Tag: ڈکیتی

کراچی: دو روز قبل کراچی کے علاقے نیپئر میں 1 لاکھ 80 ہزار روپے کی ڈکیتی کی اطلاع جھوٹی نکلی۔

تفصیلات کے مطابق 25 جنوری کو نیپئر کے علاقے میں ایک لاکھ 80 ہزار کی ڈکیتی کا ڈراما رچانے والے ملزمان کا ڈراپ سین ہو گیا، پولیس نے دونوں کو گرفتار کر لیا۔

ایس ایس پی عارف عزیز کے مطابق ملزمان کی شناخت شاہد اور حسنین کے نام سے ہوئی ہے، ملزمان نے 15 پر کال کر کے اطلاع دی تھی کہ 2 ڈاکو اسلحہ کے زور پر 1 لاکھ 80 ہزار اور دیگر سامان لوٹ کر فرار ہو گئے ہیں۔

نیپئر پولیس نے جب تحقیقات کی تو ڈکیتی کی اطلاع دینے والے ملزمان کے بیان میں تضاد تھا، شک کی بنیاد پر دونوں کالرز کو تھانے منتقل کیا گیا، آخرکار دونوں کالرز نے دوران تفتیش اعتراف جرم کر لیا۔

ایف آئی اے افسر اور ساتھیوں پر اغوا، 18 کروڑ کیش، 300 تولہ سونا چھیننے کے الزامات ثابت

ملزمان نے تسلیم کیا ہے کہ انھوں نے جھوٹی کال کی تھی، ملزمان سے 1 لاکھ 10 ہزار روپے برآمد کر کے مقدمہ درج کر لیا گیا ہے، اور ملزمان کو مزید قانونی کارروائی کے لیے انویسٹیگیشن حکام کے حوالے کیا جا رہا ہے۔

کراچی: ڈکیتی کے دوان مزاحمت پر شہرقائد میں ایک اور شخص اپنی جان سے ہاتھ دھو بیٹھا، فائرنگ کا واقعہ دکان میں پیش آیا۔

تفصیلات کے مطابق پولیس کا کہنا تھا کہ گرومندر کے قریب فائرنگ سے ہلاکت کا واقعہ ڈکیتی پر مزاحمت کا نکلا، ڈکیتی کے دوران قتل ہونے والا مقتول حسن عارف اپنی دکان پرموجود تھا کہ اس دوران مسلح ملزمان پہنچے۔

پولیس حکام نے مزید بتایا کہ ملزمان نے ڈکیتی کی کوشش کی جس پر حسن نے مزاحمت کی، ملزمان کی فائرنگ سے ایک گولی مقتول کے سینے میں لگی جو جان لیوا ثابت ہوئی۔

حکام نے کہا کہ واقعے کے وقت ایک ریلی بھی وہاں سے گزر رہی تھی، رواں سال ڈکیتی کے دوران مزاحمت پر جاں بحق شہریوں کی تعداد 109 ہوگئی۔

کراچی : سابقہ سسر کو پھنسانے کی کوشش کرنے والے ملزم کو ساتھیوں سمیت گرفتار کرلیا گیا، ملزم لاکھوں کی رقم لوٹنے کا الزام سابقہ سسر پر لگانا چاہتا تھا۔

تفصیلات کے مطابق کراچی میں ون فائیومددگار پر ڈکیتی کی جھوٹی اطلاع دینا شہری کو مہنگا پڑگیا، سائٹ سپرہائی وے پولیس نے اپنے سابقہ سسر کو پھنسانے کے لیے ون فائیو مددگار پر ڈکیتی کی جھوٹی اطلاع دینے والے شخص احمد کو ساتھیوں سمیت گرفتار کر کے مقدمہ درج کرلیا ہے۔

پولیس نے بتایا کہ ون فائیومددگار پر احمد نے ایمرجنسی کال کہ اور بتایا کہ احسن آباد چڑھائی کے قریب ہائی روف میں سوار ملزمان نے ہم سے 14 لاکھ 95 ہزار روپے چھینے ہیں جس پر پولیس فوری پہنچی ، جہاں یاروگوٹھ کے رہائشی تین افراد موجود تھے۔

پولیس نے بتایا کہ کالر احمد نے کہا اس کا دوست حیدرآباد سے پلاٹ فروخت کرکے رقم کے ہمراہ آرہا تھا ، جس نے اسے پک کرنے کے لیے بلایا تھا، جب وہ اسے لے کر جارہے تھے تو ان سے واردات ہوگئی۔

پولیس نے شبہ ہونے پر سختی سے پوچھ گچھ کی گئی تو ملزمان نے سچ اگل دیا، احمد نے بتایا کہ اس نے سابقہ سسر کو پھنسانے کے لیے ڈرامہ کیا تھا اور جس ہائی روف کا نمبر پولیس کو دیا وہ اس کے سابقہ سسر کی تھی۔

پولیس نے تصدیق کے لیے ملزم کے سسر کو فون کیا تو انہوں نے بتایا کہ بیٹی نے 2 ماہ پہلے احمد سے خلع لے لی تھی۔

پولیس کا کہنا ہے ملزم جھوٹی اطلاع کے ذریعے دوستوں کے ساتھ مل کر سسر کو نقصان پہنچانا چاہتا تھا، جن کے خلاف مقدمہ درج کرکے قانونی کارروائی کا آغاز کردیا گیا ہے۔