Tag: ڈکیتی

کراچی: شہر قائد کے علاقے اورنگی ٹاؤن 5 نمبر میں گھر میں ڈکیتی کی اب تک کی سب سے بڑی واردات میں انڈر ٹریننگ ڈی ایس پی کے ملوث ہونے کے انکشاف ہوا ہے۔

تفصیلات کے مطابق گزشتہ روز کراچی کے  علاقے اورنگی ٹاؤن 5 نمبر میں گھر میں ڈکیتی کی بڑی واردات ہوئی تھی، جس میں 15 ڈکیت  پولیس یونیفارم اور سادہ لباس میں گھر میں داخل ہوئے اور دو کروڑ روپے، ستر سے اسّی تولہ سونا و دیگر قیمتی سامان لوٹ کر فرار ہوگئے تھے۔

کراچی میں پولیس یونیفارم پہنے ڈاکوؤں نے رواں سال کی بڑی ڈکیتی کر ڈالی

تاہم اب یہ انکشاف ہوا ہے کہ اس بڑی واردات میں ڈسٹرکٹ ساؤتھ کے انڈر ٹریننگ ڈی ایس پی عمیر طارق بجارانی کے ملوث ہونے کے شواہد ملے ہیں۔

پولیس ذرائع کا بتانا ہے کہ عمیر طارق بجارانی کی اسپیشل پارٹی ماضی میں بھی غیر قانونی چھاپوں میں ملوث رہے ہیں، پولیس افسران نے لوٹی گئی رقم کا 50 فیصد، طلائی زیورات، موبائل فونز اور لیپ ٹاپ واپس کرکے مطالبہ بھی کیا ہے۔

ذرائع کا بتانا ہے کہ پولیس افسران نے مطالبہ کیا کہ متاثرہ شخص ایف آئی آر درج نہ کرائے تو دیگر سامان بھی لوٹا دیا جائے گا۔

کراچی کے  علاقے اورنگی ٹاؤن 5 نمبر میں گھر میں ڈکیتی کی بڑی واردات ہوئی ہے، ملزمان دو کروڑ روپے، ستر سے اسّی تولہ سونا اور دیگر قیمتی سامان لوٹ کر فرار ہوگئے۔

متاثرہ شہری عامر بیگ کے مطابق ملزمان پولیس یونیفارم اور سادہ لباس میں گھر میں داخل ہوئے، تمام افراد کو یرغمال بنانے کے بعد تقریباً دو گھنٹے تک لوٹ مارکرتے رہے۔

متاثرہ شہری کا کہنا ہے کہ ملزمان رات دوبج کر بیس منٹ پر گھر میں داخل ہوئے اور چار بجے لوٹ مار کر کے فرار ہوگئے۔

عامربیگ کا کہنا ہے ملزما ن نقدی، زیورات اور قیمتی سامان کے علاوہ دو بھائیوں کو بھی ساتھ لے گئے تھے جنہیں بلوچ پل پر گاڑی سے اتار دیا۔

متاثرہ شہری نے بتایا کہ ملزمان کی تعداد پندرہ سے زائد تھی اور وہ پولیس موبائل، ویگو گاڑی، مہران کار اور موٹر سائیکلوں پر سوار تھے، ہمارا سینیٹری کا ہول سیل کا کام ہے اور گھر میں دکانداروں کی رقم موجود تھی۔

پولیس حکام کا کہنا ہے شواہد کا جائزہ لے رہے ہیں، کرائم سین یونٹ کو بھیج دیا ہے، مقدمہ درج کرنے کیلئے متاثرہ افراد کوب لایا ہے، ملزمان کو جلد گرفتار کرلیا جائے گا۔

راولپنڈی : خاتون ٹیچر سے ڈکیتی اورتشدد میں ملوث دوسرے ڈاکو کو بھی گرفتار کرلیا گیا۔

تفصیلات کے مطابق راولپنڈی کے علاقے تھانہ وارث خان کی حدود میں خاتون ٹیچر سے ڈکیتی اورتشدد کے مقدمہ میں اہم پیشرفت سامنے آئی۔

پولیس کا بتانا ہے کہ ڈاکو رمضان کو چھڑوانے کیلئے اس کے ساتھیوں نے پولیس پر فائرنگ کی جس میں ملزم  زخمی ہوا، پولیس گرفتار ملزم کو برآمدگی کیلئے جارہی تھی، ساتھیوں نے فائرنگ کردی۔

پولیس نے بتایا کہ خاتون ٹیچر سے واردات کرنے والے دونوں ڈاکو گرفتار ہو چکے ہیں،  خاتون ٹیچر سے ڈکیتی اور تشدد کرنیوالے دونوں ملزمان بھائی ہیں۔

یاد رہے راولپنڈی میں دو موٹر سائیکل سوا رملزمان نے راہگیر خاتون پر تشدد کیا اور پرس، زیور چھین کر فرار ہوگئے تھے، واقعے کی ویڈیو منظر عام پر آئی تھی، جس میں دیکھا جاسکتا تھا کہ کہ ایک ملزم نے خاتون سے پرس چھینا اور دوسرے نے دبوچ لیا، ملزم نے خاتون کی چوڑیاں اور انگوٹھیاں کھینچ کر اتاری اس کے بعد خاتون کو تشدد کا نشانہ بنایا۔