ARYNews.tv | Urdu – Har Lamha Bakhabar

Tag: ڈیوڈ وارنر

  • ڈیوڈ وارنر نے پشاور زلمی کیخلاف جیت کا کریڈٹ کس کو دیا؟

    ڈیوڈ وارنر نے پشاور زلمی کیخلاف جیت کا کریڈٹ کس کو دیا؟

    ایچ بی ایل پاکستان سپر لیگ (پی ایس ایل) 10 کے گزشتہ روز کے میچ میں کراچی کنگز نے پشاور زلمی کو  23 رنز سے ہرا کر پلے آف کے لیے کوالیفائی کرلیا۔

    اپچ بی ایل پی ایس ایل کی فرنچائز کراچی کنگز کے کپتان ڈیوڈ وارنر نے میچ کے بعد گفتگو میں کہا کہ میں دوسری ٹیموں کو بتانا چاہتا ہوں کہ ہم یہاں جیتنے آئے ہیں۔

    کراچی کنگز کےکپتان نے پشاور کیخلاف کامیابی پر کہا کہ ونس کےساتھ یہی پلان بنایا تھا کہ کنڈیشن سمجھ کر بڑی شراکت بنانا ہے، مجھے اور جیمز کو معلوم تھا کہ یہ ایک اچھی وکٹ ہے، اس لیے ہم نے صرف عام کرکٹ شاٹس کھیلے۔

    پی ایس ایل 10: کراچی کنگز نے پشاور زلمی کو ہرا کر پلے آف کے لیے کوالیفائی کرلیا

    انہوں نے کہا کہ جس طرح خوشدل شاہ اور محمد نبی نے فنش کیا یہ حیرت انگیز تھا، میر حمزہ اور حسن علی نے بھی بہت اچھی بالنگ کی، میر حمزہ ہمارے اسٹرائیک باؤلر ہیں، جبکہ حسن کے پاس کھیل سے متعلق جو علم ہے وہ غیر معمولی ہے۔

    واضح رہے کہ پشاور زلمی کے خلاف جیت کے بعد کراچی کنگز نے پلے آف کے لیے کوالیفائی کرلیا ہے جب کہ کوئٹہ گلیڈی ایٹرز پہلے ہی پلے آف کے لیےکوالیفائی کرچکی ہے۔

    اسلام آباد یونائیٹڈ کے 9 میچوں کے بعد 10 پوائنٹ ہیں جب کہ لاہور قلندرز کے 9 میچوں کے بعد 9 پوائنٹ ہیں اور ملتان سلطانز ایونٹ سے باہر ہوچکی ہے۔

  • ڈیوڈ وارنر جیتا جتایا میچ ہارنے پر برہم ہوگئے

    ڈیوڈ وارنر جیتا جتایا میچ ہارنے پر برہم ہوگئے

    پی ایس ایل 10 کے 15ویں میچ کوئٹہ گلیڈی ایٹرز نے کراچی کنگز کو 5 رنز سے شکست دے دی، میچ کے اختتام پر کنگز کے کپتان نے ہارنے کی وجہ بتائی ہے۔

    ایچ بی ایل پی ایس ایل 10 کے 15ویں میچ میں کوئٹہ گلیڈی ایٹرز نے کراچی کنگز کو دلچسپ مقابلے کے بعد 5 رنز سے شکست دے دی تھی۔

    لاہور کے قذافی اسٹیڈیم میں کھیلے گئے میچ میں کراچی کنگز نےکوئٹہ گلیڈی ایٹرز کے خلاف ٹاس جیت کر فیلڈنگ کا فیصلہ کیا تھا۔

    پی ایس ایل 10: کوئٹہ گلیڈی ایٹرز نے کراچی کنگز کو 5 رنز سے شکست دے دی

    کوئٹہ گلیڈی ایٹرز کی ٹیم آخری اوور میں 142 رنز بناکر آؤٹ ہوگئی تھی کوئٹہ کے  143رنز کے ہدف کے جواب میں کراچی کنگز کی ٹیم مقررہ 20 اوورز میں 8وکٹ پر 137رنز بناسکی تھی۔

