ARYNews.tv | Urdu – Har Lamha Bakhabar

Tag: ڈیوڈ وارنر

  • ڈی آر ایس پر آؤٹ، وارنر کی چیختے ہوئے جانے کی ویڈیو وائرل

    ڈی آر ایس پر آؤٹ، وارنر کی چیختے ہوئے جانے کی ویڈیو وائرل

    ڈیوڈ وارنر اس وقت میدان میں غصے میں آگئے جب ان کی جانب سے چیلنج کیا گیا فیلڈ امپائر کو فیصلہ ڈی آر ایس نے درست ثابت کردیا۔

    آئی سی سی کرکٹ ورلڈکپ میں آسٹریلیا اور سری لنکا کے درمیان میچ جاری تھا، ہدف کے تعاقب میں اوپنر ڈیوڈ وارنر 11 رنز پر کھیل رہے تھے کہ وہ مخالف بولر مدوشانکا کی گیند پر ایل بی ڈبلیو ہوگئے۔

    کینگرو بیٹر نے امپائر کے فیصلے کو فوری طور پر چیلنج کیا مگر ڈی آر ایس میں گیند وکٹ کو لگتی دکھائی دی جبکہ وارنر کو یقین تھا کہ گیند لیگ اسٹمپ کی طرف جارہی ہے۔

     

    View this post on Instagram

     

    A post shared by ICC (@icc)

    آسٹریلوی بیٹر نے جیسے ہی ڈی آر ایس اور ہاک آئی کے ذریعے آنے والا فیصلہ اپنے خلاف دیکھا تو وہ چیخنے لگے اور انھوں نے اپنا بلا زور سے پیڈ پر بھی مارا اس کے بعد وہ گراؤنڈ سے چلے گئے۔

    واضح رہے کہ اس سے قبل جنوبی افریقہ کے خلاف میچ میں اسٹیون اسمتھ کو بھی متنازع طور پر ڈی آر ایس کے تحت آؤٹ قرار دیا گیا تھا جو آسٹریلوی بیٹر کے لیے بہت حیران کن تھا۔

    اب ورلڈکپ کے موجودہ ایونٹ میں کسی آسٹریلوی بیٹر کے ساتھ دوسری بار ایسا ہوا ہے کہ وہ متنازع طور پر ڈی آر ایس کا شکار بنا ہے۔

  • وارنر نے بھارتی لیجنڈ سچن ٹنڈولکر کو اہم ریکارڈ سے محروم کردیا

    وارنر نے بھارتی لیجنڈ سچن ٹنڈولکر کو اہم ریکارڈ سے محروم کردیا

    ڈیوڈ وارنر نے بھارتی لیجنڈ سچن ٹنڈولکر کار ریکارڈ توڑتے ہوئے ورلڈ کپ میں تیز ترین 1000 رنز بنانے کا اعزاز حاصل کرلیا۔

    کینگرو اوپنر نے سابق بھارتی بیٹر سچن ٹنڈولکر اور پروٹیز گریٹ اے بی ڈی ویلیئرز کا ریکارڈ توڑا ہے۔ چنئی میں آئی سی سی ورلڈ کپ 2023 کے اپنے پہلے میچ میں آسٹریلوی اوپنر عالمی کپ کی تاریخ میں تیز ترین 1000 رنز بنانے والے بیٹر بن گئے۔

    وارنر نے محض 19 اننگز میں اس سنگ میل کو عبور کیا ہے۔ بھارتی لیجنڈ بلے باز سچن ٹنڈولکر اور جنوبی افریقہ کے اے بی ڈی ویلیئرز نے 1000 رنز بنانے کے لیے 20 اننگز میں بلے بازی کی تھی۔

    سابق لیجنڈ بیٹڑز کو پیچھے چھوڑنے والے ڈیوڈ وارنر نے اپنے ورلڈ کپ کیریئر کی 19 اننگز میں 60.76 کی اوسط سے تین نصف سنچریوں اور چار نصف سنچریوں کے ساتھ مجموعی طور پر 1033 رنز بنائے ہیں۔

    مایہ ناز وکٹ کیپر بیٹر ایڈم گلکرسٹ اور سابق کپتان رکی پونٹنگ کے بعد وہ یہ اعزاز حاصل کرنے والے تیسرے آسٹریلوی بیٹربنے ہیں۔

    ورلڈ کپ کیریئر کے 31 میچوں میں گلکرسٹ نے 36.16 کی اوسط سے آٹھ نصف سنچریوں اور ایک سنچری کی مدد سے 1085 رنز بنائے تھے، رکی پونٹنگ نے 46 میچوں میں 45.86 کی اوسط سے چھ نصف سنچریوں اور پانچ سنچریوں کی مدد سے 1743 رنز بنارکھے ہیں۔

