ڈی آئی خان : درازندہ میں دہشت گردوں کے حملے میں ایڈیشنل ایس ایچ او دین محمد شیرانی شہید ہوگئے جبکہ تین دہشت گرد مارے گئے۔
تفصیلات کے مطابق ڈیرہ اسماعیل خان کی تحصیل درازندہ میں پولیس موبائل پر دہشت گردوں نے حملہ کردیا ، جس کے نتیجے میں ایڈیشنل ایس ایچ او دین محمدشیرانی شہید ہوگئے۔
پولیس کا کہنا تھا کہ حملے کے بعد مقابلے کے دوران تین دہشت گرد مارے گئے۔
یاد رہے 2 روز قبل ڈیرہ اسماعیل خان میں کلاچی کے علاقے میں پولیس گاڑی کے قریب دھماکا ہوا تھا ، جس کے نتیجے میں 5 اہلکار شہید اور 2 زخمی ہو گئے تھے۔
اس سے قبل پشین اور قلعہ سیف اللہ میں دھماکوں کے دو واقعات میں 29 افراد شہید اور درجنوں زخمی ہوئے تھے۔
ڈی آئی خان: گرہ حیات پولیس چیک پوسٹ پر دہشت گردوں کے حملے میں کھیتوں میں کام کرنیوالے 2 افراد جاں بحق اور 2 زخمی ہوگئے۔
تفصیلات کے مطابق خیبرپختونخواہ کے شہرڈیرہ اسماعیل خان میں گرہ حیات پولیس چیک پوسٹ پر دہشت گردوں نے حملہ کردیا ، فائرنگ سے کھیتوں میں کام کرنیوالے 2 افراد جاں بحق اور 2 زخمی ہوگئے۔
ریسکیو حکام کا کہنا ہے کہ زخمی افراد کو ڈی ایچ کیو ڈیرہ منتقل کر دیا گیا ہے۔
یاد رہے دو روز قبل خیبرپختونخوا کے ضلع خیبر کی تحصیل باڑہ میں پولیس چوکی پر دہشت گردوں نے حملہ کیا تھا ، جس پر خیبر پولیس نے جوابی کارروائی کی تو دہشت گرد فائرنگ کرتے ہوئے فرار ہوگئے تھے۔
دہشت گرد حملے میں دو پولیس اہلکار زخمی ہوگئے تھے جبکہ حملے کے دوران ایک پولیس کار بھی جل گئی تھی۔
ڈی آئی خان: ڈیرہ اسماعیل خان میں نجی کمپنی کی گاڑی پر دہشت گردوں کے حملے کے نتیجے میں 2 ملازم سمیت پروجیکٹ کی سیکیورٹی پرمامورسپاہی شہید ہوگیا۔
تفصیلات کے مطابق پاک فوج کے شعبۂ تعلقاتِ عامہ (آئی ایس پی آر) کی جانب سے بیان میں کہا گیا ہے کہ ڈی آئی خان کے علاقے درازندہ میں نجی کمپنی کی گاڑی پر دہشت گردوں نے فائرنگ کردی۔
آئی ایس پی آر کا کہنا تھا کہ فائرنگ کے نتیجے میں کمپنی کےملازم محمدفیصل اورآصف کامران شہید ہوگئے جبکہ پروجیکٹ کی سیکیورٹی پرمامورسپاہی محمدشاہین شاہ بھی شہید ہوا۔
سکیورٹی فورسز کا علاقے میں ممکنہ دہشت گردوں کے خاتمے کیلئے کلیرنس آپریشن جاری ہے ، آئی ایس پی آر کا کہنا ہے کہ سیکیورٹی فورسز دہشت گردی کی لعنت کے خاتمے کے لیے پرعزم ہیں اور علاقےکی ترقی وخوشحالی کیلئےتعاون جاری رکھیں گی۔
گذشتہ ہفتے بھی ڈیرہ اسماعیل خان میں درہ زندہ کے علاقے میں آئل گیس کمپنی پر دہشت گردوں نے حملہ کیا تھا ، حملے میں ڈیوٹی پر مامور 2 پولیس اہلکار شہید اور 3 زخمی ہو گئے تھے۔