    تاہم میچ میں شکست کے بعد کراچی کنگز کے کپتان ڈیوڈ وارنر نے گفتگو میں کہا کہ لڑ کر ہاریں تو کوئی مسئلہ نہیں لیکن اپوزیشن کو اس طرح میچ گفٹ کرنا ناقابل قبول ہے۔

    کراچی کنگز کے کپتان ڈیوڈ وارنر جیتا جتایا میچ ہارنے پر برہم ہوگئے انہوں نے کہا کہ گیند بازوں نے شاندار پرفارمنس دی لیکن ٹاپ آرڈر کے آؤٹ ہونے کے بعد بلے بازوں نے بالکل بھی مثبت کرکٹ نہیں کھیلی۔

  • کے ایل راہول نے آئی پی ایل میں ڈیوڈ وارنر کا ریکارڈ توڑ دیا

    کے ایل راہول نے آئی پی ایل میں ڈیوڈ وارنر کا ریکارڈ توڑ دیا

    بھارتی کرکٹ ٹیم کے بلے باز اور آئی پی ایل میں دہلی کیپیٹلز کی نمائندگی کرنے والے کے ایل راہول نے آسٹریلوی بلے باز ڈیوڈ وارنر کا اہم ریکارڈ توڑ دیا۔

    گزشتہ روز آئی پی ایل 2025 کے 40 ویں میچ میں لکھنؤ سپر جائنٹس اور دہلی کیپیٹلز کی ٹیمیں آمنے سامنے تھیں، لکھنؤ سپر جائنٹس کو دہلی کیپیٹلز نے 8 وکٹوں سے ہرا کر 12 پوائنٹس کے ساتھ ٹیبل پر دوسری پوزیشن حاصل کرلی تھی۔

    دہلی کیپیٹلز کی جانب سے 160 رنز کے ہدف کے تعاقب میں کے ایل راہول 57 رنز بناکر ناقابل شکست رہے۔

    دائیں ہاتھ کے بیٹر کے ایل راہول نے اس میچ میں آئی پی ایل کی تاریخ کے تیز ترین 5 ہزار رنز بنانے والے بلے باز کا اعزاز حاصل کرلیا۔ اُنہوں نے 5 ہزار رنز کا یہ سنگِ میل اپنی 130ویں اننگز میں عبور کرلیا۔

    2020 میں آسٹریلوی بیٹر ڈیوڈ وارنر نے آئی پی ایل میں اپنی 135ویں اننگز میں 5 ہزار رنز مکمل کیے تھے۔ وارنر نے یہ کارنامہ سن رائزرز حیدرآباد کی جانب سے کولکتہ نائٹ رائیڈرز کے خلاف ابو ظہبی میں انجام دیا تھا۔

    تیسرے نمبر پر اس فہرست میں سابق بھارتی کپتان ویرات کوہلی ہیں جنہوں نے مارچ 2019 میں ممبئی انڈینز کے خلاف آئی پی ایل میں اپنی 157ویں اننگز میں 5 ہزار رنز مکمل کرلئے تھے۔

    راہول آئی پی ایل میں 5 ہزار رنز بنانے والے آٹھویں کھلاڑی بھی بن گئے ہیں۔

    ان سے پہلے یہ اعزاز ویرات کوہلی، روہت شرما، شیکھر دھون، ڈیوڈ وارنر، سریش رائنا، ایم ایس دھونی اور اے بی ڈی ویلیئرز حاصل کرچکے ہیں۔

