Tag: ڈیرہ غازی خان

ڈی آئی خان : ڈیرہ غازی خان کی سرحدی چوکی لکھانی پر دہشت گردوں کا بڑا حملہ ناکام بنادیا گیا، جوابی کارروائی پر دہشت گرد فرار ہوگئے۔

تفصیلات کے مطابق ڈیرہ غازی خان پولیس نے سرحدی چوکی لکھانی پر دہشت گردوں کا حملہ ناکام بنا دیا۔

پنجاب پولیس نے نے بتایا کہ پولیس کی جوابی کارروائی میں ایک دہشت گرد ہلاک اور متعدد کے زخمی ہونے کی اطلاع ہے۔

حکام کا کہنا تھا کہ بیس سے پچیس دہشت گردوں نے لکھانی چیک پوسٹ پرحملہ کیا، دہشت گردوں نے حملے میں مارٹرگولوں اور راکٹ لانچرز کا بےدریغ استعمال کیا۔

پولیس نے کہا کہ دہشت گردوں نےاسنائپررائفلز،دیگربھاری اسلحہ کااستعمال بھی کیا تاہم پولیس، ایلیٹ فورس اور ایس او یو کے جوانوں نے بہادری سے چوکی کا دفاع کیا۔

مزید پڑھیں : ڈی جی خان: جھنگی چیک پوسٹ پر دہشت گردوں کا بڑا حملہ ناکام

حکام کا مزید بتانا تھا کہ دہشت گردوں کے حملے کے دوران پولیس کے تمام جوان محفوظ رہے۔

یاد رہے پنجاب پولیس نے ڈی جی خان کی جھنگی چیک پوسٹ پر دہشت گردوں کا حملہ پسپا کردیا تھا ، ترجمان پولیس نے بتایا تھا کہ بیس سے پچیس دہشت گردوں نے مختلف اطراف سے چیک پوسٹ پر حملہ کیا تھا، تاہم پولیس نے زبردست مزاحمت کرکے حملہ ناکام بنا دیا۔

آئی جی پنجاب عثمان انور نے حملہ ناکام بنانے پر ڈی جی خان پولیس کو شاباش دی اور کہا تھا بہادر سپاہی دشمنوں کے سامنے سیسہ پلائی دیوار ہیں۔

ڈیرہ غازی خان : سخی سرور کے قریب وین اور ٹرک میں خوفناک تصادم کے نتیجے میں نجی اسکول کے پرنسپل سمیت 4 خواتین اساتذہ جاں بحق ہوگئیں جبکہ 7 زخمی ہوئے۔

تفصیلات کے مطابق ڈیرہ غازی خان کے علاقے سخی سرور کے قریب اسکول وین اور ٹرک ٹکرا گئے، حادثے میں اسکول پرنسپل سمیت 4 ٹیچرز جاں بحق ہوگئے اور 7افراد شدید زخمی ہوئے۔

پولیس نے بتایا کہ زخمیوں کو طبی امداد کیلئے ڈی جی خان اسپتال منتقل کردیا گیا ہے ، پرنسپل سید امجد علی اسٹاف کے ہمراہ اسکول جارہے تھے، تومی موڑ کے قریب حادثہ پیش آیا۔

جاں بحق افراد میں پرنسپل سیدامجد اور اساتذہ میں کرن، نوشین اور طاہرہ شامل ہیں۔

یاد رہے ٹبہ سلطان پور میں قطب پور روڈ پر تیز رفتار کار کی زد میں آکر بچے سمیت 2 افراد زندگی کی بازی گئے تھے۔

اس سے قبل گوجرانوالہ میں تیز رفتار کار نے موٹرسائیکل کوٹکر مار دی تھی جس کے نتیجے میں خاتون جاں بحق جبکہ دو افراد زخمی ہوگئے تھے۔

ڈی جی خان : محکمہ انسداد دہشت گردی (سی ٹی ڈی) کی انٹیلی جنس بنیادوں پر کارروائی میں فتنہ الخوارج کے دو دہشت گرد مارے گئے۔

