Tag: ڈکیتی

کراچی: شہر قائد میں لوٹ مار کے دوران ایک لٹیرا شہریوں کے ہتھے چڑھ گیا، خواتین کے منع کرنے پر بھی شہریوں نے لٹیرے کا مار مار کر بھرکس نکال دیا۔

تفصیلات کے مطابق کراچی کے علاقے بلدیہ ڈی 9 میں مشتعل شہریوں نے ڈاکو کی درگت بنا دی، 4 لٹیرے لوٹ مار کر رہے تھے کہ شہریوں نے ایک کو پکڑ لیا، جب کہ دیگر ساتھی فرار ہو گئے۔

مشتعل افراد نے پکڑے جانے والے ڈاکو کو بدترین تشدد کا نشانہ بنا ڈالا، شہریوں نے مار مار کر ڈاکو کو لہو لہان کر دیا، موقع پر موجود خواتین مشتعل افراد سے ڈاکو کو چھوڑنے کے لیے کہتی رہیں۔

ڈاکو موقع دیکھ کر فرار ہو گیا تھا، تاہم کچھ دور موجود پولیس نے ڈاکو کو پکڑ لیا، پولیس حکام کے مطابق زخمی ڈاکو کی شناخت عزیز کے نام سے ہوئی ہے، اور وہ عادی جرائم پیشہ ہے، جیل بھی جا چکا ہے۔

کراچی میں لٹیروں سے طلبہ بھی محفوظ نہیں، موبائل چھیننے کی ویڈیو سامنے آ گئی

ایک اور واردات میں کراچی کے علاقے بلدیہ 3 نمبر، پٹنی محلے میں اسکول کے 2 بچوں کو لوٹ لیا گیا ہے، جمعہ کو ہونے والی واردات کی سی سی ٹی وی فوٹیج پولیس کو موصول ہوئی ہے۔ فوٹیج میں دیکھا جا سکتا ہے کہ 2 کم عمر موٹر سائیکل سوار لٹیرے آئے، اور ارد گرد کا جائزہ لیا، پھر انھوں نے طلبہ سے کچھ فاصلے پر موٹر سائیکل روکی، اور اسلحہ دکھا کر اسکول کے بچوں سے موبائل چھین لیا۔

کراچی: شہر قائد میں لٹیروں سے اسکول کے بچے بھی محفوظ نہیں رہے، گلی میں کھڑے طلبہ سے موبائل فونز چھیننے کی ویڈیو سامنے آ گئی ہے۔

تفصیلات کے مطابق کراچی کے علاقے بلدیہ 3 نمبر، پٹنی محلے میں اسکول کے 2 بچوں کو لوٹ لیا گیا، یہ واردات جمعہ کو ہوئی ہے، جس کی سی سی ٹی وی فوٹیج پولیس کو موصول ہوئی ہے۔

فوٹیج میں دیکھا جا سکتا ہے کہ 2 کم عمر موٹر سائیکل سوار لٹیرے آئے، اور ارد گرد کا جائزہ لیا، پھر انھوں نے طلبہ سے کچھ فاصلے پر موٹر سائیکل روکی، اور اسلحہ دکھا کر اسکول کے بچوں سے موبائل چھین لیا۔

پولیس کا کہنا ہے کہ سی سی ٹی وی فوٹیج کی مدد سے لٹیروں کو ڈھونڈ رہے ہیں، متاثرہ اسکول کے بچوں نے پولیس سے رابط نہیں کیا ہے۔

کراچی میں پولیس نے 8 سالہ لاپتہ بچی کو چند گھنٹے میں ڈھونڈ نکالا

ادھر لانڈھی 36 بی میں بھی کم عمر چور نے ایک شہری کی جیب سے موبائل نکالنے کی واردات کی ہے، واقعہ مٹھائی کی دکان پر رش کے دوران پیش آیا، جس کی سی سی ٹی وی فوٹیج سامنے آئی ہے، پولیس نے سی سی ٹی وی فوٹیج کی مدد سے ملزم کی تلاش شروع کر دی ہے۔

