ڈیرہ اسماعیل خان: پولیو ٹیم کی سیکورٹی پر تعینات پولیس اہلکاروں کو نامعلوم افراد نے فائرنگ کا نشانہ بنایا، جس کے نتیجے میں دو اہلکار زخمی ہوگئے۔
پولیس کے مطابق ڈیرہ اسماعیل خان کی تحصیل کلاچی میں پولیو مہم کے دوران ڈیوٹی سے واپس آنے والے پولیس اہلکاروں پر نامعلوم افراد نے فائرنگ کردی، جس کے نتیجے میں دو اہلکار زخمی ہوگئے۔
جنہیں فوری طور پر سول اسپتال منتقل کردیا گیا۔
پولیس حکام کے مطابق دونوں اہلکار پولیو ٹیم کی سیکورٹی پر تعینات تھے، پولیس نے واقعے کے بعد ملزمان کی تلاش شروع کردی ہے۔
فیصل آباد: ڈیرہ اسماعیل خان میں طیارہ حادثہ میں شہید ہونے والے ایئرکموڈور شفقت مشتاق کو فیصل آباد میں سپرد خاک کردیا گیا۔
ایئرکموڈور شفقت مشتاق کی نماز جنازہ پہلے شورکوٹ کینٹ میں رفیقی ایئربیس پر ادا کی گئی، جس کے بعد شہید کا جسد خاکی فیصل آباد میں ان کی آبائی رہائش گاہ شادمان کالونی لایا گیا۔
نماز جنازہ میں فضائیہ کے افسران ، جوانوں اور شہریوں کی بڑی تعداد نے شرکت کی۔
نماز جنازہ کے بعد شہید کو مقامی قبرستان میں سپرد خاک کر دیا گیا، شہید کے پسماندگان میں والدین ، بیوہ ، ایک بیٹا اور ایک بیٹی شامل ہیں۔
بنوں + کوئٹہ + ڈیرہ اسماعیل خان + فیصل آباد +) ملک بھر میں دہشت گردوں کیخلاف آپریشن جاری ہے۔بنوں میں فورسز سے جھڑپ میں طالبان کے صدر حیات گروپ کا کارندہ مارا گیا۔
کوئٹہ سے بر آمد ہونے والی خود کش جیکٹ نا کارہ بنا کر دہشت گردی کا منصوبہ ناکام بنا دیا گیا۔ تفصیلات کے مطابق دہشت گردی کے خاتمے کیلئے ملک بھر میں چھاپہ مار کارروائیاں جاری ہیں۔
بنوں جانی خیل میں فورسز اوردہشت گردوں میں جھڑپ ہوئی۔فورسز کی جوابی کارروائی میں طالبان کے صدر حیات گروپ کا کارندہ مارا گیا۔ایبٹ آباد میں کارروائی کے دوران پشاور بڈھ بیر تھانے پر حملے کا مرکزی ملزم پکڑا گیا۔
ڈی پی او کے مطابق ملزم عیسیٰ خان دہشت گردی کی متعدد وارداتوں میں مطلوب تھا۔کوئٹہ کے بروری روڈ پر ملنے والی خود کش جیکٹ کو نا کارہ بنا دیا گیا جبکہ سریاب روڈٖ پر ایف سی اور پولیس کی مشترکہ کارروائی میں کالعدم تنظیم کے چار افراد گرفتار کرلئے گئے ۔
ڈیرہ اسماعیل خان میں پولیس نے آٹھ مشتبہ افراد حراست لےلیا۔فیصل آباد میں پولیس نےسینٹرل جیل کے اطراف افغان بستیوں میں سرچ آپریشن کے دوران غیر قانونی طور پر مقیم بتیس افراد حراست میں لے لئے۔
ٹبہ سلطان پور میں پولیس کی کارروائی کے دوران اٹھارہ مشکوک افرادپکڑے گئے۔میانوالی کے مختلف علاقوں میں سرچ آپریشن کے دوران ستر سے زائدمشکوک افراد حراست میں لے لئے گئے۔