تفصیلات کے مطابق ڈیرہ غازی خان میں دہشت گردی کا منصوبہ ناکام بنادیا گیا ، کوئٹہ روڈ پر سی ٹی ڈی نے انٹیلی جنس بنیادوں پر کارروائی کی۔

ترجمان سی ٹی ڈی نے بتایا کہ فائرنگ کے تبادلے میں فتنہ الخوارج کے دو دہشت گرد مارے گئے اور دو موقع سے فرار ہوگئے۔

ہلاک دہشت گردوں سے دستی بم، دو رائفلیں، گولیاں اور بارودی مواد برآمد ہوا ہے، دہشت گرد حساس تنصیبات پر حملوں کی منصوبہ بندی مکمل کرچکے تھے تاہم مارے گئے دہشت گردوں کی شناخت کا عمل جاری ہے۔

وفاقی وزیر داخلہ محسن نقوی نے ڈیرہ غازی خان میں دہشت گردی کا منصوبہ ناکام بنانےپر سی ٹی ڈی پنجاب کو خراج تحسین پیش کرتے ہوئے فتنہ الخوارج کے دہشت گردوں کیخلاف کامیاب آپریشن پر شاباشی دی۔

ان کا کہنا تھا کہ اہلکاروں نے بروقت کامیاب آپریشن کرکے2دہشتگردوں کوجہنم واصل کیا اور انٹیلی جنس بیسڈآپریشن کرکےڈی جی خان میں تخریب کاری کامنصوبہ ناکام بنایا، دہشت گردوں کےعزائم خاک میں ملانے والی ٹیم کی پوری ٹیم کو مبارکباد دیتا ہوں۔

وفاقی وزیر نے کہا کہ ٹیم کے بہادر اور پروفیشنل سپوتوں پرفخرہے، دہشتگردی سےنمٹنےکیلئے ہراول دستہ ہےاوریہ فورس ہماراسرمایہ ہے۔

ڈیرہ غازی خان: غازی یونیورسٹی کی طالبہ نے دو اساتذہ پر جنسی ہراسگی کا الزام لگادیا اور کہا ڈاکٹر ظفر وزیر نے نشہ آور چیز پلا کر طلبہ سے زیادتی کی۔

تفصیلات کے مطابق اسلامیہ یونیورسٹی بہاولپور اسکینڈل کے بعد پنجاب کے شہر ڈیرہ غازی خان کی غازی یونیورسٹی کی طالبہ نے دو اساتذہ پر جنسی ہراسگی کا الزام عائد کردیا۔

اس اسکینڈل کا پردہ فاش اس وقت ہوا جب زیادتی کا شکار طالبہ کا ایک ویڈیو بیان سوشل میڈیا پلیٹ فارمز پر وائرل ہوا۔

متاثرہ طلبہ کا ویڈیو بیان سوشل میڈیا پر وائرل ہونے کے بعد مقدمہ درج کرلیا گیا، پولیس نے مقدمہ میں 955/23 میں 2 پروفیسرز اور ایک طلبہ کو نامزد کیا گیا ہے.

تھانہ گدائی میں فوجداری دفعہ 376 کے تحت مقدمہ درج کیا گیا، مقدمہ کے متن میں کہا گیا ہے کہ ڈاکٹر ظفر وزیر نے نشہ آور چیز پلا کر طلبہ سے زیادتی کی اور پروفیسر خالد خٹک بھی مراسم قائم کرنے کیلئے دھمکاتا رہا۔

مقدمے میں کہا ہے کہ کلاس فیلو طلبہ نے جھانسہ دیکر بلایا اور زیادتی کروائی، پولیس نے مقدمہ درج کر کے ملزمان کی تلاش شروع کر دی ہے۔

دوسری جانب آئی جی پنجاب نے ڈی پی اوڈیرہ غازی خان سے واقعہ کی تفتیش کرانے کا حکم دیتے ہوئے کہا ہے کہ واقعہ کی تفتیش جلد مکمل کرکےذمہ داران کوقانون کےکٹہرےمیں لایاجائے۔

آئی جی پنجاب کا کہنا تھا کہ طالبات کوبلیک میل یازیادتی کرنےوالےملزمان کسی رعایت کےمستحق نہیں، متاثرہ طالبہ کو فوری انصاف مہیا کیا جائے۔