ARYNews.tv | Urdu – Har Lamha Bakhabar

Tag: ڈینگی

  • ڈینگی وائرس: پختونخواہ میں بھی صورتحال تشویشناک

    ڈینگی وائرس: پختونخواہ میں بھی صورتحال تشویشناک

    پشاور: صوبہ خیبر پختونخواہ میں گزشتہ 24 گھنٹے میں ڈینگی وائرس کے 111 نئے کیسز رپورٹ ہوئے، اب تک صوبے میں ڈینگی سے جاں بحق افراد کی تعداد 9 ہوچکی ہے۔

    تفصیلات کے مطابق صوبہ خیبر پختونخواہ میں گزشتہ 24 گھنٹے میں ڈینگی وائرس کے 111 نئے کیسز رپورٹ ہوئے، صوبے میں ڈینگی سے متاثرہ مریضوں کی تعداد 9 ہزار 603 ہوگئی۔

    محکمہ صحت کا کہنا ہے کہ صوبے میں مجموعی طور پر ڈینگی سے انتقال کرنے والوں کی تعداد 9 ہوچکی ہے۔

    محکمہ صحت کے مطابق صوبے کے اسپتالوں میں مجموعی طور پر ڈینگی کے 78 مریض زیر علاج ہیں۔

    ڈینگی وائرس سے سب سے تشویشناک صورتحال اس وقت صوبہ پنجاب میں ہے، گزشتہ روز پنجاب میں ڈینگی کے باعث 4 اموات ہوئیں جس کے بعد رواں سیزن پنجاب میں ڈینگی سے مجموعی اموات کی تعداد 90 ہوچکی ہے۔

    محکمہ صحت کا کہنا ہے کہ گزشتہ 24 گھنٹے کے دوران پنجاب میں ڈینگی کے 277 مریض رپورٹ ہوئے۔

  • اسلام آباد میں مزید ڈینگی کیسز رپورٹ

    اسلام آباد میں مزید ڈینگی کیسز رپورٹ

    لاہور: وفاقی دارالحکومت اسلام آباد میں ڈینگی کیسز کی حالت بدستور تشویشناک ہے، گزشتہ روز 12 نئے کیسز رپورٹ ہوئے۔

    تفصیلات کے مطابق وفاقی دارالحکومت اسلام آباد میں گزشتہ 24 گھنٹے کے دوران 12 ڈینگی کیسز رپورٹ کیے گئے، ڈسٹرکٹ ہیلتھ آفیسر کا کہنا ہے کہ رورل ایریا سے 7 اور اربن ایریا سے 5 ڈینگی کیسز رپورٹ ہوئے۔

    ڈی ایچ او کا کہنا ہے کہ رواں سیزن میں 4 ہزار 364 ڈینگی کیسز رپورٹ ہوئے جبکہ 19 افراد ڈینگی کے باعث انتقال کر گئے۔

    دوسری جانب صوبہ پنجاب میں بھی ڈینگی کیسز کی صورتحال تشویشناک ہے، گزشتہ روز صوبے میں ڈینگی کے باعث 4 اموات ہوئیں جس کے بعد رواں سیزن پنجاب میں ڈینگی سے مجموعی اموات کی تعداد 90 ہوچکی ہے۔

    محکمہ صحت کا کہنا ہے کہ گزشتہ 24 گھنٹے کے دوران پنجاب میں ڈینگی کے 277 مریض رپورٹ ہوئے۔

  • پنجاب میں ایک روز میں ڈینگی کے ساڑھے 4 سو سے زائد کیسز رپورٹ

    پنجاب میں ایک روز میں ڈینگی کے ساڑھے 4 سو سے زائد کیسز رپورٹ

    لاہور: صوبہ پنجاب میں ڈینگی وائرس کے کیسز میں اضافہ جاری ہے، گزشتہ روز ساڑھے 4 سو سے زائد ڈینگی کیسز رپورٹ ہوئے۔

    تفصیلات کے مطابق محکمہ صحت کے ترجمان عمران سکندر بلوچ کا کہنا ہے کہ گزشتہ 24 گھنٹوں کے دوران صوبہ بھر سے ڈینگی وائرس کے 456 مریض رپورٹ ہوئے ہیں جن میں صرف لاہور سے 333 مریض رپورٹ ہوئے۔

