ARYNews.tv | Urdu – Har Lamha Bakhabar

Tag: ڈیگاری

  • بلوچستان میں مرد اور خاتون کے قتل کے ہولناک واقعے میں بڑی پیش رفت

    بلوچستان میں مرد اور خاتون کے قتل کے ہولناک واقعے میں بڑی پیش رفت

    کوئٹہ: ڈیگاری میں مرد اور خاتون کے قتل کے واقعے میں مقتولہ بانو کی والدہ نے ضمانت کی درخواست دائر کردی۔

    تفصیلات کے مطابق بلوچستان کے علاقے ڈیگاری میں مرد اور خاتون کے قتل کے ہولناک واقعے میں پیش رفت سامنے آئی ہے۔

    مقتولہ بانو بی بی کی والدہ گل بی بی نے ضمانت کی درخواست دائر کردی، جس پر انسداد دہشت گردی عدالت نے سماعت 5 اگست تک ملتوی کر دی ہے۔

    ذرائعنے بتایا کہ گل بی بی کو پولیس نے اس وقت گرفتار کیا تھا جب اس کا ویڈیو بیان سوشل میڈیا پر وائرل ہوا، گرفتاری کے بعد خاتون کو دو روزہ جسمانی ریمانڈ مکمل ہونے پر جیل منتقل کر دیا گیا تھا۔

    اس کیس میں گرفتار ایک اور اہم ملزم، سردار شیرباز ساتکزئی، کو کل عدالت میں دوبارہ پیش کیا جائے گا۔ شیرباز کو پہلے ہی انسداد دہشت گردی عدالت نے 10 روزہ جسمانی ریمانڈ پر ایس سی آئی (اسپیشل کرائم انویسٹی گیشن) کے حوالے کر رکھا ہے۔

    مزید پڑھیں : بلوچستان میں قتل کی گئی خاتون بانو کی والدہ گرفتار

    ذرائع کے مطابق واقعے میں ملوث دیگر ملزمان، جن میں مقتولہ کا بھائی جلال بھی شامل ہے، تاحال گرفتار نہیں ہو سکے۔ پولیس کی جانب سے ملزمان کی تلاش جاری ہے جبکہ کیس میں مزید گرفتاریاں متوقع ہیں۔

    یہ قتل کیس صوبے میں غیرت کے نام پر ہونے والے جرائم کی سنگینی کو ایک بار پھر اجاگر کرتا ہے، جس پر انسانی حقوق کے حلقوں کی جانب سے شدید تشویش کا اظہار کیا جا رہا ہے۔

  • کوئٹہ: ڈیگاری سانحہ میں نو کان کن جاں بحق، آپریشن ختم

    کوئٹہ: ڈیگاری سانحہ میں نو کان کن جاں بحق، آپریشن ختم

    کوئٹہ: ڈیگاری میں کوئلہ کان میں آپریشن مکمل کرلیا گیا، آخری مزدورکی لاش کان سے نکال لی گئی.

    ریسکیو حکام کے مطابق آپریشن کو مکمل کر لیا گیا ہے، بے ہوشی کی حالت میں نکالے جانے3 مزدوردم توڑ گئے.

    کان میں پھنسنے 8 مزدور آپریشن ہی کے دوران زندگی کی بازی ہار گئے تھے، صرف 2 کو زندہ بچایا جاسکا.

    دونوں بے ہوش مزدوروں کی حالت تشویشناک تھی، جنھیں فوری طور پر سول اسپتال پہنچا دیا گیا. البتہ کچھ دیر بعد ایک زخمی دم توڑ گیا.

    مزید پڑھیں: کوئٹہ: ڈیگاری میں کوئلے کی کان میں شارٹ سرکٹ سے آگ، 12 کان کن پھنس گئے

    بلوچستان کے دارالحکومت کوئٹہ سے تقریباً سات کلو میٹر دور ڈیگاری کے مقام پر کوئلے کی کان میں شارٹ سرکٹ سے آگ لگ گئی تھی، جس کے بعد کوئلے کی کان میں زہریلی گیس بھر گئی۔ ریسکیو آپریشن کے باوجود واقعے میں نو مزدور دم توڑ گئے.

    وزیر اعلیٰ کے احکامات

    وزیراعلیٰ بلوچستان جام کمال نے ڈیگاری کان حادثےکی تحقیقات کا حکم دے دیا ہے، محکمہ معدنیات کو3 دن میں رپورٹ پیش کرنے کی ہدایت کی گئی ہے.

    وزیر اعلیٰ جام کمال نے کہا ہے کہ کانوں میں حفاظتی اقدامات یقینی بنائے جائیں، حفاظتی اقدامات سے متعلق کان مالکان بھی ذمہ داریاں پوری کریں، تاکہ اس طرح کے نقصان سے بچا جاسکے.

  • کوئٹہ: ڈیگاری میں کوئلے کی کان میں شارٹ سرکٹ سے آگ، 12 کان کن پھنس گئے

    کوئٹہ: ڈیگاری میں کوئلے کی کان میں شارٹ سرکٹ سے آگ، 12 کان کن پھنس گئے

    کوئٹہ: ڈیگاری میں کوئلے کی کان میں شارٹ سرکٹ سے آگ لگ گئی، مائنز ریسکیو ذرایع کا کہنا ہے کہ کان میں 12 کان کن اندر پھنس گئے ہیں۔

    تفصیلات کے مطابق بلوچستان کے دارالحکومت کوئٹہ سے تقریباً سات کلو میٹر دور ڈیگاری کے مقام پر کوئلے کی کان میں شارٹ سرکٹ سے آگ لگ گئی، جس کے بعد کوئلے کی کان میں زہریلی گیس بھر گئی ہے۔

    مائنز ریسکیو ذرایع کا کہنا ہے کہ کان میں زہریلی گیس بھرنے سے 12 کان کن اندر پھنس گئے ہیں، کان کنوں کو نکالنے کے لیے ریسکیو آپریشن شروع کر دیا گیا ہے۔

    ریسکیو ذرایع کے مطابق ایک کان کن کو نکال لیا گیا ہے، دیگر 11 کو نکالنے کے لیے کوششیں جاری ہیں۔

    رواں سال جنوری میں بھی ڈیگاری کے علاقے میں کوئلہ کان میں زہریلی گیس بھرنے سے 2 مزدور جاں بحق اور 3 بے ہوش ہو گئے تھے۔

    جنوری ہی میں کوئٹہ، چمالنگ کے علاقے میں کوئلے کی کان میں دھماکا ہوا تھا جس کے باعث 4 کان کن جاں بحق اور ایک زخمی ہو گیا تھا، اس سے قبل کوئٹہ کے نواحی علاقے مارواڑ میں بھی کوئلے کی کان میں دھماکے کے نتیجے میں 4 مزدور جاں بحق ہوئے تھے۔

    بلوچستان میں کوئلے کی کانوں میں آئے روز افسوس ناک واقعات رو نما ہو رہے ہیں لیکن تا حال حکومت کی جانب سے ایسے واقعات کی روک تھام کے لیے عملی اقدامات نہیں اٹھائے گئے۔