پشاور: سی ٹی ڈی نے انتہائی مطلوب دہشت گردوں کی نئی فہرست جاری کر دی، جس میں موجود بیشتر دہشت گردوں کا تعلق ڈیرہ اسماعیل خان سے بتائی گئی ہے۔
تفصیلات کے مطابق سی ٹی ڈی نے انتہائی مطلوب دہشت گردوں کی نئی فہرست جاری کر دی ہے، فہرست میں مجموعی طور پر 135 دہشت گردوں کے نام اور تصاویر شامل کیے گئے ہیں۔
سی ٹی ڈی نے دہشت گردوں کی گرفتاری کے لیے عوام سے مدد کی اپیل بھی کر دی ہے، اور فہرست میں دہشت گردوں کے سروں کی قیمت بھی مقرر کی گئی ہے، مجموعی طور پر دہشت گردوں کے سروں کی قیمت 50 کروڑ سے زائد رکھی گئی ہے۔
فہرست میں شامل 2 دہشت گردوں کا تعلق افغانستان سے ہے، جب کہ بیش تر دہشت گردوں کا تعلق ڈی آئی خان سے ہے۔
ڈی آئی خان : جمیعت علماء اسلام ف کے سربراہ مولانا فضل الرحمان نے کہا ہے کہ پاکستان کا ہم سے زیادہ وفادار اور خیر خواہ کوئی نہیں ہوسکتا، حکومت گرانے کیلئے آخری وار کرنا ہے۔
ان خیالات کا اظہار انہوں نے ڈی آئی خان میں میڈیا سے گفتگو کرتے ہوئے کیا، انہوں نے کہا کہ دہشت گردی کے خلاف جنگ کا بیانیہ فرسودہ ہوچکا ہے، ریاست کو نیا بیانیہ اختیار کرنا ہوگا، ہماری ریاست کوبھی اپنی سمت درست کرنا ہوگی۔
مولانا فضل الرحمان نے کہا کہ دہشت گردی کے نام پر بنائے کھیل میں اسٹیبلشمنٹ اس کا حصہ رہی، جعلی اور نااہل حکومت کسی صورت قبول نہیں کریں گے، بےحیائی اور بےراہ روی کی تبدیلی کو تسلیم نہیں کرتے۔
ان کا مزید کہنا تھا کہ نئے جوش اور ولولے سےمیدان میں اترنا ہوگا، ہمارے ملین مارچ عوامی سمندر تھے، اب صرف آگے نہیں بڑھنا حکومت پر آخری وار کرنا ہے۔
جمیعت علماء اسلام ف کے سربراہ نے کہا کہ ہم سے زیادہ ملک کا وفادار کوئی نہیں ہوسکتا، ملک کے خیرخواہ ہیں، جعلسازی اور دھاندلی سے بنائی گئی حکومت کو گھربھیج دینا چاہیے۔
ڈی آئی خان: ڈیرہ اسمعیل خان میں وفاقی تحقیقاتی ادارے نے سائبر کرائم ایکٹ کے تحت شہر کا پہلا مقدمہ درج کرلیا، مقدمہ بیوی کی درخواست پر شوہر کے خلاف درج کیا گیا ہے۔
تفصیلات کے مطابق وفاقی تحقیقاتی ادارے ایف آئی اے کے سائبر کرائم ونگ نے خاتون کی شکایت پر اس کے شوہر کو حراست میں لیا ، ڈیرہ اسماعیل خان سائبر سرکل نے الیکٹرانک جرائم کی روک تھام کے لئے بنائے گئے پی آئی سی اے ایکٹ 2016 کے تحت سوشل میڈیا پر ہراسانی اور بے جا تنگ کرنے کے خلاف پہلی ایف آئی آر درج کر کے ملزم کو گرفتار کیا ہے۔
ذرائع کے مطابق امتیاز الحسن نامی شہری کے خلاف اس کی بیوی نے فیس بک پر ہراسانی اور دھمکیوں کی شکایت درج کرائی تھی ،جس پر سائبر ونگ نے پی پی سی کی دفعات 506 اور 509 کے تحت ایف آئی آر نمبر 1/2018 درج کر کے پولیس اہلکار کو گرفتار کر لیا ۔