    آئی پی ایل میں ٹیم جان بوجھ کر میچ ہاری! میچ فکسنگ کا سنگین الزام لگ گیا

    2025 میں راہول آئی پی ایل کے دوران اپنی بہترین فارم میں نظر آرہے ہیں، وہ 7 میچز میں 64.60 کی اوسط اور 153.80 کے اسٹرائیک ریٹ سے 323 رنز بنا چکے ہیں۔

  • کوہلی نے ایک اور تاریخی ریکارڈ اپنے نام کر لیا

    کوہلی نے ایک اور تاریخی ریکارڈ اپنے نام کر لیا

    بھارتی کرکٹ ٹیم کے سابق کپتان ویرات کوہلی نے ڈیوڈ وارنر کا ریکارڈ توڑ کر آئی پی ایل میں نئی تاریخ رقم کر دی۔

    رائل چیلنجرز بینگلورو (آر سی بی) کے جارح مزاج بلے باز ویرات کوہلی نے آئی پی ایل 2025ء کے ایک اہم مقابلے میں پنجاب کنگز کے خلاف بہترین کھیل پیش کرتے ہوئے ایک نیا اور تاریخی ریکارڈ اپنے نام کر لیا۔

    کوہلی نے میچ میں ناقابلِ شکست 73 رنز 54 گیندوں پر بنائے اور اپنی ٹیم کی جیت میں بنیادی کردارادا کیا۔

    کوہلی نے آئی پی ایل میں 59 ویں نصف سنچری اسکور کی اور مجموعی طور پر یہ ان کی 67 ویں ففٹی یا اس سے زیادہ رنز کی اننگز تھی۔

    کوہلی اس کارکردگی کے بعد ڈیوڈ وارنر کو پیچھے چھوڑتے ہوئے آئی پی ایل کی تاریخ میں سب سے زیادہ 50 پلس اسکور بنانے والے کھلاڑی بن گئے، ان کے ریکارڈ میں اب 59 ففٹیز اور 8 سنچریاں شامل ہیں۔

    پنجاب کنگز نے 158 رنز کا ہدف دیا تھا، جس کا تعاقب کرتے ہوئے کوہلی اور دیودت پڈیگل نے شاندار بیٹنگ کی، دونوں نے پہلی وکٹ کی شراکت میں 103 رنز بنائے، جس نے آر سی بی کی جیت کی بنیاد رکھ دی، پڈیگل نے 35 گیندوں پر 61 رنز کی جارحانہ اننگز کھیلی۔

    واضح رہے اس سے قبل آئی پی ایل میں رائل چیلنجرز بنگلورو کو پنجاب کنگز کے ہاتھوں عبرتناک شکست کا سامنا کرنا پڑا تھا، اس میچ کو 14، 14 اوورز تک محدود کیا گیا تھا آر سی بی کی ٹیم پہلے کھیلتے ہوئے 9 وکٹوں پر صرف 95 رنز بنا سکی، کوہلی اور دیگر بیٹرز جادو جگانے میں ناکام رہے تھے۔

    اسلام آباد یونائیٹڈ نے کراچی کنگز کو زیر کر دیا

    ہدف کے تعاقب میں پنجاب کنگز نے 13ویں اوور کی پہلی بال پر 5 وکٹوں کے نقصان پر 98 رنز بناکر آر سی بی کے خلاف میچ باآسانی جیت لیا تھا۔

  • کراچی کنگز کے کپتان ڈیوڈ وارنر پی ایس ایل 10 ٹرافی جیتنے کیلیے پر عزم

    کراچی کنگز کے کپتان ڈیوڈ وارنر پی ایس ایل 10 ٹرافی جیتنے کیلیے پر عزم

    پاکستان سپر لیگ کی مقبول ترین ٹیم کراچی کنگز کے کپتان ڈیوڈ وارنر نے رواں پی ایس ایل 10 کی ٹرافی جیتنے کے عزم کا اظہار کیا ہے۔

