گلاسگو: ڈیوس کپ ٹینس کے ابتدائی روز آسٹریلیا اور برطانیہ کا مقابلہ ایک ایک سے برابر رہا۔
گلاسگو میں شروع ہونے والے ڈیوس کپ کے پہلے میچ میں برطانیہ کے اینڈی مرے نے آسٹریلوی کھلاڑی کو زیر کرتے ہوئے برتری حاصل کی، مرے نے حریف کھلاڑی کو باآسانی چھ تین، چھ صفر اور چھ تین سے قابو کیا۔
دوسرے سنگلز میں آسٹریلیا کے برنارڈ ٹومچ نے حساب برابر کردیا، ٹومچ نے برطانوی کھلاڑی کے خلاف چار سیٹ کے مقابلے کے بعد کامیابی حاصل کی۔
ادھر برسلز میں بیلجئم اور ارجنٹینا کے درمیان ڈیوس کپ کا مقابلہ ایک ایک سےبرابر رہا۔
