امریکا میں اس وقت ایک سوٹڈ بوٹڈ شخص نے لوگوں کے دل دہلا دیے جب وہ بارش سے بچنے کے لیے 23 منزلہ عمارت کی چھت پر کھڑکیوں سے باہر بنے دریچوں پر بغیر کسی حفاظتی اقدامات کے چھلانگیں مارتا ہوا ایک فلیٹ سے دوسرے فلیٹ تک جانے لگا۔
اس واقعے کی ویڈیو سوشل میڈیا پر منگل کو وائرل ہو گئی ہے، جس میں لوگوں نے نیویارک کی مشہور بلند و بالا عمارت کے چھجوں پر ایک شخص کو بے خوفی سے چھلانگیں مارتے دیکھا، اور اس نے سوٹ بوٹ اور ٹائی پہنی ہوئی تھی۔
معلوم ہوا ہے کہ یہ دراصل 60 سالہ جو سمیزاسکی تھے، وہ مین ہٹن کی اس عمارت کے ڈائریکٹر آف آپریشن تھے، انھوں نے میڈیا کو بتایا کہ وہ اپنی ہی وائرل ویڈیو کو دیکھ کر بہت حیران ہوئے، کیوں کہ وہ تو صرف اپنا کام کر رہے تھے، اور لوگوں نے کچھ اور سمجھ لیا۔
دراصل سمیزاسکی 23 ویں منزل پر ایک کھڑکی سے چھت پر چڑھ کر ایک رہائشی کی اسکائی لائٹ (چھت پر روشنی کے لیے بنائی گئی جگہ جس میں شیشہ لگا ہوتا ہے) کو چیک کرنے کے لیے گیا تھا، کیوں کہ وہ بارش میں رِسنے لگا تھا۔
Shocking video shows man casually jumping across rooftop of NYC high-rise.A well-dressed daredevil was seen mysteriously jumping between awnings of a Financial District high-rise before climbing into a window on Tuesday.https://t.co/c2DnkUKfU7 pic.twitter.com/icghClVEfW
— Humanbydesign (@Humanbydesign3) October 6, 2022
ویڈیو دیکھنے پر ایسا معلوم ہوتا ہے جیسے جیمز بانڈ فلم کا کوئی منظر ہو، یا کوئی سرپھرا مزے لینے کے لیے جان خطرے میں ڈال کر اسٹنٹ کھیل رہا ہو۔
تاہم، سمیزاسکی نے بتایا کہ خطرے کی کوئی بات نہیں تھی، یہ ویڈیو میں جتنا خطرناک نظر آ رہا ہے حقیقتاً اتنا خطرناک نہیں، اور وہ بالکل محفوظ تھے۔