس ہیں، شہرکی کوئی ہی گلی یا محلہ ایسا ہوگا جہاں کا رہائشی اسٹریٹ کریمنل سے محفوظ ہو، گھر کی دہلیز ہویا کوئی بھی سٹرک کراچی والے کہیں محفوظ نہیں۔

کراچی میں صرف تین ماہ سے کم عرصے کے دوران ڈکیتی مزاحمت پر چوالیس افراد قتل کردیئے گئے، کورنگی اللہ والا ٹاؤن میں ہونہارطالب علم محمدلاریب کا چراغ راہزنوں نے بجھا دیا۔

نارتھ ناظم آباد میں اسامہ کو ڈکیتی مزاحمت پر قتل کردیا گیا جبکہ ڈاکوؤں نے اورنگی بنارس فلائی اوور پر ڈکیتی کےدوران دوبھائیوں عبدالمعیزاورعبدالحنان کی جان لے لی۔

راہزن لٹیرے پہلے دو ماہ میں چودہ ہزار سے زائد شہریوں کو لوٹ چکے ہیں۔ کراچی کے شہریوں کو بے رحم ڈکیتوں نے یرغمال بنارکھا ہے، جو مال کے ساتھ ساتھ جان بھی گنوا رہے ہیں۔

کراچی : ڈکیتی مزاحمت پر قتل ہونے والے نوجوان عبدالرحمان کے لواحقین نے قاتل کی گرفتاری تک تدفین کرنے سے انکار کردیا۔

تفصیلات کے مطابق کراچی میں ڈاکوؤں نے ایک اورشہری کی جان لے لی، نارتھ کراچی میں چوبیس سالہ دکاندار کو مزاحمت کرنے پر ڈاکوؤں نے فائرنگ کرکے قتل کردیا۔

عبدالرحمان کے قتل پر تاجروں اور علاقہ مکینوں کی جانب سے نارتھ کراچی پاور ہاؤس چورنگی پر احتجاج کیا گیا، جس کے باعث کئی گھنٹے ٹریفک کی آمدورفت معطل رہی۔

لواحقین نے قاتل کی گرفتاری تک تدفین کرنے سے انکار کردیا ہے جبکہ مظاہرین نے مطالبہ کیا کہ واقعے میں ملوث ملزمان کو فوری گرفتار کیا جائے۔

مقتول عبدالرحمان کے بھائی نے عباسی شہید اسپتال میں گفتگو کرتے ہوئے کہا کہ قاتل گرفتار نہیں ہوئے تو میت دفن نہیں کریں گے، میرےچھوٹےبھائی کودکان میں قتل کیا گیا، بلاول بھٹو اورسندھ حکومت واقعے کانوٹس لیں۔

پولیس کے مطابق مسلح ڈکیت دکان سے 80 ہزار روپے چھین کر نکلے تھے، وہاں موجود عبدالرحمن نے مزاحمت کی تو ڈاکوؤں نے فائرنگ کر دی، پولیس کو وقوعہ سے نائن ایم ایم گولیوں کے چار خول ملے ہیں۔

واقعے کے بعد اعلی حکام نے بلال کالونی تھانے کے ایس ایچ او کو معطل کر دیا ہے۔

واضح رہے رواں برس اس شہر میں ڈکیتوں کے ہاتھوں 44 شہری زندگی کی بازی ہار چکے ہیں۔

کراچی : شہرقائد میں ڈکیتی مزاحمت پر ایک اور شہری کو گولیاں مار کر قتل کردیا گیا، گلبہار کا رہائشی غلام مصطفی اپنی بیٹی کو کوچنگ لینے جارہا تھا۔

تفصیلات کے مطابق کراچی میں کہیں ڈکیتی مزاحمت پر قتل تو کہیں زخمی ہونے کے واقعات سامنے آرہے ہیں اور پولیس جرائم پیشہ افراد کے سامنے بے بس ہوگئی ہے۔

کراچی میں پرانی سبزی منڈی الہلال سوسائٹی کے قریب اسٹریٹ کرمنلز نے ڈکیتی مزاحمت پر شہری کو قتل کردیا ، چار بیٹیوں کے باپ غلام مصطفی کو اسٹریٹ کرمنلز نے اس وقت نشانہ بنایا جب وہ اپنی بیٹی کو لینے کوچنگ سینٹرجارہا تھا۔

مقتول کے اہل خانہ نے الزام عائد کیا کہ زخمی غلام مصطفی کو اسٹیڈیم روڈ پر آدھا کلومیٹرقریب اسپتال منتقل کرنے کے بجائے 10 کلومیٹر دور جناح اسپتال منتقل کیا گیا جہاں وہ دوران علاج دم توڑگیا۔

ڈکیتی مزاحمت پر شہری کے قتل کا واقعہ پی آئی بی تھانے میں ریاض نامی شہری کی مدعیت میں مقدمہ درج کرلیا گیا ہے۔

مقدمے کے متن میں کہا ہے کہ شہری کو گولی مارنے سے قبل ہی ملزمان نے 3شہریوں کو لوٹا تھا، یونیورسٹی روڈ پر بیٹھے تھے کہ موٹر سائیکل پر 2ملزمان آئے اور اسلحہ نکال لیا، ملزمان نے ہم تینوں سے موبائل فون چھینا اور فرار ہوگئے۔

مقدمے میں کہا گیا کہ ون فائیو مددگار پر ہم نے فون کیا اور نیو ٹاؤن تھانے چلے گئے، پتا چلا پولیس نے مقابلے کے بعد2ملزمان کو گرفتار کیا ہے، ملزمان کی تصویر دکھائی توپتا چلا یہ وہی ملزمان تھے جنہوں نے ہمیں بھی لوٹا تھا، پولیس نے ہمیں بتایا آپ کو جہاں لوٹا گیا وہ پی آئی بی تھانے کی حدود ہے، گرفتار ملزمان کیخلاف قانونی کارروائی کی جائے۔

خیال رہے رواں سال اب تک 12 ہزار سے زائد وارداتیں رپورٹ ہوئی اور صرف 52 روز میں اب تک 22 شہری جرائم پیشہ عناصر کے ہاتھوں اپنی جانوں سے ہاتھ دھو بیٹھے ہیں ۔