Tag: ڈیجیٹل ٹیکنالوجی

اسلام آباد: صدرمملکت ڈاکٹر عارف علوی کا کہنا ہے کہ ڈیجیٹل ٹیکنالوجی کو مثبت مقاصد کے لیے استعمال کیا جاسکتا ہے، ڈیجیٹل ٹیکنالوجی کے اطلاق سے انقلابی تبدیلیاں رونما ہوں گی۔

تفصیلات کے مطابق صدرِ پاکستان ڈاکٹر عارف علوی نے ڈیجیٹل معاشرے میں پائیدار ترقی کےعنوان سے کانفرنس سے خطاب کرتے ہوئے کہا کہ پائیدارترقی کے لیےغریب،امیر میں عدم مساوات ختم کرنا ہوگی۔

ڈاکٹر عارف علوی نے کہا کہ ڈیجیٹل ٹیکنالوجی کے اطلاق سے انقلابی تبدیلیاں رونما ہوں گی، ڈیجیٹل ٹیکنالوجی سے مقامی طور پر اعلیٰ تعلیم کے مواقع پیدا ہوں گے۔

صدر مملکت نے کہا کہ ڈیجیٹل ٹیکنالوجی سے احساس پروگرام کو کامیاب کرنے میں معاونت ملے گی، احساس پروگرام ملک میں غربت کے خاتمے کے لیے اہم کردار ادا کرے گا۔

ڈاکٹر عارف علوی نے کہا کہ خواتین کو بھی سماجی بہبود کے مختلف پروگراموں میں بھرپور نمائندگی دی جا رہی ہے، حکومت ڈیجیٹل سلوشنز کے حوالے سے کام کر رہی ہے۔ انہوں نے کہا کہ پاکستان کی تمام آبادی تک ڈیجیٹل سہولیات کی فراہمی کے لیے اقدامات کیے جا رہے ہیں۔

انہوں نے مزید کہا کہ ڈیجیٹل ٹیکنالوجی کے اطلاق سے انقلابی تبدیلیاں رونما ہوں گی، پائیدار ترقی کے لیے غریب اور امیر میں معاشرتی تفریق ختم کرنا ہوگی، ہمیں پاکستان میں انسانی وسائل کی ترقی پر توجہ مرکوز کرنا ہوگی۔