Tag: ڈیفنس

کراچی : ڈیفنس میں سابق ڈائریکٹر لینڈریکارڈ طارق شاہ کو گھر میں قتل کردیا گیا، پولیس نے ملزم ارسلان صابر کو چند گھنٹے میں گرفتار کرلیا۔

تفصیلات کے مطابق کراچی کے علاقے خیابان قاسم میں سابقہ ڈائریکٹر لینڈ ریکارڈ سابق ڈائریکٹر لینڈریکارڈ طارق شاہ کو پرانے دوست نے قتل کردیا۔

یس ایس پی ساوتھ اسد رضا نے بتایا کہ ارسلان صابر اسٹیٹ ایجنسی کا کام کرتا ہے، گھر کے خانسامہ لیاقت علی واقعے کا شاہد ہے، ارسلان نے ذاتی وجوہات کی بنا پر طارق شاہ کو قتل کیا اور قتل کے بعد ملزم موقع سے فرار ہوگیا۔

ملازم نے بیان میں کہا کہ طارق شاہ کو پرانے دوست ارسلان صابر نے بیڈروم میں قتل کیا، طارق شاہ کو ان کے دوست ارسلان نے قتل کیا، ارسلان گھرپرآئے اورکمرے میں جاکر فائرنگ کردی۔

خانسامہ لیاقت علی کا کہنا تھا کہ میں اپنے کمرے میں سو رہا تھا 2 گولیوں کی آواز سنی، ملزم نے نیچے آکر مجھے گن دکھائی اور کہا دروازہ کھول دیں، ملزم کے جاتے ہی ون فائیو پر فون کر کے اورپڑوسیوں کو بتایا۔

ایس ایس پی ساؤتھ اسد رضا نے کہا کہ ملزم ارسلان صابرکو چند گھنٹے میں گرفتارکرلیا، ملزم کو تکنیکی مہارت کا استعمال کرتےہوئےگرفتارکیا، قتل میں ملوث ملزم مقتول کا دوست بھی تھا۔

ایس ایس پی کا کہنا تھا کہ ملزم کے خلاف مقدمہ درج کرکے مزید تفتیش کی جارہی ہے۔

کراچی: شہر قائد کے علاقے ڈیفنس فیز 4 میں ایک گھر میں پولیس مقابلے میں 5 ڈاکو اپنے انجام کو پہنچ گئے۔

تفصیلات کے مطابق گزری پولیس نے حساس ادارے کی اطلاع پر ڈیفنس فیز 4 کمرشل ایونیو یثرب امام بارگاہ کے سامنے آج (جمعہ) صبح مبینہ مقابلے میں 5 ملزمان کو ہلاک کر کے ان کے قبضے سے اسلحہ برآمد کر لیا۔

ایس ایس پی ساؤتھ کا کہنا ہے کہ مارے جانے والے ملزمان سے ایک ڈبل کیبن گاڑی بھی برآمد کی گئی ہے، مارے جانے والے ملزمان کا گروپ سرائیکی گینگ کے نام سے جانا جاتا تھا جو کافی عرصے سے ڈیفنس اور کلفٹن کے علاقے میں وارداتیں کر رہا تھا۔

سرائیکی گینگ کو پولیس اور دیگر قانون نافز کرنے والے ادارے کافی عرصے سے تلاش کر رہے تھے، جس بنگلے میں مقابلہ ہوا ہے وہ بنگلہ بند تھا جب کہ ایس ایس پی ساؤتھ کا کہنا تھا کہ ملزمان اسی بند بنگلے میں رہائش پذیر تھے۔

ڈی آئی جی ساؤتھ جاوید اکبر ریاض نے بتایا کہ ہلاک 3 ملزمان پہلے بھی گرفتار ہو چکے ہیں، اس سے قبل ساؤتھ زون پولیس نے ملزمان کو گرفتار کیا تھا، جیل سے آنے کے بعد ملزمان نے دوبارہ سے گروپ منظم کیا، 10روز پہلے ملزمان کی موجودگی کی اطلاع ملی تھی۔

ہلاک ہونے والے ملزمان کی لاشیں چھیپا ایمبولینسوں کے ذریعے جناح اسپتال منتقل کی گئیں، مارے جانے والے 3 ڈاکوؤں کی شناخت محمد ریاض ولد اللہ بخش، محمد عابد ولد عبد الرحمٰن اور غلام مصطفیٰ ولد محمد صادق کے نام سے ہوئی۔

ملزمان کی شناخت ان کے پاس سے ملنے والے نادرا کے شناختی کارڈ اور پنجاب ٹریفک پولیس کے ڈرائیونگ لائسنس کی مدد سے کی گئی، شناخت کیے جانے والے ڈاکوؤں کا آبائی تعلق جنوبی پنجاب کے علاقے بہاولپور سے تھا۔

3 ملزمان کی فوری طور پر شناخت نہیں کی جا سکی، مارے جانے والے ملزمان کا کرائم ریکارڈ چیک کیا جا رہا ہے جب کہ 2 ملزمان کی شناخت کے لیے نادرا کی مدد حاصل کی جائے گی۔

پولیس نے ضابطے کی کارروائی کے بعد مارے جانے والے پانچوں ملزمان کی لاشیں چھیپا سرد خانے منتقل کر دیں۔