    پاکستان سپر لیگ 10 کے سنسنی خیز مقابلے جاری ہیں اور لیگ کی مقبول ترین ٹیم کراچی کنگز دو میچز جیت کر ایونٹ جیتنے کیلیے فیورٹس ٹیم میں شمار کی جا رہی ہے۔

    کراچی کنگز کے کپتان عالمی شہرت یافتہ کرکٹر ڈیوڈ وارنر بھی پی ایس ایل 10 کی ٹرافی اٹھانے کے لیے پر عزم ہیں اور ان کا کہنا ہے کہ کوشش ہے کہ زیادہ سے زیادہ میچز جیت کر فائنل میں پہنچیں اور پھر فائنل جیت کر ٹرافی بھی جیتیں۔

    ڈیوڈ وارنر نے کہا کہ میری کوشش ہوتی ہے کہ گراؤنڈ میں اچھی کارکردگی دکھا کر وہ کھلاڑیوں بنوں جس سے ٹیم کے دوسرے کھلاڑیوں کو اعتماد ملے۔

    انہوں نے کرکٹ شائقین کو مخاطب کرتے ہوئے کہا کہ فینز اسٹیڈیم آئیں، ٹیم کو سپورٹ کریں اور میچز کو انجوائے کریں۔

    واضح رہے کہ کراچی کنگز ابتدائی تین میچز میں سے دو میچ جیت کر پوائنٹ ٹیبل پر تیسرے نمبر پر موجود ہے۔

    کراچی کنگز نے پی ایس ایل کے رواں سیزن کا آغاز فتح سے کیا اور ابتدائی میچ میں ملتان سلطانز کو چار وکٹوں سے شکست دی تھی۔ دوسرے میچ میں لاہور قلندرز سے ہارنے کے بعد کراچی کے شیروں نے تیسرے میچ میں شاندار کم بیک کرتے ہوئے کوئٹہ گلیڈیئٹرز کو 56 رنزسے ہرایا تھا۔

    کراچی کنگز آج اپنا چوتھا میچ دفاعی چیمپئن اسلام آباد یوئیٹڈ کے خلاف نیشنل اسٹیڈیم میں کھیلے گی۔ میچ رات 8 بجے شروع ہوگا۔

    واضح رہے کہ پاکستان سپر لیگ 10 کے تمام میچز پاکستان کے سب سے پہلے ایچ ڈی اسپورٹس چینل اے اسپورٹس پر براہ راست نشر کیے جا رہے ہیں۔

    https://urdu.arynews.tv/los-angeles-olympics-2028-cricket-matches-venues-announced/

  • آج کا میچ جیتا جا سکتا تھا، مگر کیسے؟ کپتان کراچی کنگز ڈیوڈ وارنر نے بتا دیا (ویڈیو)

    آج کا میچ جیتا جا سکتا تھا، مگر کیسے؟ کپتان کراچی کنگز ڈیوڈ وارنر نے بتا دیا (ویڈیو)

    کراچی: کپتان کراچی کنگز ڈیوڈ وارنر نے لاہور قلندرز کے خلاف میچ ہارنے کے بعد کہا کہ آج کی رات خاصی ٹف رہی، تاہم میچ جیتا جا سکتا تھا۔

    آسٹریلوی کرکٹر اور پی ایس ایل 10 میں کراچی کنگز کے کپتان ڈیوڈ وارنر نے کراچی نیشنل اسٹیڈیم میں کھیلے جانے والے چھٹے میچ کے بارے میں کہا میں پاور پلے میں وکٹیں گنوانا ہارنے کی وجہ سمجھتا ہوں۔

    انھوں نے کہا آج کی رات ہمارے لیے ٹف رہی، پاور پلے میں ہم نے ابتدائی وکٹیں گنوائیں، لیکن یہی وقت ہوتا ہے جب آپ کھیل پر اپنی پکڑ برقرار رکھنے کی جدوجہد کرتے ہیں، کیوں کہ آپ بہت زیادہ پیچھے نہیں رہنا چاہتے۔

