Tag: ڈکیتی

کراچی : لیاری ایکسپریس وے پر پی آئی بی پولیس کے ہاتھوں گرفتار ملزم میڈیا سائنس گریجویٹ نکلا اور دبئی میں ایک ریسٹورینٹ میں بطور کیشئیر کام کرتا ہے۔

تفصیلات کے مطابق کراچی میں لیاری ایکسپریس وے سے ڈکیتی کے دوران 3 ملزمان کو گرفتارکیا گیا ، جس میں سے گرفتار ایک ملزم دبئی پلٹ نوجوان اور میڈیا سائنس کا گریجویٹ نکلا۔

گرفتار ملزم نے اے ار وائی نیوز سے خصوصی گفتگو میں بتایا کہ دبئی سے عیدالاضحی پر چھٹیوں پر گھر کراچی آیا تھا ، میری 15 دن کے بعد دبئی واپسی کی ٹکٹ کنفرم ہے۔

ملزم انس کا کہنا تھا کہ عید کے بعد سے ڈکیتی کی وارداتیں شروع کیں، عید کے بعد سے اب تک تقریباً 80 وارداتیں کرچکا ہوں ، ملزم انس

ملزم نے بتایا کہ دبئی میں ایک ریسٹورینٹ میں بطور کیشئیر کام کرتا ہوں ، دبئی میں میری بارہ سو درہم تنخواہ ہے ، کراچی یونیورسٹی سے میں میڈیا سائنس میں گریجویشن کی ، میں بھی نشہ کرتا ہوں دبئی میں بھی ویڈ پیتا تھا۔

کراچی: ڈکیتی کے دوران زخمی ہونے کا ڈرامہ رچانے والے ڈاکو کو گرفتار کرلیا گیا، پولیس کی تحقیقات میں ملزم کا پول کھل گیا۔

تفصیلات کے مطابق ایس ایس پی سٹی نے بتایا کہ سولجر بازار میں گولی لگنے سے زخمی شخص ڈاکو نکلا، ملزم نے ڈکیتی کے دوران زخمی ہونے کا ڈرامہ رچایا تھا۔ ڈکیتی کا ڈرامہ رچانے والے ملزم کو گارڈن پولیس نے گرفتار کیا۔

ایس ایس پی کا کہنا تھا کہ ملزم سے اسلحہ اور چوری شدہ موٹر سائیکل برآمد کرلی گئی ہے۔ ملزم نے 28 مارچ کو دوران ڈکیتی زخمی ہونے کا ڈرامہ رچایہ تھا۔

ملزم نے اسپتال آکر بتایا کہ ڈاکوؤں نے فائرنگ کرکے زخمی کیا ہے، تحقیقات کی گئی تو پتہ چلا کہ ملزم اپنے ہی پستول سے گولی لگنے سے زخمی ہوا۔