ARYNews.tv | Urdu – Har Lamha Bakhabar

Tag: ڈیری فارم

  • ڈیری فارم سے کروڑوں مالیت کی 94 بھینسیں، گائے چھین لی گئیں

    ڈیری فارم سے کروڑوں مالیت کی 94 بھینسیں، گائے چھین لی گئیں

    کراچی کے علاقے لانڈھی میں ڈیری فارم سے کروڑوں روپے مالیت کی 94 بھینسیں اور گائے چھین لی گئی۔

    تفصیلات کے مطابق کراچی کے علاقے لانڈھی میں ڈیری فارم سے کروڑوں روپے مالیت کی 94 بھینسیں اور گائے چھین لی گئی جس کا مقدمہ درج کرلیا گیا۔

      مدعی مقدم کے مطابق 20 سے 25 مسلح ملزمان نے واردات کی، ملزمان کے پاس کلاشنکوف رپیٹر اور پسٹل موجود تھے، ملزمان 3 ٹرکوں میں آئے مالک اور ملازمین کو رسیوں سے باندھ دیا۔

    ایف آئی آر کے مطابق مسلح ملزمان رات کے اندھیرے میں واردات کر کے فرار ہوگئے، چھینی گئی بھینسوں کی قیمت کروڑوں روپے بنتی ہے۔

    مدعی مقدمہ نے کہا کہ واردات کرنے والے 4 ملزمان کو پہچانتا ہوں منظور چانڈیو، اختر چانڈیو، ولی جان چانڈیو اور ارشد بروہی واردات میں شامل تھے ملزمان جانوروں کے ساتھ میرے ایک ملازم کو بھی لے گئے ہیں، پولیس نے ملوث ملزمان کی تلاش شروع کردی ہے۔

  • امریکا: ٹیکساس کے ڈیری فارم میں دھماکے سے ہزاروں مویشی ہلاک

    امریکا: ٹیکساس کے ڈیری فارم میں دھماکے سے ہزاروں مویشی ہلاک

    ٹیکساس: امریکا کی ریاست کے ایک ڈیری فارم میں ہولناک دھماکے اور آتشزدگی سے 18 ہزار مویشی ہلاک ہوگئے۔

    یہ دھماکا اور اس کے بعد آگ لگنے کا واقعہ امریکی ریاست ٹیکساس کے ڈمٹ ٹاؤن کی ساؤتھ فوک ڈیری فارمز میں پیش آیا، ایگریکلچر کمشنر سڈ ملر نے اس حوالے سے اپنے بیان میں کہا کہ یہ ریاست کی تاریخ کی سب سے جان لیوا آتشزدگی تھی۔

    واشنگٹن ڈی سی میں قائم اینیمل ویلفیئر انسٹی ٹیوٹ کی جانب سے بھی 18 ہزار گائیں کے ہلاک ہونے کی تصدیق کی گئی ہے۔

    فائر فائٹرز اور پولیس جائے وقوعہ پہنچے تو معلوم ہوا کہ ایک شخص آگ میں پھنسا ہوا ہے، جسے آگ سے نکال کر بذریعہ ہیلی کاپٹر اسپتال منتقل کیا گیا جس کی حالت تشویش ناک بتائی جارہی ہے۔

    میڈیا رپورٹس میں بتایاگیا ہےکہ انتظامیہ کی جانب سے دھماکے کی وجوہات معلوم کرنے کی کوشش کی جارہی ہیں تاہم انتظامیہ کا خیال ہےکہ فارم میں موجود مشینری کی وجہ سے میتھین گیس سے آتشزدگی کی کیفیت پیدا ہوئی جس سے دھماکا ہوا۔

    انتظامیہ کے مطابق دھماکے کے نتیجے میں کچھ گائیں زخمی بھی ہوئی ہیں اور کچھ کو بچا لیا گیا ہے۔

