کراچی: اورنگی ٹاؤن سے جانوروں کی خریداری کے لیے مویشی منڈی میرپور خاص جانے والے بیوپاریوں سے ڈیڑھ کروڑ روپے لوٹنے کی واردات ہوئی ہے، ایک سی سی ٹی وی فوٹیج سامنے آئی ہے جس کے بارے میں کہا جا رہا ہے کہ وہ لٹیروں کی ہے۔

تفصیلات کے مطابق اورنگی ٹاؤن سے بیوپاری مویشی خریداری کے لیے میرپورخاص منڈی جا رہے تھے کہ سپر ہائی وے پر پولیس وردی اور کیپ پہنے لٹیروں نے ان سے خریداری کی رقم لوٹ لی، سفید ویگو ڈالے میں سوار مبینہ ملزمان ٹول پلازہ کا بیریئر توڑتے ہوئے فرار ہوئے۔

واقعے کا مقدمہ متاثرہ بیوپاری کی مدعیت میں گڈاپ تھانے میں درج کر لیا گیا ہے، فوٹیج میں دیکھا جا سکتا ہے کہ مبینہ ملزمان کی ویگو گاڑی میں نمبر پلیٹ بھی موجود نہیں ہے۔

مقدمے کے متن میں بیوپاری فرحان نے کہا عید الاضحیٰ کے جانور لینے کے لیے جا رہے تھے، ہمارے پاس تقریباً ڈیڑھ کروڑ روپے تھے، ہماری گاڑی جب سپر ہائی وے پر پہنچی تو ایک ویگو گاڑی پیچھے لگ گئی، سفید ویگو گاڑی میں پولیس کی وردی اور کیپ لگائے مسلح افراد بھی موجود تھے۔

مدعی فرحان نے بتایا بحریہ ٹاؤن کے قریب ویگو ڈالے میں سوار مبینہ ملزمان نے انھیں روک لیا اور اسلحے کے زور پر تمام بیوپاریوں سے نقد رقم تقریباً ڈیڑھ کروڑ روپے چھین لی اور فرار ہو گئے۔

بکرے کی فروخت، بیوی نے شوہر کے سر پر ڈنڈے کا مہلک وار کر دیا

مدعی نے اپیل کی کہ تمام بیوپاریوں کی پولیس کے اعلیٰ حکام سے درخواست ہے کہ ملزمان کو گرفتار کر کے ان سے رقم ڈیڑھ کروڑ برآمد کر کے واپس دلوائی جائے، مدعی کے مطابق لوٹ مار کا یہ واقعہ 30 اپریل کو پیش آیا تھا، پولیس تاحال کوئی پیش رفت نہیں کر سکی ہے۔

کراچی : کلفٹن میں ڈکیتی کی جھوٹی اطلاع دینے والا شہری پکڑا گیا، شہری نے والد سے پانچ لاکھ روپے کا نقصان چھپانے کیلئے ڈکیتی کا ڈرامہ رچایا تھا۔

تفصیلات کے مطابق کراچی کے علاقے کلفٹن میں شہری کو ڈکیتی کی جھوٹی اطلاع دینا مہنگا پڑ گیا۔

کلفٹن میں 5 لاکھ روپے کی ڈکیتی کے ڈراما ڈراپ سین ہوا اور پولیس نے شہری کو گرفتار کر لیا۔

پولیس نے بتایا کہ شہری نے پانچ لاکھ روپے ڈکیتی کی جھوٹی اطلاع دی تھی، شہری نے والد سے پانچ لاکھ روپے کا نقصان چھپانے کیلئے ڈکیتی کا ڈرامہ رچایا تھا تاہم ملزم سے رقم برآمد کرلی ہے.

یاد رہے 25 جنوری کو نیپئر کے علاقے میں ایک لاکھ 80 ہزار کی ڈکیتی کا ڈراما رچانے والے ملزمان کا ڈراپ سین ہوا تھا۔

ایس ایس پی عارف عزیز نے بتایا تھا کہ ملزمان نے 15 پر کال کر کے اطلاع دی تھی کہ 2 ڈاکو اسلحہ کے زور پر 1 لاکھ 80 ہزار اور دیگر سامان لوٹ کر فرار ہو گئے لیکن نیپئر پولیس نے جب تحقیقات کی تو ڈکیتی کی اطلاع دینے والے ملزمان کے بیان میں تضاد تھا، شک کی بنیاد پر دونوں کالرز کو تھانے منتقل کیا گیا، آخرکار دونوں کالرز نے دوران تفتیش اعتراف جرم کر لیا تھا۔

کراچی: نارتھ کراچی سیکٹر 5C3 میں ایک بزرگ شہری کا ڈاکوؤں سے مقابلہ ہوا تھا، جس میں انھوں نے فائرنگ کر کے ڈاکوؤں کو بھگا دیا تھا، اس واقعے کی ویڈیو بھی وائرل ہوئی۔

پولیس حکام کا کہنا ہے کہ پولیس کی جانب سے فرار ملزمان کی تلاش جاری ہے، اور اطراف میں لگے مزید سی سی ٹی وی کیمروں کی فوٹیجز حاصل کی جا رہی ہیں، تاہم شہری خرم پرویز نے قانونی کارروائی سے منع کر دیا ہے۔

پولیس حکام کے مطابق اس واقعے کی فوٹیج سوشل میڈیا پر کل سے وائرل تھی، جس پر پولیس اور اسپیشل برانچ کی جانب سے علاقے کی تصدیق کی گئی، کیوں کہ اعلیٰ افسران کی جانب سے وائرل کلپ سے متعلق رپورٹ طلب کی گئی تھی، پولیس کی جانب سے تحقیقات کے بعد معلوم ہوا کہ واقعہ نارتھ کراچی سیکٹر5C3 میں پیش آیا۔

پولیس حکام کے مطابق خرم پرویز نامی شہری اپنے گھر سے نکل کر موٹر سائیکل پر سوار ہوئے تو اس دوران پیچھے سے ایک موٹر سائیکل پر 2 ڈاکوں آ گئے، ڈاکو اسلحے کے زور پر شہری کو لوٹنے لگے تو خرم پرویز نے اپنے لائسنس یافتہ اسلحہ سے ملزمان پر فائرنگ کر دی، شہری کی فائرنگ کے بعد ڈاکو فائرنگ کرتے ہوئے فرار ہو گئے۔

ننھی بچی سہمی نظروں سے پولیس کے ہاتھوں پھل فروش باپ کو پٹتا دیکھتی رہی، ویڈیو

پولیس حکام کا کہنا ہے کہ شہری خرم پرویز کی جانب سے کوئی قانونی کارروائی نہیں کی گئی، پولیس کی جانب سے متاثرہ شہری سے رابطہ کیا گیا تاہم وہ کوئی قانونی کارروائی نہیں چاہتا، تاہم پولیس واقعے سے متعلق مزید تحقیقات کر رہی ہے۔