    ترجمان کا کہنا ہے کہ راولپنڈی سے 37، گوجرانوالہ سے 16، سرگودھا سے 8، شیخوپورہ سے 7، فیصل آباد، قصور اور ملتان سے 5، رحیم یار خان سے 4 جبکہ اٹک، بہاولپور اور چکوال سے 3 ڈینگی مریض رپورٹ ہوئے۔

    ترجمان کے مطابق پنجاب بھر میں رواں سیزن میں اب تک ڈینگی کے کیسز کی تعداد 19 ہزار 21 ہوچکی ہے جبکہ 75 افراد جاں بحق ہوچکے ہیں۔

    انہوں نے بتایا کہ پنجاب کے اسپتالوں میں ڈینگی کے 2 ہزار 196 مریض داخل ہیں، پنجاب بھر کے سرکاری اسپتالوں میں اس وقت ڈینگی کے لیے 5 ہزار 517 بستر مختص کیے گئے ہیں۔

    ڈینگی کے مریضوں کی آسانی کے لیے لاہور کے ٹیچنگ اسپتالوں میں بھی بستروں کی تعداد میں مسلسل اضافہ کیا جا رہا ہے۔

    ترجمان کا کہنا ہے کہ گزشتہ روز محکمہ صحت کی ٹیموں نے پنجاب بھر میں 4 لاکھ 68 ہزار 44 ان ڈور اور 1 لاکھ 1 ہزار 204 آؤٹ ڈور مقامات کو چیک کیا۔ ان میں سے 817 ان ڈور اور آؤٹ ڈور مقامات سے لاروا تلف کیا گیا۔

  • اگلے ہفتے تک ڈینگی کیسز پر قابو پالیں گے: یاسمین راشد

    اگلے ہفتے تک ڈینگی کیسز پر قابو پالیں گے: یاسمین راشد

    لاہور: صوبہ پنجاب کی وزیر ڈاکٹر صحت یاسمین راشد کا کہنا ہے کہ صوبے میں ڈینگی کیسز بڑھے ہیں امید ہے اگلے ہفتے تک قابو پالیں گے، اسپتالوں میں جگہ موجود ہے روزانہ رپورٹ لیتے ہیں۔

    تفصیلات کے مطابق صوبائی وزیر صحت یاسمین راشد کا کہنا ہے کہ پنجاب باقی صوبوں کے مقابلے میں سب سے آگے ہے، سال کے آخر تک کوشش کریں گے ویکسین کی دونوں ڈوزز لگادی جائیں۔

    یاسمین راشد کا کہنا تھا کہ خدا کرے اسی طرح حالات رہیں کیونکہ لاک ڈاؤن سے نقصان ہوتا ہے۔

    انہوں نے کہا کہ ڈینگی کیسز بڑھے ہیں امید ہے اگلے ہفتے تک قابو پالیں گے، اسپتالوں میں جگہ موجود ہے روزانہ رپورٹ لیتے ہیں۔ تھیلیسیمیا کے پنجاب میں اس وقت 27 ہزار رجسٹرڈ مریض ہیں۔ ہر اسپتال میں 10 بیڈز تھیلیسیمیا مریضوں کے لیے مختص کر رہے ہیں۔

    یاسمین راشد کا کہنا تھا کہ 31 دسمبر کے بعد ہیلتھ کارڈ سب کو مل جائیں گے، کوئی کارڈ ایکسپائر نہیں ہوگا ہیلتھ کارڈ آئی ڈی کارڈ سے منسلک ہوگا، ہمارا کنٹریکٹ 15 تاریخ تک مکمل سائن ہوجائے گا۔ جس دن کنٹریکٹ ہوگا 6 ہفتے بعد کارڈ دینے کا سلسلہ شروع ہوگا۔

  • اسلام آباد میں ڈینگی کیسز میں اضافہ جاری

    اسلام آباد میں ڈینگی کیسز میں اضافہ جاری

    اسلام آباد: وفاقی دارالحکومت اسلام آباد میں ڈینگی کیسز میں اضافہ جاری ہے، رواں سیزن میں اب تک اسلام آباد میں 4 ہزار 71 ڈینگی کیسز سامنے آچکے ہیں۔

    تفصیلات کے مطابق وفاقی دارالحکومت اسلام آباد میں ڈینگی کیسز میں اضافہ جاری ہے، ایک روز میں مزید 86 ڈینگی کیس سامنے آگئے۔