ڈی آئی خان: خیبر پختونخوا کے شہر ڈیرہ اسماعیل خا ن کے ضمنی انتخاب میں پی ٹی آئی کے امیدوار احتشام جا وید اکبرنے 37 ہزارووٹ لےکر اے این پی، ن لیگ، جمعیت علما ئے اسلام اور پیپلز پا رٹی کی حما یت یا فتہ آزاد امیدوار مرید کاظم کو شکست سے دوچار کیا۔
ڈیرہ اسماعیل خان جو کبھی مو لانا فضل الرحمان کا گڑھ سمجھا جاتا تھا اب وہاں پا کستان تحریک انصاف کا جادو سر چڑھ کے بول رہا ہے، جس کا بین ثبوت ڈیرہ اسما عیل خان کے ضمنی انتخابات میں پی ٹی آئی کے امیدوار احتشام جا وید اکبر کی کامیابی ہے۔
پی ٹی آئی کے امیدوار احتشام جا وید نے جمعیت علما ئے اسلام ،اے این پی ،پیپلز پا رٹی اور ن لیگ کے حما یت یا فتہ امیدوار مرید کاظم کو شکست سے دو چار کیا، کا میابی کا ایک دلچسپ پہلو یہ بھی ہے کہ مو لانا فضل الرحمان اسی حلقے کے ووٹر ہیں یہ کامیابی ایک ایسے وقت ہو ئی ہے جبکہ پی ٹی آٓئی کی تمام تر مرکزی و صوبائی قیادت اسلام آباد دھرنے میں مصروف ہے، جبکہ پی ٹی آئی کی مخالف جماعتیں اپنی تمام تر قوت کے ساتھ پی ٹی آئی کے خلاف میدان عمل میں اتریں لیکن عوام کا فیصلہ عمران خان کے حق میں رہا ۔
ڈیرہ اسماعیل خان: خیبرپختونخوا کی صوبائی نشست پی کے اڑسٹھ میں پولنگ کاعمل جاری ہے، سیکیورٹی کے سخت ترین انتظامات کرتے ہوئے حلقہ کوچار سیکٹرز میں تقسیم کیا گیا ہے۔
ڈیرہ غازی خان کی صوبائی پی کے اڑسٹھ پہاڑ پور میں ضمنی انتخاب کے لئے پولنگ آج ہورہی ہے، پی کے68 کا حلقہ 9یونین کونسلز پر مشتمل ہے، ضمنی الیکشن میں تحریکِ انصاف کے امیدوار احتشام جاوید، آزاد امیدوار مرید کاظم اور آزاد امیدوار مجتبیٰ الحسن سمیت دیگرامیدوار مد مقابل ہیں۔
ایک سوآٹھ پولنگ اسٹیشنز میں اکتیس کو حساس ترین، ستائیس کو حساس جبکہ50 پولنگ اسٹیشن کو نارمل قرار دیا گیا ہے، ایک لاکھ تیئس ہزارنو سو اکیانوے ووٹرز اپنا حق رائے دہی استعمال کرینگے، امن و امان کیلئے پولیس لائن میں کنٹرول روم بنایا گیا ہے، یہ نشست آزاد امیدوار جاوید اکبر خان کی جعلی ڈگری کیس میں نااہلی کے باعث خالی ہوئی تھی۔
آج ہونیوالے ضمنی الیکشن کے لئے انتظامات مکمل کرلئے گئے ہیں، فوجی دستوں کیساتھ 770 پولیس اہلکاراپنے فرائض سرانجام دے رہے ہیں، 108پولنگ اسٹیشنز قائم کئے گئے ہیں، جس میں 24مردانہ، 22زنانہ اور 62مشترکہ پولنگ اسٹیشن شامل ہیں۔
