ARYNews.tv | Urdu – Har Lamha Bakhabar

Tag: ڈھاکا

  • پاکستان کو سفارتی محاذ پر بہت سے چیلنجز کا سامنا ہے: وزیر خارجہ

    پاکستان کو سفارتی محاذ پر بہت سے چیلنجز کا سامنا ہے: وزیر خارجہ

    اسلام آباد: وزیر خارجہ شاہ محمود قریشی نے کہا ہے کہ پاکستان کو سفارتی محاذ پر بہت سے چیلنجز کا سامنا ہے۔

    تفصیلات کے مطابق شاہ محمود قریشی سے ڈھاکا میں پاکستان کے نامزد ہائی کمشنرعمران احمد نے ملاقات کی، وزیر خارجہ نے عمران احمد صدیقی کو بہ طور ہائی کمشنر ڈھاکا تعیناتی پر مبارک باد دی۔

    وزیر خارجہ نے خارجہ پالیسی پر ترجیحات کے حوالے سے ہائی کمشنر عمران احمد کو اہم ہدایات دیتے ہوئے کہا آپ ایسے وقت میں بہ طور ہائی کمشنر ذمہ داریاں سنبھالنے جا رہے ہیں جب پاکستان کو سفارتی محاذ پر بہت سے چیلنجز کا سامنا ہے۔

    نامزد ہائی کمشنر ڈھاکا عمران احمد صدیقی نے وزیر خارجہ کا شکریہ ادا کرتے ہوئے انھیں یقین دلایا کہ وہ اپنی تمام تر صلاحیتوں کو بروئے کار لاتے ہوئے اس اعتماد پر پورا اترنے کی ہر ممکن کوشش کریں گے۔

    یہ بھی پڑھیں:  ہارٹ آف ایشیا کانفرنس، شاہ محمود قریشی نے بھارتی وزیر کی تقریر کا بائیکاٹ کردیا

    یاد رہے کہ چند دن قبل استنبول میں وزیر خارجہ شاہ محمود قریشی نے ہارٹ آف ایشیا کانفرنس کے دوران خطے میں کشیدگی جنم دینے پر احتجاجاً بھارتی وزیر کی تقریر کا بائیکاٹ کیا تھا، شاہ محمود بھارتی وزیر کے خطاب شروع ہونے سے قبل ہی ہال سے باہر نکل گئے تھے۔

    ذرایع کا کہنا تھا کہ وزیر خارجہ نے مقبوضہ جموں و کشمیر میں جاری بھارتی مظالم کے پیش نظر بھارتی وزیر کے خطاب کا بائیکاٹ کیا۔

  • 7 گیندوں پر 7 چھکے، افغانستان کے نبی اور زردان نے نیا ریکارڈ بنا ڈالا

    7 گیندوں پر 7 چھکے، افغانستان کے نبی اور زردان نے نیا ریکارڈ بنا ڈالا

    ڈھاکا: بنگلہ دیش میں جاری ٹرائینگولر سیریز کے میچ میں افغانستان کے نبی اور زردارن نے زمبابوبے کے بولرز کے خلاف 7 گیندوں پر 7 چھکے لگا کر نیا ریکارڈ بنا ڈالا۔

    تفصیلات کے مطابق بنگہ دیش میں ٹرائنگولر سیریز جاری ہے جس میں بنگلہ دیش، زمبابوے اور افغانستان کی ٹیمیں مدمقابل ہیں، گزشتہ روز افغانستان کے آل راؤنڈر محمد نبی اور نجیب اللہ زردان نے 7 گیندوں پر 7 چھکے لگا کر نیا ریکارڈ بنادیا۔

    زمبابوے کے خلاف ریکارڈ دونوں کھلاڑیوں نے اننگز کے 17 اور 18ویں اوور میں بنایا، افغانستان میں میچ میں زمبابوے کی ٹیم کو 28 رنز سے شکست دی۔

