Tag: ڈی آئی خان

ڈی آئی خان : درابن بائی پاس پر دہشت گردوں کی فائرنگ سے محکمہ ایکسائز کے اے ایس آئی سمیت دو اہلکار شہید ہوگئے۔

تفصیلات کے مطابق ڈیرہ اسماعیل خان میں ڈیرہ درابن بائی پاس پر دہشتگردی کے واقعے میں محکمہ ایکسائز کے اے ایس آئی سمیت دو اہلکار شہید جبکہ ہوٹل کا مالک زخمی ہوگیا۔

پولیس نے بتایا کہ واقعہ اس وقت پیش آیا جب اے ایس آئی ایکسائز پولیس اسٹیشن سائوتھ ریجن، سید علی شاہ اور امدادی رضاکار عابدین ڈیوٹی کے دوران ڈیرہ درابن روڈ پر ہاشم ہوٹل پر ناشتہ کرنے کے لیے رکے ہوئے تھے اور دیگر اسٹاف کا انتظار کر رہے تھے۔

حکام کا کہنا تھا کہ اس دوران دو نامعلوم مسلح دہشتگرد موٹرسائیکل پر آئے اور اندھا دھند فائرنگ کردی، جس سے دونوں اہلکار موقع پر جاں بحق ہوگئے جبکہ فائرنگ کی زد میں آکر ہاشم جو ہوٹل کا مالک ہے زخمی ہوگیا۔

ای ٹی او ایکسائز ڈیرہ فرید اللہ خان نے بتایا کہ واقعہ محکمہ ایکسائز کے عملے پر دہشتگردی کے حالیہ واقعات کا تسلسل ہے۔

پولیس نے علاقے کو گھیرے میں لے کر شواہد اکٹھے کر لیے ہیں جبکہ ملزمان کی تلاش کے لیے سرچ آپریشن شروع کردیا گیا ہے۔

ڈی آئی خان : خیبر پختونخوا کے ضلع ڈیرہ اسماعیل خان میں دو گروپوں کے درمیان جھڑپ میں چھ افراد قتل ہوگئے، واقعہ رشتہ داروں کے درمیان پرانے تنازع کی وجہ سے پیش آیا۔

تفصیلات کے مطابق خیبر پختونخوا کے ضلع ڈیرہ اسماعیل خان میں دو گروپوں میں تصادم ہوا ، جس کے نتیجے میں چھ افراد جاں بحق اور ایک زخمی ہوگیا۔

پولیس کا کہنا ہے واقعہ رشتہ داروں کے درمیان پرانے تنازع کی وجہ سے پیش آیا، جس کے نتیجے میں وانڈہ بیرون میں دونوں اطراف سے فائرنگ ہوئی تاہم لاشوں اورزخمیوں کو قریبی اسپتال منتقل کر دیا گیا ہے۔

جھڑپ کے دوران جاں بحق ہونے والوں میں ایک گروپ سے نقیب اللہ، شفیع اللہ ، نجیب اللہ ، جلال جبکہ دوسرے گروپ سے نوید اور جہانزیب جاں بحق ہوئے ہیں۔

مقامی انتظامیہ اور پولیس نے واقعے کی تحقیقات شروع کر دی ہیں، جبکہ علاقے میں امن و امان کی صورتحال کو کنٹرول کرنے کے لیے اضافی اقدامات کیے جا رہے ہیں۔

دوسری جانب نواب شاہ میں کیریا موری کے قریب یار محمد بھنگوار میں بھنگوار برادری کے پانچ افراد کو فائرنگ کر کے قتل کیا گیا۔

ایس ایس پی شبیر سیٹھار کا کہنا تھا جاں بحق ہونے والوں میں شہبازبھنگوار، رجب بھنگوار، قربان بھنگوار، تاج محمد بھنگوار اور فرمان بھنگوار شامل ہیں۔

واقعہ پرانی دشمنی کا شاخسانہ بتایا جارہا ہے اور جاں بحق ہونے والوں کو اسپتال منتقل کردیا گیا تاہم مزید تحقیقات کی جا رہی ہے۔

ڈی آئی خان : خیبرپختونخوا کے ضلع ڈیرہ اسماعیل خان میں نجی کمپنی کے 11 ملازمین کو اغوا کرلیا گیا۔

تفصیلات کے مطابق خیبرپختونخوا کے ضلع ڈیرہ اسماعیل خان(ڈی آئی خان) میں دو ماندہ پل کے قریب سے نجی کمپنی کے 11ملازمین کو اغوا کرلیا گیا۔

سی ٹی ڈی نے بتایا کہ نجی کمپنی کے 16 ملازمین دو گاڑیوں میں اسلام آباد سے کوئٹہ کے لئے سفر کررہے تھے کہ دو ماندہ پل کے قریب ملزمان نے انہیں اغوا کرلیا۔

اغواکی اطلاع پر کلاچی اور درابن میں بڑے پیمانے پرآپریشن کیاگیا ، اس دوران پولیس اوراغواکاروں کے درمیان فائرنگ کا تبادلہ ہوا۔

،ڈی پی او کا کہنا تھا کہ پولیس نے تعاقب کے بعد چھ ملازمین کو بازیاب کرالیا تاہم باقی کی تلاش کی جارہی ہے۔

ڈی پی او سجاداحمدصاحبزادہ نے کہا کہ مغوی جلد بحفاظت بازیاب کرالیں گے۔

مزید پڑھیں : سوئی گیس کے ملازمین کو اغوا کر لیا

یاد رہے مارچ میں یاد رہے جیکب آباد میں ڈاکوؤں نے سوئی گیس کے 3 ملازمین کو اغوا کر لیا تھا۔

پولیس کا کہنا تھا کہ ملازمین گیس کا وال چیک کرنے کیلئے گئے تھے جہاں ڈاکوؤں نے انھیں یرغمال بنا لیا تھا،، جن میں زاہدحسین ابڑو، انجینئر عبدالقیوم، گارڈ اصغر نوناری شامل ہیں۔

ڈی آئی خان : ڈیرہ اسماعیل خان (ڈی آئی خان) کی تحصیل کلاچی میں پولیس چیک پوسٹ پر حملہ کی کوشش ناکام بنادی گئی۔

تفصیلات کے مطابق ڈیرہ اسماعیل خان (ڈی آئی خان) کی تحصیل کلاچی میں رات گئے پولیس چیک پوسٹ پر حملہ ہوا۔

پولیس کا کہنا تھا کہ دہشت گردوں نے روڑی چیک پوسٹ کوچاروں طرف سے گھیرکرفائرنگ کی تاہم جوابی فائرنگ سے دہشت گرد فرار ہوگئے اور کوئی جانی ومالی نقصان نہیں ہوا۔

یاد رہے اس سے قبل بھی پولیس چوکیوں پر دہشت گردوں کے حملے کی کوشش ناکام بنائی گئی، خیبر پختونخواہ کے ضلع لکی مروت میں تھانہ غزنی اور تھانہ شہباز خیل پر دہشت گردوں کا حملہ ناکام بنایا گیا تھا ،پولیس کی بھرپور جوابی کارروائی پردہشت گرد فرار ہو گئے تھے۔

ضلع لکی مروت پولیس نے ہیبت علی خان شہید پولیس اسٹیشن درہ پیزو پر دہشت گردوں کا حملہ پسپا کیا تھا۔