ہمبرگ: اسپین کے رافیل نڈال نے ہمبرگ ٹینس ٹورنامنٹ کے دوسرے راؤنڈ کے لئے کوالیفائی کرلیا۔
ومبلڈن کے دوسرے راؤنڈ میں اپ سیٹ شکست کے بعد اسپین کے اسٹار کھلاڑی رافیل نڈال نے ہمبرگ میں ایونٹ کا فاتحانہ آغاز کردیا۔
کلے کورٹ میں مہارت رکھنے والے نڈال نے پہلے راؤنڈ کے میچ میں ہم وطن فرننڈو ورڈاسکور کو تین سیٹ کے مقابلے کے بعد شکست دے دی۔
ورڈاسکو نے پہلا سیٹ تین چھ سے جیت کر برتری حاصل کی، جس کے بعد نڈال نے بھرپور کم بیک کیا اور دونوں سیٹ چھ ایک اور چھ ایک سے جیت کر اگلے راؤنڈ میں جگہ بنالی۔
آسٹریا :ٹاپ سیڈ اسپین کے ڈیوڈ فیرر اور برطانیہ کے اینڈی مرے نے ویانا اوپن ٹینس ٹورنامنٹ کے سیمی فائنل کے لئے کوالیفائی کرلیا۔ آسٹریا میں جاری ٹورنامنٹ کے پہلے کوارٹرفائنل میں ٹاپ سیڈ اسپین کے ڈیوڈ فیرر نے کروشیا کے ایو کارلووچ کو اسٹریٹ سیٹس میں شکست دیتے ہوئے آخری چار کھلاڑیوں میں جگہ بنائی۔
کروشین کھلاڑی نے پہلے سیٹ میں کچھ مزاحمت کی لیکن دوسرے دوسرے سیٹ میں وہ ہمت ہار گئے۔ فیرر کی فتح کا اسکور سات چھ اور چھ چار رہا۔ دوسرے کوارٹرفائنل میں برطانیہ کے اینڈی مرے نے جرمنی کے جین لینارڈ کو زیر کیا۔ برطانوی کھلاڑی نے چھ دو اور سات پانچ سے میچ اپنے نام کیا۔
ویانا: ٹاپ سیڈ اسپین کے ڈیوڈ فیرر اوربرطانیہ کے اینڈی مرے نے ویانا اوپن ٹینس ٹورنامنٹ کے تیسرے راؤنڈ کے لئے کوالیفائی کرلیا۔ویانا میں ٹورنامنٹ کے دوسرے راؤنڈ کے میچ میں ٹاپ سیڈ اسپین کے ڈیوڈ فیرر نے جرمنی کے ٹوبیاس کی مکے کو اسٹریٹ سیٹس میں شکست دیتے ہوئے اگلے مرحلے تک رسائی حاصل کی۔
فیرر کی فتح کا اسکور سات پانچ اور چھ ایک رہا۔ ایک اور میچ میں سیکنڈ سیڈ برطانیہ کے اینڈی مرے نے کینیڈا کے ویسک پوسپیسل کے خلاف میدان مارا۔ مرے نے ابتدا سے ہی حریف کھلاڑی کو قابو میں رکھا اور باآسانی چھ چار اور چھ چار سے فتح حاصل کرلی۔
ہمبرگ :اسپین کے ڈیوڈ فیرر اور جرمنی کے فلپ کولشرائبر نے ہمبرگ اوپن ٹینس کے سیمی فائنل میں جگہ بنالی۔ ہمبرگ میں جاری ٹینس ایونٹ کے کوارٹر فائنل میں ڈیوڈ فیرر نے ہم وطن پابلو اندوجر کو یک طرفہ مقابلے کے بعد اسٹریٹ سیٹس میں شکست دی۔ پہلے سیٹ میں فیرر نے چھ صفر سے کامیابی حاصل کی۔
دوسرے سیٹ میں بھی فیرر کو حریف کھلاڑی کی جانب سے زیادہ مزاحمت کا سامنا نہیں کرنا پڑا اور انہوں نے چھ دو سے کامیابی حاصل کرکے سیمی فائنل میں جگہ بنالی۔ سیمی فائنل میں فیرر کا مقابلہ میزبان کھلاڑی الیکزینڈر زیور سے ہوگا ،
دوسرے میچ میں جرمنی کے فلپ کولشرائبر ے نے چیک ری پبلک کے لوکاس روسول کو دلچسپ مقابلے کے بعد ہرایا۔ جرمن کھلاڑی نے دونوں سیٹ چھ چار کے اسکور سے اپنے نام کیا۔ سیمی فائنل میں کولشرائبر کا مقابلہ ارجنٹینا کے لیندرو مائیر سے ہوگا۔
عالمی نمبر دو سربیا کے نواک یوکووچ نے ابوظہبی میں ہونے والی ورلڈ ٹینس چیمپیئن شپ جیت لی ہے۔ ابوظہبی میں کھیلی گئی ورلڈ ٹینس چیمپیئن شپ کے فائنل میں عالمی نمبر دو سربیائی ٹینس اسٹار نوواک یوکووچ اور اسپین کے ڈیوڈ فیرر کا ٹکراؤ ہوا۔
ایک گھنٹہ دس منٹ تک کھیلے گئے میچ میں نوواک یوکووچ نے اسٹریٹ سیٹس سے کامیابی حاصل کی۔ پہلے سیٹ میں یوکووچ سخت مقابلے کے بعد سات پانچ سے کامیابی ملی۔
دوسرے سیٹ میں ڈیوڈ فیرر نے چار صفر کی سبقت حاصل کرلی تھی لیکن یوکووچ نے کھیل میں کم بیک کرتے ہوئے مقابلہ چھ دو سے جیتا اور ٹائٹل اپنے نام کرلیا۔