    افغانستان کی ٹیم پہلی بیٹنگ کررہی تھی، 16 اوور میں افغانستان نے 4 وکٹوں کے نقصان پر 123 رنز بنائے تھے، زمبابوے کے تیندائی چتارا 17 واں اوور کرنے آئے تو نبی اور زردان نے پہلی دو گیندوں پر سنگل رن لیے۔

    چتارا کی تیسری بال پر محمد نبی نے مڈ وکٹ پر بلند و بالا چھکا رسید کیا، دوسرا چھکا نبی نے بولر کے سر کے اوپر سے مارا، تیسرا چھکا بھی نبی نے اسٹریٹ پر لگایا، 17ویں اوور کی آخری بال پر محمد نبی نے پھر چھکا لگادیا۔

    چتارا کے 17ویں اوور میں 26 رنز بنے، لیکن یہاں چھکے رکے نہیں جھ 18 اوور شروع ہوا تو نجیب اللہ زردارن نے نیویلی مڈزیوا کی گیند پر بلند و بالا چھکا رسید کیا، دوسری اور تیسری بال پر بھی زردان نے چھکا مارا۔

    افغانستان نے مقررہ 20 اوورز میں 5 وکٹوں کے نقصان پر 197 رنز بنائے، ہدف کے تعاقب میں زمبابوے کی ٹیم 7 وکٹوں کے نقصان پر 169 رنز بناسکی اور افغانستان نے میچ 28 رنز سے جیت لیا۔

  • ڈھاکا، اسجد اقبال نے پہلی سارک اسنوکر چیمپئن شپ جیت لی

    ڈھاکا، اسجد اقبال نے پہلی سارک اسنوکر چیمپئن شپ جیت لی

    ڈھاکا: بنگلہ دیش کے شہر ڈھاکا میں جاری پہلی سارک اسنوکر چیمپئن شپ پاکستان کے اسجد اقبال نے جیت لی۔

    تفصیلات کے مطابق بنگلہ دیش کے شہر ڈھاکا میں جاری پہلی سار اسنوکر چیمپئن شپ پاکستان کے اسجد اقبال نے ہم وطن محمد بلال کو سنسنی خیز مقابلے کے بعد شکست دے کر جیت لی۔

    قومی کیوئسٹ اسجد اقبال نے فائنل میں محمد بلال کو سنسنی خیز مقابلے کے بعد زیر کیا، اسجد اقبال نے ہم وطن کیوئسٹ کو 7 کے مقابلے میں 6 فریمز سے شکست دی۔

    اسجد اقبال نے کامیابی کشمیریوں کے نام کرتے ہوئے کہا کہ قوم کے لیے ایک اور ٹائٹل حاصل کرنے پر فخر ہے، انہوں نے محمد بلاول کو بھی مبارک باد دیتے ہوئے کہا کہ محمد بلاول نے فائنل میں بہت ہی عمدہ مقابلہ کیا۔

    مزید پڑھیں: سارک اسنوکر چیمپئن شپ، بھارت کو شکست، پاکستان فائنل میں‌ پہنچ گیا

    محمد بلال نے کہا کہ میں شکست کے باوجود بہت خوش ہوں کہ ایک اور ٹائٹل پاکستان میں آیا ہے، اس بات کی بھی خوشی ہے کہ ہم دونوں نے بھارتی کھلاڑیوں کو سیمی فائنل میں شکست دی۔

    واضح رہے کہ اسجد اقبال اور محمد بلال نے سیمی فائنل میں بھارتی کھلاڑیوں کو شکست دے کر فائنل میں رسائی حاصل کی تھی۔

    ڈھاکا میں جاری چیمپئن شپ میں میزبان ملک کے علاوہ پاکستاان، بھارت، نیپال اور سری لنکا کے کھلاڑی حصہ لے رہے تھے۔

    میزبان ملک سے 4 جبکہ دیگر ممالک سے دو، دو کیوئسٹس ایونٹ میں شریک ہیں جنہیں چار مختلف گروپس میں تقسیم کیا گیا تھا۔