کراچی: شہر قائد میں بینک سے رقم لے کر نکلنے والا ایک اور بیوپاری لٹ گیا، ڈاکوؤں کی فوٹیج بھی سامنے آئی ہے۔

تفصیلات کے مطابق کراچی کے علاقے سعید آباد مختار گھمن چوک پر بینک سے رقم لے کر نکلنے والے شہری کو لوٹ لیا گیا، متاثرہ شہری کی جانب سے درخواست اور واردات کی سی سی ٹی وی فوٹیج پولیس کو موصول ہو گئی ہے۔

درخواست گزار محمد سعید نے کہا ’’میں گلشن غازی بلاک اے میں رہتا ہوں اور مویشیوں کی خرید و فروخت کا کام کرتا ہوں، بینک سے 3 لاکھ روپے کیش لے کر نکلا تھا، لٹیروں نے لوٹ لیا۔‘‘

درخواست گزار کے مطابق 2 موٹر سائیکل سوار آئے اور تلاشی لینا شروع کر دی، لٹیرے اسلحے کے زور پر 3 لاکھ 2 ہزار روپے لے کر فرار ہو گئے۔ محمد سعید نے درخواست کی ملزمان کو گرفتار کر کے اس کی رقم واپس دلوائی جائے۔

ڈاکوؤں نے آتے ہی پٹرول پمپ کیشیئر سے ساری رقم چھین لی، فوٹیج

واضح رہے کہ سعید آباد تھانے کے علاقے مواچھ گوٹھ کے مین اسٹاپ کے قریب واقع پٹرول پمپ پر 2 روز قبل ڈکیتی کی واردات ہوئی ہے، جس کا مقدمہ پمپ کی انتظامیہ نے درج کرانے سے انکار کر دیا ہے۔ کراچی میں پٹرول پمپوں پر ڈکیتی کی وارداتیں عام ہو چکی ہیں، رقم چھیننے والے لٹیرے دیدہ دلیری سے واردات کر کے فرار ہو جاتے ہیں، شہری اور تاجر خود کو غیر محفوظ تصور کرنے لگے ہیں۔ شہر قائد میں بینک سے رقوم لے کر نکلنے والے شہری بھی مسلسل لٹیروں کے نشانے پر ہیں۔

کراچی: شہر قائد کے علاقے مواچھ گوٹھ میں ایک پٹرول پمپ پر ڈکیتی کی واردات ہوئی ہے، جس کی فوٹیج سامنے آ گئی ہے۔

سعید آباد تھانے کے علاقے مواچھ گوٹھ کے مین اسٹاپ کے قریب واقع پٹرول پمپ پر یہ واردات 2 روز قبل ہوئی ہے، تاہم پمپ کی انتظامیہ نے واردات کا مقدمہ درج کرانے سے انکار کر دیا ہے۔

کراچی میں پٹرول پمپوں پر ڈکیتی کی وارداتیں عام ہو چکی ہیں، رقم چھیننے والے لٹیرے دیدہ دلیری سے واردات کر کے فرار ہو جاتے ہیں، شہری اور تاجر خود کو غیر محفوظ تصور کرنے لگے ہیں۔

کراچی میں خونی ڈمپر نے ایک اور جان لے لی

سی سی ٹی وی فوٹیج میں موٹر سائیکل سوار لٹیروں کو پٹرول پمپ پر آتے دیکھا جا سکتا ہے، آتے ہی ایک ڈاکو نے موٹر سائیکل سے اتر کر کیشیئر سے اسلحے کے روز پر رقم چھینی اور پھر دونوں بہ آسانی فرار ہو گئے۔

پولیس کے مطابق سی سی ٹی وی فوٹیج کی مدد سے ملزمان کی تلاش شروع کر دی گئی ہے۔