    ڈیوڈ وارنر نے کہا اگر بولنگ میں خرابی ہے تو اچھی بات یہ تھی کہ ہمارے کچھ بیٹسمین فارم میں آ گئے ہیں، فیلڈنگ میں تھوڑی بہتری لانے کی ضرورت ہے۔

    انھوں نے کہا ہمیں لگا تھا گراؤنڈ میں زیادہ اوس پڑے گی، میں سمجھتا ہوں 200 رنز کا ہدف حاصل کیا جا سکتا تھا، اگر کیچ نہ چھوڑتے اور بہتر بولنگ کرتے تو اتنا ہدف نہ ملتا، لیکن وہی بات کہ پاور پلے میں ہم نے ابتدائی وکٹیں گنوائیں، جس کے نقصان سے نہیں بچا جا سکتا تھا۔

    پی ایس ایل 10:  لاہور قلندرز نے کراچی کنگز کو شکست دے دی

    کراچی کے حوالے سے ڈیوڈ وارنر نے کہا کہ انھیں یہاں وقت گزارنا بہت زیادہ پسند ہے، ٹیسٹ سیریز کے سلسلے میں جب وہ یہاں آئے تھے تو تب مداحوں سے نہیں مل سکتے تھے، لیکن اب یہ سب زبردست ہے۔

    واضح رہے کہ پی ایس ایل 10 کے چھٹے میچ میں گزشتہ رات لاہور قلندرز نے کراچی کنگز کے خلاف 65 رنز سے کامیابی حاصل کر لی ہے، کراچی کنگز کی ٹیم 202 رنز کے تعاقب میں 136 رنز پر آؤٹ ہوئی، خوشدل شاہ نے 39 اور حسن علی نے 27 رنز بنائے، شان مسعود اور ٹم سائفرٹ 18،18 رنز اسکور کر سکے، جب کہ رشاد حسین اور شاہین آفریدی نے 3،3 وکٹیں حاصل کیں۔

    لاہور قلندرز نے پہلے کھیل کر 6 وکٹوں پر 201 رنز بنائے تھے، فخر زمان 45 گیندوں پر 76 رنز بنا کر ٹاپ اسکورر رہے، ڈیرل مچل نے 41 گیندوں پر 75 رنز کی اننگز کھیلی، سیم بلنگز 19، محمد نعیم 7 اور عبداللہ شفیق 6 رنز بنا سکے، نائب کپتان حسن علی نے 28 رنز دے کر 4 کھلاڑی آؤٹ کیے۔

  • کراچی کنگز پی ایس ایل کی سب سے مضبوط ٹیم ہے، ڈیوڈ وارنر

    کراچی کنگز پی ایس ایل کی سب سے مضبوط ٹیم ہے، ڈیوڈ وارنر

    پی ایس ایل 10 میں کراچی کنگز کے کپتان ڈیوڈ وارنر کا کہنا ہے کہ ہماری ٹیم پی ایس ایل کی سب سے مضبوط ٹیم ہے۔

    اے آر وائی نیوز کی پی ایس ایل ٹرانسمیشن میں گفتگو کرتے ہوئے کپتان ڈیوڈ وارنر نے کہا کہ کنگز کے تمام کھلاڑیوں کا ہدف ٹرافی جیتنا ہے، سلمان اقبال سے ملا وہ بہترین شخص ہیں، ان کا جوش و جذبہ ٹیم کو بہت سپورٹ کرتا ہے۔

    انہوں نے کہا کہ پاکستان سے زیادہ فاسٹ بولرز کہیں دیکھنے کو نہیں ملتے۔

    ڈیوڈ وارنر نے کہا کہ ہمارے پاس بہترین کھلاڑی ہیں بس کمبی نیشن تیار کرنا ہے، ٹورنامنٹ میں کونسی ٹیم بہترین رہے گی اس کا فیصلہ پرفارمنس کرے گی۔