    واضح رہے کہ پچھلے عالمی کپ میں ڈیوڈ وارنر 10 میچوں میں 647 رنز اسکور کرتے ہوئے دوسرے ٹاپ اسکورر کا اعزاز اپنے نام کیا تھا۔

  • وارنر کے سیدھے ہاتھ سے بیٹنگ کرنے پر پیٹ کمنز ہنس ہنس کر لوٹ پوٹ

    وارنر کے سیدھے ہاتھ سے بیٹنگ کرنے پر پیٹ کمنز ہنس ہنس کر لوٹ پوٹ

    آسٹریلین اوپنر ڈیوڈ وارنر کی سیدھے ہاتھ سے بیٹنگ کرنے پر پیٹ کمنز اور ڈریسنگ روم میں بیٹھے ساتھی کھلاڑی ہنس ہنس کر لوٹ پوٹ ہوگئے۔

    بھارت اور آسٹریلیا کے درمیان اندور میں کھیلے جانے والے دوسرے ون ڈے میچ کینگرو بیٹر ڈیوڈ وارنر نے روی چندرن ایشون کے خلاف بیٹنگ کے دوران الگ ہی تجربہ کیا اور سیدھے ہاتھ سے بیٹنگ کرتے دکھائی دیے۔

    آف اسپنر کی ہر گیند مسلسل ٹرن ہورہی تھی اور وارنر اسے کھیل نہیں پارہے تھے، گیند زیادہ ٹرن ہونے کے باعث ان کے بیٹ سے دور جارہی تھی، بیٹر نے اس کا حل یہ نکالا کہ دائیں ہاتھ کا بیٹر بننے کا فیصلہ کیا جس پر پیٹ کمنز اور پویلین میں بیٹھے دیگر کھلاڑی بھی ہنسنے لگے۔

    بھارت کی جانب سے دیے جانے والے 400 رنز کے ہدف کے تعاقب میں ایک موقع پر آسٹریلیا کو 11 رنز فی اوور سے زیادہ کی ضرورت تھی اور رنز نہ بننے پر آسٹریلوی بیٹر دباؤ کا شکار تھے۔

    ہدف کے تعاقب کے دوران 13ویں اوور میں، وارنر نے مضحکہ خیز انداز بنایا اور سیدھے ہاتھ کے بیٹر بن گئے۔ اس کے بعد انھوں نے ایشون کی پہلی گیند پر سوئپ شاٹ لگا کر چوکا بھی لگایا۔

    تاہم آف اسپنر نے اپنے اگلے اوور میں آسٹریلوی اوپنر کو ایل بی ڈبلیو آؤٹ کردیا۔ دلچسپ بات یہ ہے کہ گیند کے پیڈ کو چھونے سے پہلے بلے کا اندرونی کنارہ لگا تھا لیکن وارنر ڈی آر ایس لیے بغیر ہی پویلین لوٹ گئے۔

    واضح رہے کہ بھارت نے پہلی اننگز میں 5 وکٹوں کے نقصان پر 399 رنز کا بڑا مجموعہ تشکیل دیا تھا۔ تاہم دوسری اننگز میں بارش کی وجہ سے میچ کو 33 اوورز تک محدود کر دیا گیا۔

    ڈی ایل ایس کے طریقہ کار کے مطابق آسٹریلیا کو 317 رنز کا نظرثانی شدہ ہدف دیا جس کے تعاقب میں آسٹریلوی ٹیم 217 رنز پر ڈھیر ہوگئی۔

  • ڈیوڈ وارنر کو ریٹائرمنٹ سے قبل ہی ’آفر‘ مل گئی

    آسٹریلوی ٹیم کے جارح مزاج بیٹر ڈیوڈ وارنر کو ریٹائرمنٹ سے پہلے ہی نئی نوکری مل گئی ہے۔

    غیرملکی خبررساں ادارے کی رپورٹ کے مطابق آسٹریلوی کرکٹ کے رائٹس خریدنے والے چینل نے جارح مزاج بیٹر ڈیوڈ وارنر کو کمنٹری پینل میں شامل کرلیا ہے، وہ کمنٹری پینل میں آنجہانی کرکٹر اینڈریو سائمنڈز اور شین وارن کی جگہ پُر کریں گے۔

    چینل انتظامیہ کا بتانا ہے کہ وارنر ریٹائرمنٹ کے بعد جب تک چاہیں کمنٹری کے فرائض انجام دے سکتے ہیں۔