    محکمہ صحت کے مطابق گزشتہ 24 گھنٹے میں رورل ایریا سے 41 اور اربن ایریا سے 45 ڈینگی کیسز رپورٹ ہوئے ہیں۔ رواں سیزن میں اب تک اسلام آباد میں 4 ہزار 71 ڈینگی کیسز سامنے آچکے ہیں۔

    دوسری جانب صوبہ پنجاب میں بھی ڈینگی کیسز کا پھیلاؤ جاری ہے۔ گزشتہ روز ایک دن میں ڈینگی کے باعث 6 افراد انتقال کرگئے جبکہ 526 کیسز سامنے آئے۔

    سیکریٹری ہیلتھ کے مطابق پنجاب میں اب تک ڈینگی کیسز کی تعداد 16 ہزار 960 ہو چکی ہے جبکہ ڈینگی بخار کے باعث 59 افراد جان کی بازی ہار چکے ہیں۔

  • ڈینگی سے بچاؤ کے لیے کوشش ہے تمام اسکولوں میں اسپرے کیا جائے: ڈاکٹر یاسمین راشد

    ڈینگی سے بچاؤ کے لیے کوشش ہے تمام اسکولوں میں اسپرے کیا جائے: ڈاکٹر یاسمین راشد

    لاہور: صوبائی وزیر صحت ڈاکٹر یاسمین راشد کا کہنا ہے کہ محکمہ صحت تین محاذوں پر لڑ رہا ہے، کرونا وائرس کے خلاف جنگ کو ساری دنیا نے سراہا ہے۔ ڈینگی پر بھی جلد قابو پالیں گے۔

    تفصیلات کے مطابق صوبہ پنجاب کی وزیر صحت ڈاکٹر یاسمین راشد کا کہنا ہے کہ گزشتہ 4 دنوں میں 25 لاکھ لوگوں کو ویکسین مل چکی ہے، تمام طلبہ ویکسین لگائیں تاکہ اسکول بند نہ کرنے پڑیں۔

    صوبائی وزیر کا کہنا تھا کہ کرونا وائرس کی ایک نئی لہر دیگر ممالک میں شروع ہوگئی ہے، چاہتے ہیں زیادہ سے زیادہ لوگ ویکسین لگوائیں تاکہ کاروبار بند نہ کرنا پڑے۔ ویکسین لگانے کا مطلب یہ نہیں کہ کرونا وائرس نہیں ہوگا مگر اس کی شدت کم ہوجاتی ہے۔

    انہوں نے کہا کہ ماسک اب بھی ضروری ہے، ہاتھوں کو دھونا اور سماجی فاصلے کا خیال اب بھی رکھنا چاہیئے۔ ڈینگی بہت بڑا چیلنج ہے جنوری سے اس پر کام جاری تھا، کوشش ہے کہ تمام اسکولوں میں اسپرے کیا جائے۔

    صوبائی وزیر کا مزید کہنا تھا کہ اس وقت محکمہ صحت تین محاذوں پر لڑ رہا ہے، کرونا وائرس کے خلاف جنگ کو ساری دنیا نے سراہا ہے۔ ڈینگی پر بھی جلد قابو پالیں گے۔

  • پنجاب میں ڈینگی وائرس کا پھیلاؤ جاری

    پنجاب میں ڈینگی وائرس کا پھیلاؤ جاری

    لاہور: صوبہ پنجاب میں ڈینگی وائرس کا پھیلاؤ جاری ہے، گزشتہ روز صوبے بھر میں 500 سے زائد ڈینگی کیسز رپورٹ کیے گئے۔

    تفصیلات کے مطابق سیکریٹری صحت پنجاب کا کہنا ہے کہ گزشتہ 24 گھنٹوں کے دوران پنجاب میں ڈینگی کے 546 مریض رپورٹ ہوئے، گزشتہ روز صرف لاہور میں ڈینگی کے 361 کیسز رپورٹ ہوئے۔

    سیکریٹری صحت کا کہنا ہے کہ رواں سال پنجاب سے ڈینگی کے کیسز کی تعداد 9 ہزار 491 ہوچکی ہے، صوبے میں اب تک ڈینگی سے 29 فراد جان کی بازی ہار چکے ہیں۔