    PSL 10- پی ایس ایل کی تمام خبریں

    کراچی کنگز کے کپتان نے کہا کہ ہم بطور کرکٹر ایک ایک میچ کے مطابق پلاننگ کرتے ہیں، کھیل میں کبھی نتائج اچھے آتے ہیں کبھی نہیں آتے، ہمارے لیے ایک وقت میں ایک میچ پر توجہ دینا زیادہ ضروری ہے۔

    انہوں نے کہا کہ ہر کوئی ٹرافی جیتنا چاہتا ہے بس درست سمت میں چلنے کی ضرورت ہے، میں انفرادی کارکردگی نہیں ٹیم کی کارکردگی کو دیکھتا ہوں۔

    ڈیوڈ وارنر نے مزید کہا کہ سنچری بناتا ہوں یا نہیں یہ معنی نہیں رکھتا ٹیم کی جیت اہم ہے۔

    واضح رہے کہ پی ایس ایل 10 میں کراچی کنگز اور لاہور قلندرز کی ٹیمیں آج رات 8 بجے مدمقابل آئیں گی، کراچی کنگز نے پہلے میچ میں سنسنی خیز مقابلے کے بعد ملتان سلطانز کو شکست دی تھی۔

  • کراچی کنگز کے کپتان ڈیوڈ وارنر کا پہلی فتح پر بیان

    کراچی کنگز کے کپتان ڈیوڈ وارنر کا پہلی فتح پر بیان

    کراچی کنگز کے کپتان ڈیوڈ وارنر نے کہا ہے کہ ہم نے پہلے ہی کہا تھا کہ میچ میں خاص حکمت عملی اپنائیں گے۔

    میچ کے بعد میڈیا سے گفتگو کرتے ہوئے ان کا کہنا تھا کہ ہم پہلے ہی کہ دیا تھا ہم ہار نہ ماننے والی حکمت عملی کے تحت کھیلیں گے۔

    ڈیوڈ وارنر نے کہا کہ یہی پیغام دیا تھا کہ وکٹیں بھی گریں تو رنز بناتے رہنا ہے، تاہم ہم  نے مخالف ٹیم کو تھوڑے زیادہ ایکسٹرا رنز دے دیے تھے۔

    ایک سوال کے جواب میں کپتان کراچی کنگز نے کہا کہ جیمز ونس اور خوشدل شاہ نے زبردست شراکت بنائی، جیمز اور خوشدل شاہ آؤٹ ہوئے تو نیچے آنے والوں نے کھیل میں اپنی پوری ذمہ داری دکھائی۔

    اس موقع پر جیمز ونس کا کہنا تھا کہ ہدف کا تعاقب آسان تو نہیں تھا مگر پچ بہت اچھی تھی، ہماری کوشش تھی کہ رنز بناتے جائیں اور رن ریٹ قابو میں رکھیں۔

    جیمز ونس نے کہا کہ باؤنڈری کی جب ضرورت تھی ہم لگانے میں کامیاب ہوئے، خود میچ فنش کرتا تو زیادہ اچھا ہوتا، بدقسمتی سے رن آؤٹ ہوگیا۔

    عرفات منہاس نے کہا کہ ایونٹ کا پہلا میچ ہر کسی کیلئے اہمیت رکھتا ہے، پہلی جیت سے ہمارے کھلاڑیوں کا مورال بلند ہوا ہے۔

    انہوں نے کہا کہ ڈیوڈ وارنر اور جیمز ونس جیسے کھلاڑیوں کے ساتھ کھیلنے کا اچھا تجربہ رہا، ہماری ٹیم کا کوئی خاص پلان نہیں تھا، مینجمنٹ نے مجھ پر بھروسہ کیا۔

    عرفات منہاس نے اعتراف کیا کہ ہماری طرف سے فیلڈنگ میں غلطیاں ہوئیں، جیت کا کریڈٹ جیمز ونس کو جاتا ہے، کوشش ہے کہ اگلے میچ میں بھی اچھا پرفارم کریں۔