    فاتح کیوئسٹ کو 2500 ڈالرز، رنر اپ کو 1500 ڈالرز جبکہ چوتھی اور پانچویں پوزیشن حاصل کرنے والے کیوئسٹس کو 1000 ڈالرز نقد انعام دیا گیا۔

  • بنگلہ دیش، عمارت میں آگ بھڑک اٹھی، 19 افراد ہلاک، 73 زخمی

    بنگلہ دیش، عمارت میں آگ بھڑک اٹھی، 19 افراد ہلاک، 73 زخمی

    ڈھاکا: بنگلہ دیش کے دارالحکومت ڈھاکا میں 22 منزلہ عمارت میں آتشزدگی سے 19 افراد ہلاک اور 73 زخمی ہوگئے۔

    غیرملکی خبررساں ادارے کے مطابق بنگلہ دیش کے دارالحکومت ڈھاکا میں 22 منزلہ عمارت میں آگ بھڑک اٹھی جس کے نتیجے میں 19 افراد ہلاک ہوگئے، جان بچانے کے لیے 22 منزلہ عمارت سے چھلانگ لگانے والے 6 افراد بھی دم توڑ گئے۔

    ریسکیو حکام کا کہنا ہے کہ 65 افراد کو اسپتال منتقل کردیا گیا ہے جہاں انہیں طبی امداد دی جارہی ہے جبکہ عمارت سے لوگوں کو نکالنے کا سلسلہ جاری ہے، ہلاکتوں میں اضافے کا خدشہ ہے۔

    ڈھاکا پولیس چیف اسد الزماں میاں نے 73 افراد کے زخمی ہونے کی تصدیق کرتے ہوئے کہا کہ تمام افراد کو اسپتال میں طبی امداد دی جارہی ہے۔

    رپورٹ کے مطابق آگ بجھانے کا عمل جاری ہے جبکہ عمارت کے مزید فلور پر آفس کے عملے کو ریسکیو کیا جارہا ہے۔

    عمارت سے ہیلی کاپٹرز کے ذریعے بھی لوگوں کو نکالا جارہا ہے جبکہ کچھ لوگوں نے ٹی وی کیبل کی تاروں سے لٹک کر عمارت سے نکلنے کی کوشش کی اور اپنی جانیں بچائیں۔

    ایک نوجوان کا کہنا تھا کہ جیسے ہی الارم بجا میں فوری طور پر عمارت سے باہر نکل آیا لیکن میرے بہت سے ساتھی عمارت کے اندر پھنسے ہوئے ہیں۔

    مزید پڑھیں: بنگلہ دیش : خوفناک آتشزدگی، آٹھ افراد ہلاک 50 زخمی، دو سو گھر جل کر خاک

    ایک اور شخص کا کہنا تھا کہ میرے انکل اور ان کے ساتھ دو لوگوں نے عمارت سے چھلانگ لگائی تھی، انکل کے ہاتھ پاؤں ٹوٹ گئے ہیں اور ان کی آنکھ متاثر ہوئی ہے۔

    تین اسپتالوں کی رپورٹ کے مطابق عمارت سے جان بچانے کے لیے چھلانگ لگانے والے ہلاک 6 افراد میں ایک خاتون بھی شامل ہے جبکہ ایک شخص کا تعلق سری لنکا سے بتایا گیا ہے۔

    لیفٹیننٹ کرنل ذوالفقار الرحمان کے مطابق عمارت کے اندر آگ بجھانے والے آلات موجود نہیں تھے۔

    یاد رہے کہ رواں برس 21 فروری کو ڈھاکا اولڈ کوارٹر میں آتشزدگی کے نتیجے میں 70 افراد ہلاک اور 50 زخمی ہوگئے تھے، جون 2010 میں بھی آتشزدگی سے بنگلہ دیش میں 123 افراد ہلاک ہوئے تھے۔

