Tag: ڈکیتی مزاحمت

کراچی : ڈاکوؤں نے ڈکیتی مزاحمت پر آن لائن فوڈ ڈلیوری بوائے کو قتل کردیا، مقتول ارسلان رات کے وقت آن لائن فوڈ ڈلیوری کرتا تھا۔

تفصیلات کے مطابق کراچی میں فائرنگ کے دو مختلف واقعات میں دو افراد جاں بحق ہوگئے، فائرنگ کے واقعات نارتھ ناظم آباد اور اورنگی علیگڑھ بازار میں پیش آئے۔

کراچی کے علاقے نارتھ ناظم آباد بورڈ آفس کے قریب ڈاکوؤں ن لائن فوڈ ڈلیوری بوائے کو فائرنگ کرکے قتل کردیا، مقتول کی شناخت محمدارسلان شمشاد کے نام سے ہوئی۔

ابتدائی اطلاعات کے مطابق ڈاکوؤں نے ڈلیوری رائیڈر کو لوٹنے کی کوشش کی اور مزاحمت پر ڈاکوؤں نے اسے سینے میں گولی مار دی اور موقع سے فرار ہو گئے۔

پولیس کا کہنا تھا کہ واقعہ ڈکیتی مزاحمت پرپیش آیا، مقتول کو ایک گولی سینےپر لگی جوجان لیوا ثابت ہوئی۔

مقتول ارسلان 5 بہن بھائیوں میں دوسرے نمبر پر تھا اور نارتھ کراچی سیکٹر سیون ڈی کا رہائشی تھا، مقتول کے بھائی نے بتایا کہ ارسلان غیر شادی شدہ اور ڈیڑھ سال سے آن لائن فوڈ ڈلیوری کا کام کرتا تھا اور رات کے وقت ہی آن لائن فوڈ ڈلیوری کرتا تھا۔۔

نارتھ ناظم آباد، شارع نورجہاں اور پاپوش پولیس حدود کے تنازعے میں الجھ گئی، نارتھ ناظم آباد پولیس کا دعویٰ ہے کہ واقعہ ڈکیتی میں مزاحمت کا نہیں تاہم واقعے کے حوالے سے مزید تفتیش کی جارہی ہے۔

دوسرے واقعے میں اورنگی علی گڑھ بازار میں جاں بحق شخص کی شناخت پینتیس سالہ سلیم ولد حبیب اللہ کے نام سے ہوئی ہے، مقتول کو نامعلوم افراد نے سر میں گولی مار کر قتل کیا اور فرار ہوگئے تاہم مقتول کی لاش قانونی کارروائی کیلئے اسپتال منتقل کردی ہے۔

مقتول کے کزن نے بتایا کہ ہم کاروباری لوگ ہیں ہماری کسی سے کوئی دشمنی نہیں ہے، مقتول کو ڈکیتی مزاحمت پر فائرنگ کا نشانہ بنایا گیا۔

کراچی : ڈکیتی مزاحمت پرایک اور شہری کو قتل کردیا گیا، مقتول کی شناخت اللہ دتہ کے نام سے ہوئی ہے، جو اسپیئر پارٹس کی دکان پر کام کرتا تھا۔

تفصیلات کے مطابق کراچی کے علاقے تین ہٹی میں دکان میں ڈکیتی کی واردات کے دوران فائرنگ سے ایک شہری جان کی بازی ہار گیا،

پولیس نے بتایا کہ مقتول کی شناخت اللہ دتہ کے نام سے ہوئی ہے، جو اسپیئر پارٹس کی دکان پر کام کرتا تھا۔

حکام کا کہنا تھا کہ دو موٹر سائیکلوں پر سوار چار مسلح افراد نے وہاں موجود لوگوں سے رقم اور موبائل فون چھینے فرار ہوتے ہوئے فائرنگ کی، جس سے اللہ دتا زخمی ہوا تاہم طبی امداد کے لیے جناح اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔

پولیس نے مزید کہا ہے کہ واقعے کی تحقیقات شروع کر دی گئی ہیں ،مقتول کا تعلق پنجاب سے تھا۔

کراچی : ڈکیتوں نے موبائل فون نہ دینے پر نوجوان کو فائرنگ کر کے قتل کر دیا، نوجوان کا تعلق چمن سے تھا اور وہ کراچی روزگار کے سلسلے میں آیا ہوا تھا۔