    واضح رہے کہ وارنر گزشتہ کئی ماہ سے ٹیسٹ کرکٹ میں آؤٹ آف فارم تھے لیکن جنوبی افریقہ کے خلاف دوسرے ٹیسٹ میں انہوں نے شاندار ڈبل سنچری اسکور کی۔

    جنوبی افریقہ کے خلاف وارنر نے ڈبل سنچری اسکور کرکے اپنے 100ویں ٹیسٹ کو بھی یادگار بنایا۔

    گزشتہ دنوں ڈیوڈ وارنر نے منیجر جیمز ارسکائین کا کہنا تھا کہ ’اوپنر بیٹر کا ٹیسٹ کرکٹ سے ریٹائرمنٹ کا کوئی ارادہ نہیں ہے۔‘

    جارح مزاج بیٹر اس سے قبل بھی کمنٹری کے فرائض انجام دے چکے ہیں جبکہ وہ بھارتی فلموں کے گانوں پر بھی اکثر مزاحیہ ویڈیوز بنا کر شیئر کرتے رہتے ہیں۔

  • ڈیوڈ وارنر نے 100ویں ٹیسٹ میں نیا ریکارڈ قائم کردیا

    آسٹریلوی کرکٹ ٹیم کے اوپنر ڈیوڈ وارنر نے باکسنگ ڈے ٹیسٹ میں جنوبی افریقا کے خلاف دو اہم اعزازات اپنے نام کرلیے۔

    میلبرن کرکٹ گراؤنڈ میں ڈیوڈ وارنر اپنے 100ویں ٹیسٹ میں سنچری بنانے والے ٹیسٹ کی تاریخ کے 10 ویں بیٹر  اور ڈبل سنچری  اسکور کرنے والے دوسرے کھلاڑی بن گئے۔

    وارنر 100 ویں ٹیسٹ میچ میں 200 رنز بنانے والے دنیا کے دوسرے بیٹر ہیں، اس کے علاوہ وہ آسٹریلیا کے پہلے بیٹر ہیں جنہوں نے یہ اعزاز اپنے نام کیا۔

    اس کے علاوہ ڈیوڈ وارنر اپنی اننگز کے دوران 8000 ٹیسٹ رنز بنانے والے آٹھویں آسٹریلوی کھلاڑی بن گئے۔

    اس سے قبل انگلینڈ کے جو روٹ نے گزشتہ برس بھارت کے خلاف ڈبل سنچری اسکور کی تھی۔

    اس سے قبل یہ اعزاز پاکستان کے جاوید میانداد اور انضمام الحق بھی حاصل کرچکے ہیں، اس فہرست میں کولن کاؤڈرے، گورڈن گرینچ، ایلک اسٹیورٹ، جنوبی افریقا کے گریم اسمتھ، ہاشم آملہ اور رکی پونٹنگ بھی شامل ہیں۔

  • ڈیوڈ وارنر کے ریٹائر ہونے سے متعلق منیجر کا اہم بیان

    ڈیوڈ وارنر کے ریٹائر ہونے سے متعلق منیجر کا اہم بیان

    آسٹریلیا کے بلے باز ڈیوڈ وارنر کے ریٹائر ہونے سے متعلق ان کے منیجر نے اہم  بیان دیا ہے۔

    ٹیسٹ کرکٹر کے منیجر جیمز ارسکائین نے بتایا کہ ڈیوڈ وارنر کے ریٹائر ہونے کا ابھی کوئی ارادہ نہیں ہے ،آسٹریلوی سلیکٹرز کو ڈیوڈ وارنر کے حوالے سے فیصلہ کرنے سے قبل ان کے اعدادوشمار دیکھنا ہوں گے۔

    کے منیجر جیمز  کا کہنا تھا کہ آئندہ برس بھارت اور انگلینڈ کے ہیوی ڈیوٹی ٹورز ڈیوڈ وارنر کے ایجنڈے میں شامل ہیں،اگلا ٹیسٹ ڈیوڈ وارنر کا آخری ٹیسٹ نہیں ہے۔

    جیمز ارسکائین نے کہا کہ اگر وارنر واقعی ریٹائرمنٹ لے رہے ہیں تو  یہ میرے لیے بھی خبر ہے،کرکٹر کی ایک فیملی ہے، کئی اور سرگرمیاں بھی ہیں لیکن اس وقت ریٹائرمنٹ زیر غور نہیں ہے، اس وقت ڈیوڈ وارنر کا پلان یہی ہے کہ انہوں نے انڈیا اور انگلینڈ میں کھیلنا ہے۔