  • ڈھاکا میں آتشزدگی کا واقعہ: پاکستان کا قیمتی جانوں کے ضیاع پرافسوس

    ڈھاکا میں آتشزدگی کا واقعہ: پاکستان کا قیمتی جانوں کے ضیاع پرافسوس

    اسلام آباد: ترجمان دفترخارجہ ڈاکٹرمحمد فیصل نے ڈھاکا میں واقع عمارت میں لگنے والی آگ میں ہونے والے قیمتی جانوں کے ضیاع پر افسوس کا اظہار کیا ہے۔

    تفصیلات کے مطابق پاکستان نے ڈھاکا کی فیکٹری میں پیش آنے والے ہولناک حادثے پرافسوس کا اظہار کیا ہے۔

    ترجمان دفترخارجہ نے کہا کہ حادثے میں قیمتوں جانیں ضائع ہوئیں اورمزدورزخمی ہوئے، پاکستان متاثرہ افراد کے خاندان کے ساتھ ہمدردی کا اظہارکرتا ہے۔

    ڈاکٹر محمد فیصل نے مزید کہا کہ ہولناک حادثے میں زخمی ہونے والوں کی جلد صحت یابی کے لیے دعاگو ہیں۔

    ڈھاکا: عمارت میں آگ لگنے سے 70 افراد جاں بحق

    یاد رہے کہ گزشتہ روز بنگلہ دیش کے دارالحکومت ڈھاکا کے چوک بازار میں لگنے والی آگ کے نتیجے میں 70 سے زائد افراد ہلاک ہوگئے تھے۔

    بنگلہ دیشی حکام کے مطابق آتشزدگی کے باعث 41 افراد زخمی ہوئے تھے جنہیں طبی امداد کے لیے اسپتالوں میں منتقل کیا گیا تھا۔

    واضح رہے کہ 2010 میں بنگلہ دیشن کے علاقے نمتالی میں لگنے والی آگ میں 124 افراد جاں بحق ہوئے تھے۔آتشزدگی کے اس واقعے میں غیرقانونی کیمیائی گودام کی موجودگی کی وجہ سے صورت خال بدترہوئی تھی۔

  • ڈھاکا: عمارت میں آگ لگنے سے 70 افراد جاں بحق

    ڈھاکا: عمارت میں آگ لگنے سے 70 افراد جاں بحق

    ڈھاکا: بنگلہ دیش کے دارالحکومت ڈھاکا میں واقع عمارت میں آگ لگنے سے 70 افراد جاں بحق جبکہ متعدد زخمی ہوگئے۔

    تفصیلات کے مطابق ڈھاکا کے چوک بازار میں واقع عمارت میں آگ لگ گئی جس کے نتیجے میں 70 افراد جان کی بازی ہار گئے جبکہ درجنوں زخمی ہوگئے۔

    ریسکیو حکام کا کہنا ہے کہ افسوس ناک واقعے میں جاں بحق ہونے والے افراد کی لاشوں اور زخمیوں کو اسپتال منتقل کردیا گیا ہے۔

    مقامی میڈیا کے مطابق عمارت میں کیمیکل کا گودام اور پلاسٹک کا سامان موجود ہے۔ آگ سے عمارت کے قریب درجن سے زائد گاڑیاں جل گئیں۔

    پولیس حکام کا کہنا ہے کہ ابتدائی طور پر عمارت میں آگ لگنے کی وجہ معلوم نہیں ہوسکی تاہم تحقیقات کا آغاز کردیا گیا ہے۔

    بنگلہ دیش : خوفناک آتشزدگی‘ 8 افراد ہلاک 50 زخمی

    یاد رہے کہ تین روز قبل بنگلہ دیش کے شہر چٹا گانگ میں آگ لگنے سے 8 افراد ہلاک اور 50 سے زائد زخمی ہوگئے تھے۔

    آگ چٹا گانگ بندرگاہ سے شروع ہوئی تھی اور تیزی سے 200 جھونپڑیوں پر مشتمل محلے میں پھیل گئی تھی۔

    واضح رہے کہ 10 ستمبر2016 کو بنگلہ دیش کے شہر ٹونگی میں واقع فیکٹری میں بوائلر پھٹنے کے بعد آگ لگنے کے نتیجے میں کم از کم 15 افراد جاں بحق ہوگئے تھے۔