تفصیلات کے مطابق کراچی میں ڈاکوؤں نے ایک اور نوجوان کی جان لے لی، چمن کے رہائشی نوجوان کو صرف موبائل فون نہ دینے پر ڈکیتوں نے فائرنگ کر کے قتل کر دیا گیا۔

پولیس نے بتایا کہ ڈاکوؤں نے غنی چورنگی کے قریب موٹر سائیکل سوار مسلح ڈکیتوں نے حکمت اللہ سے موبائل فون مانگا، نہ دینے پر ڈکیتوں نے اندھا دھند فائرنگ کی اور فرار ہو گئے۔

مقتول کی شناخت 18 سالہ حکمت اللہ کے نام سے ہوئی ، نوجوان کراچی روزگار کے سلسلے میں آیا ہوا تھا۔

مقتول کے اہلخانہ کا کہنا ہے کہ حکمت اللہ کا آبائی تعلق بلوچستان کے ضلع چمن سے تھا اور وہ کراچی کے علاقے صدر میں الیکٹرانکس کا کام کرتا تھا۔

پولیس کا کہنا ہے کہ موٹر سائیکل پر سوار مسلح ڈکیتیوں نے صرف موبائل نہ دینے پر فائرنگ کی، مقتول کی لاش کو ضابطے کی کاروائی کے بعد تدفین کے لیے چمن روانہ کر دیا گیا ہے۔

کراچی : شہر قائد میں ڈکیتی مزاحمت پر ایک اور نوجوان کو قتل کردیا گیا، مقتول کوایک گولی سینےمیں لگی جو جان لیواثابت ہوئی۔

تفصیلات کے مطابق کراچی کے علاقے اورنگی ٹاؤن میں ڈاکوؤں نے ڈکیتی مزاحمت پر ایک اور نوجوان کی جان لے لی، پولیس نے بتایا کہ مقتول کی شناخت چالیس سالہ عمران ولد اخترکےنام سے ہوئی ہے۔

پولیس کا کہنا تھا کہ مقتول کی بہن اورنگی ٹاؤن کے اسپتال میں ملازمت کرتی ہے اور ڈیوٹی ختم ہونےپرمقتول رات11بجےاپنی بہن کو لینے آیا تھا۔

پولیس نے کہا کہ مقتول عمران اسپتال کےباہرموبائل فون استعمال کررہاتھا کہ ملزمان نےعمران سےموبائل فون چھینا اور مزاحمت پرفائرنگ کردی، مقتول کوایک گولی سینےمیں لگی جوجان لیواثابت ہوئی۔

حکام کے مطابق مقتول عمران بنارس پل کےنیچےگاڑیوں کی لائٹوں کاکام کرتاتھا اور اورنگی ٹاؤن ساڑھے11نمبرکارہائشی تھا تاہم پولیس نےواقعےکامقدمہ درج کرکےمزید تفتیش شروع کردی ہے۔

کراچی : بلدیہ اتحادٹاؤن میں 20 سالہ نوجوان ڈکیتی مزاحمت کے دوران ڈاکووں کے ہاتھوں جان گنوا بیٹھا، مقتول پرچون کی دکان چلاتا تھا۔

تفصیلات کے مطابق کراچی میں قاتل ڈاکوؤں نے ایک اورزندگی کاچراغ گل کردیا ، بلدیہ اتحاد ٹاؤن میں مسلح ڈاکووں کی فائرنگ سے 20 سالہ مزمل نامی شخص شدیدزخمی ہوا، جسے سول اسپتال منتقل کیا گیا مگر وہ دوران علاج دم توڑگیا۔

لواحقین نے میڈیا سے گفتگو میں کہا کہ مزمل گھر لا واحد کفیل اورتین بہن بھائیوں میں دوسرے نمبر پر تھا اور علاقے میں پرچون کی دکان چلاتا تھا اور واقعہ کے وقت دکان بند کر کے واپس گھر آ رہا تھا۔

پولیس نے دعوی کیا کہ مقتول کا موبائل فون لاپتہ ہے، واقعہ دوران ڈکیتی مزاحمت پر پیش آیا، مقتول واقعہ کے وقت پیدل جا رہا تھا کہ اس دوران ملزم فائرنگ کرکے فرار ہوئے۔

حکام کا کہنا تھا کہ جبکہ لاش کوقانونی کارروائی کے بعدورثاء کے حوالے کردیاگیا۔