    انہوں نے مزید بتایا کہ پنجاب کے اسپتالوں میں ڈینگی کے 2 ہزار 286 مریض داخل ہیں۔

  • محکمہ صحت سندھ کا ڈینگی سے متعلق ڈیٹا مشکوک ہوگیا

    محکمہ صحت سندھ کا ڈینگی سے متعلق ڈیٹا مشکوک ہوگیا

    کراچی: صوبائی محکمہ صحت کے مطابق سندھ میں 970 ڈینگی کیسز رپورٹ ہوئے تاہم کراچی کے صرف ایک اسپتال میں 800 سے زائد ڈینگی کیسز رپورٹ کیے گئے جس کے بعد محکمہ صحت کا ڈیٹا مشکوک ہوگیا۔

    تفصیلات کے مطابق محکمہ صحت سندھ کا ڈینگی سے متعلق ڈیٹا مشکوک ہوگیا، محکمہ صحت نے سندھ بھر میں اب تک 970 ڈینگی کیسز کی تصدیق کی جبکہ کراچی کے علاقے گلشن اقبال کے صرف ایک نجی اسپتال میں اب تک 886 کیسز رپورٹ ہو چکے ہیں۔

    نجی اسپتال میں جنوری سے اکتوبر تک 800 سے زائد ڈینگی کیسز رپورٹ کیے گئے۔

    اس وقت سندھ سمیت ملک بھر میں ڈینگی کیسز میں بے تحاشہ اضافہ ہوگیا ہے۔ وفاقی دارالحکومت اسلام آباد میں ڈینگی کے ریکارڈ کیسز رپورٹ کیے گئے۔

    رواں سیزن اسلام آباد میں 26 سو 3 ڈینگی کیسز سامنے آچکے ہیں جن میں سے 15 سو 89 کیسز رورل ایریا اور 1 ہزار 14 کیسز اربن علاقوں میں رپورٹ ہوئے۔ رواں سیزن میں ڈینگی سے 10 اموات بھی ہوچکی ہیں۔

  • اسلام آباد میں ڈینگی کیسز میں بے تحاشہ اضافہ

    اسلام آباد میں ڈینگی کیسز میں بے تحاشہ اضافہ

    اسلام آباد: وفاقی دارالحکومت اسلام آباد میں ڈینگی کیسز میں بے تحاشہ اضافہ جاری ہے، گزشتہ روز شہر میں 100 سے زائد ڈینگی کیسز رپورٹ ہوئے۔

    تفصیلات کے مطابق وفاقی دارالحکومت اسلام آباد میں ڈینگی کیسز میں تیزی سے اضافہ ہورہا ہے، 24 گھنٹے کے دوران اسلام آباد میں 141 ڈینگی کیسز رپورٹ ہوئے۔

    ذرائع کا کہنا ہے کہ رورل ایریا سے 61 اور اربن ایریا سے 80 ڈینگی کیسز رپورٹ ہوئے۔

    ذرائع کے مطابق رواں سیزن میں اب تک 2 ہزار 89 ڈینگی کیسز سامنے آچکے ہیں، ان میں سے رورل ایریا میں 13 سو 10 اور اربن سے 779 ڈینگی کیسز رپورٹ ہوئے۔

    اسلام آباد میں رواں سیزن میں ڈینگی سے اب تک 6 مریض انتقال کر چکے ہیں۔

  • پنجاب میں ڈینگی کے ریکارڈ کیسز

    پنجاب میں ڈینگی کے ریکارڈ کیسز

    لاہور: صوبہ پنجاب میں ڈینگی وائرس کے ریکارڈ کیسز رپورٹ کیے گئے ہیں، گزشتہ روز صوبے بھر میں 500 سے زائد کیسز رپورٹ کیے گئے۔

    تفصیلات کے مطابق گزشتہ 24 گھنٹوں کے دوران پنجاب میں ڈینگی کیسز کی تعداد میں ریکارڈ اضافہ ہوگیا، صوبائی سیکریٹری صحت عمران سکندر بلوچ کا کہنا ہے کہ گزشتہ روز صوبے بھر سے ڈینگی کے 508 کیسز رپورٹ کیے گئے۔

    سیکریٹری کا کہنا ہے کہ لاہور سے ڈینگی کے 373 مریض رپورٹ ہوئے، راولپنڈی سے 59، فیصل آباد سے 10 جبکہ ننکانہ صاحب سے 8 کیسز رپورٹ کیے گئے، پنجاب میں ڈینگی کے 1 ہزار 490 مریض زیر علاج ہیں۔

    انہوں نے مزید بتایا کہ رواں سال اب تک ڈینگی کے 5 ہزار 709 کیسز سامنے آچکے ہیں، رواں سال اب تک ڈینگی سے 18 اموات ہو چکی ہیں۔