  • بنگلہ دیش: بچوں سے زیادتی کے ملزمان کے خلاف ہرکولیس نامی سیریل کِلر سرگرم، تین قتل

    بنگلہ دیش: بچوں سے زیادتی کے ملزمان کے خلاف ہرکولیس نامی سیریل کِلر سرگرم، تین قتل

    ڈھاکا: بنگلہ دیش میں ہرکولیس نامی ایک ایسا سیریل کِلر سرگرم ہو گیا ہے جو صرف ان لوگوں کو نشانہ بنا رہا ہے جنھوں نے بچوں کے ساتھ زیادتی کی ہو۔

    تفصیلات کے مطابق بنگلہ دیش کے دار الحکومت ڈھاکا میں ایک سیریل کلر سرگرم ہو گیا ہے، جس نے مختلف اضلاع میں اب تک بچوں سے زیادتی کے تین ملزمان کو موت کے گھاٹ اتار دیا ہے۔

    [bs-quote quote=”قاتل ہرکولیس بچوں کے ساتھ زیادتی کرنے والوں کو قتل کر کے ان کے گلے سے اپنے نام کی پرچی باندھ دیتا ہے۔” style=”style-7″ align=”left” color=”#dd3333″][/bs-quote]

    میڈیا رپورٹس کے مطابق تینوں مقتول ملزمان کے پاس ایک ہی قسم کا اعترافی بیان ملا ہے۔

    مقتول افراد کی لاشوں کے پاس ملنے والی پرچیوں پر ہرکولیس نامی ملزم کے دستخط پائے گئے ہیں۔

    بنگلہ دیشی پولیس کا کہنا ہے کہ گزشتہ دو ہفتوں کے دوران انھیں اب تک تین ایسی لاشیں ملی ہیں جن کے گلوں میں پرچیاں باندھی گئی تھیں۔

    میڈیا رپورٹس کے مطابق ضلع پیروجپور میں سات جنوری کو مدرسے کی ایک بچی کے ساتھ جنسی زیادتی کی گئی تھی، جس کے والد نے دو مشتبہ افراد کے خلاف کیس رجسٹرڈ کیا تھا، سیریل کلر نے ان دونوں کو جان سے مار دیا۔

    یہ بھی پڑھیں:  بنگلہ دیش: سابق وزیراعظم خالدہ ضیا کو ایک اور مقدمے میں 7 سال قید کی سزا

    پولیس کا کہنا ہے کہ وہ قاتل کو پکڑنے کی کوشش کر رہی ہے لیکن تا حال اس کی شناخت نہیں ہو سکی ہے، قاتل بہت احتیاط کے ساتھ وارداتیں کر رہا ہے۔

    عوامی سطح پر ہرکولیس کے سلسلے میں دو قسم کی رائے پائی جانے لگی ہے، ایک قسم کے لوگ اس کے اقدام کو سراہ رہے ہیں تاہم دوسری قسم کے لوگوں کا واضح طور پر کہنا ہے کہ ماورائے عدالت قتل کی اجازت بالکل نہیں دی جا سکتی۔

  • ڈھاکا : تنخواہوں میں عدم اضافے کے خلاف گارمنٹس ملازمین کا احتجاج

    ڈھاکا : تنخواہوں میں عدم اضافے کے خلاف گارمنٹس ملازمین کا احتجاج

    ڈھاکا : بنگلا دیش میں گارمنٹس ملازمین نے تنخواہوں میں اضافے کو ناکافی قرار دیتے ہوئے احتجاج جاری رکھنے کا اعلان کردیا۔

    تفصیلات کے مطابق بنگلادیش میں گارمنٹس ملازمین گزشتہ ایک ہفتے سے تنخواہوں میں اضافے کیلئے احتجاج کررہے تھے اس دوران پولیس تشدد سے ایک شخص کی موت بھی واقع ہوئی تھی جس کے بعد فیکٹری مالکان نے ملازمین کی تخواہوں میں اضافے کا اعلان کیا تھا۔