    واضح رہے کہ ڈیوڈ وارنر کی حالیہ پرفامنس کی وجہ سے انہیں تنقید کا سامنا ہے، ویسٹ انڈیز اور جنوبی افریقا کے خلاف ٹیسٹ میچز میں ڈیوڈ وارنر ناکام رہے جس کے بعد یہ موضوع زیر بحث ہے کہ آیا اب ڈیوڈ وارنر کو آئندہ منتخب کیا جائے گا یا نہیں۔

  • ڈیوڈ وارنر کی ’پشپا‘ کے گانوں پر تھرکتی ویڈیو وائرل

    ڈیوڈ وارنر کی ’پشپا‘ کے گانوں پر تھرکتی ویڈیو وائرل

    آسٹریلوی کرکٹر ڈیوڈ وارنر نے ایک بار پھر تیلگو زبان میں بننے والی بھارتی فلم کے کردار پشپا کا روپ دھار لیا جس کی ویڈیو سوشل میڈیا پر وائرل ہوگئی۔

    وارنر نے حال ہی میں سماجی رابطے کی ویب سائٹ انسٹاگرام پر ایک ویڈیو پوسٹ کی جس میں ری فیس کے ذریعے وہ پشپا کا روپ دھارے ہوئے ہیں، ویڈیو پشپا فلم کے مناظر اور موسیقی پر مبنی ہے۔

    ویڈیو میں وہ الو ارجن کے ڈانس مووز کرتے دکھائی دے رہے ہیں۔

     

    View this post on Instagram

     

    A post shared by David Warner (@davidwarner31)

    ان کی اس ویڈیو کو ان کے مداح بے حد پسند کر رہے ہیں۔

    وہ اس سے پہلے بھی اکثر بالی ووڈ فلموں کے مناظر پر اسی نوعیت کی ویڈیوز بنا کر شیئر کرتے رہے ہیں تاہم اب لگتا ہے کہ تیلگو فلم پشپا انہیں کچھ زیادہ ہی پسند آگئی ہے۔

     

    View this post on Instagram

     

    A post shared by David Warner (@davidwarner31)

     

    View this post on Instagram

     

    A post shared by David Warner (@davidwarner31)

    وہ اس سے قبل اپنی بیٹیوں کی بھی ایک ویڈیو شیئر کرچکے ہیں جس میں ان کی تینوں بیٹیاں پشپا کے ایک گانے پر رقص کرتی دکھائی دے رہی ہیں۔

     

    View this post on Instagram

     

    A post shared by David Warner (@davidwarner31)

  • ڈیوڈ وارنر کی مزاحیہ ویڈیو پر کوہلی کا ’تڑکا‘‏

    ڈیوڈ وارنر کی مزاحیہ ویڈیو پر کوہلی کا ’تڑکا‘‏

    آسٹریلوی کرکٹر ڈیوڈ وارنر کی مزاحیہ ویڈیو سوشل میڈیا پر وائرل ہوگئی، ایڈٹ کی ہوئی ویڈیو میں کرکٹر تیلگو گانے پر تھرکتے دکھائی دے رہے ہیں۔

    پچھلے سال لاک ڈاؤن کے دوران وارنر نے ٹک ٹاک ویڈیوز بنانے کا اعلان کیا تھا، اس کے بعد سے وہ اپنی اہلیہ اور بیٹی کے ہمراہ کبھی بالی ووڈ اور تیلگو گانوں پر ہونٹ ہلاتے دکھائی دیتے ہیں تو کبھی باہو بلی کے کاسٹیوم میں دکھائی دیتے ہیں۔

    اب حال ہی میں انہوں نے ایک اور مزاحیہ ویڈیو پوسٹ کی ہے۔

    یہ ویڈیو ایڈٹ شدہ ہے اور اس میں وارنر تیلگو گانے پر پرفارم کرتے دکھائی دے رہے ہیں۔

     

    View this post on Instagram

     

    A post shared by David Warner (@davidwarner31)

    گانا اصل میں تیلگو اداکار الو ارجن پر فلمایا گیا ہے، ارجن نے بھی اس ویڈیو پہ کمنٹ کرتے ہوئے ہنسنے والے ایموجیز بنائے۔

    بھارتی کرکٹ ٹیم کے کپتان ویراٹ کوہلی نے بھی کمنٹ کر کے وارنر سے دریافت کیا کہ دوست کیا تم ٹھیک ہو؟

