کراچی : شہرقائد کے علاقے ڈیفنس میں مسلح افراد نے رہائشی عمارت میں موجود تمام افراد کو یرغمال بناکر لاکھوں روپے مالیت کاسامان لوٹ لیا.
تفصیلات کے مطابق کراچی کے علاقے ڈیفنس فیز ون میں واقع رہائشی عمارت میں مسلح افراد شام کے وقت میں داخل ہوئے اور عمارت کا باہر کا دروازہ بند کرکے عمارت میں رہائشی تمام افراد کو یرغمال بنالیا.
ڈاکوؤں نے تمام فلیٹس میں ڈکیتی کی واردات کی اور باآسانی فرار ہوگئے،اہل علاقہ کے مطابق مسلح افراد کی تعداد چھ تھی جو ایک گھنٹے تک عمارت میں قائم تمام فلیٹس میں ڈکیتی کی واردات کے بعد فرار ہوگئے.
پولیس واقع کی تحقیقات کررہی ہے تاہم ابھی تک کوئی گرفتاری عمل میں نہیں لائی جاسکی.