ملزم سبط الحسن ہیڈ کانسٹیبل ہے اور بطور نیب کورٹ ایڈیشنل سیشن جج 1 ڈیرہ کی عدالت میں تعینات ہے، انچارج سائبر کرائم تھانہ کا کہنا ہے کہ متاثرہ شہریوں کی کرائم کے حوالے سے درخواستوں کی تعداد جتنی مرضی ہو ،ان کا ازالہ کرنا ہمارے فرائض میں شامل ہے ۔
انہوں نے مزید کہا کہ ملزمان کا قلع قمع کرنا ہمارے فرائض منصبی میں شامل ہے اور یہ کہ والدین اپنے بچوں خصوصا نوجوانوں کو سوشل میڈیا کے ذمہ دارانہ استعمال بارے آگاہ کریں تاکہ مستقبل میں کسی بھی پریشانی سے بچاؤ ممکن ہو۔
ڈی آئی خان: متحدہ مجلس عمل کے صدر اور جمعیت علمائے اسلام (ف) کے سربراہ مولانا فضل الرحمان نے کہا ہے کہ ملک میں بے حیائی کے کلچر کو فروغ دیا جارہا ہے۔
ان خیالات کا اظہار انہوں نے ڈی آئی خان میں جلسہ عام سے خطاب کرتے ہوئے کیا، مولانا فضل الرحمان نے کہا کہ ختم نبوت کے تحفظ کے علمبردار ہم ہی ہیں، حکومت کرنے والی قوتیں ہمارے نظریے کو نظر انداز کرتی ہیں۔
انہوں نے کہا کہ ختم نبوت کے قانون میں تبدیلی کا چور پکڑا جاچکا ہے، ختم نبوت کا چور جب پکڑا گیا تو خاموشی اختیار کرلی گئی، تہذٰیب پر حملہ کرکے قوم کو بیرونی قوتوں کا غلام بنایا جارہا ہے۔
مولانا فضل الرحمان نے کہا کہ عوام نے ووٹ کی پرچی سے یہ جنگ جیتنی ہے، ایم ایم اے کا مقابلہ مذہب کی مداخلت کو ختم کرنے والوں کے خلاف ہے، اگر تحریک انصاف کی حکومت آئی تو ملک میں اسلام نہیں رہے گا۔
انہوں نے کہا کہ متحدہ مجلس عمل میں اتحاد ہے جبکہ دیگر جماعتوں میں ٹکٹوں کی تقسیم پر مسئلہ بنا، مینڈیٹ ملنے کے بعد اتحاد کا فیصلہ کیا جائے گا۔
مولانا فضل الرحمان نے کہا کہ پوری قوم پر بڑی ذمہ داری عائد ہوگئی ہے کہ انہوں نے انتخابات میں مستقبل کا فیصلہ کرنا ہے، ایم ایم اے کا کوئی امیدوار کرپٹ نہیں ہے بلکہ ہمارے امیدوار دیانت دار اور امانت دار ہیں۔
ان کا کہنا تھا کہ ایم ایم اے حکومت میں آئی تو ملک سے کرپشن ختم ہوجائے گی، مخصوص طبقہ ملک کے اسلامی تشخص کی راہ میں بڑی رکاوٹ ہے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
ڈی آئی خان : ڈیرہ اسماعیل خان میں نقیب اللہ محسود کے قریبی دوست آفتاب محسود کی گولیوں سے چھلنی لاش برآمد ہوئی ہے۔
تفصیلات کے مطابق نقیب اللہ محسود کے ماورائے عدالت قتل کے خلاف وفاقی دارالحکومت اسلام آباد میں ہونے والے دھرنے میں متحرک نوجوان آفتاب محسود کی گولیوں سے چھلنی لاش ڈئی آئی خان میں ایک زیرِ تعمیر گھر سے برآمد ہوئی۔
پولیس کے مطابق آفتاب محسود کو4 گولیاں ماری گئی ہیں جن میں 3 سینے جبکہ ایک گولی بازو میں لگی ہے۔