    غیر ملکی میڈیا کا کہنا ہے کہ گامنٹس فیکٹری کے مالکان کی جانب سے تنخواہوں میں اضافے کا فیصلہ گاڑیوں اور فیکٹریوں کی توڑ پھوڑ روکنے کےلیے کیا گیا تھا جسے ملازمین نے مسترد کرتے ہوئے دوبارہ احتجاج شروع کردیا ہے۔

    مقامی خبر رساں ادارے کا کہنا ہے کہ پولیس نے فیکٹریوں کی توڑ پھوڑ اور سڑکوں کی بندش روکنے کےلیے مظاہرین پر آنسو گیس شیلنگ اور واٹر کینن کا بے دریغ استعمال کیا ہے۔

    انڈسٹریل پولیس کے ڈائریکٹر نے بیان دیا ہے کہ ’دارالحکومت کے مضافات میں دس فیکٹریوں کے ملازمین نے مظاہرے کے دوران ہائی وے کو بند کرنے کی کوشش کی تھی تاہم پولیس نے بروقت کارروائی کرتے ہوئے مظاہرین کو منتشر کردیا۔

    پولیس ڈائریکٹر سمین الرحمٰن کا کہنا ہے کہ تمام فیکٹریاں دوبارہ کھل صرف دس گارمنٹس فیکٹریوں کے ملازمین کی احتجاج جاری رکھے ہوئے ہیں۔

    مزدور یونین کے سربراہ کا کہنا ہے کہ ملازمین کام پر واپس آگئے ہیں لیکن اکثر ملازمین تنخواہوں میں اضافے کے مسودے سے ناخوش ہیں۔

    بنگلا دیش گارمنٹس اور انڈسٹریل ورکرز فیڈریشن کے صدر بابل اختر کا کہنا تھا کہ ’ ہمیں یہ قبول کرنا پڑا کیونکہ یہ تجویز ہماری وزیراعظم کی طرف سے آئی تھی اور ہم کس طرح ان کی تذلیل کرسکے؟‘۔

    انہوں نے کہا کہ ’ہم تمام ملازمین پر زور دیتے ہیں کہ وہ کام بحال کریں اور ہمیں امید ہے کہ وزیر اعظم عنقریب ہماری مناسب اجرت کو یقینی بنائیں گی‘۔

    یاد رہے کہ حکومت نے جنوری میں گارمنٹس ملازمین کی تنخواہوں میں 51 فیصد اضافہ کیا جائے گا۔

  • بنگلا دیش میں خونی انتخابات، حسینہ واجد کی عوامی لیگ کامیاب قرار

    بنگلا دیش میں خونی انتخابات، حسینہ واجد کی عوامی لیگ کامیاب قرار

     ڈھاکا: بنگلا دیش میں خونی انتخابات  حسینہ واجد کی جماعت عوامی لیگ نے جیت لیے،  حسینہ واجد کی عوامی لیگ کو دو سو کے مقابلے میں 300 سیٹوں کی برتری حاصل ہو گئی ہے۔

    غیر ملکی خبر رساں ایجنسی کے مطابق بنگلا دیش میں عام انتخابات میں ووٹوں کی گنتی کا عمل مکمل ہوگیا، غیر سرکاری نتائج کے مطابق  وزیرِ اعظم شیخ حسینہ واجد کی عوامی لیگ کو واضح برتری حاصل ہوگئی ہے۔

    [bs-quote quote=”پُر تشدد واقعات میں ہلاکتوں کی تعداد 17 ہوگئی۔” style=”style-7″ align=”left” color=”#dd3333″][/bs-quote]

    دوسری طرف اپوزیشن نے انتخابی نتائج مسترد کرتے ہوئے دوبارہ پولنگ کا مطالبہ کر دیا ہے۔

    دریں اثنا بنگلا دیش میں عام انتخابات کے دوران پُر تشدد واقعات میں ہلاکتوں کی تعداد 17 ہوگئی ہے، سخت سیکورٹی کے با وجود خوں ریز واقعات نے جنم لیا، ملک بھر میں انٹرنیٹ سروس بھی بند کی گئی۔