    مزید پڑھیں : کراچی کنگز کی پہلی شاندار فتح، پی ایس ایل کی تاریخ کا تیسرا بڑا ہدف

    یاد رہے کہ کراچی کنگز نے پاکستان سپر لیگ 10 کے اپنے پہلے مقابلے میں ملتان سلطانز کےخلاف شاندار کھیل کا مظاہرہ کرتے ہوئے فتح حاصل کرلی۔

    ایچ بی ایل پی ایس ایل10 میں کراچی کنگز نے فاتحانہ شروعات کی، کراچی کنگز نے ملتان سلطانز کو4 وکٹوں سے شکست دیدی، کراچی کنگز نے پی ایس ایل کی تاریخ کا تیسرا بڑا ہدف حاصل کرلیا۔

    فاتح ٹیم کراچی کنگز کے بیٹر جیمز ونس اور خوشدل شاہ نے بڑے ہدف کے تعاقب میں ملتان سلطانز کےخلاف شاندار بیٹنگ کرتے ہوئے فتح میں اہم کردار ادا کیا۔

  • کراچی کنگز میں ٹیلنٹ کی کمی نہیں، پہلا مقصد ملتان سلطانز کو ہرانا ہے، ڈیوڈ وارنر

    کراچی کنگز میں ٹیلنٹ کی کمی نہیں، پہلا مقصد ملتان سلطانز کو ہرانا ہے، ڈیوڈ وارنر

    کراچی کنگز کے کپتان ڈیوڈ وارنر کا کہنا ہے کہ ٹیم میں ٹیلنٹ کی کمی نہیں، ہمارا پہلا مقصد ملتان سلطانز کو ہرانا ہے۔

    کراچی میں میڈیا سے گفتگو کرتے ہوئے کپتان ڈیوڈ وارنر نے کہا کہ ہماری ٹیم کوالٹی کھلاڑیوں پر مشتمل ہے، ہم مرحلہ وار آگے بڑھنا چاہتے ہیں، گرم موسم میں ہمارے سیشنز ہوئے ہیں، آسٹریلیا جیسی گراسی وکٹ ملی ہے۔

     انہوں نے کہا کہ پی ایس ایل میں آنا میرے لیے خوش آئند ہے، مثبت سوچ کے ساتھ کرکٹ کھیلنے کا ارادہ رکھتے ہیں، ٹیم کا ماحول بہت اچھا ہے، ٹورنامنٹ انجوائے کرنا چاہتے ہیں۔

    PSL 10- پی ایس ایل  کی تمام خبریں

    انہوں نے کہا کہ ہر میچ کی پچ کنڈیشنز دیکھ کر پلیئنگ الیون میں تبدیلیاں کرتے رہیں گے۔

    واضح رہے کہ پی ایس ایل سیزن 10 میں کل کراچی کنگز اور ملتان سلطانز کی ٹیمیں نیشنل بینک اسٹیڈیم میں مدمقابل ہوں گی۔

    یہ پڑھیں: ’مجھ سے انگریزی کی ڈیمانڈ ہے تو کرکٹ چھوڑ کر پروفیسر بن جاؤں

    دوسری جانب سلطانز کے کپتان محمد رضوان نے کہا کہ شائقین سے صرف درخواست کی جاسکتی ہے کہ یہ پی ایس ایل ہے انٹرنیشنل ٹورنامنٹ اور پاکستان برینڈ میں فرق رکھیں پاکستان سپرلیگ ایسا پلیٹ فارم جس میں سب اکھٹا ہوجاتے ہیں۔

    انہوں نے کہا کہ شائقین کا غصہ بھی جائز ہے کیونکہ ہم عالمی سطح پر اچھا پرفارم نہ کر سکے ہماری ٹیم بہت محنت کرتی ہے، ہم پروفیشنل لیول پر شاید غلطیاں کر دیتے ہیں یقین ہے کہ پی ایس ایل کے بعد پاکستان کی کرکٹ بدلی دکھائی دے گی۔