انیس سو اٹھانویں مردم شماری کے تحت حلقہ کی کل آبادی 267397 نفوس پر مشتمل ہے، جن میں رجسٹرڈ ووٹوں کی تعداد127617 ہے۔ خواتین ووٹرز کی تعداد58614 اور مرد ووٹرز کی تعداد69300 ہے، ایک لاکھ27ہزار991ووٹرز اپنا حق رائے دہی استعمال کرینگے۔
ڈیرہ اسماعیل خان: روحانی پیشوافقیر جمشید پر حملے کا ماسٹر مائنڈ قاری اکرام پولیس کارروائی کے دوران بچ نکلا،پولیس نے پناہ دینے والےتین ملزمان کو حراست میں لے کرخودکش جیکٹس اوردستی بم برآمد کرلیے،تفصیلات کے مطابق ڈیرہ اسماعیل خان میں ڈی پی او کی قیادت میں پولیس نے سرچ آپریشن کرتے ہوئے فقیر جمشید پر حملے کے ماسٹر مائنڈقاری اکرام کے ٹھکانے پر چھاپہ مارا۔
کارروائی کے دوران دوسری جانب سے فائرنگ شروع ہوگئی فائرنگ کے تبادلے کے دوران قاری اکرام ساتھیوں سمیت فرار ہوگیا۔پولیس نے قاری اکرام کو پناہ دینے والے تین افراد کو گرفتار کرتے ہوئے ٹھکانے کو تباہ کردیا ۔
پولیس نے دو خودکش جیکٹس،چھ کلو بارودی مواد، اکیاون دستی بم اور بم بنانے کا سامان قبضے میں لے لیا۔روحانی پیشوا فقیر جمشید چند روز قبل بم حملے میں جاں بحق ہوگئے تھے۔پولیس کے مطابق مفرور دہشت گرد قاری اکرام حملے کا ماسٹر مائنڈ ہے۔
ڈیرہ اسماعیل خان میں مڈھی روڈ پر ریموٹ کنٹرول بم دھماکے میں روحانی پیشوا فقیر جمشید اپنے محافظ سمیت جاں بحق ہوگئے،پاکستان سرائیکی پارٹی کے سابق امیدوار اور کلاچی کی روحانی شخصیت فقیر جمشید صبح سویرے کلاچی سے ڈیرہ اسماعیل خان سٹی کی جانب آ رہے تھے کہ مڈھی گائوں کے قریب سڑک کنارے ریموٹ کنٹرول بم سے ان کی گاڑی کو نشانہ بنایا گیا جس سے فقیر جمشید کی گاڑی تباہ ہوگئی ۔
گاڑی میں سوار فقیر جمشید اور انکا محافظ جاں بحق ہو گئے۔ فقیر جمشید نے دوہزار تیرہ کے الیکشن سے پہلے تحریک انصاف میں شمولیت اختیار کی، ٹکٹ نہ ملنے پر پاکستان سرائیکی پارٹی میں شامل ہوگئے تھے
ڈیرہ اسماعیل خان کی تحصیل درابن کلاں کے علاقے موسیٰ زئی شریف میں ایک خود کش حملہ آور نے سیکورٹی فورسز کی گرفتاری سے بچنے کیلئے خود کو دھماکے سے اڑا لیا۔
ڈیرہ اسماعیل خان کی تحصیل درابن کلاں کے علاقہ موسیٰ زئی شریف میں ایک خود کش حملہ آور نے سیکورٹی فورسز کی گرفتاری سے بچنے کیلئے خود کو دھماکے سے اڑا لیا جبکہ ایک حملہ آور زخمی حالت میں کھیتوں میں فرار ہوگیا۔
مقامی لوگوں اور پولیس کے مطابق ایک حملہ آور نے برقعہ پہن رکھا تھا، جیسے ہی سیکورٹی فورسز کو آتے دیکھا خود کو دھماکے سے اڑا لیا، عینی شاہدین کا کہنا ہے دونوں حملہ آور موٹر سایئکل پر سوار تھے، پولیس نے ہلاک ہونے والے حملہ کی لاش اور موٹر سائیکل قبضے میں لے کر تفتیش شروع کر دی ہے۔
