انگلینڈ کے معروف بلے باز ڈیوڈ ملان نے انٹرنیشنل کرکٹ سے ریٹائرمنٹ کا اعلان کر دیا۔
انگلینڈ کے معروف بیٹر ڈیوڈ ملان نے آخری بار 2023ء کے آئی سی سی ورلڈ کپ میں انگلینڈ کی نمائندگی کی تھی۔
اُنہوں نے 22 ٹیسٹ 30 ون ڈے اور 62 ٹی ٹوئنٹی میچز میں انگلینڈ کی نمائندگی کی، معروف بیٹر کیریئر کے دوران ٹی ٹوئنٹی کے نمبر ون بلے باز بھی رہے۔
واضح رہے کہ گزشتہ ہفتے بھارتی کرکٹ ٹیم کے جارح مزاج بلے باز شیکھر دھون نے بھی انٹرنیشنل اور ڈومیسٹک کرکٹ سے ریٹائرمنٹ کا اعلان کر دیا۔
سوشل میڈیا پرریٹائرمنٹ کا اعلان کرتے ہوئے بھارتی بلے باز شیکھر دھون کا کہنا تھا کہ کرکٹ کے اس سفر کو الوداع کہنے پر دل میں ایک سکون ہے کہ اپنے ملک کے لیے بہت کھیلا۔
اُنہوں نے کہا کہ میں خود سے یہ کہتا ہوں کہ اس بات سے دکھی مت ہو کہ ملک کے لیے دوبارہ نہیں کھیلوں گا، میں بی سی سی آئی کا شکر گزار ہوں جنہوں نے موقع دیا۔
’میرے پاس انٹرنیشنل کرکٹ کھیلنے کے لیے اب زیادہ وقت نہیں بچا‘
معروف کرکٹر نے کہا کہ میں اس بات پر خوش ہوں کہ اپنے ملک کے لیے کھیلا ہوں اور یہ میرے لیے سب سے بڑی بات ہے کہ میں نے اپنے ملک کے لئے خدمات انجام دیں۔