آفتاب محسود ڈیرہ اسماعیل خان کی گومل یونیورسٹی کا طالب علم تھا اور وفاق کے زیرانتظام قبائلی علاقے فاٹا کی ایجنسی جنوبی وزیرستان کے علاقے مکین کا رہائشی تھا۔
ڈیرہ اسماعیل خان کی پولیس نے نامعلوم افراد کے خلاف آفتاب محسود کے قتل کا مقدمہ درج کرلیا ہے۔
خیال رہے کہ گزشتہ روز نقیب اللہ کیس میں نامزد ملزمان کو مدد فراہم کرنے والے سہولت کار کو گرفتار کرلیا گیا تھا، سابق پولیس اہلکار نے ملزمان کو فرار کرانے میں مدد فراہم کی تھی۔
یاد رہے کہ سابق ایس ایس پی ملیر راؤ انوار نے نوجوان نقیب اللہ محسود کو لطیف ٹاؤن میں مقابلے میں ہلاک کرنے کا دعوی کیا تھا اور اس کا تعلق تحریک طالبان سے بتایا تھا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
ڈی آئی خان : جامعہ پنجاب کے بعد ڈی آئی خان کی گومل یونیورسٹی میں بھی دو طلباء تنظیموں میں تصادم ہوگیا۔ پولیس کی بھاری نفری یونیورسٹی میں تعینات کردی گئی، کشیدگی کے بعد تعلیمی نمائش بھی شدید متاثر ہوئی۔
تفصیلات کے مطابق گزشتہ روز پنجاب یونیورسٹی میں ہونے والے طلباء کے تصادم کے بعد ڈی آئی خان کی گومل یونیورسٹی میں بھی طلبا تنظیمیں آمنے سامنے آگئیں۔ ایک طلباء تنظیم کی تعلیمی نمائش کے موقع پر جھگڑا ہوگیا۔ جس کیخلاف طلبا تنظیم نے ریلی نکالی اور خوب نعرے بازی کی۔
صورتحال کشیدہ ہوئی تو پولیس کو طلب کرلیا گیا، پولیس کی بھاری نفری نے موقع پر پہنچ کر صورتحال پر قابو پایا۔ ضلعی انتظامیہ کے نمائندے بھی گومل یونیورسٹی پہنچے اور طلبا تنظیموں کو پر امن رہنے کی تلقین کی۔
پنجاب یونیورسٹی میں دوسرے روز بھی کشیدگی برقرار
دریں اثناء پنجاب یونیورسٹی میں آج دوسرے روز بھی صورتحال کشیدہ رہی، طلبہ تنظیم کی ریلیوں کو روکنے کے لئے جہاں پولیس کی بھاری نفری یونیورسٹی میں موجود رہی وہیں میڈیا کو بھی کوریج سے روک دیا گیا۔
گزشتہ روز جامعہ پنجاب میں ہونے والے دو طلبہ تنظیموں کے جھگڑے کے اثرات آج دوسرے روز بھی نظر آئےاور کشیدگی برقرار رہی۔ سوشیالوجی ڈیپارٹمنٹ کے سامنے طلبہ تنظیم کی ریلی کو روکنے کے لئے پولیس کی بھاری نفری تعینات رہی۔
ڈنڈا بردار فورس، آنسو گیس کے شیل، قیدیوں کی وین اور واٹر کینن بھی طلب کرلئے گئے۔ واقعے کے بعد احتجاج کرنے والے طلبہ آپس میں ہی لڑ پڑے۔
پنجاب یونیورسٹی میں میڈیا سے گفتگو کرتے ہوئے ڈی آئی جی آپریشنز ڈاکٹر حیدر اشرف کا کہنا تھا کہ امن و امان کو ہر صورت برقرار رکھا جائے گا۔ یونیورسٹی میں کشیدہ صورتحال کے باعث بس سروس معطل رہی تو وہیں حاضری بھی معمول سے کم رہی۔