    ایک رپورٹ کے مطابق امریکا میں 2013 سے اب تک تقریباً 6.5 ملین فارم کے جانور گودام میں لگنے والی آگ کے باعث ہلاک ہو چکے ہیں، جن میں تقریباً 60 لاکھ مرغیاں اور تقریباً 7,300 گائے ہیں۔

  • دودھ کی قیمتوں میں اضافے کی کوشش ناکام، مذاکراتی دور بے نتیجہ رہے

    دودھ کی قیمتوں میں اضافے کی کوشش ناکام، مذاکراتی دور بے نتیجہ رہے

    کراچی:کراچی میں دودھ مافیا کی جانب سے دودھ کا بحران پیدا کرنے کی کوششیں کا میاب نہ ہوسکیں، دودھ کی قیمیتوں میں اضافے کے حوالے سے ہونے والے متعدد مذاکراتی دور بے نتیجہ رہے۔

    تفصیلات کے مطابق دودھ مافیا دودھ کی قیمتیں بڑھا کر عوام پر مذید مہنگائی کا بوجھ ڈالنا چاہتے ہیں، جس کے تحت نئی قیمت کے تعین کے لیے اب تک کئی بار کمشنر کراچی سے مذاکرات ہوئے لیکن کوئی نتیجہ نہیں نکل سکا۔

    ذرائع کا کہنا ہے کہ انتظامیہ دودھ کی قیمت میں 5 سے 10 روپے فی لیٹر اضافہ کرنے کے لیے تیار ہے تاہم ڈیری فارمرز دودھ کی قیمت میں 15 سے 20 روپے فی لیٹر کا ہوشربا اضافہ کرنا چاہتے ہیں، جس کے تحت کمشنر کراچی اور ڈیری فارمز کے نمائندوں کے مابین اب تک 5 مذاکراتی دور ہوئے لیکن ناکام رہے۔

    کراچی : دودھ کی قیمتوں میں اضافہ کرنیوالے ڈیری فارمرز کیخلاف کارروائی

    شہریوں کا کہنا ہے کہ شہر میں کہیں بھی دکانوں پر خالص دودھ دستیاب نہیں، پانی ملا دودھ 85 سے 90 روپے فی لیٹر فروخت کیا جارہا ہے، حکومت ہرگز دودھ مافیا کے آگے گھٹنے نہ ٹیکے۔

    خیال رہے سپریم کورٹ نے گذشتہ دنوں انسانی صحت کے لیے مضر صحت بھینسوں کو زیادہ پیداوار کے لیے لگائے جانے والے ہارمونز کے انجیکشن پر پابندی لگادی تھی جس کے بعد ڈیری فارمرز بھینسوں کی تعداد بڑھا کر دودھ کی پیداوار بڑھانے کے بجائے مسلسل دودھ کی قمیت بڑھانے کے لیے انتظامیہ پر دباؤ ڈال رہے ہیں۔

    عدالت نے 4 نجی کمپنیوں کے دودھ کی فروخت پر پابندی لگا دی

    یاد رہے کہ گذشتہ دنوں کراچی میں ڈیری فارمرز ایسوسی ایشن کا غیر قانونی اجلاس منعقد کیا گیا تھا جس میں ڈیری فارمرز نے ازخود دودھ کی فی لیٹر قیمت میں پانچ روپے کا اضافہ کرتے ہوئے90روپے فی لیٹر مقرر کردیا تھا۔

    بعد ازاں اطلاع ملنے پر اسسٹنٹ کمشنر نے ڈیری فارمرز کے اجلاس پر چھاپہ مارا، چھاپے کے دوران دودھ کےاضافی نرخ کا اعلان کرنیوالے ڈیری فارمرز فرار ہونے میں کامیاب ہوگئے، تاہم اجلاس کے بعض شرکاء کو سکھن تھانے کی پولیس نے گرفتار کر کے لاک اپ کردیا۔