    رضوان نے کہا کہ کراچی کنگز کی بیٹنگ بہت اچھی ہے دنیائے کرکٹ کے بڑے نام کراچی کنگز کیساتھ ہے پلئینگ الیون صورتحال کے مطابق کھیلے وہی کامیاب رہتی ہے فی الحال کراچی کنگز کیخلاف کوئی پلاننگ نہیں کی ہے، پچ کو دیکھ کر حتمی پلاننگ کریں گے ہمارے لیے ہر میچ اہمیت رکھتا ہے۔

    ان کا کہنا تھا کہ میرے الفاظ پر کوئی مزاق بنائے مجھے فرق نہیں پڑتا کیونکہ مجھے انگریزی زبان نہیں آتی ہے میری ڈیمانڈ انگریزی بولنا نہیں بلکہ اچھی کرکٹ کھیلنا ہے افسوس ہے کہ اپنی تعلیم مکمل نہیں کرسکا ہوںاگر مجھ سے ڈیمانڈ صرف انگریزی کی ہے تو کرکٹ چھوڑ کر کہیں پروفیسر بن جاوں۔

  • کنگز کے کپتان ڈیوڈ وارنر نے کراچی کنگز کو جوائن کر لیا

    کنگز کے کپتان ڈیوڈ وارنر نے کراچی کنگز کو جوائن کر لیا

    کراچی: آسٹریلیا کے لیجنڈ کرکٹ ڈیوڈ وارنر نے اپچ بی ایل پی ایس ایل کی فرنچائز کراچی کنگز کو جوائن کر لیا۔

    اپچ بی ایل پی ایس ایل کی فرنچائز کراچی کنگز کے نئے کپتان ڈیوڈ وارنر کراچی پہنچ گئے، انہوں نے کراچی میں ٹیم کو جوائن کرلیا۔

    11 اپریل سے شروع ہونے والے ایونٹ کے لیے غیر ملکی پلیئرز کی آمد کا سلسلہ اب بھی جاری ہے، دوسری جانب کراچی کنگز کی ٹیم آج شام 5 بجے میں پریکٹس کرےگی۔

     

    View this post on Instagram

     

    A post shared by Karachi Kings (@karachikingsary)

    واضح رہے کہ گزشتہ روز افغانستان کرکٹ ٹیم کے سابق کپتان محمد نبی پاکستان سپر لیگ (پی ایس ایل) کے 10ویں ایڈیشن کے لیے کراچی کنگز میں شمولیت کے لیے منگل کو شہر پہنچے۔

    کراچی کنگز کی لائن اپ میں شامل نبی آئندہ ٹورنامنٹ کی تیاری کے سلسلے میں آج ٹیم کے پریکٹس سیشن میں حصہ لیں گے۔

    واضح رہےکہ پی ایس ایل 10 کا آغاز 11 اپریل سے ہونا ہے، ٹورنامنٹ کے افتتاحی میچ میں دفاعی چیمپئن اسلام آباد یونائیٹڈ کا مقابلہ راولپنڈی کرکٹ اسٹیڈیم میں دو مرتبہ کی فاتح لاہور قلندرز سے ہوگا جبکہ کراچی کے شیر  اپنے پہلے میچ میں ہفتےکو  ملتان سلطانز سے ٹکرائیں گے۔

    ٹورنامنٹ چار شہروں کراچی، لاہور، ملتان اور راولپنڈی میں کھیلا جائے گا جس کا فائنل 18 مئی کو لاہور کے قذافی اسٹیڈیم میں شیڈول ہے۔ پی ایس ایل 10 کا میلہ 37 دن تک جاری رہے گا جس میں مجموعی طور پر 34 میچز کھیلے جائیں گے۔