    وارنر کی اس ویڈیو کو ان کے بھارتی مداحوں کی جانب سے بے حد پسند کیا جارہا ہے اور اس پر مختلف تبصروں کا سلسلہ جاری ہے۔

  • آئی سی سی نے نومبر کے بہترین کھلاڑیوں کا اعلان کر دیا

    آئی سی سی نے نومبر کے بہترین کھلاڑیوں کا اعلان کر دیا

    انٹرنیشنل کرکٹ کونسل (آئی سی سی) نے نومبر کے مہینے کے بہترین کھلاڑیوں کا اعلان کر دیا۔

    تفصیلات کے مطابق آسٹریلیا کے بیٹسمین ڈیوڈ وارنر کو نومبر کا بہترین کھلاڑی قرار دے دیا گیا ہے، جب کہ ویسٹ انڈیز کی ہیلی میتھیوز بہترین خاتون کرکٹر قرار پائی ہیں۔

    ڈیوڈ وارنر کو ٹی 20 ورلڈ کپ کے فائنل اور سیمی فائنل میں عمدہ اور میچ وننگ کارکردگی پر یہ ایوارڈ دیا گیا۔ وارنر نے پاکستانی اوپنر عابد علی اور نیوزی لینڈ کے فاسٹ بولر ٹم ساؤتھی کو پیچھے چھوڑ کر ایوارڈ حاصل کیا ہے۔

    شان دار کارکردگی کی ایک سیریز کے بعد ڈیوڈ وارنر ورلڈ کپ میں پلیئر آف دی ٹورنامنٹ قرار پائے تھے، جس کی وجہ سے آسٹریلیا کو ٹائٹل جیتنے میں مدد ملی۔

    مجموعی طور پر وارنر نے 7 میچز میں 48.16 کی اوسط اور 146.70 کے اسٹرائیک ریٹ سے 289 رنز بنائے۔ جب کہ ان میں سے چار میچز ایوارڈ کے لیے زیر غور مدت کے درمیان کھیلے گئے، جس کے دوران انھوں نے 151.44 کے شان دار اسٹرائیک ریٹ سے 209 رنز بنائے۔

    انھوں نے نیوزی لینڈ کے خلاف فائنل میں نصف سنچری بنائی، پاکستان کے خلاف سیمی فائنل میں اہم ترین 49 رنز بنائے، اور ویسٹ انڈیز کے خلاف سپر 12 کے مقابلے میں ناقابل شکست 89 رنز بنائے اور پلیئر آف دی میچ قرار پائے۔

  • وارنر کے چھکے پر ہربھجن سنگھ بھی بول پڑے

    وارنر کے چھکے پر ہربھجن سنگھ بھی بول پڑے

    ٹی 20 ورلڈ کپ کے سیمی فائنل میں پاکستان کے خلاف آسٹریلوی کرکٹر ڈیوڈ وارنر کے حفیظ کی گیند پر چھکا مارنے پر ہربھجن سنگھ کا ردعمل آگیا۔

    بھارتی میڈیا رپورٹ کے مطابق سابق بھارتی اسپنر ہربھجن سنگھ نے اپنے یوٹیوب چینل پر ڈیوڈ وارنر کی شاٹ پر تبصرہ کرتے ہوئے کہا کہ ’وارنر کی شاٹ کھیل کے اصولوں کے مطابق تھی لیکن میں نے محسوس کیا کہ وارنر کو اس بال کو کھیلنا نہیں چاہیے تھا۔‘

    ہربھجن سنگھ کا کہنا تھا کہ آسٹریلوی اوپنر کے اس عمل نے اچھا پیغام نہیں دیا۔

    انہوں نے کہا کہ وارنر کا چھکا قوانین کے مطابق تھا لیکن اس کے باوجود بھی انہیں گیند کو نظر انداز کرنا چاہیے تھا کیونکہ اس سے اچھا پیغام نہیں جاتا۔

    مزید پڑھیں: گوتم گمبھیر ڈیوڈ وارنر پر برس پڑے

    سابق بھارتی اسپنر نے کہا کہ ’ہمیں بھی ماضی میں ایسا موقع ملا ہے لیکن ہم نے ایسا نہیں کیا جو وارنر نے کیا۔‘

    واضح رہے کہ دو روز قبل کھیلے جانے والے سیمی فائنل کے دوران اوور کرواتے ہوئے حفیظ کے ہاتھ سے گیند پھسل گئی تھی جسے امپائر نے ’نو بال‘قرار دیا تھا، امپائر کی جانب سے ’نو بال‘ قرار دینے کے باوجود بھی ڈیوڈ وارنر نے گیند پر چھکا لگادیا تھا۔