Tag: ڈیل اسٹین

بھارتی فاسٹ بولر محمد سراج نے جنوبی افریقی لیجنڈ ڈیل اسٹین کی خود کے بارے میں پچھلے دنوں کی گئی پیشگوئی حرف بہ حرف درست ثابت کردی۔

انگلینڈ اور بھارت کے درمیان اوول میں ہونے والے حتمی مقابلے سے قبل سے محض ایک روز قبل ڈیل اسٹین نے پیشن گوئی کرتے ہوئے ٹوئٹ کیا تھا کہ محمد سراج پانچویں ٹیسٹ میچ میں 5 وکٹیں اپنے نام کریں گے۔

سوشل میڈیا پر شیئر کی گئی پوسٹ میں ڈیل اسٹین نے لکھا کہ محمد سراج 5 ویں ٹیسٹ میچ میں 5 وکٹیں حاصل کریں گے، محمد سراج نے اپنی شاندار بولنگ سے اسٹین کی بات کو حرف بہ حرف صحیح ثابت کردکھایا۔

محمد سراج نے نہ صرف اوول ٹیسٹ کی دوسری اننگز میں 104رنز دے کر 5 وکٹیں حاصل کیں بلکہ پہلی اننگز میں بھی 4 وکٹیں اپنے نام کرنے میں کامیاب رہے تھے۔

پیسر کی شاندار پرفارمنس پر انھیں اوول ٹیسٹ کا بہترین کھلاڑی قرار دیا گیا، ٹیسٹ میچ میں فتح کے بعد محمد سراج نے اسٹین کو جواب دیتے ہوئے لکھا کہ ‘آپ نے کہا میں نے ویسا ہی کیا، آپ کا کہنا قابل تعریف ہے’۔

اس پوسٹ کے ساتھ محمد سراج نے دل کی ایموجی بھی بنائی، سوشل میڈیا صارفین ڈیل کی اس پوسٹ کو کافی سراہ رہے ہیں اور اس پر اپنے خیالات کا اظہار کررہے ہیں۔

یہ بات قابل ذکر ہے کہ اوول ٹیسٹ میچ میں انگلینڈ کی جیت کے آثار واضھ تھے تاہم سراج نے سنسنی خیز لمحات میں انگلینڈ کی آخری وکٹ حاصل کی فتح بھارت کے نام کی جبکہ سیریز2-2 سے برابر رہی۔

https://urdu.arynews.tv/india-beat-england-5th-test-match-test-series-level/

جنوبی افریقہ کے ورلڈ ٹیسٹ چیمپئن شپ جیتنے کے بعد سابق فاسٹ بولر ڈیل اسٹین جذبات پر قابو نہ رکھ سکے اور انکی آنکھیں خوشی سے چھلک پڑیں۔

پروٹیز نے 1998 میں آخری بار آئی سی سی ناک آؤٹ ٹرافی جیتی تھی، بالآخر جنوبی افریقہ نے مسلسل 27 سال کے انتظار اور ناک آؤٹ مقابلوں میں ایک درجن سے زائد شکستوں کے بعد آئی سی سی ٹیسٹ چیمپئن شپ کا گرز (ٹرافی) اٹھانے کا اعزاز حاصل کیا ہے۔

جنوبی افریقہ کے قائد ٹمبا باووما بغیر کوئی میچ ہارے ٹیسٹ چیمپئن شپ جیتنے والے تاریخ کے پہلے کپتان بن گئے ہیں جس کے بعد ملک کے سابق کرکٹر اور فینز سب ہی بہت زیادہ خوش ہیں۔

لیجنڈ بولر ڈیل اسٹین نے ایک آن لائن پوڈکاسٹ کے دوران اپنی ٹیم کے چیمپئن بننے کے حوالے سے کافی جذبات ہوگئے اس دوران کی آنکھوں میں آنسو تھے اور وہ کئی لمحوں تک کچھ بول ہی نہیں پائے۔

ڈیل اسٹین نے اپنی ٹیسٹ کیپ دکھاتے ہوئے کہا کہ میں اس وقت گھر پر بیٹھا ہوں اس وقت میرے پاس جنوبی افریقہ کی ٹیسٹ کیپ بھی موجود ہے اور میں بہت فخر محسوس کررہا ہوں۔

اپنے جذبات کو مزید شیئر کرتے ہوئے ڈیل اسٹین اس کے علاوہ اور کیا کہہ سکتے ہیں کہ یہ ناقابل یقین ہے، میں اپنے بیٹے کو باہر واک پر لےکر جائوں گار اور زندگی ایسے ہی رواں دواں رہے گی، ی کہنے کے بعد وہ شدت جذبات سے آبدیدہ ہوگئے۔

https://urdu.arynews.tv/temba-bavuma-pat-cummins-11-chokers-noisesxi-wtc-final/

جنوبی افریقہ کے لیجنڈ فاسٹ بولر ڈیل اسٹین نے کہا ہے کہ جنوبی افریقہ اور نیپال کے درمیان مقابلہ ’میچ آف دی ٹورنامنٹ‘ تھا۔