    خبر ایجنسی کا کہنا تھا کہ کئی پولنگ اسٹیشنز پر حسینہ واجد کی حکومتی جماعت کے کارکنوں نے قبضہ جما لیا تھا۔

    یہ بھی پڑھیں:  بنگلا دیش میں خونی انتخابات، پولنگ کے دوران 17 افراد ہلاک

    یہ خیال کیا جا رہا تھا کہ شیخ حسینہ واجد کو بی این پی کی زیرِ قیادت قائم اتحاد وزراتِ عظمیٰ کی دوڑ سے باہر کر سکتا ہے، دوسری طرف انتخابات کا اعلان ہوتے ہی بنگلا دیشی عدالت نے اپوزیشن جماعت بی این پی کی سربراہ و سابق وزیرِ اعظم خالدہ ضیا سمیت 17 سربراہوں کو کرپشن اور دیگر الزامات کے تحت جیل بھیج دیا تھا، خالدہ ضیا 17 برس قید کی سزا کاٹ رہی ہیں۔

  • بنگلا دیش: روہنگیا پناہ گزینوں کے لیڈر کوقتل کر دیا گیا

    بنگلا دیش: روہنگیا پناہ گزینوں کے لیڈر کوقتل کر دیا گیا

    ڈھاکا: میانمار سے ہجرت کر کے بنگلادیش آنے والے روہنگیا پناہ گزین کے ایک کیمپ کے سربراہ یوسف علی کو گولی مار کر قتل کردیا گیا۔

    تفصیلات کے مطابق ہجرت کرکے بنگلادیش آنے والے روہنگیا مسلمانوں کی مشکلات اب بھی ختم نہیں ہوئیں، پناہ گزینوں کے لیڈر یوسف علی کو نامعلوم افراد نے قتل کر دیا۔  مقتول کو بنگلا دیش کے سرحدی علاقوں میں روہنگیا مسلمانوں کے کیمپ کا لیڈر تصور کیا جاتا تھا۔

    مقامی میڈیا سے گفتگو کرتے ہوئے مقتول کی اہلیہ نے کہا کہ یوسف علی میانمار بارڈر کے قریب کیمپ ’بالوکھالی‘ کےلیڈر تھے اور پناہ گزین کی وطن واپسی کے لیے جدوجہد کر رہے تھے۔

    مقتول یوسف علی کی اہلیہ جمیلہ خاتون کا کہنا تھا کہ گذشتہ دونوں 20 کے قریب نقاب پوش گھر میں داخل ہوئے اور ان کے شوہر کو سر میں گولی مار کر ہلاک کردیا۔

    میانمارکی فوج نے روہنگیا مسلمانوں کےقتل کا اعتراف کرلیا

    مقامی میڈیا کے مطابق اس قتل کی وجہ روہنگیا کی واطن واپسی کے حق میں شروع کردہ تحریک ہوسکتی ہے، البتہ پولیس حکام نے اس قسم کی قیاس آرائیوں کو مسترد کرتے ہوئے تحقیقات شروع کردی ہیں۔

    خیال رہے کہ چند روز قبل روہنگیا پناہ گزین نے وطن واپسی کے لیے بنگلادیش حکام پر دباؤ بڑھانے کے لیے احتجاج کیا تھا، جس میں  سینکڑوں پناہ گزین شریک تھے جن کا مطالبہ تھا کہ ان کی وطن واپسی کے لیے راہ ہموار کی جائے۔

    دوسری طرف بنگلادیش حکام نے اس بات کی یقین دہانی کراوئی ہے کہ میانمار کی انتظامیہ سے بات چیت جاری ہے، جلد پناہ گزینوں کی واپسی کا فیصلہ کیا جائے گا۔

    خیال رہے کہ بنگلا دیش میں روہنگیا کے لیے قائم مختلف کیمس میں اس وقت  7 لاکھ سے زائد رہنگیا پناہ گزین موجود ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