میچ کے بعد گفتگو کرتے ہوئے انھوں نے کہا کہ حالاں کہ میرا تعلق جنوبی افریقہ سے ہے تاہم میچ کے دوران میں یہ سوچ رہا تھا کہ شاباش نیپالی ٹیم آپ یہ کرسکتے ہیں، اگر دیکھا جائے تو میں نیپال کو سپورٹ کررہا تھا کیوں کہ وہ یہ میچ جیتنے کے مستحق تھے۔

ڈیل اسٹین نے کہا کہ یہ ایک انتہائی سنسنی خیز میچ تھا اور مقابلے کے اختتام پر نیپالی فینز اسٹینڈ میں رو رہے تھے اور آپ سمجھ سکتے ہیں کہ ان کے میچ سے کس قدر جذبات جڑے تھے۔

میرے خیال میں کرکٹ اسے ہی کہتے ہیں، کرکٹ یہ نہیں کہ کسی مقابلے میں 200 رنز بنتے ہیں بلکہ جیسا یہ میچ ہوا ہے کرکٹ اسے ہی کہتے ہیں، اگر نیپال یہ میچ جیتتی تو یہ زبردست ہوتا۔

View this post on Instagram

A post shared by ICC (@icc)

واضح رہے کہ گزشتہ دنوں رہے کہ آئی سی سی ٹی ٹوئنٹی ورلڈ کپ کے گروپ میچ میں جنوبی افریقہ نے نیپال کو سنسنی خیز مقابلے کے بعد ایک رنز سے ہرادیا تھا۔

جنوبی افریقہ کی جانب سے دیے گئے 116 رنز کے ہدف کے تعاقب میں نیپال کی ٹیم 7 وکٹوں کے نقصان پر 114 رنز بنا پائی تھی۔

نیپال کے آصف شیخ نے 42، انیل کمار 27 اور کوشل بھڑتل نے 13رنز بنائے تھے، آخر می بیٹنگ کرنے والے گلسان جھا اور سومپال کامی سرتوڑ کوششوں کے باوجود اپنی ٹیم کو میچ نہیں جتوا پائے تھے۔

جنوبی افریقہ سے تعلق رکھنے وال معروف سابق فاسٹ بولر ڈیل اسٹین نے ورلڈکپ فائنل کھیلنے والی دو مضبوظ ترین ٹیموں کی پیشگوئی کردی۔

آئی سی سی کرکٹ ورلڈ کپ 2023 کی فائنلسٹ ٹیموں سے متعلق بھارتی نجی اسپورٹس چینل سے گفتگو کرتے ہوئے ڈیل اسٹین نے کہا کہ یہ ایک مشکل تجزیہ ہوگا مگر آپ لوگ جانتے ہیں کہ میرا دل چاہتا ہیے کہ فائنل کھیلنے والی ٹیموں میں جنوبی افریقہ موجود ہو۔

انھوں نے اپنی بات کی وضاحت کرتے ہوئے کہا کہ بہت سے پروٹیز کھلاڑی آئی پی ایل کھیلتے ہیں، اس کے علاوہ بھی وہ باقاعدگی سے بھارت میں کھیلنے آتے ہیں۔ جنوبی افریقہ کی ٹیم ڈیوڈ ملر اور ہینرک کلاسن جیسے باصلاحیت کھلاڑیوں پر مشتمل ہے۔ میں سمجھتا ہوں کہ پروٹیز ٹیم اس قابل ہے کہ وہ فائنل میں جگہ بنا سکتی ہے۔

ڈیل اسٹین نے فائنل میں پہنچے والی ٹیموں کے حوالے سے مزید کہا کہ مجھے لگتا ہے بھارت فیوریٹ ہے اور وہ فائنلسٹ ٹیموں میں سے ایک ہوگا اور غالباً دوسری ٹیم انگلینڈ کی ہوگی جو ٹرافی کے لیے حتمی مقابلہ کرے گی۔ یعنی آپ کہہ سکتے ہیں کہ فائنل بھارت اور انگلینڈ کے درمیان ہوگا۔

اس موقع پر سابق بھارتی لیف آرم فاسٹ بولر عرفان پٹھان نے اپنی آرا دیتے ہوئے کہا کہ اگر آپ عقلی دلائل کے ساتھ بات کریں تو فائنل سے انگلینڈ کو ٹیم کو باہر نہیں رکھ سکتے کیوں کہ ان کے پاس کافی مضبوط ٹیم موجود ہے۔

انھوں نے کہا کہ وہ جس طرح اپنے آل راؤنڈرز کے ساتھ موجودہ دور میں کرکٹ کھیل رہے ہیں آپ دیکھ سکتے ہیں کہ نمبر 9 تک ان کی ٹیم میں آل راؤنڈر موجود ہیں جب کہ کرس ووئیکس تک بیٹنگ کرسکتے ہیں۔

بھارت کی ٹیم کو اپنے دو وارم اپ میچز میں انگلینڈ اور نیدرلینڈز کی ٹیموں کا سامنا کرنا ہے جو کہ بالترتیب 30 ستمبر اور 3 اکتوبر کو شیڈول ہیں۔